Սկսելու ենք տուգանել տրանսպորտում պոտենցիալ խախտողներին, այս շաբաթ սկսում ենք վերապատրաստումը․ Տիգրան Ավինյան
Երևանի փոխքաղաքապետ Սուրեն Գրիգորյանը Երևանի քաղաքապետարանի գործակարգավարական նիստի ժամանակ հայտարարեց, որ հասարակական տրանսպորտում ուղևորների վերահսկման նոր համակարգի գործարկման ծրագրային փուլն ավարտական փուլում է։
«Ծրագրային աշխատանքներն այս շաբաթ կավարտվեն, և կհաջորդեն դասընթացները՝ հասարակական կարգի պահպանության ծառայության աշխատակիցների համար։ Նրանք կսովորեն, թե ինչպես իրականացնել վերահսկողությունը տրանսպորտում՝ խախտումների արձանագրման համար», - նշեց Գրիգորյանը։
Նա հիշեցրեց, որ քաղաքապետի որոշմամբ արդեն փոփոխվել է ապրիլի 10-ի N13-93 որոշումը, որով հսկողության լիազորությունները հանձվել են հասարակական կարգի պահպանության ծառայությանը։
Քաղաքապետ Տիգրան Ավինյանն ընդգծեց, որ վերապատրաստումներից անմիջապես հետո կսկսվի նաև տուգանքների կիրառման գործընթացը: «Այս շաբաթ մենք սկսում ենք վերապատրաստումը և փաստացի արդեն սկսում ենք նաև պոտենցիալ տուգանել խախտողներին», - ասաց նա:
Հիշեցնենք, որ քաղաքապետի ապրիլյան որոշման փոփոխությամբ տրանսպորտում վերահսկողության լիազորությունները հանձվել են հասարակական կարգի պահպանության ծառայությանը։
Latest from Live24
- Սարիկ Մինասյանը կնշանակվի աշխատանքի և սոցիալական հարցերի նախարար, իսկ Նարեկ Մկրտչյանը՝ ԱՄՆ-ում դեսպան
- Տոկաևը պաշտոնական այցով ժամանել է Ստամբուլ
- Ռուսաստանը օգոստոսի 1-ից կփակի Ուկրաինայի հետ սահմանի 20 անցակետ
- ՄԱԿ-ը հայտարարել է Եվրոպայում միգրացիայի աճի մասին
- Ռուսաստանն Իսրայել կամ Իրան չէ․ Մեդվեդևը՝ Թրամփին
- Ռուսաստանն օգոստոսին արգելք է սահմանել բենզինի արտահանման վրա
- Հնարավոր չէ 30 տարի չփոփոխված համակարգը հարմարեցնել ժամանակակից պայմաններին․ ՆԳ նախարար
- Առաջին կիսամյակում շուրջ 400 հազար հայաստանցի այցելել է Վրաստան
Լրահոս
Ֆոտո
