ՌԴ-ն զգուշավոր լավատեսությամբ է նայում ՀՀ-Ադրբեջան նախաստորագրված խաղաղության պայմանագրին․ Օվերչուկ
ՌԴ-ն զգուշավոր լավատեսությամբ է նայում Հայաստանի և Ադրբեջանի միջև նախաստորագրված խաղաղության պայմանագրին, որը տարածաշրջանում խաղաղության հաստատման հարցում մեծ ներդրում է։ Այս մասին Վլադիվոստոկում Արևելյան տնտեսական ֆորումի ժամանակ հայտարարել է ՌԴ փոխվարչապետ Ալեքսեյ Օվերչուկը։
«Սա ևս մեկ կարևոր ներդրում է Եվրասիական մեծ տարածաշրջանում խաղաղության ամրապնդման գործում»,- ասել է Օվերչուկը։
Հիշեցնենք՝ Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ԱՄՆ նախագահ Դոնալդ Թրամփի մասնակցությամբ ստորագրել են մի փաստաթուղթ, ըստ որի Հայաստանի Սյունիքի մարզում ստեղծվում է այսպես կոչված «Թրամփի ուղի», որը պետք է անխոչընդոտ միացնի Ադրբեջանի հիմնական հատվածը Նախիջևանի հետ։
Փաստաթղթում գրված է, որ այդ ճանապարհը լինելու է Հայաստանի տարածքային ամբողջականության և ինքնիշխանության մաս, սակայն դեռևս հասկանալի չէ, թե ինչ մաքսային ու սահմանային հսկողություն են անցնելու այնտեղով անցնող բեռները։ Սա է նաև պատճառը, որ ընդդիմությունն ու մեծ թվով փորձագետներ մեղադրում են Փաշինյանին Բաքվին ամերիկյան հսկողությամբ միջանցք փոխանցելու մեջ։
Latest from Live24
- Պոլիտեխնիկական համալսարանի մասնաշենքի 4 հարկերը տրվեց Հայաստանի ազգային ագրարային համալսարանին
- Սեպտեմբերի 1-ից ուժի մեջ են մտել թվային վարորդական վկայականները, պլաստիկը կարող են չունենալ
- Ռուսաստանի և Հայաստանի առևտուրը զգալիորեն կրճատվել է․ Օվերչուկ
- Google-ում և Youtube-ում համատարած խափանումներ են
- Սեպտեմբերի 23-ից մինչև նոյեմբերի 28-ը կանցկացվեն պահեստազորայինների վարժական հավաքներ
- Թվային վարորդական վկայականի և տեխանձնագրի տարբերակն ընտրելու դեպքում պետական տուրքը կիսով չափ պակաս է․ ՆԳ նախարար
- Լոռին ու Արմավիրը նոր մարզպետներ ունեն
- Պուրտուգալիայի հետ խաղից առաջ հրապարակվել են ՀՀ ազգային հավաքականի մարզումների կադրերը
Լրահոս
Ֆոտո
