Իրանի Քերմանշահ քաղաքում՝ հանրապետության արևմուտքում, Իսրայելի հարձակումից հետո չորս պայթյուն է որոտացել, հայտնում է Fars պետական ​​լրատվական գործակալությունը։

«Հարձակման թիրախը եղել է բեռնատարների սրահը Քերմանշահի Դիզելաբադ շրջանում: Այդ հարձակման հետևանքով՝ առնվազն մեկ մարդ վիրավորվել է», - ասվում է զեկույցում:

Հունիսի 13-ի գիշերը Իսրայելը սկսեց «Հարություն առնող առյուծ» գործողությունը՝ հարվածներ հասցնելով Իրանի միջուկային և ռազմական օբյեկտներին: Հարձակումները ուղղված են եղել միջուկային զենքի մշակման հետ կապված ենթակառուցվածքներին, ինչպես նաև բարձրաստիճան զինվորականների տեղակայման վայրերին:

Արդեն նույն օրը երեկոյան Իսլամական հեղափոխության պահապանների կորպուսը հայտարարեց «Ճշմարիտ խոստում-3» գործողության մեկնարկի մասին և հրթիռային հարվածներ հասցրեց Իսրայելին։ Թեհրանը խոստացել է լայնածավալ հարվածներ հասցնել իսրայելական ռազմական ենթակառուցվածքներին, այդ թվում՝ օդային բազաներին և այլ ռազմավարական օբյեկտներին։

ՀՅԴ Հայաստանի կառույցը վճռականէ՝ շարունակելու ազգային դիմադրության պայքարը՝ ի պաշտպանություն հայ ժողովրդի հավաքական իրավունքների և ինքնիշխանության վերահաստատման։

Ասվածէ ՀՅԴ Հայաստանի կազմակերպության 28-րդ Գերագույն ժողովի հայտարարության մեջ։

Հայտարարության մեջ ասվում է «ՀՅԴ Հայաստանի կազմակերպության 28-րդ Գերագույն ժողովը գումարվեց Հայաստանի Հանրապետության և համայն հայության համար լրջագույն աշխարհաքաղաքական ու ներազգային սպառնալիքների պայմաններում։

Արցախի բռնազավթումը և տեղի ունեցած էթնիկ զտումը, ՀՀ իշխանությունների հակազգային քաղաքականության հետևանքով առաջացած համակարգային ճգնաժամը հարցականի տակ են դրել Հայաստանի պետականության ապագան։

Վարչախումբը, թշնամական ուժերի հետ համադրաբար, շարունակում է ազգային շահերն ու արժեքները պաշտպանող ուժերի թիրախավորումը, ներազգային պառակտումը, Հայաստան-Սփյուռք հարաբերություններում արհեստական հակադրություների սերմանումը, Հայաստանյայց Առաքելական Սուրբ Եկեղեցու վրա հարձակումները և հուսալքության մթնոլորտի տարածումը՝ նպատակ ունենալով ոչնչացնել ազգային դիմադրության հնարավոր  օջախները։

Գործող վարչախումբն իր քաղաքականությամբ համայն հայությանը կանգնեցրել է պատերազմ կամ կապիտուլյացիա կործանարար երկընտրանքի առջև։

Ներկա իրավիճակում ազգային ուժերի և անհատների պատմական առաքելությունն ու գերխնդիրն է համազգային պայքարով ազատել հայ ժողովրդին այս կործանարար երկընտրանքից և հաստատել արդար ու տևական խաղաղություն։

Դա հնարավոր է միայն գործող իշխանությունների հեռացմամբ:

ՀՅ Դաշնակցությունը մերժում է պարտվողականությունը և ռազմավարական նպատակ է հռչակում նոր որակի ազգային պետության կառուցումն ու հայկական ինքնության պաշտպանությունը։

Առ այդ, հրամայական է.

ա) հայկական ինքնության և հայոց պետականության պահպանման օրակարգի շուրջ համահայկական ներուժի միավորումը,

բ) առկա մարտահրավերների հաշվառմամբ՝ պաշտպանունակության ու անվտանգության համակարգերի, ՀՀ Զինված ուժերի հրատապ վերակառուցումը,

գ) ՀՀ անվտանգության ապահովմանը միտված արտաքին քաղաքականության նոր դոկտրինի ձևավորումը՝ աշխարհաքաղաքական նոր իրավիճակին համապատասխան,

դ) բռնագաղթի և էթնիկ զտման ենթարկված արցախահայերի իրավունքների, այդ թվում՝ Արցախ հավաքական և անվտանգ վերադարձի և ինքնորոշման իրավունքի հետապնդումը:

ՀՅԴ Հայաստանի կառույցը վճռական է՝ շարունակելու ազգային դիմադրության պայքարը՝ ի պաշտպանություն հայ ժողովրդի հավաքական իրավունքների և ինքնիշխանության վերահաստատման։

Ժողովը կոչ է ուղղում մեր հայրենակիցներին՝

միավորվել ազգային պայքարի օրակարգի շուրջ, մերժել հուսահատությունը և դառնալ հաղթանակի համագործուն մասնակից։

Հայ ժողովուրդն ունի ուժ, իմաստություն և կամք՝ հաղթահարելու ներկա ճգնաժամն ու կերտելու արժանապատիվ ապագա։

Իրանը կիրառել է հիպերձայնային հրթիռներ Թել Ավիվին եւ Հայֆային հարվածելիս։ Այս մասին տեղեկացրել է Tasnim գործակալությունը։

Նրա տեղեկացմամբ՝ մարտագլխիկները «հեշտությամբ հաղթահարել» են հակահրթիռային պաշտպանության իսրայելական համակարգը եւ խոցել նշված թիրախները։ Գործակալության տվյալներով՝ Իրանը, հավանաբար, կավելացնի Իսրայելին հիպերձայնային հրթիռներով հասցվող հարվածների թիվը։

Իրանի գործողությունները Իսրայելի դեմ կշարունակվեն մինչեւ թշնամու լիակատար ոչնչացումը, նշվել է Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) հայտարարությունում։

«[Իսրայելի] հանցավոր ռեժիմի կողմնակիցները պետք է իմանան, որ [Իրանի] արդյունավետ, նպատակային եւ մահասփյուռ գործողությունները ռեժիմի նշանակալի եւ զգայուն թիրախների դեմ կշարունակվեն մինչեւ դրանց լիակատար ոչնչացումը»,- հայտարարության տեքստը մեջբերել է իրանական Tasnim գործակալությունը։

Իսրայելի դեմ ռազմական գործողությունները կշարունակվեն մինչև նրա լիակատար ոչնչացումը։ Այս մասին ասվում է Իսլամական հեղափոխության պահապանների կորպուսի (ԻՀՊԿ) հայտարարության մեջ, հայտնում է Sepahnews-ը: 

«Այս կեղծ ռեժիմի կենսական նպատակների դեմ արդյունավետ, նպատակային և ավելի կործանարար գործողությունները կշարունակվեն մինչև դրա լիակատար ոչնչացումը», - ասվում է հայտարարության մեջ:

Ադրբեջանի Հանրապետության ծովային սահմանից Բանդար Անզալի թռչող մի քանի իսրայելական թշնամական անօդաչու թռչող սարքեր հայտնաբերելուց հետո, պաշտպանական ցանցը վճռական գործողություններ է ձեռնարկել և ոչնչացրել բոլոր թիրախները, հաղորդում է @sepah_pasdaran_ru տելեգրամ ալիքը։

Ներկայումս այս տարածաշրջանում երկինքը լիովին հանգիստ է, և պաշտպանական ցանցը գտնվում է մարտական ​​լիակատար պատրաստության մեջ՝ վճռական գործողություններ ձեռնարկելու համար։

Իսրայելի կողմից Իրանի վրա հարձակման 65 ժամվա ընթացքում զոհվել է 224 մարդ, շուրջ 1,500-ը վիրավորվել է իսրայելական հարձակումների հետևանքով։ Այս մասին հայտնել է Իրանի առողջապահության նախարարությունը։

Իրանի ԱԳՆ-ից հայտնել են, որ Իսրայելը հարվածներ է հասցրել Իրանի արտգործնախարարության շենքին, ինչի հետևանքով կան տուժածներ, այդ թվում՝ դիվանագետներ։

Ավելի ուշ Իսրայելի պաշտպանության բանակը հայտարարել է, որ հարվածներ են հասցվել Իրանում գտնվող ԻՀՊԿ «Ղուդս» ուժերին պատկանող հրամանատարական կենտրոններին։

Առավոտյան Իրանը հրթիռային հարձակումների նոր ալիք է սկսել Իսրայելի ուղղությամբ, ամբողջ երկրում հնչել են օդային տագնապի ազդանշաններ։ Իսրայելի կենտրոնական հատվածներում իրանական չորս բալիստիկ հրթիռների հարվածներից զոհվել է 3 մարդ, 74 մարդ հոսպիտալացվել է։ Այս մասին հաղորդում է The Times of Israel-ը։

Թել Ավիվի մոտակայքում գտնվող Պետահ Տիկվա քաղաքի իշխանությունների փոխանցմամբ, իրանական հրթիռները հարվածել են 20-հարկանի բնակելի շենքի՝ վնասելով 4-րդ և 5-րդ հարկերը։ Ըստ արտակարգ ծառայությունների հաղորդագրության՝ շենքում, ամենայն հավանականությամբ, ոչ ոք չկա, սակայն փրկարարներն, այնուամենայնիվ, շարունակում են որոնումները։

Իսրայելի պաշտպանության բանակը հայտարարել է, որ ավարտել է Իրանի տարածքին ավիահարվածների լայնածավալ ալիքը, որի նպատակն է եղել զենքի արտադրության հզորությունների ոչնչացումը։ Այդ մասին հայտնել է The Times of Israel-ը։

«Հարվածները թիրախավորել են Իսլամական հեղափոխության պահապանների կորպուսին, Պահապանների կորպուսի «Ղոդս» ուժերին և Իրանի զինված ուժերին պատկանող ենթակառուցվածքները։

«Թիրախային հարվածներ են հասցվել Իրանի տարածքում զենքի արտադրության բազմաթիվ օբյեկտների», – նշված է Իսրայելի պաշտպանության բանակի հաղորդագրության մեջ։