Բանակում արգելում են զինվորներին իրենց մոտ պահել խաչ և աղոթագիրք․ ի՞նչ է պարզաբանում ՊՆ-ն. ArmLur.am
ArmLur.am-ը գրում է.
Պատմությունը ցույց է տալիս, որ երկրում տեղի ունեցող յուրաքանչյուր օրհասական պահի ժողովրդի կողքին և թշնամու առաջ միշտ պաշտպան և բանակցող է դարձել եկեղեցին։
Ըստ Փաշինյանի՝ Հայ առաքելական սուրբ եկեղեցին, Հայ կաթողիկե եկեղեցին, Հայ ավետարանական եկեղեցին և քրիստոնեությունը համարվում են ՀՀ ազգային արժեքներ, սակայն իշխանության քայլերը նրանց հայտարարության դեմ է ուղղված։
Բանն այն է, որ օրերս ArmLur.am-ի խմբագրություն տարբեր քաղաքացիներ էին ահազանգել այն մասին, որ Հայոց բանակ զորակոչվող տղաներին արգելում են իրենց մոտ ունենալ խաչ և գրպանի փոքր աղոթագիրք։ Ահազանգողը զինծառայողի հարազատ էր, ով պնդում էր, որ ոչ միայն նորակոչիկների, այլև արդեն մեկ տարի և ավելի ծառայած տղաներին արգելել են բանակում եկեղեցական աղոթագիրք, «Նարեկ» և խաչ ունենալ։ Այս մասին տեղյակ են նաև եկեղեցում, և եկեղեցականների մոտ էլ է որոշ հարցեր առաջացել։
Այսինքն եկեղեցու դեմ ուղված քաղաքական ճնշումը մտել է նաև զորամասեր։
Ահազանգողը պնդում էր, որ նույնիսկ փայտից խաչեր չեն թողնում․
«Հասկանալի է արգելքը ոսկյա կամ երկաթյա, թեկուզ արծաթյա խաչերի դեպքում, որ վեճեր չլինեն, բայց փայտը ինչ պետք ա անի։ Նույնիսկ փայտից խաչ, բռոշ չի կարելի կպցնել»,- ասել է ArmLur.am-ի զրուցակիցը։
Հիշեցնենք, որ դեռ 2018 թվականին ՀՀ վարչապետ Փաշինյանը 10-ամյա երեխաների էր հյուրընկալում՝ նվեր ստանալով խաչ և աղոթագիրք, խոստանում էր, որ ամեն բան անելու է, որպեսզի հայ զինվորները առողջ լինեն եւ առողջ տուն վերադառնան, սակայն ինչպես տեսնում ենք՝ արգելում են ունենալ Աստծո պահապան խաչն ու աղոթագրքերը։
Այս խնդրով ArmLur.am-ը կապ է հաստատել ՊՆ մամուլի խոսնակ Արամ Թորոսյանի հետ՝ պարզելու՝ ո՞րն է պատճառը արգելք դնելու խաչ և աղոթագիրք ունենալու։ Զրույցում Արամ Թորոսյանն ասել է, որ այս տեղեկատվությունը չի համապատասխանում իրականությանը, նման բան չկա։
Չնայած վերը նշվածին հիշեցնում են, որ անգամ պատերազմի դաշտ մեկնելուց էլ զինվորների գրպանում եղել է խաչն ու գրպանի աղոթագիրքը, իսկ մեջքին՝ զիվորական համազգեստի վրա, սպիտակ մեծ խաչ է կարվել՝ ի ապացույց այն բանի, որ զինվորը քրիստոնյա է, հայ է, ոչ ադրբեջանցի։
Կալավանը Գեղարքունիքի մարզի ամենահեռավոր գյուղերից է։ Նիկոլ Փաշինյանը արձակուրդի ընթացքում ընտանիքով Կալավան է գնում՝ հանգստանալու։ Կալավանում «գտնում է» Ռոբերտ Ղուկասյանին, ու բերում, դնում է իր խորհրդական։ Հեքիաթն այստեղ էլ պիտի վերջանար։ Ավելի ճիշտ իր հայրենասիրական շոուն պիտի ավարտվեր։ Հանրությունը տեղեկացավ, որ Նիկոլը շատ «փխրուն սիրտ ունի» , և շրջագայությունը արդյունք է տվել։
Կալավանցի Ռոբերտին, ով գյուղի դպրոցի միակ աշակերտն է եղել, «գտել ու բերել է»։ Այդ փոքրիկ, մի աշակերտ ունեցող գյուղի համայնքապետարանի օգնականին բերում ու դնում է ՀՀ վարչապետի օգնական։ Հեղափոխությունից հետո նման նշանակումները ողջունում ու ծափահարում էին։ Մի քիչ «թևի տակ աճեցնելուց հետո» 2022 թվականին նշանակում է Սյունիքի մարզպետ։ Ուրիշ էլ ո՞վ կարող էր հլու- հնազանդ նրան ծառայել։
Հիմա Սյունքից եք խոսում, հանձնածներից եք խոսում, քաղաքապետներից եք խոսում․․․ Սյունիքի մարզպետ է նշանակվել մեկը, ով իր փոքրիկ, դպրոցում մի աշակերտ ունեցող գյուղից անդին աշխարհ չի ճանաչել։ Սյունիքի նման աշխարհաքաղաքական թեժ կետում, որն աշխարհը խառնել է իրար, Սյունիքի հետ կապ չունեցող, ընդունենք մի լավ տղա է նշանակվել, ով «աշխատեցնում է» Սյունիքի ընտրված քաղաքապետերին, համայնքապետերին, Սյունիքը․․․ Հետո էլ կատարվածից զարմանում եք․․․ Հայաստանի ողջ պետական համակարգը այսպես է կառուցված։ Ձեռքն ինչ ընկել, ինչ ձայն չհանող բան գտել, բերել- դրել է պաշտոնի, որ միայն ինքը ձայն հանի․․․ Ես կալավանցու մասին բան չեմ ասում։ Կալավանի բնակիչ Ռոբերտ Ղուկասյանը 9 տարեկան էր, երբ իր ընտանիքը տեղահանվեց Ադրբեջանի Սումգայիթ քաղաքից. Նա հիշում է այդ դեպքերը,- ասում էր,- ադրբեջանցիների նկատմամբ թշնամանք չի զգում, դրանք քաղաքական «խաղեր էին»:
Երբ սկսվեցին հայ-ադրբեջանական բախումները, Ամրխեր անունը կրող ադրբեջանաբնակ գյուղի բնակչությունը Շամխորի շրջանի հայերի հետ փոխանակվեց տներով, Ամրխերը դարձավ հայաբնակ Կալավան։ Մինչև 1988-1989 թթ. Կալավանը բնակեցված է եղել ադրբեջանցիներով։ Ներկայիս բնակիչները հայեր են, որոնք գաղթել են նույն տարիներին Խորհրդային Ադրբեջանի Շամքորի շրջանի բնակավայրերից, ինչպես նաև Սումգայիթ քաղաքից։ Կալավանը 100-ի չափ բնակիչ ունի։ Ռոբերտը եղել է Կալավանի միակ աշակերտը՝ ավարտական վերջին տարիներին։ Ինքնուս հնագետ ու կենդանաբան է։ Գյուղը ուզում էր շենացնել, ծրագրեր էր մշակում։ Նիկոլ, Ռոբերտին Կալավանից բերել ես, որ ի՞նչ։ Սյունիքը այդքան թեժ կետ, կալավանցուն դրել ես, որ ի՞նչ անի։ Որ ինչ ասես՝ լսի՞ ու Սյունիքն էլ սարքի Կալավանի չափ մի պստիկ գյու՞ղ․․․
«Ճանապարհային դեպարտամենտ» հիմնադրամի տնօրեն Գոռ Ավետիսյանն աշխատանքից ազատման դիմում է գրել։ Այդ մասին «Սպուտնիկ Արմենիա»-ին հայտնել են Ճանապարհային դեպարտամենտից։
Դեպարտամենտից նշել են, որ Ավետիսյանը մի քանի օր առաջ է դիմումը գրել, բայց հոգաբարձուների խորհուրդը դեռ չի հաստատել այն. նա դեռ շարունակում է պաշտոնավարել։
Գոռ Ավետիսյանը «Ճանապարհային դեպարտամենտ» հիմնադրամի ղեկավարի պաշտոնում նշանակվել էր 2022 թվականին։
Փաշինյանին ժամանակ եմ տալիս. Շարմազանով
Մանրամասներ
Ծանրամարտի Եվրոպայի չեմպիոն, արծաթե և կրկնակի բրոնզե մեդալակիր Հռիփսիմե Խուրշուդյանն ավարտում է մարզական կարիերան: Այդ մասին տեղեկացնում են ԿԳՄՍ նախարարությունից:
Այս կապակցությամբ նախարարի տեղակալ Կարեն Գիլոյանը հյուրընկալել է անվանի մարզուհուն և շնորհակալություն հայտնել ներդրած ջանքերի, ծանրամարտի պատմության մեջ հետք թողնելու և գրանցած հաղթանակներով Հայաստանի պատիվը բարձր պահելու համար:
«Մարզաշխարհում դուք պատմություն եք կերտել: Ձեր նվիրումն ու կամքի դրսևորումը չափազանց գնահատելի և օրինակելի են ոչ միայն մարզիկների, այլև, ընդհանրապես, մարդկանց համար, որոնք պետք է անցնեն պայքարի ուղին: Դուք արժանի եք ամենաբարձր մեծարանքին»,- ասել է Կարեն Գիլոյանը:
Հռիփսիմե Խուրշուդյանը ևս շնորհակալություն է հայտնել գնահատանքի և իր գործն արժևորելու համար. «Շնորհակալ եմ, որ իմ կողքին եք: Ամենաբարդ մրցապայքարում անգամ դա միշտ ոգևորիչ է և ուժ է տալիս»:
Հանդիպմանը քննարկվել են ոլորտին առնչվող մի շարք հարցեր, ընթացիկ խնդիրներ:
ՆԳՆ մամուլի քարտուղար Նարեկ Սարգսյանը հայտնում է. «Ահազանգը, իբր «Շիրակ» օդանավակայանում ռումբ կա տեղադրված, կեղծ է։
ՆԳՆ ոստիկանության ծառայողները, համագործակցելով ԱԱԾ գործընկերների հետ և ձեռնարկելով անհետաձգելի օպերատիվ-հետախուզական միջոցառումներ, կեղծ ահազանգը կատարելու կասկածանքով ձերբակալել են 36-ամյա տղամարդու։
Օդանավակայանի բնականոն աշխատանքը վերականգնվել է»:
Աղբյուրը` Նարեկ Սարգսյան
Ադրբեջանում անսպասելի որոշում է կայացվել ծառայության համար ոչ պիտանի ճանաչված անձանց համար:
Մասնավորապես, ադրբեջանական լրատվամիջոցները, հղում անելով Ադրբեջանի պետական բժշկասոցիալական փորձաքննությունների և վերականգնման գործակալությանը, գրել են, որ նախկինում ծառայության համար ոչ պիտանի ճանաչված մինչև 35 տարեկան քաղաքացիները կրկնաստուգում կանցնեն, որից հետո միայն կորոշվի՝ նրանք պիտանի՞ են ծառայությանը, թե՞ ոչ:
Նշենք, որ հուլիսի 1-ին ՀՀ պաշտպանության նախարար Սուրեն Պապիկյանի գլխավորությամբ տեղի էր ունեցել պաշտպանության նախարարին կից կոլեգիայի նիստ՝ «ՀՀ ԶՈՒ անձնակազմի համալրման խնդիրներն ու լուծման ուղիները» օրակարգով, որի ժամանակ նախարարը նշել էր, որ առաջիկայում ձեռնարկվելու են քայլեր, որոնք կխթանեն անձնակազմի համալրման կարևոր գործընթացը:
«ԶՈՒ համալրման գործընթացն անհրաժեշտ է մշտապես՝ ամենօրյա ռեժիմով պահել ուշադրության կենտրոնում, և այդ համատեքստում քննարկվող հարցերն անչափ կարևոր են զինված ուժերի մարտունակության ամրապնդման գործում»,– շեշտել էր Սուրեն Պապիկյանը:
Ավելի վաղ՝ փետրվարի 2-ին, ՀՀ պաշտպանության նախարար Սուրեն Պապիկյանը Պետրոս Ղազարյանի հետ հարցազրույցի ժամանակ նշել էր, որ զորակոչի հետ կապված մտահոգիչ խնդիրներ կան:
«Այս ուղղությամբ մենք հիմա աշխատանք ենք տանում, մի շարք փոփոխություններ ենք նախաձեռնելու կառավարության որոշումներում, հնարավոր է, որ անհրաժեշտություն ունենանք նաև օրենսդրական փոփոխություններ կատարելու: Բայց մի բան փաստ է, որ ծառայելու պատրաստակամության պակաս ունենք։ Շատերը փորձում են զարտուղի ճանապարհներով խուսափել զինվորական ծառայությունից։ Վարչապետն անդրադարձել է դրան, կա հանձնարարական բոլոր պատկան մարմիններին՝ դրանով զբաղվել, Պաշտպանության նախարարությունը պատրաստակամ է բոլոր հարցերում աջակցել, վեր հանել բոլոր խնդիրները, որ կարողանանք հավասարության սկզբունքը մեր երկրում ապահովել»,- շարունակել էր Պապիկյանը:
ՀՀ պաշտպանության նախարարից առաջ Նիկոլ Փաշինյանն էր Հայաստանի Հանրապետության բանակի կազմավորման 32-րդ տարեդարձին նվիրված տոնական միջոցառմանը նշել. «Առերեսվում ես դառը իրականությանն առ այն, որ զորակոչի ենթակա տարիքային խմբի կեսից քիչն է զորակոչվում բանակ»:
«Սա կամ նշանակում է, որ մեր սերունդն առողջական ծանր պրոբլեմներ ունի, կամ էլ զորակոչը Հայաստանի Հանրապետությունում մնում է կոռուպցիայի ամենածաղկուն միջավայրը, որտեղ միմյանց հետ դաշնակցում են բժշկական հանրության, զինվորականության և հանրության ներկայացուցիչներ»,- շարունակել էր նա:
Այսինքն, երկրի ղեկավարը գաղտնազերծում էր թույլ տվել՝ «զորակոչի ենթակա տարիքային խմբի կեսից քիչն է զորակոչվում բանակ», և որոշակի հուշում կատարել, որից կարող է օգտվել հակառակորդը, եթե հաշվի առնենք նաև, որ 2020 թվականի հոկտեմբերի 5-ին Նիկոլ Փաշինյանը վերջին մեկ տարում զորացրված զինվորներին ուղղված իր մարտակոչում հայտնել էր, որ «այդպիսի 10.000 տղա կա Հայաստանում»:
Ի դեպ, 2023 թվականի նոյեմբերին ՔՊ-ական պատգամավոր Հայկ Սարգսյանը, երբ ներկայացնում էր իր օրինագիծը, դարձյալ գաղտնիության տարրեր պարունակող տվյալներ էր հայտնել։
«Առնվազն վերջին 15 տարվա ընթացքում ամեն տարի ունեցել ենք ավելի քիչ թվով զորակոչիկ, ժամկետային զինծառայող, քան նախորդ տարի: 2010 թվականին 44.000 ժամկետային զինծառայող է եղել ՀՀ-ում, սակայն 9 տարվա ընթացքում մոտ 44 տոկոսով նվազել է այդ թիվը՝ 44.000-ից դառնալով 24.000»,- մանրամասնել էր նա:
Բնականաբար, ոչ մի պատասխան չտվեց ՔՊ-ական պատգամավորը, որովհետև սա կնշանակեր, որ իր գաղտնիության տարրեր պարունակող տվյալներ հրապարակելու համար պատասխանատվության պիտի ենթարկվի առաջինը Նիկոլ Փաշինյանը:
Իսկ Նիկոլ Փաշինյանի և Սուրեն Պապիկյանի՝ զորակոչի հետ կապված մտահոգություններից և գաղտնազերծումներից հետո զինծառայությունից ազատող հիվանդությունների ցանկը որոշվեց կրճատել: Բայց, բնական է, որ ԶՈւ համալրման, այդ թվում՝ անձնակազմի հետ կապված խնդիրը շարունակում է բարդ լուծելի մնալ:
Իսկ ծառայելու պատրաստակամության պակասի մասին խոսող Սուրեն Պապիկյանը և Նիկոլ Փաշինյանը նախ իրենք իրենց պիտի հարց տան՝ ինչո՞ւ է այդպես սուր համալրման խնդիրը, ինչո՞ւ կարող է սպան, ինչպես ՔՊ-ական պատգամավոր Արմեն Խաչատրյանն է ասել՝ «Սպան գալիս, ասում է` չեմ ծառայում, վերցրեք ձեր 10 մլն-ը, ես գնացի…»:
Այսինքն, ոչ միայն պիտի հետ գնան դեպի 2020 թվականի 44-օրյա պատերազմ, հաշվի առնեն դրա ելքը, կորուստները, պատերազմից հետո մոտ 3 տարվա ընթացքում ՀՀ ԶՈւ-երում ստեղծված մթնոլորտը, կարգապահությունը, բարոյահոգեբանական վիճակը, արտաքին վտանգներին դիմակայելու ոչ բավարար կարողությունը, պատերազմից հետո 3 տարվա ընթացքում մարդկային ու տարածքային կորուստները, բանակի մասին հայտարարություններն ու տարվող քաղաքականությունը, օրենսդրական նախաձեռնությունները, երբ փողով կարելի է ազատվել զինծառայությունից, իշխող ուժի ներկայացուցիչների և պաշտոնյաների՝ տարբեր հանգամանքներով, պատճառաբանությամբ՝ օբյեկտիվ ու սուբյեկտիվ, բանակում չծառայելու հանգամանքը և փաստերը։ Եվ, որ ամենակարևորն է՝ այսօր իր դիրքում կանգնած զինծառայողը՝ ժամկետային, պայմանագրային, ապահովագրված չէ այն բանից, որ իր կանգնած դիրքը, տարածքը վաղը կարող է ՀՀ իշխանությունները ոչ հայկական համարեն և հանձնեն Ադրբեջանին, զինծառայողն այսօր կաշկանդված է, որ հանկարծ չդատվի կրակելու համար, հատկապես, երբ Փաշինյանի կառավարությունն առավել հակված է մեղադրել սեփական զինվորին, հիմա էլ որոշել է ռազմական արդարադատությունը «հանձնել» Ալիևի ձեռքը՝ առաջարկելով երկկողմ հետաքնությունների մեխանիզմ ձևավորել, որտեղ կողմերից կարող են ներգրավված լինել զինվորական դատախազները կամ այլ պաշտոնյաներ:
ՀՀ ԶՈՒ համալրման վերը նշված պատճառների շարքը կարելի է լրացնել, իսկ թվարկվածներից յուրաքանչյուրի վերաբերյալ կարելի է երկար և մանրամասն խոսել, բայց թողնենք մեկ այլ առիթի:
Իսկ մինչ այդ, ինչպես արդեն նշեցինք՝ Ադրբեջանում անսպասելի որոշում է կայացվել ծառայության համար ոչ պիտանի ճանաչված անձանց համար, և նախկինում ծառայության համար ոչ պիտանի ճանաչված մինչև 35 տարեկան քաղաքացիները կրկնաստուգում կանցնեն, որից հետո նոր միայն կորոշվի՝ նրանք պիտանի՞ են ծառայությանը, թե՞ ոչ:
Իսկ թե հետին ինչ նպատակներ կան թաքնված ադրբեջանական այս որոշման մեջ, ժամանակը ցույց կտա՝ Ադրբեջանի ԶՈՒ-ն համալրման հետ կապված խնդիրներ ունի՞, թե՞ պատրաստվում են լայնամասշտաբ գործողությունների և այսօրվանից արդեն մարդկային ռեսուրսի խնդիրներն են փորձում լուծել:
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 386 դրամ, վաճառքի նվազագույն արժեքը՝ 390 դրամ:
Եվրոյի առքի առավելագույն արժեքն է 414 դրամ, վաճառքի նվազագույն արժեքը՝ 421 դրամ:
Ռուսական ռուբլու առքի առավելագույն արժեքն է 4.37 դրամ, վաճառքի նվազագույն արժեքը՝ 4.55 դրամ:
«Իրավունք» թերթը գրում է. «Տավուշը` հանուն հայրենիքի» շարժումը վերադասավորումների փուլում է, որից հետո կրկին շարունակելու է պայքարը:
Այս մասին հունիսի 19-ի մամուլի ասուլիսի ժամանակ ասաց Բագրատ սրբազանը։ Արդյոք շարժումը հաջողելու շանսեր դեռ ունի՞: Քաղաքագետ, «Զանգ» քաղաքացիական նախաձեռնության խմբի անդամ Միքայել Նահապետյանի խոսքերով. «Բագրատ սրբազանը շատ լավ մարդ է, դրական խարիզմա ունի: Բայց այդ ամբողջ համակրանքով հանդերձ, մարդիկ պատկերացնում են ավելի քաղաքական, ոչ հոգեւորականի ճանապարհ անցած մարդու վարչապետություն, որովհետեւ այս երկրում, որտեղ ոչ մի բան առանց այդ էլ երաշխավորված չէ, դեմոկրատական ուղի անցած մարդու թեկնածությունը փոքրիշատե երաշխիք է, որ դեմոկրատիա կունենա։
Շարքերով նման հարցեր կան, որոնք չեն լուծվել, չեն կարգավորվել, ու այդ պայմաններում դժվար է նեղանալ մարդկանցից, որ չեն միանում»:
Ֆոտո
