Հերի՛ք է մութ անկյուններում խոսեք, Ռոբերտ Քոչարյան, Սերժ Սարգսյան, Լևոն Տեր-Պետրոսյան, բան ունեք ասելու, եկեք ուղիղ եթերում խոսենք, մեկն՝ ընդդեմ երեքի. Փաշինյան
Հերիք է կամ միամիտ կամ միամիտ երևացող լսարաններ հավաքեք, լուրջ դեմքով բաներ պատմեք, բան ունեք ասելու, եկեք գնանք խոսենք ուղիղ եթերում, հերիք է գնաք մութ անկյուններում առանձնացված խոսեք: Այս մասին ԱԺ-ում կառավարության հետ հարցուպատասխանի ժամանակ ասաց ՀՀ վարչապետ Նիկոլ Փաշինյանը՝ անդրադառնալով օրերս երկրորդ նախագահ Ռոբերտ Քոչարյանի հայտարարությանը՝ ՀՀ վարչապետն է հրահրել պատերազմը:
«Ինչի՞ մասին եք ուզում խոսեք, ուզում եք Ղարաբաղի բանակցությունների մասին խոսենք, ուզում եք պատերազմը հետաձգել-չհետաձգելու մասին խոսենք, ինչի՞ մասին եք ուզում խոսել, եկեք գնանք խոսենք: Ինչքա՞ն պետք է էդ մարդիկ գնան թաքուն էս պատի տակ, էն ծառի տակ, էն անկյունում, ինչքան մութ անկյուն կա խոսեն: Բան ունե՞ն խոսելու, Ռոբերտ Քոչարյան, Սերժ Սարգսյան, Լևոն Տեր-Պետրոսյան, բան ունե՞ք ասելու, ասում եմ՝ գնանք ուղիղ եթերում խոսենք»,- ասաց նա:
Անդրադառնալով Քոչարյանի մեկ այլ հայտարարությանը՝ ռուսական զորքն այնտեղ կանգնած 2,000 հոգի անվտանգությունն է պահում ու վատ չէին անում իրենց ֆունկցիաները, իսկ այդ ընթացքում ՀՀ ղեկավարը Պրահայում ընդունեց Ղարաբաղն Ադրբեջանի կազմում՝ ՌԴ-ին տեղյակ չպահելով ու դրանով վերցրեց ՌԴ-ի միջնորդի աթոռը տակից, Փաշինյանն ասաց, որ դրան նախորդող շրջանում տեսնելով զարգացումները մեր գործընկերներին՝ ՀԱՊԿ-ին ասել եմ՝ տեսնում եմ Հայաստանի ինքնիշխան տարածքի վրա հարձակման ռիսկ:
«ՀԱՊԿ մեր գործընկերներն ասել են, որ իրենք դա հնարավոր չեն համարում և որ ՀՀ տարածքներն իրենց համար կարմիր գիծ են: Երբ տեղի է ունեցել 2022 թվականի սեպտեմբերյան պատերազմը, Հայաստանի տարածք ներխուժում է տեղի ունեցել: Ես այդ երկխոսությունը համարել եմ ՀՀ համար անհարգալից ու որոշում եմ կայացրել, որ ՀՀ կառավարությունը պետք է ճանաչի ՀՀ տարածքային ամբողջականությունը:
2022 թվականի հոկտեմբերի 6-ին ինչքան էլ դա աբսուրդ հնչի, Հայաստանի վարչապետը ճանաչել է ՀՀ տարածքային ամբողջականությունը, նաև հարևանների տարածքային ամբողջականությունը, որովհետև մեր երկրի տարածքային ամբողջականությունը պարփակված է մեր հարևանների տարածքային ամբողջականությամբ: Իսկ եթե Լևոն Տեր-Պետրոսյանը, Ռոբերտ Քոչարյանը, Սերժ Սարգսյանն այս մտքի հետ բանավեճ ունեն, շարունակում եմ հրավիրել նրանց բանավեճի ուղիղ եթերում:
Գիտեք ինչ՝ երբ մի բանն են ասում՝ հերթական սարսափազդու բանն են ասում մեր գործընկերները , եկեք ձեր խելոք, հիմար, իմաստուն մտքերը հավաքեք, կանգնենք խոսենք մեկն՝ ընդդեմ երեքի»,- նշեց նա:
Latest from Live24
- Պապոյանն էլի ռուսներին մոռացավ. ով է բանակցել ՌԴ-ից Ադրբեջանով ցորեն ներկրելու համար. «Ժողովուրդ»
- Ավելի քան 14 մլրդ դոլար պետական պարտք, եւ ո՛չ մի գլոբալ նախագիծ կյանքի չի կոչվել. «Ժողովուրդ»
- Քոչարյանը կրկին խոսել է․ «Հրապարակ»
- Ակնհայտ է, որ Փաշինյանն ուշադիր հետևել ու ծանր է տարել Սերժ Սարգսյանի հարցազրույցը․ Զաքարյան
- Եթե մենք կարծում ենք, որ մենք դա կարող էինք անել 2018, 2019 թվականներին, ուրեմն, այո, դա իմ սխալն է, որ չեմ արել. Փաշինյան
- Անդրանիկ Քոչարյանը մտադիր է 44-օրյա պատերազմի զեկույցն ուղարկել իրավապահներին. «Հրապարակ»
- Բանակցային պատմության առանցքային թղթերը դասավորել եմ, մինչև տարվա վերջ հրապարակելու եմ․ Փաշինյան
- Եթե 44-օրյա պшտերազմի ժամանակ ես լինեի երկրի ղեկավարը, կվարվեի այնպես, ինչպես Ապրիլյանի սկսվելու օրը. Սերժ Սարգսյան
Լրահոս
Ֆոտո
