Վրաստանի հյուսիս-արևելքում՝ Ստեփանծմինդայում (Կազբեկ), սպանության մեջ մեղադրվողի ազգականները ծնկի են իջել և գլուխ խոնարհել զոհի ընտանիքի առաջ։
Կադրերն անմիջապես տարածվել են սոցցանցերում։ Կասկածյալ 33-ամյա Պաատա Քուշաշվիլիի տոհմից մոտ 20 տղամարդ եկել են տուն, որտեղ տեղի է ունեցել հանգուցյալ 47-ամյա Գիա Խաիկաշվիլիի հոգեհանգստի արարողությունը:
Որոշ ժամանակ անց երկու ընտանիքների ավագ տղամարդիկ միմյանց ձեռք են սեղմել և գրկախառնվել:
Խաիկաշվիլին և Քուշաշվիլին հարևաններ են եղել։ Նրանց միջև վիճաբանություն է սկսվել ապրիլի 20-ին՝ Զատկի տոնական խնջույքի ժամանակ։
Պաատան իր հարևանին դանակի ավելի քան 10 հարված է հասցրել և փախել հանցագործության վայրից։ Խաիկաշվիլին մահացել է հիվանդանոցում արյան կորստից։
ԶԼՄ-ների տվյալներով՝ ողբերգության պատճառ է դարձել «չկատարված խոստման շուրջ վեճը»: Իրավապահները երկու օր անց ձերբակալել են կասկածյալին։
Կազբեկում հատկապես ուժեղ է համայնքային համերաշխությունը, և նման ավանդույթը թույլ է տալիս հաշտվել և կանխել արյունալի թշնամությունը:
