ԻՍԿ ԻՐԱ՞ՆԸ։ Ինչ էլ պատահի Իրանին, նա իր տարածքի ընդարձակության, 90 միլիոնանոց բնակչության, հզոր բանակի և հազարամյակների պետական ավանդույթի շնորհիվ կկարողանա դիմանալ, թեկուզև՝ շատ մեծ կորուստների գնով։ Իրանը, ի տարբերություն Իսրայելի, համեմատաբար անխոցելի է ռազմավարական խորության, մոբիլիզացիոն ներուժի և աշխարհաքաղաքական տեղակայումի տեսանկյունից։

Արդյունքում առաջանում է մի պարադոքսալ իրավիճակ՝ որքան ուժեղանում է ԱՄՆ-ի աջակցությունը Իսրայելին, այնքան արագ է մոտենում այդ երկրի ռազմական և հոգեբանական կործանումը։

«Մայ Աթոռ Սուրբ Էջմիածինը Աստծո հետ մեր ժողովրդի հավերժական ուխտի խորհրդանիշն է, որ դրոշմված է ամեն հայի հոգում։ Սուրբ Էջմիածինը մեր հոգևոր էությունն ու ազգային դիմագիծն է, մեր սիրտն ու հոգին է, մեր անցյալն ու ներկան, մեր ապագան»,- Սուրբ Էջմիածնի տոնի առթիվ իր ուղերձում ասաց Ամենայն Հայոց կաթողիկոս Գարեգին Բ-ն։ «Չկա՛ հայություն առանց Սուրբ Էջմիածնի, և չկա՛ Սուրբ Էջմիածին առանց հայության:

Սուրբ Էջմիածինը մեր սիրտն ու հոգին է, մեր անցյալն ու ներկան, մեր ապագան»,- ասաց Վեհափառը՝ հավելելով, որ պատմության ընթացքում տարբեր ուժեր ձգտել են սահմանափակել եկեղեցու առաքելությունը և ենթարկեցնել իրենց շահերին․ «Այդ ճանապարհը կործանարար բաժանումներ է բերել ներազգային կյանքում»,- ասաց Գարեգին Բ-ն՝ նշելով, որ այսօր էլ նման տագնապալի օրեր ենք ապրում․ «Մեր երկրի բազմաթիվ հիմնախնդիրների առջև միավորման ջանքերի փոխարեն շարունակվում են հասարակությանը պառակտելու ցավալի գործողությունները։ Իշխանությունների կողմից սանձազերծված հակաեկեղեցական արշավը լրջագույն սպառնալիք է ազգային միաբանությանը, երկրի ներքին կայունությունա, ուղիղ հարված հայոց պետականությանը»,- ասաց Գարեգին Բ-ն։
Նրա խոսքից հետո ներկաները միաբերան վանկարկեցին՝ «Վեհափառ, Վահափառ»։

ՄԱԿ-ի միջուկային գործակալության ղեկավար Ռաֆայել Գրոսսին հայտարարել է, որ վաղը կառավարիչների խորհրդի արտահերթ նիստ է հրավիրում՝ «Իրանում ստեղծված արտակարգ իրավիճակի» պատճառով։

Ավելի վաղ գործակալությունը հայտարարել էր, թե ԱՄՆ-ի կողմից Իրանի երեք միջուկային օբյեկտներին հասցված հարվածներից հետո «ճառագայթման մակարդակի աճ» չի գրանցվել։

«Իրանում տիրող անհետաձգելի իրավիճակով պայմանավորված ՄԱԳԱՏԷ-ի կառավարիչների խորհրդի արտահերթ նիստ եմ գումարում վաղը»,- այսօրգրել է Գրոսին X սոցցանցում:

ՌԴ Անվտանգության խորհրդի փոխնախագահ Դմիտրի Մեդվեդևը թելեգրամյան իր ալիքում գրել է․ «Ի՞նչի հասան ամերիկացիները Իրանի երեք կետերի վրա գիշերային հարվածով։

1. Ատոմային ցիկլի կարևորագույն ենթակառուցվածքը, ըստ երևույթին, չի վնասվել կամ վնասվել է միայն աննշան չափով։
2. Ատոմային նյութերի հարստացումը, և այժմ մենք կարող ենք ուղղակիորեն ասել՝ և միջուկային զենքի ապագա արտադրությունը, կշարունակվի։
3. Մի շարք երկրներ պատրաստ են անմիջապես Իրանին մատակարարել իրենց միջուկային զենքը։
4. Իսրայելը հարձակման տակ է, պայթյունները որոտում են, մարդիկ խուճապի մեջ են։
5. Միացյալ Նահանգները ներքաշվել է նոր հակամարտության մեջ՝ ցամաքային գործողության հեռանկարով։
6. Իրանի քաղաքական ռեժիմը պահպանվել է, և մեծ հավանականությամբ այն ամրապնդվել է։
7. Ժողովուրդը համախմբվում է հոգևոր ղեկավարության շուրջ, և նույնիսկ նրանք, ովքեր չէին համակրում նրան։
8. Թրամփը, որը եկել էր որպես խաղաղարար նախագահ, նոր պատերազմ սկսեց Միացյալ Նահանգների համար։
9. Աշխարհի երկրների բացարձակ մեծամասնությունը դեմ է Իսրայելի և Միացյալ Նահանգների գործողություններին։
10. Նման հաջողության դեպքում Թրամփը երբեք չի ստանա Նոբելյան խաղաղության մրցանակը, նույնիսկ այս առաջադրման ողջ կաշառակերության պայմաններում։ Լավ սկիզբ է, շնորհավորում եմ, պարոն նախագահ»։

ԱՄՆ-ն նախքան հարվածելը դիվանագիտական ​​կապի է դուրս եկել Իրանի հետ՝ հայտնելու, որ ինքը ծրագրում է միայն հարվածներ հասցնել և չի ձգտում Թեհրանում ռեժիմի փոփոխության, հաղորդում է CBS-ը՝ հղում անելով աղբյուրներին: 

«Միացյալ Նահանգները կապվել է Իրանի հետ շաբաթ օրը՝ ասելու, որ հարվածները Միացյալ Նահանգների ամբողջ պլանն է, և որ ռեժիմի փոփոխության որևէ ջանք չի նախատեսվում», – ասվում է հեռուստաալիքի հաղորդագրության մեջ:

Ավելի վաղ ԱՄՆ նախագահ Դոնալդ Թրամփը հայտարարել էր Նաթանզում, Ֆորդոում և Սպահանում իրանական երեք միջուկային օբյեկտների դեմ ամերիկյան բանակի հաջող գործողության մասին։ Նախագահն ասել է, որ ԱՄՆ-ի հարվածներից հետո Թեհրանը պետք է համաձայնի «վերջացնել այս պատերազմը»:

Fars լրատվական գործակալությունը, վկայակոչելով Իրանի իշխանություններին, հաստատել է, որ Սպահանի և Ֆորդոյի միջուկային օբյեկտները ենթարկվել են օդային հարվածների։

Սաուդյան Արաբիան դատապարտում է ԱՄՆ-ի հարվածները Իրանին։ Այդ մասին հայտարարություն է տարածել Սաուդյան Արաբիայի ԱԳՆ-ն։

Հայտարարության մեջ շեշտվել է լարվածության դեէսկալացիայի կարևորությունը։ Սաուդյան Արաբիան կոչ է արել միջազգային հանրությանը աշխատել ճգնաժամի կարգավորման ուղղությամբ։

Ատոմային էներգիայի միջազգային գործակալությունը (ԱԷՄԳ) հայտարարել է, որ ԱՄՆ-ի հարվածներից հետո Իրանի միջուկային օբյեկտներից դուրս ճառագայթման մակարդակի որևէ աճ չի արձանագրել։

«Իրանում երեք միջուկային օբյեկտների, այդ թվում՝ Ֆորդոյի վրա հարձակումների կապակցությամբ, ԱԷՄԳ-ն կարող է հաստատել, որ այս պահին օբյեկտներից դուրս ճառագայթման մակարդակի աճ չի եղել։ ԱԷՄԳ-ն կշարունակի գնահատականներ տալ Իրանում տիրող իրավիճակի վերաբերյալ՝ լրացուցիչ տեղեկություններ ստանալուն պես», - ասվում է X-ում հրապարակված հայտարարության մեջ։

Հիշեցնենք, որ ԱՄՆ նախագահ Դոնալդ Թրամփը հայտարարել է, որ երկրի ռազմաօդային ուժերը հարվածել են Իրանի երեք միջուկային օբյեկտների: Նրա խոսքով՝ ռմբակոծությանը մասնակցած ինքնաթիռներից մեկը «ռումբերի լիքը բեռ» է նետել Ֆորդոյի ուրանի հարստացման գործարանի վրա: Ֆորդոյի հետ մեկտեղ հարվածի են ենթարկվել Նաթանզի և Սպահանի օբյեկտները: Այսպիսով, ԱՄՆ-ն միացել է Իսրայելի կողմից Իրանի դեմ ռազմական գործողությանը:

«Բոլոր ինքնաթիռները անվտանգ վերադառնում են տուն։ Շնորհավորում ենք մեր մեծ ամերիկացի զինվորներին։ Աշխարհում չկա որևէ այլ զինված ուժեր, որը կարող է դա անել», - գրել է նա Truth Social-ում։ Թրամփը հավելել է, որ «հիմա խաղաղության ժամանակն է»։ 

«Սա  պատմական պահ է ԱՄՆ-ի, Իսրայելի և աշխարհի համար. Իրանը հիմա պետք է համաձայնվի ավարտի այա պատերազմը», - գրել է Թրամփը:

Նա հավելել է, որ «ԱՄՆ-ն պատրաստ է կրկին հարված հասցնել, եթե Իրանի հարցը չլուծվի»։

«Կա՛մ խաղաղություն կլինի, կա՛մ Իրանը կբախվի շատ ավելի լուրջ ողբերգության», - նշել է ԱՄՆ նախագահը:

Նրա խոսքով՝ ԱՄՆ-ի դեմ Իրանի ցանկացած պատասխան  հանդիպելու է ավելի մեծ ուժի, քան այն ինչ տեղի ունեցավ այսօր:

Եմենի հուսիթները սպառնացել են հարձակվել Կարմիր ծովում գտնվող ամերիկյան նավերի վրա, եթե նրանք շարունակեն մասնակցել Իսրայելի պաշտպանության ուժերի կողմից Իրանի դեմ ուղղված ագրեսիային: Այս մասին ասել է շարժման քաղաքական բյուրոյի անդամ Մոհամմեդ ալ-Բուհեյտին։

«Մեր ռազմական պատասխանը մոտենում է. առաջին փուլը կլինի Կարմիր ծովում գտնվող ամերիկյան ուժերի վրա հարձակվելը։ Մենք կսրենք և կընդլայնենք հակամարտությունը մինչև այս ագրեսիան Իրանի դեմ դադարի»,- Al Jazeera-ի հետ զրույցում ասել է նա։

Նշվում է, որ հութները հետևում են տարածաշրջանում ռազմական ակտիվությանը և պատրաստ են ձեռնարկել անհրաժեշտ միջոցներ իրենց տարածքները պաշտպանելու համար։