Կանադայի Ալբերտայի նահանգի վարչապետ Դանիել Սմիթը և արդարադատության նախարար Միքի Էմերին ընտրական հանձնաժողովից պահանջել են վերացնել Կանադայից անջատման վերաբերյալ հանրաքվեի կազմակերպման խոչընդոտները:

Այս մասին հաղորդում է The Globe and Mail պարբերականը՝ վկայակոչելով քաղաքական գործիչների հայտարարությունները:Երկու պաշտոնյաները սոցցանցերում հայտարարել են, որ ալբերտացիները պետք է կարողանան ստորագրություններ հավաքել այդ հարցի շուրջ՝ «առանց անհարկի բյուրոկրատական քաշքշուքների»։

«Մենք կոչ ենք անում Ալբերտայի ընտրական հանձնաժողովին հետ վերցնել դատարան ուղղված իր դիմումը և ալբերտացիներին տրամադրել քաղաքացիական նախաձեռնություններին մասնակցելու ժողովրդավարական իրավունքը», – ասել է նահանգի արդարադատության նախարարը: 

Իր հերթին, Ալբերտայի վարչապետը հայտարարել է, որ «հավատում է Ալբերտայի ինքնիշխանությանը՝ որպես միասնական Կանադայի մաս», բայց նաև նշել է հանրաքվեին նախապատրաստվելու խոչընդոտները վերացնելու անհրաժեշտությունը:

Հանրաքվեն նախաձեռնել է «Ալբերտայի բարգավաճման նախագիծ» հասարակական կազմակերպությունը, որը հուլիսի սկզբին Ընտրական հանձնաժողով է ներկայացրել քվեարկություն անցկացնելու դիմում: Դիմումը ստանալուց հետո հանձնաժողովն այն ուղարկել է դատարան՝ Կանադայի Սահմանադրությանը համապատասխանությունը ստուգելու համար:

Եթե նախաձեռնությունը հաստատվի ընտրական հանձնաժողովի կողմից, ապա հանրաքվեի կողմնակիցները չորս ամսում պետք է հավաքեն 177 000 ստորագրություն, որից հետո Ալբերտայի նահանգի անջատման հարցը կդրվի քվեարկության։

ArmLur.am-ի տեղեկություններով` Ռոմանոս Պետրոսյանը պատրաստվում է ԱԺ նախկին պատգամավոր, Գյումրու քաղաքապետի նախկին թեկնածու և այժմ քաղաքային ավագանու անդամ Սարիկ Մինասյանի նշանակել «Ղարս» մասնաճյուղի նոր տնօրեն։

Ըստ լրատվամիջոցի աղբյուրների՝ Սարիկ Մինասյանն արդեն համաձայնել է ղեկավարել Գյումրու ՀԷՑ-ը:

ԶԼՄ–ն ավելի վաղ գրել էր, որ Ռոմանոս Պետրոսյանն ազատվում է ՀԷՑ-ի սեփականատեր Սամվել Կարապետյանի բոլոր կադրերից ու հիմնականում աշխատանքից հեռացնում է գլխամասերի ղեկավարներին:

Հիշեցնենք` ՀՀ Ազգային ժողովը հուլիսի 3–ին 65 կողմ, 27 դեմ, 0 ձեռնպահ ձայներով երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։

Ավելի վաղ՝ հունիսի 18–ին, ՀՀ վարչապետ Նիկոլ Փաշինյանը գործարար, ՀԷՑ–ի սեփականատեր Սամվել Կարապետյանի կալանավորումից ժամեր առաջ, հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի)։ Փաշինյանը նաև սպառնաց ազատել ՀԷՑ-ի՝ պետության հետ չհամագործակցող աշխատակիցներին։ Հունիսի 24-ին նա հայտարարեց, որ ՀԷՑ–ի պետականացման պլանը պատրաստ է։

Հուլիսի 18-ին հայտնի դարձավ, որ ՀԾԿՀ–ն պետական վերահսկողության ծառայության պետի պաշտոնից ազատված Ռոմանոս Պետրոսյանին նշանակել է «Հայաստանի էլեկտրական ցանցեր» ընկերության ժամանակավոր կառավարիչ։ Հանձնաժողովը նաև կառավարության ներկայացրած հաղորդման հիմքով վարույթ է հարուցել ՀԷՑ–ի նկատմամբ։

Հարավից արևադարձային տաք օդի ալիքի ներթափանցմամբ պայմանավորված՝ հուլիսի 29-31-ին, օգոստոսի 1-3-ին Արարատյան դաշտում, Վայոց ձորի նախալեռներում, Սյունիքի հովիտներում և Երևանում սպասվում է բարձր ջերմային ֆոն․ ցերեկը ժամը 16։0017-00- ն ընկած ժամանակահատվածում՝ +38․․․+40 աստիճան տաքություն։ Նշված հատվածներում, ինչպես նաև Արագածոտնի և Կոտայքի նախալեռներում առաջիկա 5 օրերին սպասվում է նաև բարձր կարգի հրդեհավտանգ իրավիճակ։ Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից:

​​​Երևանում հուլիսի 30-31-ին, օգոստոսի 1-2-ին երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ քամու ուժգնացում 16-19մ/վ արագությամբ։ Oգոստոսի 3-4-ին սպասվում է առանց տեղումների եղանակ։

​Մարզերում հուլիսի 30-ի ցերեկը, 31-ին, օգոստոսի 1-2-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Օգոստոսի 3-ին և 4-ին սպասվում է առանց տեղումների եղանակ։ Քամին՝ արևմտյան 2-5մ/վ, ամպրոպի ժամանակ սպասվում է քամու ուժգնացում՝ 17-20մ/վ արագությամբ։ Օդի ջերմաստիճանը էապես չի փոխվի։

Ուկրաինայի զինված ուժերի (ԶՈՒ) ցամաքային զորքերը հաստատել են հուլիսի 29-ին ռուսական զորքերի կողմից վարժական հրապարակի վրա հարձակման փաստը։ Այս մասին հաղորդվել է ԶՈՒ Telegram ալիքում։

Գիշերը «Իզնանկա» Telegram ալիքը հաղորդել էր, որ Ռուսաստանի զինված ուժերը «Իսկանդեր» օպերատիվ-մարտավարական հրթիռներով հարձակում են սկսել Չեռնիգովի մարզում գտնվող Ուկրաինայի զինված ուժերի վարժական հրապարակի վրա, որտեղ տեղակայված էին հարյուրավոր զինվորներ։ Հարվածի թիրախը Գոնչարովսկոե բնակավայրի մոտ գտնվող Ուկրաինայի զինված ուժերի ռազմավարական պահեստազորի ցամաքային զորքերի 169-րդ «Դեսնա» վարժական կենտրոնի վարժական ճամբարն էր։

Ուկրաինայի ցամաքային ուժերը հայտնել են, որ ձեռնարկված նախազգուշական միջոցառումներին չնայած՝ իրենց չի հաջողվել լիովին խուսափել իրենց անձնակազմի շրջանում զոհերից։ Երեք զինծառայող զոհվել է, 18-ը՝ վիրավորվել։

Երեկ` հուլիսի 29-ին, ողբերգական դեպք է տեղի ունեցել Կոտայքի մարզում։ Ժամը 13։20-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Կոտայքի մարզային վարչությունում և ՀՀ ՆԳՆ ոստիկանության համայնքային ոստիկանության գլխավոր վարչության Կոտայքի բաժնում օպերատիվ տեղեկություններ են ստացվել, որ Երևան-Սևան ավտոճանապարհի Ջրաբերի ավազահանքերի տարածքում տղամարդու դի կա։

Shamshyan.com-ի տեղեկություններով, տեղում պարզվել է, որ  ստացված օպերատիվ տեղեկությունը հավաստի է և ավազահանքի տարածքում ոստիկանները ու պարեկները հայտնաբերել են Կոտայքի մարզի բնակիչ 34-ամյա Նորայր Ն․-ի դին։

Դատաբժշկի նախնական եզրակացության համաձայն արտաքին զննությամբ դիակի վրա բռնության հետքեր չեն հայտնաբերվել։

Պարզվել է, որ մահացածը բեռնատարի թափքը ծածկելու ժամանակ անզգուշաբար դիպել է հոսանքի լարերին, ինչի հետևանքով հոսանքահարվել և տեղում մահացել է։

Դեպքի փաստով Աբովյանի քննչական բաժնում նախաձեռնվել է քրեական վարույթ։

ԱՄՆ նախագահ Դոնալդ Թրամփը նշել է, որ առաջին տիկին Մելանյա Թրամփը հավանում է ՌԴ նախագահ Վլադիմիր Պուտինին:

«Մենք ճանաչում ենք Պուտինին, և նա (Մելանյան) հավանում է նրան», - ասել է ԱՄՆ նախագահը New York Post-ի լրագրող Միրանդա Դևինին։

Եկատերինբուրգում ադրբեջանական սփյուռքի ղեկավար Շահին Շիխլինսկին հետախուզման մեջ է գտնվում՝ քրեական հոդվածի հիման վրա։ Այս մասին հայտնում է տարածաշրջանի ՆԳՆ Գլխավոր վարչության տվյալների բազան։

Ավելի վաղ ՌԴ Քննչական կոմիտեի Սվերդլովսկի մարզի քննչական վարչության մամուլի ծառայությունից հայտնել են, որ Եկատերինբուրգում կանխվել է էթնիկ խմբավորման գործունեությունը, որն ըստ քննության վարկածի, առնչություն է ունեցել 2001, 2010 և 2011 թվականներին տեղի ունեցած մի շարք սպանությունների հետ։ Նախնական տվյալներով՝ գործի ֆիգուրանտներից մեկը մահացել է սրտի անբավարարությունից։ Երկրորդ անձի մահվան պատճառները պարզվում են։ Եկատերինբուրգի դատարանը կալանավորել է Այազ, Ակիֆ, Բաքիր և Մազահիր Սաֆարովներին և Ախլիման Գյանջիևին։ Բացի այդ, իշխանության ներկայացուցչի նկատմամբ բռնություն գործադրելու գործով կալանավորվել է Եկատերինբուրգում ադրբեջանական սփյուռքի ղեկավարի որդին՝ Մութվալի Շիխլինսկին։

ՌԴ ԱԳՆ պաշտոնական ներկայացուցիչ Մարիա Զախարովայի խոսքերով՝ Ադրբեջանի ԱԳՆ հրավիրված Ռուսաստանի գործերի ժամանակավոր հավատարմատար Պյոտր Վոլոկովը անհրաժեշտ պարզաբանումներ է տվել իրավիճակի վերաբերյալ։ ՌԴ նախագահի մամուլի քարտուղար Դմիտրի Պեսկովը նշել է, որ կարևոր է շարունակել Եկատերինբուրգում ադրբեջանական ծագում ունեցող անձանց ձերբակալման պատճառների ու բնույթի վերաբերյալ պարզաբանումների աշխատանքը։ Բաքուն բողոք է հայտնել ուժայինների գործողությունների կապակցությամբ, իսկ ադրբեջանական կողմի նախաձեռնությամբ չեղարկվել են մշակութային և որոշ այլ միջոցառումներ։ Կրեմլում ընդգծել են, որ Մոսկվան ցավում է Բաքվի նման որոշումների համար։

Կամչատկայի երկրաշարժից առաջացած ցունամիի ալիքները հարվածել են ԱՄՆ Կալիֆոռնիա նահանգի ափերին, հայտնել է ԱՄՆ Ազգային օդերևութաբանական ծառայությունը։

«Արինա ծոցի (Կալիֆոռնիա) մակընթացության ցուցանիշների համաձայն՝ ցունամին հասել է Կալիֆոռնիայի ափ և այս պահին շարժվում է ափամերձ շրջաններով», - ասվում է օդերևութաբանական ծառայության Լոս Անջելեսի գրասենյակի X էջում հրապարակված հայտարարության մեջ։

«Ադրբեջան-Ուրալ» հասարակական կազմակերպության ղեկավար Շահին Շիխլինսկիի նկատմամբ հետախուզում է հայտարարվել։ Այս մասին հայտնել են ռուսական լրատվամիջոցները՝ հղում անելով Ռուսաստանի Ներքին գործերի նախարարության տվյալներին։

Ներքին գործերի նախարարության տվյալներով՝ նա հետախուզվում է քրեական օրենսգրքի հոդվածով։ Սակայն, թե որ հոդվածով է նա հետախուզվում, չի նշվում։

Հուլիսի սկզբին Եկատերինբուրգի Լենինսկի շրջանային դատարանը երկու ամսով ձերբակալել է Շիխլինսկու որդուն՝ Մուտվալային։ Պատճառը հուլիսի 1-ին Բաքվի հրապարակում տեղի ունեցած միջադեպն էր։  Մուտվալա Շիխլինսկին դատարանում հայտարարել է, որ չի տեսել իր աջ կողմում գտնվող անվտանգության աշխատակցին, որին վրաերթի է ենթարկել և զղջում է կատարվածի համար։