2026 թվականի հունվարի 1-ից թոշակառուների և նպաստառուների համար նախատեսված քեշբեքի չափը կբարձրանա՝ ներկայիս 12%-ի փոխարեն դառնալով 20%։ Սա հնարավորություն կտա թոշակների և նպաստների չափը բարձրացնել միջինը 3000-5000 դրամով։ Այս մասին հոկտեմբերի 1-ին, կառավարության ժամի ընթացքում, հայտարարել է Հայաստանի աշխատանքի և սոցիալական հարցերի նախարար Արսեն Թորոսյանը։

Նա հայտնել է, որ միջինում 12% քեշբեք ունենալու դեպքում աճը կազմում է մոտավորապես 4000 դրամ։

Պաշտոնյան պարզաբանել է, որ փոփոխությունները թույլ կտան բարձրացնել կենսաթոշակներն ու նպաստները՝ անկանխիկ գնումներ կատարելիս։

Այս առումով Թորոսյանը կոչ է արել ավելի ակտիվ անկանխիկ գնումներ կատարել։

Նախարարը հավելել է, որ իշխանություններն ինովացիոն գործիքներ են ներդնում թոշակները բարձրացնելու համար։ «Հիմա գործում է քեշբեքի ծրագիրը, որը թույլ է տալիս թոշակառուներին և նպաստառուներին բարձրացնել իրենց իսկ թոշակների և նպաստների չափը, ինչպես նաև պայքարել «ստվերի» դեմ։ Դա լրացուցիչ հարկային միջոցներ է գեներացնում, որոնց մի մասը կրկին ուղղվում է թոշակների ու նպաստների վճարմանը»,- ընդգծել է Թորոսյանը։

Այն ինչ դուք ասում եք, բոլոր մարդիկ գիտեն, բա դուրս եկեք հրապարակներ, կոչ արեք, հեղափոխություն արեք, բա ինչի ՞ եք եկել այս փափուկ աթոռներին նստել: Այս մասին ԱԺ-ում ասել է ՀՀ վարչապետ  Նիկոլ Փաշինյանը՝ դիմելով ընդդիմությանը:

«Ի ՞նչ գործ ունեք այստեղ, բա որ ձեր ասածը ճիշտ է, ո ՞ւր է ձեր հեղափոխությունը, համակերպվո ՞ւմ եք դուք այդ ամեն ինչի հետ, բա ամո ՞թ չի, եկել նստել եք, գործուղումների եք գնում»,-ասել է Փաշինյանը:

Գերմանիայի և Լիտվայի հետ Լեհաստանի սահմանների հսկողությունը երկարաձգվել է մինչև 2026 թ. ապրիլի 4-ը:

Այդ մասին հայտնել է Լեհաստանի ներքին գործերի և վարչակազմի նախարարությունը։ Համապատասխան կարգադրությունը  ստորագրել է գերատեսչության ղեկավար Մարցին Կերվինսկին։

«Մենք երկարաձգում ենք հսկողությունը, որպեսզի վերահսկենք Բալթյան երկրներից Լեհաստանի տարածքով դեպի Արևմտյան Եվրոպա անցնող միգրացիոն ուղին։ Մենք ձերբակալում ենք այն անձանց, ովքեր փորձում են անօրինականորեն միգրանտներ տեղափոխել Արևմուտք», – բացատրել է Կերվինսկին։

Իսրայելական ուժերը մոտենում են Գազա քաղաքի լիակատար շրջափակմանը, հայտարարել է Իսրայելի պաշտպանության նախարար Իսրայել Կացը, հաղորդում է Times of Israel-ի։

Նրա խոսքով՝ ներկայումս Իսրայելի պաշտպանության բանակը գրավում է Նեցարիմի միջանցքի արևմտյան հատվածից մինչև ափ ընկած հատվածը (որը գտնվում է Գազա քաղաքից հարավ)՝ «Գազան բաժանելով երկու մասի՝ հյուսիսի և հարավի միջև»։

«Սա կամրապնդի Գազա քաղաքի շրջափակումը և հարավից դուրս եկող յուրաքանչյուր ոք ստիպված կլինի անցնել Իսրայելի պաշտպանության բանակի անցակետերով», - ասել է Կացը։

Ավելի վաղ զինվորականները հայտարարել էին, որ կեսօրից սկսած Գազայի Ռաշիդի ափամերձ ճանապարհը կփակվի հյուսիսային ուղղությամբ՝ Գազա քաղաք մուտք գործելու համար։

«Սա վերջին հնարավորությունն է Գազայի բնակիչների համար, ովքեր ցանկանում են շարժվել դեպի հարավ և մեկուսացնել Համասի ահաբեկիչներին Գազա քաղաքում՝ Իսրայելի պաշտպանության բանակի կողմից շարունակվող գործողությունների ֆոնին», - ասել է պաշտպանության նախարարը։ 

Նա ասել է, որ նրանք, ովքեր կմնան Գազա քաղաքում, կլինեն «ահաբեկիչներ և ահաբեկչության կողմնակիցներ»։

«Իսրայելի պաշտպանության բանակը պատրաստվում է բոլոր հնարավոր զարգացումներին և վճռականորեն տրամադրված է շարունակել իր գործողությունները մինչև բոլոր պատանդների վերադարձը և Համասի զինաթափումը, ինչը քայլ է դեպի պատերազմի դադարեցումը», - հավելել է նա։

Էլիզաբեթ Հարլին նորելուկ չէ բիկինիով իր կազմվածքը ցուցադրելու հարցում և նույնիսկ ունի իր սեփական լողազգեստի ապրանքանիշը: Սակայն այժմ դերասանուհին և մոդելը բացահայտել է, թե ինչպես է նա պահպանում իր կազմվածքը 60 տարեկանում: 

Daily Mail-ին տված հարցազրույցում Հարլին խոստովանել է, որ ալկոհոլը խստիվ արգելված է իր համար, եթե դա «հատուկ հաճույք» չէ: «Ես փորձում եմ հետևել կրծքագեղձի քաղցկեղի հիմնադրամի խորհուրդներին՝ պահպանելով առողջությունս, ճիշտ սնվելով, պահպանելով առողջ քաշը և, իհարկե, խուսափելով ալկոհոլից», - բացատրել է նա: 

Նա ասել է, որ տարիքի հետ մարմինը պակաս արդյունավետ է վերամշակում ալկոհոլը, և նույնիսկ մեկ բաժակը դառնում է «լուրջ մարտահրավեր»: «Իմ խումհարը հիմա ավելի վատ է, քան երբ ես ավելի երիտասարդ էի», - հավելել է դերասանուհին: 

Ալկոհոլից հրաժարվելուց բացի, Հարլին խուսափում է վերամշակված սննդից և չի հետևում նորաձև դիետաների: Նա սնվում է պարզ. եփած հավ, կարտոֆիլի պյուրե, բանջարեղեն՝ առանց կանաչ հյութերի կամ էկզոտիկ դիետաների: 

Ինչ վերաբերում է ֆիզիկական ակտիվությանը, Հարլին նախընտրում է տնային գործունեությունը, ինչպիսիք են այգեգործությունը, մարզասրահ այցելելու փոխարեն: «Ես շատ եմ շարժվում, նստակյաց չեմ։ Այգեգործությունը հիանալի է ձգվելու և ծանրություններ բարձրացնելու համար», - ասում է նա։ 

Հարլին նաև հոգ է տանում իր մաշկի մասին. նա խուսափում է արևի ուղիղ ճառագայթներից օրվա ամենատաք ժամերին և օգտագործում է ստվեր և հովանոցներ՝ իր երիտասարդ մաշկը պահպանելու համար։

Եվ, իհարկե, Էլիզաբեթը բազմիցս հիացրել է երկրպագուներին սոցիալական ցանցերում բիկինիով. վերջերս նա լուսանկարվել է սպիտակ լողազգեստով։ Երկրպագուները կրկին գովաբանել են նրա կազմվածքը՝ այն անվանելով «անթերի և բնական»։ 

«Ես փորձում եմ ճիշտ սնվել, մարզվել և վաղ սնվել, որպեսզի իմ մարմինը ժամանակ ունենա մարսելու քնելուց առաջ», - ընդգծել է Հարլին։

ԱՄՆ դոլարի փոխարժեքն այսօր՝ հոկտեմբերի 1-ին, կազմել է 382.74 դրամ՝ նախորդ օրվա համեմատ աճել է 0.22 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 448.8 դրամ (նվազել  է 0.58 դրամով), իսկ ռուսական ռուբլու փոխարժեքը կազմել է 4.68  դրամ (աճել է 0.04 դրամով):

Հայաստանյան բանկերում դոլարը գնվում է 380-381.5 դրամով, վաճառվում է 384-385 դրամով: Եվրոն բանկերում գնվում է 441-447 դրամով, վաճառվում է 449–456 դրամով:

Ռուբլին բանկերում գնվում է 4.55-4.67 դրամով, վաճառվում է 4.75-4.90 դրամով:

Փոխանակման կետերում իրավիճակը հետևյալն է. դոլարը գնվում է 381 դրամով, վաճառվում՝ 384 դրամով:

Եվրոն գնվում է 447 դրամով, վաճառվում է 451 դրամով:

Ռուբլին գնվում է 4.63 դրամով, վաճառվում է 4.62 դրամով:

Մոսկվայի Տագանսկի շրջանային դատարանը Apple-ին տուգանել է 3.5 միլիոն ռուբլով՝ արգելված բովանդակությունը հեռացնելուց հրաժարվելու համար, հայտնել է դատարանը «ՌԻԱ Նովոստի»-ին։ 

«Մոսկվայի Տագանսկի շրջանային դատարանի որոշմամբ, Apple Distribution International Ltd.-ն տուգանվել է 3.5 միլիոն ռուբլով», - գործակալությանը հայտնել է աղբյուրը։

Մեղադրանքը առաջադրվել է արգելված բովանդակությունը հեռացնելուց հրաժարվելու համար՝ համաձայն Ռուսաստանի վարչական իրավախախտումների օրենսգրքի 13.41 հոդվածի 2-րդ մասի։

ԱՄՆ նախագահ Դոնալդ Թրամփը պատրաստ է բանակցությունների Հյուսիսային Կորեայի առաջնորդ Կիմ Չեն Ընի հետ՝ առանց նախապայմանների: Այդ մասին հայտնել է Yonhap  գործակալությունը՝ վկայակոչելով Սպիտակ տան մի աշխատակցի։

Նա հիշեցրել է, որ առաջին ժամկետի ընթացքում Թրամփը երեք անգամ հանդիպել է Հյուսիսային Կորեայի առաջնորդի հետ, և դա  նպաստել է Կորեական թերակղզում իրավիճակի կայունացմանը։Գործակալության աղբյուրի խոսքով՝ այդ ժամանակվանից ի վեր ԱՄՆ քաղաքականությունը Հյուսիսային Կորեայի նկատմամբ չի փոխվել։

«Նախագահը բաց է մնում Կիմ Չեն Ընի հետ երկխոսության համար՝ առանց նախապայմանների», – ասել է  պաշտոնյան։

Հարավկորեական լրատվամիջոցները հնարավոր են համարում, որ Թրամփը կրկին կարող է հանդիպել Կիմ Չեն Ընի հետ Կորեայի Հանրապետության և ԿԺԴՀ-ի սահմանին, ինչպես դա եղել է 2019 թվականին։

Սեպտեմբերի 20-21-ը Գերագույն ժողովրդական ժողովի հերթական նստաշրջանի ժամանակ ԿԺԴՀ-ի առաջնորդ Կիմ Չեն Ընը հայտարարել էր, որ ԱՄՆ նախագահ Դոնալդ Թրամփի հետ  անձնական շփումները լավ հիշողություններ են թողել Սպիտակ տան ղեկավարի մասին։ Օգոստոսի 25-ին Հարավային Կորեայի նախագահի հետ հանդիպմանը Դոնալդ Թրամփը հայտարարել էր, որ կցանկանար ԿԺԴՀ-ի առաջնորդ Կիմ Չեն Ընի հետ անձնական հանդիպում ունենալ արդեն այս տարի:

Ռուսաստանի նախագահ Վլադիմիր Պուտինը պլանավորում է այցելել Հնդկաստան 2025 թվականի դեկտեմբերի 5-6-ը: Այս մասին հաղորդում են NDTV-ի լրագրողները։

Լրագրողների խոսքով՝ այցը կկենտրոնանա առևտրի և պաշտպանության ոլորտում համագործակցության ամրապնդման վրա՝ ԱՄՆ նախագահ Դոնալդ Թրամփի կողմից սահմանված մաքսատուրքերի պատճառով։ Աղբյուրները հայտնում են, որ Նյու Դելիում արդեն լայնածավալ նախապատրաստական ​​աշխատանքներ են ընթանում։

Այցի մասին լուրն առաջին անգամ հայտնվել է օգոստոսին, երբ Հնդկաստանի ազգային անվտանգության խորհրդական Աջիտ Դովալը այցելել էր Մոսկվա, սակայն այդ ժամանակ ամսաթվերի շուրջ համաձայնություն չի եղել։ Պուտինը և Հնդկաստանի վարչապետ Նարենդրա Մոդին ավելի ուշ առանձին հանդիպում են ունեցել Չինաստանում կայացած Շանհայի համագործակցության կազմակերպության գագաթնաժողովում։

ԱԺ «Պատիվ ունեմ» խմբակցության ղեկավար Հայկ Մամիջանյանը ելույթ է ունեցել ԵԽԽՎ լիագումար նիստում «Հունգարիայի կողմից Եվրոպայի Խորհրդի անդամակցության պարտավորությունների կատարումը» թեմայով զեկույցի քննարկման ժամանակ: 

«Ցանկանում եմ անդրադառնալ մի շարք փաստերի, որոնք ցույց են տալիս Հունգարիայի իշխանությունների վարքագծային օրինաչափությունները։

Բոլորդ գիտեք, որ դեռևս 2004 թվականին Հունգարիայում անցկացվող ՆԱՏՕ-ի միջոցառման ընթացքում ադրբեջանցի մասնակիցը քնած վիճակում կացնահարելով սպանեց Հայաստանի Զինված ուժերի սպա Գուրգեն Մարգարյանին։ 2012 թվականին Հունգարիան այդ մարդասպանին արտահանձնեց Ադրբեջան, որտեղ նրան անմիջապես ներում շնորհվեց, ինչպես նաև տրվեց նոր զինվորական կոչում և բնակարան։ Այդ ժամանակվա Եվրոպայի Խորհրդի Գլխավոր քարտուղարը հայտարարեց, և ես մեջբերում եմ․ «Դատապարտված մարդասպանին պատվելը և նրան հերոսի վերածելը անընդունելի է»։ Այնուամենայնիվ, մինչ օրս Հունգարիայի իշխանությունները որևէ պաշտոնական ներողություն չեն հայտնել։ Նրանք պարտավոր են ներողություն խնդրել հայ ժողովրդից։ 

Հինգ տարի անց Ադրբեջանի կողմից փողերի լվացման սխեմայի քննության արդյունքում պարզվեց, որ հենց 2012 թվականին՝ Սաֆարովի արտահանձնման օրերին, ավելի քան 9 միլիոն ԱՄՆ դոլարի փոխանցումներ են կատարվել Հունգարիայի մայրաքաղաք Բուդապեշտում գտնվող MKB բանկի հաշվին։

Ես հատուկ օգտագործեցի «վարքագծային օրինաչափություններ» արտահայտությունը։ Այս տարի, երբ Եվրոպական Միության անդամ երկրները որոշեցին Հայաստանին տրամադրել «ոչ մահաբեր» ռազմական աջակցություն Եվրոպայի խաղաղության հիմնադրամից, Հունգարիան վետո դրեց այդ որոշման վրա։ Ավելին, մամուլում հրապարակված տեղեկությունների համաձայն՝ ադրբեջանական հարձակումից ընդամենը մի քանի ամիս առաջ Բուդապեշտը արդեն իսկ պայմանագրեր էր կնքել՝ օգնելու ադրբեջանական իշխանություններին Լեռնային Ղարաբաղում «գյուղերի վերակառուցման աշխատանքներում»,- նշել է Մամիջանյանը: