Ռուսաստանի նախագահի մամուլի քարտուղար Դմիտրի Պեսկովը մեկնաբանել է Հայ Առաքելական եկեղեցու շուրջ ստեղծված իրավիճակի հետ կապված Հայաստանում տեղի ունեցող վերջին իրադարձությունները։ 

«Դա Հայաստանի ներքին գործն է։ Սա առաջինը։ Եվ մենք որևէ կերպ չենք ցանկանում միջամտել այդ ներքին գործերին։ Անշուշտ, Հայաստանը մեզ համար շատ մտերիմ երկիր է։ Եվ եկեք չմոռանանք, որ մի քանի միլիոն հայեր Ռուսաստանի Դաշնության քաղաքացիներ են, որոնք, իհարկե, ցավով են հետևում այս իրադարձություններին։ Շատերը, իհարկե, չեն ընդունում այն, թե ինչպես է դա տեղի ունենում։ Ուստի, այո, մենք հետևում ենք, բայց դա Հայաստանի ներքին գործն է»,- ասել է նա ռուսաստանցի լրագրող Պավել Զարուբինի հետ զրույցում։