Այսօր՝ հունիս 22-ին, Կաթողիկե Սուրբ Էջմիածնի տոնն է։
Հայոց Եկեղեցու մեծ տոներից է Ս. Գրիգոր Լուսավորչի տեսիլքով Կաթողիկե Սուրբ Էջմիածնի հիմնադրման տոնը: Ըստ ավանդության՝ Խոր Վիրապում բանտարկությունից դուրս գալուց հետո Ս. Գրիգոր Լուսավորիչը տեսիլք է տեսնում, ուր Միածինը, ողողված հրաշափառ լույսով, իջնում է երկնքից և ոսկե ուռով զարկում Սանդարամետի գետնափոր մեհյանը` ցույց տալով այն տեղը, ուր պետք է կառուցվեր հայոց սուրբ հավատի տաճարը: Այստեղից էլ առաջացել է «Էջմիածին» անունը, այսինքն` էջ՝ (գրաբար) իջավ Միածինը: Ս. Գրիգոր Լուսավորիչն իր տեսիլքը պատմում է հայոց Տրդատ թագավորին: Արքայի հովանավորությամբ կառուցվում է Սուրբ Էջմիածնի՝ Աստվածածնին նվիրված Կաթողիկե մայր տաճարը: Քրիստոսի իջման տեղում էլ կառուցվում է Իջման Սուրբ Սեղանը:
Կաթողիկե Սուրբ Էջմիածնի տոնը նշվում է Սուրբ Զատիկից 64 օր հետո կամ Հոգեգալստյան կիրակիին հաջորդող երկրորդ կիրակի օրը:
Այսօր տոնի առթիվ ժամը 11։00-ին՝ Սուրբ և Անմահ Պատարագ կմատուցվի Միածնաէջ Մայր Տաճարում,
Սուրբ Պատարագի ավարտին Ամենայն Հայոց Հայրապետի հանդիսապետությամբ կկատարվի մաղթանք Մայր Աթոռ Սուրբ Էջմիածնի անսասանության և հավետ պայծառության համար։
Տոնի առիթով դուրս կբերվեն՝
1. Տիրոջ Կենաց Փայտի մասունքը,
2. Աստվածամուխ Սուրբ Գեղարդը,
3. Սուրբ Գրիգոր Լուսավորչի Աջը,
4. Սուրբ Սահակ Պարթև Հայրապետի մասունքը,
5. Սուրբ Գրիգոր Նարեկացու մասունքը,
6. Հայոց Ցեղասպանության սուրբ նահատակների մասունքարանը,
7. Սկևռայի մասանց պահարանը:
Մասունքները ժողովրդի երկրպագության համար կմնան մինչև 18։00։

Քաղաքագետ Գարիկ Քեռյանի ֆեյսբուքյան գրառումը. «Իրան-Իսրայել ներկա պատերազմը նոր աշխարհաքաղաքական անակնկալներ է մատուցում: Անսպասելիորեն Հնդկաստանը հայտնվեց Իսրայելին անվերապահ աջակցություն հայտնող պետությունների խմբում:

Սա նշանակում է, որ այն մեծ տնտեսական-տրանսպորտային նախագծերը, որոնք անցնելու էին Չինաստանի-Հնդկաստանի-Իրանի տարածքներով և ձգվելու էին դեպի Ռուսաստան կան Եվրոպա, հնարավոր է, որ սառեցվեն կամ էլ դանդաղեն: Մյուսը տարանջատման խորացումն է Հավաքական Արևմուտք բևեռում: Սկզբում դա երևաց ԵՄ և ԱՄՆ դիրքորոշումների հեռացմամբ՝ կապված ուկրաինական ճգնաժամի հանգուցալուծման Թրամփի քաղաքականության հետ: Այժմ դա խորանում է Իրան-Իսրայել պատերազմի հետ կապված:

Եվրոպական առաջատար եռյակի՝ Մեծ Բրիտանիայի, Գերմանիայի և Ֆրանսիայի արտգործնախարարների հանդիպումը Արաղչիի հետ, առանց Ռուբիոյի, դրա ապացույցն է: Արաղչին այժմ հանդիպելու է նաև Պուտինի հետ, որը ՌԴ-Իրան հակարևմտյան դաշինքի կարծրացում է: Կարծում եմ, որ այլ վերադասավորումներ ևս կլինեն:

Անշուշտ դրանք ազդելու են նաև հարավկովկասյան իրողությունների վրա:

Անհամբեր սպասում եմ Իրան-Ադրբեջան և Իրան-Թուրքիա զարգացումներին, որտեղ շատ թաքնված էջեր կան, Իսրայելի գործոնը կա նաև այդ հարաբերություններում»։

ԱՄՆ նախագահ Դոնալդ Թրամփը հայտարարել է, որ երկրի ռազմաօդային ուժերը հարվածել են Իրանի երեք միջուկային օբյեկտների: Նրա խոսքով՝ ռմբակոծությանը մասնակցած ինքնաթիռներից մեկը «ռումբերի լիքը բեռ» է նետել Ֆորդոյի ուրանի հարստացման գործարանի վրա: Ֆորդոյի հետ մեկտեղ հարվածի են ենթարկվել Նաթանզի և Սպահանի օբյեկտները: Այսպիսով, ԱՄՆ-ն միացել է Իսրայելի կողմից Իրանի դեմ ռազմական գործողությանը:

«Բոլոր ինքնաթիռները անվտանգ վերադառնում են տուն։ Շնորհավորում ենք մեր մեծ ամերիկացի զինվորներին։ Աշխարհում չկա որևէ այլ զինված ուժեր, որը կարող է դա անել», - գրել է նա Truth Social-ում։ Թրամփը հավելել է, որ «հիմա խաղաղության ժամանակն է»։

«Սա  պատմական պահ է ԱՄՆ-ի, Իսրայելի և աշխարհի համար. Իրանը հիմա պետք է համաձայնվի ավարտի այա պատերազմը», - գրել է Թրամփը:

Նա հավելել է, որ «ԱՄՆ-ն պատրաստ է կրկին հարված հասցնել, եթե Իրանի հարցը չլուծվի»։

«Կա՛մ խաղաղություն կլինի, կա՛մ Իրանը կբախվի շատ ավելի լուրջ ողբերգության», - նշել է ԱՄՆ նախագահը:

Նրա խոսքով՝ ԱՄՆ-ի դեմ Իրանի ցանկացած պատասխան  հանդիպելու է ավելի մեծ ուժի, քան այն ինչ տեղի ունեցավ այսօր:

ԱԺ նախկին պատգամավոր Սամվել Ֆարմանյանը հրապարակել է գաղտնազերծում՝ Սարգսյան-Գյուլ բանակցություններից․

«․․․ Հանդիպումից հետո Սարգսյանն ու Գյուլը քննարկումը շարունակեցին արդեն ճաշի սեղանի շուրջ՝ հյուրանոցի առաջին հարկում գտնվող «Քադիֆե» ռեստորանում։ Ինչպես երևանյան ճաշի դեպքում՝ թուրքական կողմը, մենք ևս հատուկ որևէ վերապահում չէինք ներկայացրել մատուցվող ճաշացանկի հարցում։ Սեղանին ավանդական թուրքական ուտեստներ էին, որոնց թագն ու պսակը նրբահամ բլիթներն էին, որ Սարգսյանին հյուրասիրելու համար հատուկ պատրաստել էր Գյուլի կինը։

Դիվանագիտության սեփական ավանդույթներն ունեցող Թուրքիայի նախագահը մատուցման ժամանակ հատուկ շեշտեց այդ հանգամանքը։ Ճաշին զուգահեռ՝ կիսաձայն երաժշտություն էր հնչում։ Թուրք երաժիշտներն ընտրել էին ժողովրդական մեղեդիներ, որոնք քաջածանոթ էին և՛ հայերին, և՛ թուրքերին՝ շեշտելու երկու ժողովուրդների մշակութային ընդհանրություններն ու համատեղ անցյալը։ Հայերենն ու թուրքերենը հնչում էին հաջորդաբար։ Հնչեց նաև Սայաթ-Նովայի «Քամանչան»։ Ամենատպավորիչն այն մեղեդին էր, որ մեզ՝ հայերիս, հայտնի է որպես « Սարի աղջիկ», իսկ թուրքերին՝ «Sari Gelin»՝ « Դեղին հարս» անվանումով։

Զուգահեռ՝ Գյուլը Սարգսյանին ցածրաձայն պատմում էր երգի պատմությունը, թարգմանում բառերը, շեշտում հայ ու թուրք ժողովուրդների երաժշտական ժառանգության ընդհանրությունները, ապա նկատում, որ Թուրքիայի Հանրապետության օրհներգի երաժշտության համահեղինակներից մեկն ազգությամբ հայ Էդգար Մանասն է։

Մեղեդու ավարտից հետո Դավութօղլուն շարունակեց Գյուլի միտքն ու ավելացրեց, որ միայն երաժշտության բնագավառում չէ, որ հայերը մեծ ներդրում են ունեցել Օսմանյան կայսրության ու ժամանակակից Թուրքիայի կյանքում՝ վկայակոչելով ճարտարապետությունը։

Գյուլն անմիջապես վրա բերեց, որ օսմանյան սուլթանների նշանավոր Դոլմաբահչե նստավայրի ճարտարապետները եղել են հայազգի Բալյանները։ Ապա Դավութօղլուն կրկին վերցրեց դրոշակը՝ հիշելով հայազգի բժիշկներին ու բանկիրներին։

Ակամա ուզում էիր հարցնել՝ այդ դեպքում որտե՞ղ են այսօր նրանց ժառանգները։

Հատված իմ հեղինակած “Միայնակ ընդդեմ ճակատագրի․ ֆուտբոլային դիվանագիտության հետնաբեմը” գրքից»։

«Պատիվ ունեմ» խմբակցության քարտուղար Տիգրան Աբրահամյանը գրում է․

«Ես ևս առավոտյան 11.00-ին լինելու եմ Զվարթնոց տաճարի հարակից հատվածում` ընկերներիս հետ երթով գնալու Մայր Աթոռ:

Վաղը Հայ Առաքելական Սուրբ Եկեղեցին նշում է Կաթողիկե Սուրբ Էջմիածնի տոնը, որն այս դժվարին օրերին լրացուցիչ իմաստավորում է ստանում»:

ՀԱՊԿ-ում իր անդամակցությունը «սառեցրած» Հայաստանը պետք է սթափ նայի իր անվտանգության ապահովման հնարավորություններին, այդ թվում՝ կոլեկտիվ ձևաչափով։

ՌԻԱ Նովոստիին տված հարցազրույցում նման կարծիք է հայտնել փոխարտգործնախարար Ալեքսանդր Պանկինը։

Նա հավելել է, որ Երևանի կողմից ՀԱՊԿ-ում անդամավճարը չվճարելու հարցը կարող է քննարկվել 2025 թվականի դեկտեմբերի 31-ից հետո, սակայն դեռևս պարզ չէ, թե ինչ ոգով կընթանա քննարկումը։

«Բոլորը հասկանում են, որ Հայաստանը, որը սառեցրել է, ինչպես իրենք են արտահայտվում, ՀԱՊԿ-ում իր անդամակցությունը, չի մասնակցում որոշումների կայացմանը, բայց չի էլ խոչընդոտում դրան, այնուամենայնիվ, պետք է հավանաբար սթափ նայի իր անվտանգության ապահովման հնարավորություններին, այդ թվում՝ ՀԱՊԿ-ի կոլեկտիվ ձևաչափով։ Որոշումը, ամեն դեպքում, կախված կլինի Հայաստանի իշխանություններից», - նշել է Պանկինը։

Լևնոն Մնացականյանը, Բակո Սահակյանն ու Արկադի Ղուկասյանը Բաքվի դատարանում

© Photo

Բակո Սահակյանը նշել է, որ հանդիսացել է Արցախում երկար տարիների ընթացքում խոշոր նախագծերի իրականացմամբ զբաղված հիմնադրամի հոգաբարձուների խորհրդի անդամներից մեկը:

Ինչ վերաբերում է վերաբնակեցմանը, ապա, ինչպես պնդում են ադրբեջանական լրատվամիջոցները, Սահակյանը հայտարարել է, որ Արցախում բնակություն հաստատելու առաջարկն այնքան գրավիչ չէր, որ մարդիկ խանդավառությամբ տեղափոխվեին այնտեղ:

Ադելն ընդգծեց, որ պաշտոնական Թեհրանը խուսափում է բացահայտ մեղադրանքներ ներկայացնել Ադրբեջանին և Թուրքիային. հարևանների հետ կայուն հարաբերությունների պահպանումը մնում է առաջնահերթություն։ Այժմ ցանկացած կտրուկ հայտարարություն միայն կվատթարացնի իրավիճակը, և Թեհրանում շատ լավ հասկանում են դա։

Փորձագետը նաև մատնանշեց Իսրայելի տեխնոլոգիական գերազանցությունը և նրա ակտիվ ներկայությունը Իրանի հյուսիսարևմտյան սահմանների մոտ՝ ընդգծելով, որ հարձակումները կարող էին տեղի ունենալ առանց Ադրբեջանի իմացության, ինչպես դա արդեն նկատվում է Իրաքում, որտեղ, չնայած պաշտոնական դիմադրությանը, օդային տարածքն իրականում օգտագործվում է:

Նա նաև չբացառեց, որ Իսրայելին աջակցելու համար ԱՄՆ-ն կարող էր օգտագործել ՆԱՏՕ-ի անդամ Թուրքիայի միջոցով ստացած հետախուզական տվյալները:

Միաժամանակ, նրա խոսքով, Անկարան շահագրգռված չէ Իրանի ապակայունացմամբ։ Քաոսն Իրանում լուրջ մարտահրավերներ կառաջացնի Թուրքիայի համար՝ անվտանգության սպառնալիքներից մինչև տնտեսական հետևանքներ։ Առաջին հերթին խոսքը 90–միլիոնանոց երկրից փախստականների հնարավոր զանգվածային հոսքի մասին է, ինչը կարող է խոշորագույն միգրացիոն ճգնաժամ առաջացնել։ Բացի այդ, Ադելի կարծիքով, Իրանի անկայունությունը ողջ տարածաշրջանում կստեղծի անվտանգային յուրատեսակ «սև խոռոչ»:

Հենց աշխարհագրական մոտիկությունն է Թուրքիային հատկապես զգայուն դարձնում և ստիպում պրագմատիկ գործել։ Այնուամենայնիվ, Անկարան կարող է օգտվել անկայունությունից իր շահերն առաջ տանելու համար։ Փորձագետի կարծիքով՝ Իրանում հնարավոր ճգնաժամը կարող է հարմար պահ դառնալ այսպես կոչված «Զանգեզուրի միջանցքի» նախագիծը նվազագույն ցնցումներով իրականացնելու համար:

Ինչ վերաբերում է միջազգային աջակցությանը, ապա Ադելը նշեց, որ դիվանագիտական ջանքերն արժեք կունենան միայն այն դեպքում, եթե հանգեցնեն իրական կարգավորման: Այս պահին Ռուսաստանի և Չինաստանի մասնակցությունը զուտ խորհրդանշական է. Իրանի աջակցության համար որևէ շոշափելի քայլ չի ձեռնարկվել:

«Որոշ արաբական երկրներ, ինչպես նաև Պակիստանն ու Թուրքիան կարող են փորձել ավելի ակտիվ դեր խաղալ, սակայն Ռուսաստանից էական միջամտություն ակնկալել պետք չէ», - եզրափակեց նա:

Հիշեցնենք` հունիսի 13-ին Իսրայելը լայնածավալ գործողություն է սկսել Իրանի դեմ՝ այդ երկրին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալիության կետին: Օդային ռմբակոծությունների և դիվերսիոն խմբերի թիրախներ են դարձել միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:

ԱՄՆ-ի և Թուրքիայի նախագահներ Դոնալդ Թրամփը և Ռեջեփ Թայիփ Էրդողանը անցյալ շաբաթ փորձել են կազմակերպել ԱՄՆ-ի և Իրանի բարձրաստիճան պատվիրակությունների հանդիպումը Ստամբուլում: 

Այս մասին հայտնում է Axios պորտալը՝ հղում անելով իր աղբյուրներին։

Նրա տվյալներով, փորձը ձախողվել է Իսլամական Հանրապետության գերագույն առաջնորդ այաթոլլա Ալի Խամենեիի հետ կապ չկարողանալու հաստատելու պատճառով, ով պետք է հավանություն տար հանդիպմանը։ Պորտալի տվյալներով՝  Իրանի գերագույն առաջնորդը թաքնվում է՝ հնարավոր մահափորձի մտավախության պատճառով։

Նշվում է, որ Թրամփը երկուշաբթի օրը Կանադայում էր G7-ի գագաթնաժողովին, երբ նրան զանգահարել է Էրդողանը։ Թուրքիայի ղեկավարն առաջարկել է Ստամբուլում հանդիպում կազմակերպել ԱՄՆ-ի և Իրանի միջև՝ քննարկելու հակամարտության կարգավորման ուղիները։

Աղբյուրների համաձայն՝ Թրամփը համաձայնել է և ասել, որ պատրաստ է Թուրքիա ուղարկել փոխնախագահ Վանսին և հատուկ ներկայացուցիչ Սթիվ Ուիտկովին։ Նա չի բացառել նաև իր անձնական մասնակցությունը Իրանի նախագահ Մասուդ Փեզեշքիանի հետ բանակցություններին։

Դրանից հետո Էրդողանը և Թուրքիայի արտգործնախարար Հաքան Ֆիդանը այդ առաջարկը փոխանցել են Փեզեշքիանին և Իրանի արտգործնախարար Աբբաս Արաղչիին։ Իրանական կողմը փորձել է կապ հաստատել Խամենեիի հետ՝ հավանություն ստանալու համար, սակայն դա  նրանց չի հաջողվել. նա անհայտ վայրում է՝ վախենալով Իսրայելի մահափորձից:

Մի քանի ժամ անց իրանցիները հայտնել են Թուրքիային, որ չեն ստացել Խամենեիի համաձայնությունը։ Թուրքիան իր հերթին ԱՄՆ-ին ծանուցել է հանդիպման չեղարկման մասին։