Միացյալ Թագավորությունը պատրաստ է իր զորքերը տեղակայել Ուկրաինայի տարածքում՝ ապահովելու հետագա հաշտության համաձայնագրի կատարումը: Այս մասին Մեծ Բրիտանիայի վարչապետ Քիր Սթարմերը հայտնել է The Telegraph թերթում հրապարակված իր հոդվածում։

«Մեծ Բրիտանիան պատրաստ է առաջատար դեր խաղալ Ուկրաինայի անվտանգության երաշխիքների ուղղությամբ աշխատանքն արագացնելու գործում», – ասվում է Սթարմերի հոդվածում։

Նա նշել է, որ դա ներառում է հետագա աջակցություն Ուկրաինայի զինված ուժերին, որի համար Մեծ Բրիտանիան արդեն պարտավորություն է ստանձնել մինչև 2030 թվականը տրամադրել տարեկան 3 միլիարդ ֆունտ ստեռլինգ։ 

«Բայց դա նաև նշանակում է պատրաստակամություն և ցանկություն՝ իր ավանդը ներդնելու Ուկրաինայի անվտանգության երաշխիքներն ապահովելու գործում, անհրաժեշտության դեպքում՝ սեփական զորքերն ուղարկելով», – հայտարարել է Մեծ Բրիտանիայի վարչապետը։

Սթարմերն ընդգծել է, որ հասկանում է «բրիտանացի զինծառայողների համար հնարավոր վտանգի» հետ կապված պատասխանատվությունը։«Բայց ցանկացած օգնություն Ուկրաինայի անվտանգության ապահովման հարցում օգնում է երաշխավորելու մեր մայրցամաքի և այս երկրի անվտանգությունը», – հայտարարել է նա։

Սթարմերի կարծիքով՝ Բրիտանիան կարող է «բացառիկ դեր» խաղալ Ուկրաինայում խաղաղության հասնելու գործընթացում՝ որպես կամուրջ Եվրոպայի և ԱՄՆ-ի միջև։

«Մենք պետք է հստակ հասկանանք, որ խաղաղությունը չի կարող ձեռք բերվել ցանկացած գնով: Ուկրաինան պետք է լինի այդ բանակցությունների սեղանի շուրջը», – իր հոդվածում ասել է Մեծ Բրիտանիայի վարչապետը։Վարչապետի հոդվածը հրապարակվել է Փարիզում հրավիրված հանդիպման նախաշեմին, որը տեղի է ունենալու Ֆրանսիայի, Գերմանիայի, Իտալիայի, Լեհաստանի, Իսպանիայի, Նիդեռլանդների, Դանիայի, Եվրոպական հանձնաժողովի, Եվրոպական խորհրդի և ՆԱՏՕ-ի ղեկավարների մասնակցությամբ։

Փարիզի հանդիպումից հետո Քիր Սթարմերը պլանավորում է Վաշինգտոնում հանդիպել ԱՄՆ նախագահ Դոնալդ Թրամփի հետ։

Այո՛, ընտրություններով հնարավոր է հաղթել. Քոչարյանը՝ Փաշինյանին հեռացնելու մասին. Տեսանյութ

Իմ համակիրների մեջ կան մարդիկ, որոնք չենք ընդունում 3-րդ նախագահին, նույնպես 3-րդ նախագահի համակիրների մեջ կան մարդիկ, որ ինձ չեն ընդունում։ Մենք մեր մասով փորձում ենք ինչ-որ բան զսպել, բայց բոլորի հանդեպ վերահսկողություն չենք կարող հաստատել: Այս մասին ասուլիսի ժամանակ ասել է  ՀՀ 2-րդ նախագահ Ռոբերտ Քոչարյանը։

«Եվ երբ ասում են` ինչո՞ւ ձեր ուժերը չեք միացնում, պատասխանեմ, որովհետև դա երբեք ինքնանպատակ չի արվում։ Ինչո՞ւ եք ուզում, որ կատարենք իռացիոնալ քայլ, որի արդյունքը կասկածելի է»։

Եթե մենք փորձենք միասին ինչ-որ բան անել, իմ համակիրների մի մասը, որոնք չեն ընդունում 3-րդ նախագահին, կհիասթափվեն և կհեռանան»,-ասել է Քոչարյանը:

Ամբողջ բանակցային գործընթացը մինչև 99 թվականը հետևյալ բովանդակությունն ուներ. համանախագահողները չէին կարողանում դուրս գալ տարածքային ամբողջականությունից դուրս: Ինչ առաջարկ բերում էին, փորձում էին ինքնորոշման իրավունքն ամուսնացնել տարածքային ամբողջականության հետ: Լևոն Տեր-Պետրոսյանի ժամանակ էլ էր ևս այդպիսի առաջարկ եղել: Այս մասին մամուլիս ասուլիսի ժամանակ ասել է Ռոբերտ Քոչարյանը:

«Ընդհանուր պետության առաջարկն ինչ էր. ինքնորոշված ԼՂ և Ադրբեջանը համատեղ պետություն էին ստեղծում  ասիմետրիկ կոնֆեդերացիայի ձևով, բայց միշտ փորձը եղել է  ամուսնացնել այս 2 սկզբունքը:

Վաշինգտոնում Ալիևն ինձ ասել է,  եկեք իրարից պոկվենք, անջատվենք այդ առաջարկի մեջ ես տեսել եմ առաջին հերթին այս մասը: Մտածում էի, որ եթե այդ հարցն Ալիևը բարձրացնի համանախագահների առջև, ուրեմն մենք այս կաղապարված իրավիճակից մենք դուրս ենք գալու :

Այո բանակցում էինք, ինքը առաջարկում է դա մեզ,  ասում էի չենք կարող կորցնել Իրանի հետ սահմանը, պրոցեսը շահավետ էր մեզ համար:

Բայց առաջին օրվանից ես չէի կասկածում, որ այդ քննարկումները բերեն մեզ համար ընդունելի տարբերակի: Ինչի էի համոզված, որովհետև այդ ընթացքում Ալիևը ստանում էր 6 շրջան, կար մոտիվացիա, որովհետև ինքը ստանալու բան ուներ:  Սա էր ամբողջ մեր տրամաբանությունն: ԱՄՆ-ի կողմից որևէ առաջարկ չի եղել, ամբողջ բանակցային գործընթացը հետևյալն էր, առաջարկները տալիս էին Մինսկի խմբի անունից: Ալիևն ամերիկյան կողմին պատմել էր մեր բանակցային գործընթացի մասին և ամերիկյան պատվիրակությունը եկել էր ՀՀ հասկանալու համար՝ իսկապես դա այդպես  է, թե՝ չէ և մեր երկկողմ ընկալումները նույնն են, թե՝ չէ, մեր սեղանին առաջարկ չի եղել, որ ասենք ընդունում ենք, թե՝ չէ:

Այդ 2 տարի տևած միակ առաջարկը Մինսկի խմբի համանախագահների կողմից եղել է Քի Վեսթում, ուրիշ առաջարկ գրավոր չի եղել: Ինձ համար շատ կարևոր էր, որ Ալիևն ինքը պատմեր այս մոտեցման մասին, թեման ինքը բացեր: Ես ոչ այո էի ասում, ոչ ոչ էի ասում, շատ զգուշավոր էի, որ թեման շարունակվի առանց պարտավորությունների:

Ես փաստաթղթերից եմ իմացել, որ Թուրքիան դերակատարություն ուներ այս հարցում, Թուրքիան ընդհանրապես չի երևացել:

Այո մինչև ԱՄՆ պատվիրակության Երևան ժամանելը եղել եմ Մոսկվայում, Ելցինի հետ պետք է հանդիպեի,   հանդիպումը տևել է 5 րոպե, Ելցինը վատառողջ էր և նա ինքն ինձ ասեց, ասեց Ալիևի հետ խոսաքցություն  եմ ունեցել, ինքը շատ գոհ է ձեր բանակցություններից: Ես հարցրեցի դուք մանրամասներին տեղյակ  եք թե՝  չէ, նա ասեց, ոչ: Վազգեն Սարգսյանը տեղյակ էր ամեն ինչից, որևէ լուծում հնարավոր չէր իրականացնել առանց Վազգեն Սարգսյանի:

Ինչի համար է այս թեման տաքացել հիմա, կա միջանցքի կամ ճանապարհի հարց, այսօր ՀՀ իշխանությունը մի ցանկություն ունի, անել այդ զիջումը և հայտարարել վայ ես ինչ կապ ունեմ, այն ժամանակ եթե դա քննարկված չլիներ, այս թեման գոյություն չէր ունենա»,-ասել է Քոչարյանը:

ԱՆԻՖ-ում մսխած փողը լրիվ բավարար էր տրանսպորտի հարցը լուծելու համար. Քոչարյան. Տեսանյութ

Ամերիկյան Meta կորպորացիան սկսել է մշակել մարդանման (հումանոիդ) ռոբոտներ, որոնք կարող են մարդուն օգնել առօրյա գործեր կատարելիս։ Ինչպես նշում է Bloomberg-ը, ընկերությունը նախատեսում է զգալի գումարներ ներդնել և մտադիր է նախագիծը դարձնել արհեստական ​​բանականության և ռոբոտաշինության ոլորտում երկարաժամկետ ռազմավարության մաս։

Meta-ն կարծում է, որ ներկայիս մարդանման ռոբոտները դեռ բավականաչափ ֆունկցիոնալ չեն լայն կիրառման համար, սակայն արհեստական բանականության, ընդլայնված և վիրտուալ իրականության տեխնոլոգիաները կարող են արագացնել արդյունաբերության զարգացումը: Այնուամենայնիվ, ընկերության գնահատմամբ, մարդանման ռոբոտները դեռ երկար տարիներ լայն հասանելիություն չեն ունենա:

«Լևոն Տեր-Պետրոսյանը քանիցս նշել է, որ եթե 1998 թվականին հրաժարական չտար, դուք, Վազգեն Սարգսյանը և Սերժ Սարգսյանը պատրաստ էիք քաղաքացիական պատերազմի մեջ մտնել։ Այդ պնդման հիմքերից է նաև այն, որ դուք երեքով հրաժարվել էիք հրաժարական տալ։ Ձեր հուշերի գրքում գրել էիք, որ եթե նախագահն ազատեր ձեզ պաշտոնից, պայքարելու էիք․ կա՞ր զարգացման սցենար։

Բազմաթիվ գործիչներ 1998 թվականի կատարվածը որակում են որպես պալատական, նաև ռազմաքաղաքական հեղաշրջում, կիսո՞ւմ եք այս կարծիքները»,- հարցն ասուլիսի ժամանակ ուղղվեց ՀՀ երկրորդ նախագահ Ռոբերտ Քոչարյանին, որին ի պատասխան նա ասաց․ «Այն ժամանակ սմս-ներով չէին ազատում, բայց այն ժամանակվա սահմանադրությամբ նախագահի իշխանությունը գրեթե անսահման էր, իսկ ինչո՞ւ չի ազատել։

Ես առաջնային մանդատ ունեի Ղարաբաղում, որից հրաժարվել եմ, քանի որ Լևոն Տեր-Պետրոսյանն էր խնդրել գալ Հայաստան։

Լևոն Տեր-Պետրոսյանին ասացի՝ չնեղանաս, քեզ որպես շեֆ չեմ կարող ընդունել, ես վաղուց շեֆ չեմ ունեցել։

Իսկ դուք ենթադրում եք՝ եթե ինձ ազատեր, ես չպետք է պայքարեի՞, եթե խոսքը գնում էր Ղարաբաղի մասին... իհարկե, պետք է պայքարեի»:

Տեսականորեն, իհարկե, կարելի է հասնել խաղաղության, բայց այն ֆորմատով, որով այսօր են բանակցում, դա խաղաղություն չէ: Այս մասին մամուլի ասուլիսի ժամանակ ասաց երկրորդ նախագահ Ռոբերտ Քոչարյանը:

«Ամենամեծ սխալներից մեկն այն է, որ դու Ադրբեջանի հետ բանակցում ես առանց միջնորդների և ըստ էության, այդ փաստաթղթերին երաշխավորող որևէ  պետություն կամ պետությունների միավորում չի լինելու: Ընդհանրապես, որևէ փաստաթուղթ չի զսպել որևէ պատերազմ: Պատերազմն իրականում զսպելու համար պետք են բանակցություններ, ստորագրված փաստաթղթեր ու պետք են երաշխավորներ, հատկապես, որ այսօր հավասար պայմաններում չենք: Ամենալավ երաշխավորն այն է, երբ դու ունես ուժեղ բանակ ու այնպիսի հնարավորությւոններ, որոնք արդեն իսկ մի զգալի մասով երաշխավորում են խաղաղությունը: Շատ դեպքերում պատերազմներն ինչո՞ւ չեն սկսում, որովհետև նաև պատերազմը սկսողի համար հետևանքները կարող են լինել ծանր: Կայուն խաղաղության համար ես որևէ գործոններ չեմ տեսնում, ի սկզբանե այս ֆորմատով պետք չէր բանկացել ու բանակցային գործընթացը պետք չէր հասցնել այս կետին: Մի թուղթ է բերելու, թմբկահարելու է, թե խաղաղություն եմ բերել, ու կապ չունի թե ինչ բովանդակություն է ունենալու այդ թուղթը, ժողովուրդն այն չի էլ կարդալու, քանի որ վերնագրերով ենք ապրում, տեղեկատվական դաշտն է այդպիսին: Նիկոլ Փաշինյանը սա փայլուն հասկանում է, դա իր մասնագիտությունն է, իր մասնագիտությւոնը դիվանագիտությունը չէ, խաղաղությունը չէ, պատերազմը չէ»,- ասաց նա:

Անդրադառնալով «Խաղաղության խաչմերուկ» կոնցեպտին՝ Քոչարյանն ասաց.

«Դա խաչմերուկ էլ չէ, այն ինչ-որ նկարել է, դա տուպիկ է, ամեն խաչմերուկում, այո տուպիկ է լինում, ինքը նկարել է տուպիկը, բայց հանրությանը վաճառում է, որպես խաչմերուկ: Երբ դու այդ ժեշտից կտրած պատկերը ցույց ես տալիս, դա մի հարց է, բայց երբ պաշտոնական հանդիպումների ժամանակ ցույց ես տալիս մարդկանց, որոնք բան են հասկանում, նրանց մոտ հարց է առաջանաում՝ սա մեզ հիմարի տե՞ղ է դնում, ընկալումը սա է:  Եթե սա քարոզչություն է, կարող եմ հասկանալ, բայց եթե դու լուրջ երկրների հետ բանակցություններում ինչ-որ նկարներ ես բերում, դա անլուրջ է և այդ մարդկանց նկատմամբ՝ անհարգալից մոտեցում»:

Ի՞նչ չեք կիսում Սերժ Սարգսյանի հետ հարցին ի պատասխան, ՀՀ երկրորդ նախագահ Ռոբերտ Քոչարյանը մամուլի ասուլիսի ընթացքում ասել է.

«Ոչինչ չի փոխվել, ինչ ես ասել եմ 2022թ.-ի այս օրը տված մամուլի ասուլիսի ընթացքում:

Նաև նշեմ, որ Վեհափառը երբեք չի փորձել միջնորդել, որովհետև ձեզ պես չի մտածում, որ մենք հարաբերություններում ունենք անհաղթահարելի պրոբլեմներ: Եթե Դուք ունեք այլ ինֆորմացիա, կարող եք այդ ինֆորմացիան հրապարակայնացնել»:

Այն հանգամանքը, որ Սյունիքում ավելի մեծ պրոբլեմներ մենք չենք ունեցել, կապված է Իրանի դիրքորոշման հետ։ Այս մասին այսօր՝ փետրվարի 17-ին, մամուլի ասուլիսի ժամանակ նշեց ՀՀ երկրորդ նախագահ Ռոբերտ Քոչարյանը՝ անդրադառնալով Իրանի դիրքորոշմանը, որ չի հանդուրժի տարածաշրջանում սահմանների  փոփոխություններ:

«Եթե Իրանի այդ դիրքորոշումը չլիներ, ապա Ալիևը որևէ խանգարող հանգամանք չէր ունենա։ Եվ Հայաստանի իշխանությունը կասեր՝ դե ի՞նչ անենք, հո չենք կռվելու այդ սարերի համար, հիմա պատերազմի վախը իսկապես մեծ է։  Կարո՞ղ է այս վերաբերմունքը փոխվել, այո, կարող է»,-ասաց նա: