Կուրսկի ազատագրման գործողության ավարտի կապակցությամբ Ռուսաստանի նախագահ Վլադիմիր Պուտինը զանգահարել է խմբավորման հրամանատարին և այս գործողության ընթացքում առավել աչքի ընկած ստորաբաժանումների հրամանատարներին։ Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը։

«Պուտինը շնորհավորել է նրանց հաղթանակի կապակցությամբ և շնորհակալություն հայտնել հերոսական աշխատանքի համար», – ասել է Պեսկովը։

Այսօր՝ ապրիլի  27-ին, առեղծվածային դեպք է տեղի ունեցել Երևանում։ Ժամը 17։30-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Հրազդանի կիրճում, ըստ նախնական տեղեկությունների Մանկական երկաթուղու տարածքում օտարերկրացի անչափահաս աղջիկը ընկել է Հրազդան գետը։

Ինչպես դեպքի վայրից հայտնում է ֆոտոլրագրող Գագիկ Շամշյանը, արդեն 1 ժամից ավելի է մեծ թվով փրկարարներ, հատուկ նշանակության փրկարարական աշխատանքների իրականացման կենտրոնի հատուկ փրկարարաներ, ՀՀ ՆԳՆ ոստիկանության Պարեկային ծառայության Երևան քաղաքի գնդի 2-րդ գումարտակի մեծ թվով պարեկներ, ինչպես նաև քաղաքացիներ Հրազդան գետի մի քանի կմ-անոց հատվածում որոնողական աշխատանքներ են կատարում։

Գ․ Շամշյանի տեղեկություններով, երեխան, ով ընկել է Հրազդան գետը, Ուկրաինայի Հանրապետության քաղաքացի է և նրա հայրը նույնպես տեղում մասնակցում է որոնողական աշխատանքներին։

Այս շաբաթը վճռորոշ կլինի Ուկրաինայի ճգնաժամի լուծման համար, և Միացյալ Նահանգներն ունի լավատեսության հիմքեր։ Այս մասին NBC News-ին տված հարցազրույցում հայտարարել է ԱՄՆ պետքարտուղար Մարկո Ռուբիոն։

«Կարծում եմ՝ սա լինելու է վճռորոշ շաբաթ, սա լինելու է շատ կարևոր շաբաթ, որի ընթացքում մենք պետք է որոշում կայացնենք՝ արդյոք սա այն նախաձեռնությունն է, որին մենք ցանկանում ենք շարունակել մասնակցել, թե՞ ժամանակն է կենտրոնանալ այլ հարցերի վրա, որոնք նույնքան կամ որոշ դեպքերում ավելի կարևոր են», – ասել է նա։

«Կան լավատես լինելու պատճառներ, բայց անկասկած կան իրատես լինելու պատճառներ։ Մենք մոտ ենք լուծմանը, բայց ոչ բավականաչափ», – ավելացրել է Ռուբիոն։

Պակիստանը չի պլանավորում ռազմական գործողություններ սկսել Հնդկաստանի դեմ, եթե վերջինիս կողմից իրավիճակը չսրվի։

Այս մասին ՌԻԱ Նովոստիին տված հարցազրույցում հայտարարել է Պակիստանի պաշտպանության նախարար Խավաջա Ասիֆը։

«Մենք որևէ գործողություն ձեռնարկելու մտադրություն չունենք, բայց եթե Հնդկաստանը որևէ գործողություն ձեռնարկի, կլինի արձագանք, և արձագանքը կհամապատասխանի գործողությանը», - ասել է նա։

Նախարարի խոսքով՝ Պակիստանը մտադիր չէ սրել իրավիճակը։ Այնուամենայնիվ, Ասիֆը շեշտել է, որ եթե Հնդկաստանը փորձի հարձակվել Պակիստանի վրա, այն «կբախցի ավելի քան համաչափ պատասխանի»։

Գրենլանդիայի նոր վարչապետ Յենս-Ֆրեդերիք Նիլսենը հայտարարել է, որ կղզին պատրաստ է գործընկերության և հարաբերությունների զարգացման Միացյալ Նահանգների հետ, բայց ցանկանում է հարգանք։

«Մենք պատրաստ ենք ամուր գործընկերության և հետագա զարգացման։ Բայց մենք ուզում ենք հարգանք»,- ասել է Նիլսենը՝ պատասխանելով այն հարցին, թե արդյոք Գրենլանդիան պատրաստ է ամրապնդելու համագործակցությունը Միացյալ Նահանգների հետ։ Նրա խոսքերը մեջբերում է դանիական TV2 հեռուստաալիքը։

Դանիա կատարած այցի ընթացքում Դանիայի վարչապետ Մետտե Ֆրեդերիքսենի հետ մամուլի ասուլիսի ժամանակ Նիլսենը կրկին հայտարարել էր, որ Գրենլանդիան «երբեք չի լինի սեփականություն», որը որևէ մեկը կարող է գնել։

«Մենք սկսում ենք արդիականացնել Գրենլանդիայի հարաբերությունները Դանիայի հետ»,- ասել է Ֆրեդերիքսենը՝ հավելելով, որ ինքը «սիրով կհանդիպի» ԱՄՆ-ի նախագահ Դոնալդ Թրամփի հետ։

Մարտին Թրամփը հայտարարեց, որ Գրենլանդիան «այս կամ այն ​​կերպ» կհայտնվի ԱՄՆ-ի վերահսկողության տակ և խոստացավ կղզու բնակիչներին հարստություն, եթե նրանք միանան Միացյալ Նահանգներին։

Գրենլանդիան դանիական գաղութ էր մինչև 1953 թվականը։ Այն մնում է թագավորության մաս, բայց 2009 թվականին ձեռք բերեց ինքնավարություն՝ ինքնակառավարման և ներքին քաղաքականության մեջ անկախ ընտրություններ կատարելու հնարավորությամբ։

ԱՄՆ նախագահ Դոնալդ Թրամփը պահանջել է չեղարկել ԱՄՆ դրոշով ռազմական և քաղաքացիական նավերի՝ Պանամայի և Սուեզի ջրանցքներով անցման տուրքերը։ Նա այս մասին գրել է TruthSocial սոցիալական ցանցում։

«Ամերիկյան նավերին՝ և՛ ռազմական, և՛ առևտրային, պետք է թույլատրվի անցնել Պանամայի և Սուեզի ջրանցքներով առանց վճարի: Այս ջրանցքները չէին լինի առանց Միացյալ Նահանգների: Ես խնդրել եմ պետքարտուղար Մարկո Ռուբիոյին անհապաղ ուսումնասիրել իրավիճակը»,- գրել է Թրամփը:

Քաղաքական մեկնաբան Հակոբ Բադալյանի գրառումը․

«Բոլորովին մտադիր չեմ դավադրապաշտական ֆոն կառուցել Իրանի նավահանգստում պայթյունի առնչությամբ, բայց այդ ողբերգության առումով կա իսկապես շատ ուշագրավ մի «կնիք»:

Օրեր առաջ մի հոդված-մեկնաբանություն էի գրել, որտեղ խոսում էի այն մասին, որ Ադրբբեջանի հետ շփումներում Իրանի նախագահի անվտանգության հարցը թերեւս պետք է լինի առանձնահատուկ հոգածության առարկա, հաշվի առնելով նախորդ տարվա ողբերգական փաստը՝ Ադրբեջանի հետ սահմանին նախագահների մակարդակով հանդիպումից եւ միջոցառումից վերադարձին եղավ Իրանի նախագահ Ռեյիսիին եւ արտգործնախարար Աբդոլահիանին տեղափոխող ուղղաթիռի ողբերգական վթարը, որի հետեւանքով նախագահն ու ԱԳ նախարարը զոհվեցին:

Իհարկե Իրանը ամիսներ անց հրապարակեց պաշտոնական հետաքննության արդյունքները եւ հայտարարեց, որ չի եղել որեւէ արտաքին միջամտություն եւ ուղղաթիռը աղետի է ենթարկվել եղանակային վատ պայմանների պատճառով, սակայն առ այսօր շատերի մոտ է առկա հարցը, թե ինչպես երեք ուղղաթիռներից աղետի ենթարկվեց հենց նախագահին տեղափոխողը, երբ մյուս երկուսը բարեհաջող վայրէջք էին կատարել նախատեսված վայրում:

Իսկ շրջանառվող կասկածները նաեւ պարունակում էին հնարավոր վարկածներ, որ ուղղաթիռը կարող էր ռադիոէլեկտրոնային ներգործության ենթարկվել աղետի վայրից ոչ շաատ հեռու գտնվող ադրբեջանական տարածքից, որտեղ կան տեղակայված իսրայելական հենակետեր:

Բոլոր դեպքերում, համենայն դեպս, Իրանի նավահանգստում ուժգին պայթյուն է տեղի ունենում այդ երկրի նախագահի Ադրբեջան կատարելիք այցից առաջ: Ընդ որում, ըստ վարկածների, պայթել է նավահանգստի պահեստում նյութը, որն օգտագործվում է հրթիռային վառելիքի համար»: