Մայիսի 14, 2025
2026 թվականին Հայկական ԱԷԿ-ը 4,5 ամսով կկանգնի երկարատև վերանորոգման
Հայկական ԱԷԿ-ը 2026 թվականին 4,5 ամիս կկանգնի պլանային վերանորոգման։ Այս մասին հայտնեց կայանի գլխավոր տնօրենի առաջին տեղակալ Մովսես Վարդանյանը Հայաստանում Ռուսաստանի դեսպան Սերգեյ Կոպիրկինի՝ ատոմակայան կատարած այցի ժամանակ:
Վերանորոգման հիմնական խնդիրը կլինի վթարային հովացման համակարգի փոխարինումը։ Անհրաժեշտ սարքավորումների մատակարարումն իրականացնում է «Ռուսատոմ Սերվիս» ընկերությունը, որը ռուսական «Ռոսատոմ» պետական կորպորացիայի դուստր ձեռնարկությունն է: Անմիջապես աշխատանքը կկատարի մեկ այլ «դուստր» կառույց՝ «Ատոմէներգորեմոնտը»։
Այժմ կայանում ներգրավված են հինգ ռուսաստանցի մասնագետներ, սակայն 2026 թվականին նրանց թիվը կհասնի մոտ 200-ի: Ընթացիկ տարում նախատեսվում է ավարտել հովացման աշտարակների վերանորոգումը, ինչպես նաև նոր ենթակայանի կառուցումը, որը կապահովի կայանի միացումը ընդհանուր էլեկտրացանցին:
ՀԱԷԿ-ի գլխավոր տնօրենի առաջին տեղակալ Մովսես Վարդանյանը կայանի աշխատանքը ներկայացնում է ՌԴ դեսպան Սերգեյ Կոպիրկինին
Արդիականացման համալիր աշխատանքների ավարտից հետո կայանը նախատեսում է 2031 թվականին ստանալ 10 տարի ժամկետով (մինչև 2041 թվականը) նոր լիցենզիա։ Դա թույլ կտա գործող էներգաբլոկին աշխատել առնվազն մինչև 2036 թվականը, իսկ անհրաժեշտության դեպքում՝ մինչև նոր էներգաբլոկի շահագործման հանձնումը: Դրանից հետո հին էներգաբլոկը դուրս կբերվի շահագործումից։
Հիշեցնենք, որ Հայաստանի գործող ԱԷԿ-ը պետք է աշխատանքը ավարտեր 2016 թվականին, սակայն շահագործման ժամկետը սկզբում երկարաձգվեց մինչև 2026 թվականը, իսկ հետո՝ մինչև 2036 թվականը: Աշխատանքների հիմնական մասն իրականացվել է ռուսական վարկային և դրամաշնորհային միջոցների հաշվին (189 մլն դոլար), մյուս մասը (63,2 մլրդ դրամ կամ 162,8 մլն դոլար)` ՀՀ պետբյուջեի հաշվին։
Latest from Live24
- Պետական դավաճանության և լրտեսության դեպքերով քրեական վարույթ է նախաձեռնվել. կիզակետում Ազգային արխիվն է
- Ինչ է քննարկել Միրզոյանը Կալասի հետ. Տեսանյութ
- Թրամփը չի ցանկացել տեսնել Զելենսկուն ՆԱՏՕ-ի գագաթնաժողովում
- Արտակարգ դեպք. Աշոցքի ոլորաններում բեռնատարի վրա տեղադրված բեռնախցիկը, որում եղել է 4 ավտոմեքենա, պոկվել ու ընկել է
- ԱԺ միակ իմաստավորված, օգտակար առաքելությունը մնացել է Փաշինյանին անվստահություն հայտնելու գործընթացը
- «Քեզ հիշում են կա՛մ Ռոբերտ Քոչարյանի որդի, կա՛մ Սիրուշոյի ամուսին»․ Հասմիկ Հակոբյան. Տեսանյութ
- «Դուք համբակ եք»․ Հայկ Կոնջորյանը՝ ընդդիմադիր պատգամավորներին
- Որ վաղը պաշտոն չունենանք, կարողանալու ենք ու անելու ենք այն նույն բանը, ինչ կարողանում և անում ենք հիմա. Վահագն Ալեքսանյան
Լրահոս
Prev
Next
Ֆոտո
