ՌԴ նախագահ Վլադիմիր Պուտինը Կրեմլում ընդունել է Իրանի գերագույն հոգևոր առաջնորդ այաթոլլա Ալի Խամենեիի ավագ խորհրդական Ալի Լարիջանիին։ Այս մասին լրագրողներին հայտնել է պետության ղեկավարի մամուլի քարտուղար Դմիտրի Պեսկովը, հաղորդում է ՏԱՍՍ-ը։

«Ռուսաստանի Դաշնության նախագահ Վլադիմիր Պուտինն այսօր Կրեմլում ընդունել է Իրանի Իսլամական Հանրապետության գերագույն հոգևոր առաջնորդի ավագ խորհրդական Ալի Լարիջանիին», - տեղեկացրել է Կրեմլի ներկայացուցիչը։

Ըստ Պեսկովի, «իրանցի ներկայացուցիչը, իր ղեկավարության հանձնարարությամբ, ներկայացրել է Մերձավոր Արևելքում սրված իրավիճակի և իրանական միջուկային ծրագրի շուրջ գնահատականները»։