ՀՀ երրորդ նախագահ Սերժ Սարգսյանը «Իմնեմնիմի» փոդքասթի ժամամակ նշել է, որ 44-օրյա պատերազմի առաջին պատճառը բանակցային գործընթացից խուսափելն էր և ընդհանրապես հրաժարվելը. 

«Երկրորդ պատճառն էլ այն էր, որ բանակցողներն անհասկանալի տարբերակ առաջարկեցին, ինչը բերեց նրան, որ բանակցային պրոցեսը դադարեց: Տեղի ունեցան այնպիսի գործողություններ, որոնք հնարավորություն տվեցին Ադրբեջանին արդարացնել պատերազմ սկսելու նախաձեռնությունը։ Ադրբեջանի և Թուրքիայի հետախուզությունները շատ լավ տիրապետում էին մեր բանակում առկա իրավիճակին և տեսնում էին, որ մեր բանակի մարտունակությունը բավական ընկել էր»,-ասել է երրորդ նախագահը: 

Նրա խոսքով՝ պատերազմն անխուսափելի չէր, բայց նման արդյունքը մինչև 2018 թվականը կանխատեսելի չէր: