Պուտինն ԱՄՆ-ին առաջարկել է երկարաձգել միջուկային զենքի վերահսկման շուրջ պայմանագրի գործողությունը
Ռուսաստանի նախագահ Վլադիմիր Պուտինը հայտարարել է, որ պատրաստ է մեկ տարով երկարաձգել Վաշինգտոնի և Մոսկվայի միջև Ռազմավարական հարձակողական զինատեսակների հետագա կրճատման և սահմանափակման միջոցառումների մասին պայմանագիրը, եթե Վաշինգտոնն անի նույնը: Այս մասին հաղորդում է «ՌԻԱ Նովոստի» գործակալությունը:
Անվտանգության խորհրդի հետ օպերատիվ խորհրդակցության ժամանակ Պուտինը հայտարարել է, որ դա արդյունավետ կլինի, եթե ԱՄՆ-ն փոխադարձ քայլի գնա:
«Կարծում եմ, որ ռուսական նախաձեռնության իրականացումը կարող է էական ներդրում դառնալ Ամերիկայի Միացյալ Նահանգների հետ առարկայական ռազմավարական երկխոսության համար նպաստավոր մթնոլորտի ստեղծման գործում», – ասել է ՌԴ նախագահը։
Պուտինն Անվտանգության խորհրդի անդամների ուշադրությունը հրավիրել է այն փաստի վրա, որ սպառազինությունների վերահսկման ոլորտում ռուս-ամերիկյան հարաբերությունների համակարգը ներկայում ամբողջությամբ փլուզվել է, և աշխարհում ռազմավարական կայունությունը շարունակում է վատթարանալ։
Ռազմավարական հարձակողական զինատեսակների հետագա կրճատման և սահմանափակման միջոցառումների մասին պայմանագիրը կնքվել է 2010 թվականին, դրա ժամկետն ավարտվում է 2026 թ. փետրվարի 5-ին: Փաստաթղթով նախատեսվում է տեղակայված ռազմավարական միջուկային զինանոցների փոխադարձ կրճատում:
Latest from Live24
- Տարադրամի փոխարժեքները նոյեմբերի 30-ին
- Եվրոպայում սրընթացորեն կրճատվում են քաղցրահամ ջրի պաշարները. The Guardian
- Զելենսկին ու Մակրոնը կհանդիպեն
- ԱՄՆ-ում դեղերի գներն ընկնում են՝ 500, 600, 700, անգամ ավելի տոկոսով․ Թրամփ
- Համացանցում առկա քաոսի դեմ պայքարն ուժեղացնելու կարիք կա. Սի Ծինփին
- Ուկրաինան պետք է լինի «բուֆերային պետություն» hակամարտության ավարտից հետո. Օրբան
- Թուրքիայի Սև ծովի ափերի մոտ ռուսական լցանավերում հրդեհ է բռնկվել
- Պապոյանը Թուրքիայի գյուղատնտեսության և անտառտնտեսության նախարարի հետ Ստամբուլում քննարկել է Կարս-Գյումրի երկաթուղային հաղորդակցության վերաբացման հնարավորությունները
Լրահոս
Ֆոտո
