Հանրության կոնսոլիդացիան հնարավոր է, հնարավոր է՝ այսպիսի մեծ բազմությամբ ավելի շուտ հասնենք սկսված իմփիչմենթի վերջնական հաղթանակին. այս մասին լրագրողների հետ զրույցում ասել է «Պատիվ ունեմ» խմբակցության վարչապետի թեկնածու Դավիթ Համբարձումյանը:

«Ես իրատեսական եմ համարում իմփիչմենթի սկսված գործընթացը հաղթական ելքով ավարտելը, այո՛», - նշել է նա:

Անդրադառնալով սպասվող գործողությունների ակտիվացման մասին հարցին՝ վարչապետի թեկնածուն ընդգծել է, որ այս պահին ճիշտ չի համարում այդ մասին խոսել՝ կրկնելով, որ «գործընթացը սարերի հետևում չէ»:

«Մեր սկսած գործը տանելու ենք մինչև հաղթանակ... Ես համերաշխության կողմնակից եմ, և այն պատգամավորները, որոնք կցանկանան մեզ հետ հանդիպել և ինչ-որ հարցեր քննել, մեծ սիրով, որևէ խնդիր չեմ տեսնում», - եզրափակել է Դավիթ Համբարձումյանը:

Նշենք, որ Զվարթնոց տաճարի մոտից մեկնարկել է հավատավորների երթը դեպի Մայր աթոռ` ի պաշտպանություն Հայ Առաքելական Եկեղեցու և Գարեգին Բ կաթողիկոսի: Այսօր նշվում է Սուրբ Էջմիածնի տոնը: Էջմիածնի Մայր Տաճարում նախատեսված է ակցիայի մասնակիցների հանդիպումն Ամենայն Հայոց Կաթողիկոսի հետ:

Այսօր առավոտյան Իրանն Իսրայելի վրա արձակել է «Խեյբար Շեկան» բալիստիկ հրթիռ, որը կարող է թռչել մինչև 2,000 կմ՝ տեղափոխելով 1,5 տոննա պայթուցիկ նյութ:

Մինչդեռ ԻՀՊԿ-ն հայտարարել է, որ Իսրայելի վրա Իրանի հարվածի թիրախներն են եղել Բեն Գուրիոն օդանավակայանը, կենսաբանական հետազոտությունների կենտրոնը և հրամանատարական կետերը։

Հիշեցնենք, որ ԱՄՆ նախագահ Դոնալդ Թրամփը հայտարարել է, որ երկրի ռազմաօդային ուժերը հարվածել են Իրանի երեք միջուկային օբյեկտների: Նրա խոսքով՝ ռմբակոծությանը մասնակցած ինքնաթիռներից մեկը «ռումբերի լիքը բեռ» է նետել Ֆորդոյի ուրանի հարստացման գործարանի վրա: Ֆորդոյի հետ մեկտեղ հարվածի են ենթարկվել Նաթանզի և Սպահանի օբյեկտները: Այսպիսով, ԱՄՆ-ն միացել է Իսրայելի կողմից Իրանի դեմ ռազմական գործողությանը:

Այսօրվա քարոզը լավ առիթ է, որ Կտրիճ Ներսիսյանը հանրությանը ներկայացնի իր տիկնոջը և զավակին. այս մասին թելեգրամյան ալիքում գրել է վարչապետ Նիկոլ Փաշինյանը՝ նկատի ունենալով իր պնդումներն առ այն, որ Ամենայն Հայոց Կաողիկոս Գարեգին Բ-ն խախտել է կուսակրոնության ուխտն ու զավակ ունի:

«Պարզաբանի, թե իրեն հայտնի պոռնկացումներից հետո ինչո՞ւ է Սամվել Խաչատրյանին պահում վեղարի տակ։ Բացահայտի՝ մոմի վաճառքի շահույթն ինչպե՞ս է բաշխվում Կարոյի և Եզրասի միջև․ 50/50՞, թե՞ այլ տրամաբանությամբ։ Բարձրաձայնի, որքա՞ն է կազմել այդ շահույթը 2024 թվականին։ Նաև բացատրի, ինչո՞ւ այդ շահույթներից Կարոն և Եզրասը վճարումներ չեն անում ՀՀ պետական բյուջե», - հավելել է Փաշինյանը։

Նշենք, որ Զվարթնոց տաճարի մոտից մեկնարկել է հավատավորների երթը դեպի Մայր աթոռ` ի պաշտպանություն Հայ Առաքելական Եկեղեցու և Գարեգին Բ կաթողիկոսի: Այսօր նշվում է Սուրբ Էջմիածնի տոնը: Էջմիածնի Մայր Տաճարում նախատեսված է ակցիայի մասնակիցների հանդիպումն Ամենայն Հայոց Կաթողիկոսի հետ:

Մասիսի համայնքի ղեկավար Դավիթ Համբարձումյանը դեպի Մայր Աթոռ քայլերթի ժամանակ լրագրողների հետ զրույցում ասաց, որ ռեպրեսիաների շրջանն անցել է, և որևէ քաղաքական գործի այլևս հնարավոր չէ ռեպրեսիաներով վախեցնել։ Նա համոզված է, որ իմպիչմենթի գործընթացը հաջողությամբ է պսակվելու։

Հիշեցնենք՝ ՀՀ ԱԺ «Պատիվ ունեմ» խմբակցությունը որոշել է անվստահություն հայտնել ՀՀ վարչապետ Նիկոլ Փաշինյանին և վարչապետի թեկնածու առաջադրել Մասիս համայնքի ղեկավար Դավիթ Համբարձումյանին։

«Սարերի հետևում չեն գործընթացները, քայլեր են նախաձեռնվելու, այ այսպես միահամուռ մեր սկսած գործը տանելու ենք դեպի հաղթանակ»,- ասաց Համբարձումյանը՝ անդրադառնալով փողոցային պայքարին և սպասվող գործողություններին

NBC-ն, հղում անելով երկու անվտանգության պաշտոնյաների և Սպիտակ տան բարձրաստիճան պաշտոնյայի, հաղորդել է.

- Թրամփի վարչակազմը պատրաստվում է Իրանի կողմից հնարավոր պատասխան հարվածին, և հաջորդ 48 ժամերը հատկապես մտահոգիչ են։

Հանրապետության տարածքում հունիսի 22-23-ին գիշերը և կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։

Հունիսի 24-26-ին սպասվում է առանց տեղումների եղանակ։ Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։

Օդի ջերմաստիճանը հունիսի 22-23-ի ցերեկն աստիճանաբար կնվազի 2-4 աստիճանով։

Երևան քաղաքում հունիսի 22-23-ին գիշերը և երեկոյան քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ քամու ուժգնացում՝ 15-18 մ/վ արագությամբ։ Հունիսի 24-26-ին սպասվում է առանց տեղումների եղանակ։

Իրանցի պատգամավոր Մոհամմադ Մենա Ռաիսին հայտարարել է, որ Ֆորդոյի ստորգետնյա միջուկային համալիրը չի վնասվել ԱՄՆ հարվածից, հաղորդում է IRIB պետական ​​հեռուստաալիքը։

«Ստորգետնյա կայանքներին վնաս չի հասցվել։ Արտահոսքեր չկան», - ասել է Ղոմ նահանգի պատգամավորը, որտեղ գտնվում է Ֆորդոյի միջուկային կայանը։