«Իրավիճակի հնարավոր և դիտավորյալ սրումը կանխելու համար, ԱԱԾ–ն որոշել է դուրս գալ Մայր Աթոռի տարածքից». ԱԱԾ
Այսօր՝ 2025 թվականի հունիսի 27–ին, Մայր Աթոռ Սուրբ Էջմիածնի տարածքից Միքայել արքեպիսկոպոս Աջապահյանին (Գևորգ Արտաշեսի Աջապահյան) բերման ենթարկելու որոշումը իրականացնելու ընթացքում արձանագրվել է քաղաքացիների կուտակում։ Այս մասին հաղորդագրություն է տարածել ԱԱԾ–ն։
«Հայաստանի Հանրապետության ազգային անվտանգության ծառայությունը և Ոստիկանությունը, ելնելով անվտանգության նկատառումներից և կանխելով իրավիճակի հնարավոր և դիտավորյալ սրումը, որոշում է կայացրել դուրս գալ Մայր Աթոռի տարածքից։
«ՀՀ ազգային անվտանգության ծառայությունը բոլոր քաղաքացիներին հորդորում է զերծ մնալ իրավիճակը լարելուց, չխոչընդոտել իրավապահ մարմինների օրինական որոշումների իրագործմանը: Միքայել արքեպիսկոպոս Աջապահյանին (Գևորգ Արտաշեսի Աջապահյան) կոչ ենք անում չթաքնվել իրավապահ մարմիններից և ներկայանալ իրեն սպասող Ազգային անվտանգության ծառայության օպերատիվ խմբին։
ԱԱԾ-ն շարունակում է իրականացնել օրենքով սահմանված իր գործառույթները՝ ապահովելով հանրային կարգի և անվտանգության պահպանումը։ Իրավապահ մարմինների օրինական գործողություններին խոչընդոտելու դեպքերը կարժանանան իրավական գնահատականի»,-ասված է հայտարարության մեջ:
Նշենք, որ առավոտից Էջմիածնում իրավիճակը լարված է, ԱԱԾ–ն գնացել է Աջապահյանին ձերբակալելու, սակայն հավաքված քաղաքացիները թույլ չեն տալիս, որ նրան բերման ենթարկեն։
Latest from Live24
- Իրանը հավանություն է տվել Հայաստանի և Ադրբեջանի միջև Վաշինգտոնում կնքված համաձայնագրին. Փեզեշքիանը Էրդողանին
- ՆԱՏՕ-Ուկրաինա խորհրդի նիստը տեղի է ունեցել Կիևի ուղղությամբ Ռուսաստանի հարվածից հետո
- Փոփոխություն՝ փոխհատուցվող դեղերի էլեկտրոնային դեղատոմսերի գրման և բաց թողնման կարգում
- Էրդողանն ու Իրանի նախագահը քննարկել են Հարավային Կովկասում «խաղաղության գործընթացը»
- Զելենսկին Փարիզում կմասնակցի Եվրոպայի առաջնորդների հանդիպմանը
- Իրանը թույլատրել է ԱԷՄԳ-ի երկու տեսուչների մուտքը երկիր
- Ալիևի բառապաշարը չի արտացոլում վաշինգտոնյան համաձայնությունները. Փաշինյան
- Հնդկաստանը կրկին արգելափակել է Ադրբեջանի՝ ՇՀԿ–ին անդամակցելու հայտը
Լրահոս
Ֆոտո
