Թբիլիսիում ցուցարարները փակել են Ռուսթավելի պողոտան և Ազատության հրապարակը
Վրաստանի մայրաքաղաք Թբիլիսիի Ռուսթավելի պողոտայում տեղական ինքնակառավարման մարմինների ընտրությունների օրը բողոքի ակցիա է տեղի ունենում, հաղորդում է «Ինտերպրես Նյուզ»-ը։
Ուսանողական երթը մեկնարկել է Թբիլիսիի պետական համալսարանի առաջին մասնաշենքից և հետո միացել է Ռուսթավելի պողոտայում շարունակվող բողոքի ակցիային։ Ցուցարարները լիովին փակել են Ռուսթավելի պողոտան։ Ազատության հրապարակը նույնպես փակ է։
Ուսանողների խոսքով՝ այսօրվա հավաքի նպատակը հայրենիքի փրկության համար պայքարն է։ Ռուսթավելի հրապարակում հավաքվածները բերել են վրացական դրոշներ։ Բողոքի ակցիայի կազմակերպիչները կոչ են արել այսօրվա ցույցին բերել վրացական դրոշներ, քանի որ այս օրը նրանք անվանել են նաև «Դրոշների հեղափոխության» օր։ Հատկանշական է, որ այսօր շարունակական բողոքի 311-րդ օրն է։
Քաղաքացիներն ամեն օր դուրս են գալիս փողոց՝ անփոփոխ պահանջներով. նշանակել նոր խորհրդարանական ընտրություններ և ազատ արձակել բողոքի ակցիաների ժամանակ ձերբակալվածներին։ Ազատության հրապարակում բեմ է տեղադրվել։ Բողոքի ակցիայի հիմնական մասը տեղի կունենա Թբիլիսիի քաղաքային խորհրդի շենքի դիմաց։
Latest from Live24
- Հյուրանոցում որպես հյուր հրավիրված 29-ամյա կինն այնտեղից հափշտակել է «iPhone» հեռախոս և ոսկյա վզնոց՝ իր խաչով
- Ազատության պողոտայում երթևեկության փոփոխություն կլինի
- Բագրատաշենում բացահայտվել է 29,5 մլն ռուբլու մաքսանենգություն
- Արարատ Միրզոյանն ԱՄՆ պետքարտուղարի տեղակալի հետ քննարկել է «Թրամփի ուղին»
- Վրաստանի քաղաքացիներին կարգելվի քվեարկել արտասահմանում. խորհրդարանի խոսնակ
- Բարեր, փաբեր, ակումբներ․ Երևանն աշխարհում գիշերային կյանք ունեցող քաղաքների տասնյակում է
- Կասկած չկա, թե ով է ագրեսnրը. Զախարովան՝ Գերմանիայի պաշտպանության նախարարին
- Անունները կտանք, թող մարդիկ իմանան՝ ումից են տուն գնում. վստահ եմ՝ դրանից հետո կսկսեն երկար մտածել. Ավինյանը՝ կառուցապատողների մասին
Լրահոս
Ֆոտո
