ԱՄՆ-ն և մի քանի եվրոպական երկրներ Իսրայելին տրամադրել են Իրանի վերաբերյալ հետախուզական տեղեկատվություն, նախքան այն հարձակումներ իրականացներ Իսլամական Հանրապետության տարածքում, կիրակի օրը կառավարության նիստի ժամանակ հայտարարել է Իրանի նախագահ Մասուդ Փեզեշքիանը։

«Այս դաժան հարձակումները կանխելու փոխարեն, մենք տեսնում ենք, թե ինչպես են նրանք՝ ԱՄՆ-ն և մի քանի եվրոպական երկրներ, Իսրայելին տրամադրում քաղաքական աջակցություն, ինչպես նաև օգնում զենքով և հետախուզական տեղեկատվությամբ։

Նույն ինքնաթիռները, հրթիռներն ու զենքերը, որոնք Իսրայելն այսօր ունի իր տրամադրության տակ և օգտագործում է մեր դեմ, տրամադրվել են նույն երկրների կողմից, և Իսրայելի ունեցած հետախուզական տեղեկատվությունը ստացվել է ԱՄՆ-ի և մի քանի եվրոպական երկրների ռադարների և ռազմական համակարգերի շնորհիվ», – ասել է նա։

Այսօր՝ հունիսի 15-ին, արտակարգ իրավիճակ է ստեղծվել Արագածոտնի մարզում։ 

Ինչպես հայտնում է Shamshyan. com-ը, ուժեղ քամու և փոթորկի հետևանքով Ապարանում արտակարգ իրավիճակ է ստեղծվել։

Քամին պոկել ու շպրտել է բազմաթիվ շենքերի ու սեփական տների տանիքներ, կոտրել ծառեր ու էլեկտրական սյուներ։

Արդյոք քամու և փոթորկի հետևանքով տուժած քաղաքացիներ կան, այս պահին Ապարանի քաղաքապետ Կարեն Եղիազարյանի գլխավորությամբ քաղաքապետարանի աշխատակիցները պարզում են։

Գերմանիայի կանցլեր Ֆրիդրիխ Մերցը հեռախոսազրույց է ունեցել Օմանի սուլթանի և վարչապետ Հեյսամ բեն Թարիք Ալ Սաիդի հետ: Մերցն ասել է, որ Իրանը «երբեք չպետք է միջուկային զենք ձեռք բերի», ասվում է Գերմանիայի կառավարության պաշտոնական հայտարարության մեջ:

Երկու կողմերն էլ համաձայնել են, որ այժմ նպատակը պետք է լինի Մերձավոր Արևելքում հակամարտության սրումը կանխելը։ Բացի այդ, Ֆրիդրիխ Մերցը և Հեյսամ բեն Թարիք Ալ Սաիդին հաստատել են իրենց պատրաստակամությունը դիվանագիտական ​​միջոցներ ձեռնարկել Իսրայելի և Իրանի միջև հակամարտությունը լուծելու համար։

Գերմանիայի կառավարության ղեկավարը նաև շնորհակալություն է հայտնել Օմանի սուլթանին Իրանի և ԱՄՆ-ի միջև իրանական միջուկային ծրագրի շուրջ բանակցություններում միջնորդական ջանքերի համար։

Հունիսի 15-ին Հայաստանում իր աշխատանքներն է ավարտել ՀՅԴ Հայաստանի կազմակերպության 28-րդ Գերագույն ժողովը։
Ժողովը քննել է ՀՅԴ Հայաստանի Գերագույն մարմնի երկամյա գործունեությունը: Հաստատվել են ՀՅԴ Հայաստանի կազմակերպության առաջիկա երկու տարիների գործունեության սկզբունքները, առաջնահերթություններն ու անելիքները։
Քննարկումների արդյունքում կայացվել են համապատասխան որոշումներ:
Ժողովի ավարտին ընտրվել է Գերագույն մարմին` հետևյալ կազմով.
Իշխան Սաղաթելյան,
Աշոտ Սիմոնյան,
Թադևոս Ավետիսյան,
Գեղամ Մանուկյան,
Տիրան Խաչատրյան,
Պետրոս Մեղրյան,
Հակոբ Մաթիլյան,
Իգոր Սարգսյան,
Կարեն Խանլարյան,
Խաչատուր Ստեփանյան,
Գերասիմ Վարդանյան,
Արգիշտի Գևորգյան,
Քրիստինե Վարդանյան։
ՀՅԴ Գերագույն մարմինն իր անդրանիկ նիստում ՀՅԴ Հայաստանի Գերագույն մարմնի ներկայացուցիչ է ընտրել Իշխան Սաղաթելյանին։

Իրանը հրթիռներն ընկել են Նեթանյահուի տան վրա։ Live24.am-ը ներկայացնում է իրավիճակն այս պահի դրությամբ՝ ըստ իրանական տելեգրամ ալիքների։

- Իրանը հրթիռակոծել է Նեթանյահուի տունը, սակայն հայտնի չէ՝ տանը որևէ մեկը եղել է, թե ոչ։ Իսրայելական լրատվամիջոցները հաստատել են, որ իրանական հրթիռը թիրախավորել է Նեթանյահուի Կեսարիայում գտնվող նստավայրը։

- Իրանական վերջին հրթիռային հարձակումը պատերազմի սկսվելուց ի վեր Իսլամական Հանրապետության կողմից Իսրայելի վրա ցերեկային հարձակում սկսելու առաջին դեպքն է, և դա վտանգավոր զարգացում է։

- Իսրայելական բանակը հայտարարել է, որ վերջին ալիքի բոլոր հրթիռները մի քանի րոպե առաջ չեն որսացվել։ Հարվածների մասին հաղորդագրություններ դեռևս չունեն։

- Իսրայելի կառավարությունը արտակարգ դրությունը երկարաձգել է մինչև հունիսի 30-ը։

- Իսրայելի սոցիալական հարցերի նախարարություն. Իրանական հարձակումից հետո 742 քաղաքացիական անձ անօթևան է մնացել, նրանցից շատերը Ներքին ճակատի հրամանատարության կողմից տարհանվել են երկրի տարբեր հյուրանոցներ։

Իրանը և Իսրայելը պետք է գործարք կնքեն, և նրանք դա կանեն, ինչպես ես գործարքի հասա Հնդկաստանի և Պակիստանի միջև՝ օգտագործելով առևտուրը ԱՄՆ-ի հետ՝ որպեսզի բանականություն, միասնություն և ողջախոհություն բերեմ երկու մեծ առաջնորդների հետ բանակցություններին, ովքեր կարողացան արագ որոշում կայացնել և դադարեցնել հակամարտությունը: Այս մասին հայտարարել է ԱՄՆ նախագահ Դոնալդ Թրամփը: 

Նաև իմ առաջին ժամկետի ընթացքում Սերբիայի և Կոսովոյի միջև հարաբերությունները սրվեցին, ինչպես դա եղել է տասնամյակների ընթացքում, և այդ երկարատև հակամարտությունը կարող էր վերածվել պատերազմի:

Ես դա դադարեցրի (Բայդենն իր հիմար որոշումներով խաթարեց երկարաժամկետ հեռանկարները, բայց ես նորից կուղղեմ դա): Մեկ այլ օրինակ է Եգիպտոսի և Եթովպիայի միջև հակամարտությունը հսկայական Նեղոս գետի վրա ազդող հսկայական ամբարտակի շուրջ:

Իմ միջամտության շնորհիվ հիմա այնտեղ խաղաղություն է, և այն կպահպանվի։ Նմանապես, շուտով խաղաղություն կլինի Իսրայելի և Իրանի միջև։ Այժմ բազմաթիվ զանգեր ու հանդիպումներ են ընթանում։

Ես շատ բան եմ անում, բայց երբեք դրա համար ճանաչում չեմ ստանում, և դա նորմալ է, մարդիկ հասկանում են:

Մերձավոր Արևելքը կրկին Մեծ դարձնենք:

Իրաքում գործող իրանամետ շիական «Քաթայիբ Հեզբոլլահ» խմբավորումը սպառնացել է հարձակվել տարածաշրջանում ԱՄՆ ռազմաբազաների վրա, եթե նրանք միջամտեն Իրանի և Իսրայելի միջև հակամարտությանը:

Համապատասխան նախազգուշացումով հանդես է եկել կազմակերպության գլխավոր քարտուղար Աբու Հուսեյն ալ Համիդաուին։

«Մենք ուշադիր հետևում ենք տարածաշրջանում ամերիկացի զինվորականների զորավարժություններին: Եթե ԱՄՆ-ը պատերազմի մեջ մտնի, մենք չենք վարանի հարվածել նրանց բազաներին Մերձավոր Արևելքում»,- ընդգծել է ալ-Համիդաուին, ում հայտարարությունը մեջբերել է իրաքյան Shafaq News պորտալը:

Միևնույն ժամանակ, «Քաթայիբ Հեզբոլլահի» առաջնորդը նշել է, որ Իրանը, իր կարծիքով, «Իսրայելի հետ առճակատման հարցում ռազմական աջակցության կարիք չունի» և «բավարար ռեսուրսներ ունի թշնամու հետ ինքնուրույն գործ ունենալու համար»։

Իսրայելի ավիահարվածների հետևանքով Իրանի տարածքում ընդհանուր առմամբ 14 միջուկային գիտնական է սպանվել։ 

Այս մասին հայտնում է Reuters-ը։

«Ուրբաթ օրվանից մինչ այսօր առնվազն 14 միջուկային գիտնական է սպանվել Իսրայելի հարձակումների, այդ թվում՝ ավտոմեքենաների պայթյունների հետևանքով», - գործակալությանը հայտնել են Պարսից ծոցի երկրների երկու աղբյուրներ:

Իսրայելի վարչապետ Բենիամին Նեթանյահուն հարցազրույց է տվել Fox News-ին և հաստատել Թեհրանում հարձակման արդյունքում Իսլամական Հեղափոխության պահապանների կորպուսի հետախուզության ղեկավարի և նրա տեղակալի վերացումը։

«Մենք որոշեցինք գործել, քանի որ ստիպված էինք: Մենք տեսանք բավականաչափ հարստացված ուրան 9 ռումբ պատրաստելու համար: Մենք հարձակվում ենք նրանց միջուկային օբյեկտների վրա: Մենք հարձակվեցինք նրանց բարձրագույն հրամանատարության վրա, և կարող եմ թարմացնել, որ քիչ առաջ մենք նաև վերացրեցինք նրանց հետախուզության բաժնի պետին և նրա տեղակալին Թեհրանում»,-ասել է նա:

ԱՄՆ նախագահ Դոնալդ Թրամփը վերջին օրերին վետո է դրել Իրանի գերագույն առաջնորդ այաթոլլա Ալի Խամենեիին սպանելու Իսրայելի ծրագրի վրա:

Այս մասին հայտնում է Reuters լրատվական գործակալությունը՝ հղում անելով երկու ամերիկացի պաշտոնյաների:

«Իրանցիները սպանե՞լ են ամերիկացիներին։ Ո՛չ։ Քանի դեռ դա տեղի չի ունեցել, մենք նույնիսկ չենք քննարկում քաղաքական ղեկավարության դեմ մահափորձի մասին», - ասել է աղբյուրներից մեկը՝ ԱՄՆ վարչակազմի բարձրաստիճան պաշտոնյան։