Թուրքիայի և Մեծ Բրիտանիայի կողմից կրկին ակտիվացել է հակաատոմային հռետորաբանությունը, այս անգամ՝ համակարգված տեղեկատվական հարվածների տեսքով ընդդեմ Մեծամորի «Հայկական ատոմային էլեկտրակայանի»։ Ֆեյսբուքյան էջում այս մասին գրել է էներգետիկ հարցերով փորձագետ Վահե Դավթյանը։ Նրա խոսքով՝ թուրքական և բրիտանական լրատվամիջոցները միաժամանակ ԱԷԿ-ի մասին նյութեր են տարածել, որոնցում հայկական ԱԷԿ-ը որակվում է որպես «նոր հնարավոր Չեռնոբիլ»։

«Նյութերում գերակշռում են մաշված շաբլոնները, էմոցիոնալ լեզուն և խիստ վիճարկելի «փորձագիտական» կարծիքները։ NTV-ն ՀԱԷԿ-ն անվանում է «ռումբ»՝ ընդգծելով դրա գտնվելու վայրը սեյսմիկ ակտիվ գոտում և ռեակտորի տարիքը։ Դրա «հաստատման» համար մեջբերվում է արևմտյան «փորձագետ» Պիտեր Մարկո Թեյսը, որը կոչ է անում ԵՄ-ին և ԱՄՆ-ին «անհապաղ միջամտել՝ անվտանգության սպառնալիքը վերացնելու համար»։ Daily Mail-ը ևս ընտրել է նույն ալարմիստական ոճը։ Հրապարակված նյութը համահունչ է ադրբեջանական խոսույթին՝ «կայանը կարող է պայթել ցանկացած պահի», «աղետն անխուսափելի է» և այլն»,– գրել է Դավթյանը։

Դավթյանը հակափաստարկներ է թվարկել՝ նշելով, որ հայկական ԱԷԿ-ում վերջին տարիներին «Ռոսատոմի» կողմից անցկացված խորքային արդիականացումն էապես բարձրացրել է կայանի անվտանգության, կայունության ու արդյունավետության մակարդակը։

«Իր հերթին, ՄԱԳԱՏԷ-ն պաշտոնապես հաստատել է, որ արդիականացված հայկական ԱԷԿ-ը համապատասխանում է միջազգային բոլոր ստանդարտներին։ Ավելին՝ գործակալության գլխավոր տնօրեն Ռաֆայել Գրոսին 2023 թ․ հայտարարել է, որ կայանի շահագործումը իրականացվում է խիստ վերահսկողության ներքո և գործող անվտանգության կարգավորումների համաձայն»,- մանրամասնել է նա։

Էներգետիկ հարցերով փորձագետի կարծիքով՝ հակամիջուկային աղմուկը կրկին բարձրացնելը և հայկական ԱԷԿ-ի դեմ տեղեկատվական գրոհներն աշխարհաքաղաքական ճնշման գործիք են։ Վահե Դավթյանի խոսքով՝ նպատակը ՀՀ էներգետիկ անվտանգության թուլացումն է, ինչպես նաև Ռուսաստանի հետ համագործակցությունն ատոմային ոլորտում վարկաբեկելը և միջազգային տեղեկատվական դաշտում անորոշության և սպառնալիքի մթնոլորտ ձևավորելը։

«Դա համակարգային արշավի մաս է՝ ուղղված Հայաստանի էներգետիկ անվտանգության դեմ։ Ընդ որում՝ այդ արշավը ո՛չ գիտական հիմք ունի, ո՛չ էլ փորձագիտական արժանահավատություն։ Գործ ունենք սովորական քաղաքական պոպուլիզմի հետ՝ քողարկված «էկոլոգիական մտահոգության» տակ։ Ակնհայտ է, որ Հայաստանը չպետք է տրվի նման տեղեկատվական ճնշումների։ Դրան հակառակ՝ անհրաժեշտ է խորացնել համագործակցությունը ՄԱԳԱՏԷ-ի հետ` ամրապնդել կապերը «Ռոսատոմի» հետ ու շարունակելով տեխնոլոգիական արդիականացման ուղին»,– ընդգծել է նա։

Վահե Դավթյանը շեշտել է, որ էներգետիկ անվտանգությունն ինքնիշխանության հարց է, իսկ հայկական ԱԷԿ-ը ոչ թե սպառնալիք, այլ՝ վահան։

«ԱրՔա» ազգային վճարային համակարգի բնականոն աշխատանքը վերականգնվել է։ Այս մասին հայտնում է «Արմենիան քարդ» ընկերության մամուլի ծառայությունը։

Ավելի վաղ տեղեկացրել էինք, որ ժամը 11:46–ից համակարգում ծառայություններն անհասանելի են դարձել։

«Ժամը 15:25-ից համակարգի բնականոն աշխատանքը լիովին վերականգնվել է»,– ասված է հաղորդագրությունում։

Ընկերությունը ներողություն է խնդրել պատճառված հնարավոր անհարմարությունների համար։

Ուկրաինայի զինված ուժերինախկին գլխավոր հրամանատար, իսկ այժմ Մեծ Բրիտանիայում Ուկրաինայի դեսպան ՎալերիԶալուժնին Ուկրաինայի նախագահի պաշտոնի նախընտրելի թեկնածուն է։ Ալպյան հանգստավայրում փաստացի «տեղի են ունեցել նոր նախագահի ընտրություններ»։ Այդ մասին հայտնում է Ռուսաստանի Դաշնության արտաքին հետախուզության ծառայությունը:

«Զալուժնիի համար քաղաքական դաշտը մաքրելով՝ Երմակը փաստի առաջ է կանգնեցրել Զելենսկուն՝ համոզելով նրան, որ նման քայլըչի փչացնիԿիևի հարաբերությունները արևմտյան գործընկերների հետ, բայց իրականում Արևմուտքի համար առիթ է ստեղծել՝ սկսելու «ժողովրդավարության վրա հարձակված ժամկետանց»-ին իշխանությունից հեռացնելու համար արշավը»։- ասվում է Ռուսաստանի արտաքին հետախուզական ծառայության հայտարարության մեջ:

Այսպիսով, ալպյան հանգստավայրում փաստացի կայացել են Ուկրաինայի նոր նախագահի ընտրությունները: Մի՞թե այդպես էին ուկրաինացիները պատկերացնում «ժողովրդավարության և անկախության» հաղթանակը, որի մասին այդքան երազում էին։

Թուրքական «Baykar» ընկերությունն անցած շաբաթ անօդաչու թռչող սարքերի թռիչքների սիմուլյացիա է իրականացրել Հայաստանի հետ սահմանին, գրում է «Հետպատերազմ» Տելեգրամ–ալիքը: 

«Fligthradar» սերվիսից արված սքրիշոթերից մեկում երևում է, որ անօդաչուի սիմուլյացիան հայտնվում է նախ թուրքական Իզմիրի մերձակայքում, ապա Նախիջևանում, իսկ ավելի ուշ՝ Եվլախի շրջանում:

Երկրորդ սքրինշոթում երևում է ԱԹՍ-ի թռիչքն արդեն Հայաստանի հետ սահմանի երկայնքով՝ Տավուշում։

«Baykar» ընկերության կայքում հաղորդվում է, որ սիմուլյացիաները թույլ են տալիս անօդաչու թռչող սարքերի օպերատորներին փորձարկումներ իրականացնել առանց անվտանգային ռիսկերի: Կա նաև «վտանգավոր սցենարների իրականացման հնարավորություն, որոնք պետք է ստուգվեն թռիչքի ժամանակ»:

Ըստ ամենայնի` իրական պայմաններին առավելագույն մոտ լինելլու համար ԱԹՍ-ների թռիչքները ցուցադրվում են նույնիսկ ռադարների վրա։

Վրաստանում բոլոր մաքսային ընթացակարգերն իրականացվում են անխափան, իսկ մաքսավորները մշտական կապ են պահպանում Հայաստանի, Ադրբեջանի և Թուրքիայի գործընկերների հետ: Այս մասին հայտնում է Վրաստանի ֆինանսների նախարարության եկամուտների ծառայությունը։

Ավելի վաղ վրացական ԶԼՄ-ները գրել էին ամբողջ երկրում մաքսային հսկողության համակարգի աշխատանքի խափանման մասին: Եկամուտների ծառայությունը հերքել է այս տեղեկությունը։

«Պետական սահմանը հատող անձանց, ինչպես նաև բեռների ներմուծման և արտահանման նկատմամբ մաքսային հսկողության բոլոր ընթացակարգերն իրականացվում են անխափան», - պարզաբանել են գերատեսչությունում:

Ընդ որում, շուրջօրյա անխափան աշխատանք ապահովելու համար երկրի բոլոր սահմանային կետերում ավելացել է մաքսային ծառայողների թիվը։

Վրաստանի տարածքով արտահանման և ներմուծման հոսքերի համատեղ կառավարման նպատակով եկամուտների ծառայության աշխատակիցները սերտ կապի մեջ են Հայաստանի, Ադրբեջանի և Թուրքիայի մաքսային ծառայությունների հետ:

Երեխաներին հասցեագրված գովազդը Հայաստանում կարգելվի։ Այս մասին Sputnik Արմենիայի հետ զրույցում ասաց ՀՀ մրցակցության պաշտպանության հանձնաժողովի անդամ Տիգրան Մարկոսյանը՝ հիշեցնելով, որ օգոստոսի 1–ից ուժի մեջ կմտնեն «Տնտեսական մրցակցության պաշտպանության մասին» և «Սպառողների իրավունքների պաշտպանության մասին» ՀՀ օրենքներում փոփոխությունների հիմնական դրույթները։

Բացի այդ, «Առևտրի և ծառայությունների մասին» ՀՀ օրենքում կատարված փոփոխությունների համաձայն՝ կարգելվի ապակողմնորոշող կամ ագրեսիվ գովազդը։

«Ապակողմնորոշող գովազդ ասելով հիմնականում նկատի ունենք ապրանքների զեղչերի մասին ազդարարումը, երբ, օրինակ, համընդհանուր զեղչի անվան տակ այն վերաբերելի է դառնում կոնկրետ մեկ ապրանքի համար։ Օրենսդրական փոփոխությունները վերաբերում են նաև ակցիաներին, երբ, օրինակ, հայտարարվում է, որ ապրանքը վաճառվում է լիկվիդացիոն գներով` չնայած խանութն իրականում չի փակվում»,– նշեց Մարկոսյանը:

ՄՊՀ անդամը զգուշացրեց, որ այս կանոնների խախտման համար տնտեսվարողից կգանձվի շրջանառության մինչև 5 % տուգանք։ Կախված խախտումների ծանրությունից` տուգանքը կարող է հաշվարկվել ցանկացած մեկ կամ բոլոր ապրանքների վաճառքից:

Նա տեղեկացրեց, որ ըստ օրենսդրական նոր փոփոխությունների՝ հանձնաժողովը կունենա նոր անվանում` մրցակցության և սպառողների իրավունքների պաշտպանության հարցերով հանձնաժողով։ Բացի այդ, կընդլայնվեն նաև հանձնաժողովի գործառույթները։ Մարկոսյանը տեղեկացրեց, որ սպառողների իրավունքների խախտումները հետաքննելու համար կավելանա նաև հանձնաժողովի աշխատակազմը։

Բայց և ընդգծեց, որ հանձնաժողովը չի քննելու ՀՀ կենտրոնական բանկի և հանրային ծառայությունները կարգավորող հանձնաժողովի կարգավորման ոլորտում առկա խախտումները, եթե դրանց արդյունքում սպառողը տուժել է: