Եմենի «Անսար Ալլահ» (հութիներ) շարժման ուժերը Երուսաղեմում թիրախների են հարվածել «Պաղեստին-2» հիպերձայնային բալիստիկ հրթիռով՝ բաժանվող գլխամասով: Այս մասին, ինչպես փոխանցում է ՌԻԱ Նովոստին, հայտարարել է շարժումը։

«Եմենի զինված ուժերի հրթիռային ուժերը բարձրակարգ ռազմական գործողություն են իրականացրել՝ օգտագործելով «Պաղեստին-2» հիպերձայնային բալիստիկ հրթիռ՝ բաժանվող գլխամասով, և խոցել են մի քանի զգայուն թիրախներ Երուսաղեմի օկուպացված տարածքում։ Գործողությունը հաջողությամբ հասել է իր առջև դրված նպատակներին», - ասվում է հայտարարության մեջ։

Նշենք, որ հութիները նախկինում, այդ թվում՝ Իսրայելում գտնվող թիրախների դեմ, արդեն օգտագործել են «Պաղեստին-2» հրթիռներ՝ պնդելով, որ հրթիռները թափանցել են ՀՕՊ համակարգեր և հասել զգայուն թիրախների։