Այսօր՝ հռչակավոր ծովանկարիչ Հովհաննես (Իվան) Այվազովսկու ծննդյան օրն է։ Այս օրը ցավով արձանագրում ենք, որ 2021 թվականին Ստեփանակերտում տեղադրված Այվազովսկու հուշարձանը ոչնչացվել է ադրբեջանական օկուպացիոն վարչակազմի կողմից, այն բանից հետո, երբ 2023 թվականին Արցախի ողջ բնակչությունը բռնությամբ տեղահանվեց հայրենիքից։ Այս մասին տեղեկանում ենք Զբոսաշրջության եւ մշակույթի զարգացման գործակալության տարածած հաղորդագրությունից:

«Հուշարձանի հեղինակն է քանդակագործ Ս. Շչերբակովը։ Այն նվիրված էր ոչ միայն համաշխարհային ճանաչում ունեցող հայ նկարիչին, այլև Արցախը հայկական և համազգային մշակութային ժառանգությանը միացնող կապերին։

Հուշարձանի ոչնչացումը հանդիսանում է Արցախում հայկական մշակութային ներկայության համակարգված վերացման հերթական վկայությունը։ Մենք շարունակում ենք փաստել, արձանագրել և հանրայնացնել մշակութային արժեքների ոչնչացման փաստերը՝ համոզված լինելով, որ դրանք չեն մոռացվելու, և միջազգային հանրությունը կձեւակերպի արժանի գնահատական»:

Հուսով ենք՝ Ադրբեջանն ու Հայաստանը գիտակցում են ՆԱՏՕ-ի հետ փոխգործակցության խորացման դեպքում իրավիճակի վատթարացման ռիսկերը. այս մասին ճեպազրույցում ասել է ՌԴ ԱԳՆ պաշտոնական ներկայացուցիչ ասել է Մարիա Զախարովան:

Նրա խոսքով՝  ՆԱՏՕ-ն և դրա առանձին երկրներ փորձում են կառչել Հարավային Կովկասից, ամրապնդվել այտեղ՝ օգտագործելու տարածաշրջանի երկրների ներուժը, ռեսուրսները՝ հաշվի առնելով ՌԴ-ի հետ աշխարհաքաղաքական դիմակայությունը:

«Նրանք ցանկանում են վերցնել ռեսուրսները, իրար դեմ տրամադրել երկրներն ու հրահրել իրավիճակը: Հույս ունենք տարածաշրջանի երկրները, այդ թվում՝ Ադրբեջանն ու Հայաստանը գիտակցում են ՆԱՏՕ-ի հետ փոխգործակցության խորացման դեպքում իրավիճակի վատթարացման ռիսկերը: Բոլոր վայրերում որտեղ հայտնվում է ՆԱՏՕ-ն, առաջանում են հակամարտություններ, ավելանում է ռազմական լարվածությունը, մոռացվում են «խաղաղություն», «կայունություն» բառերը», - նշել է նա:

Ուկրաինան պատրաստվում է օգտագործել Ռուսաստանի և Ադրբեջանի միջև առկա տարաձայնությունները՝ ազգային հողի վրա ատելություն և թշնամանք սերմանելու համար. նման պնդմամբ է հանդես եկել ՌԴ ԱԳՆ պաշտոնական ներկայացուցիչ Մարիա Զախարովան՝ ճեպազրույցում:

Նրա խոսքով՝ Ուկրաինայի անվտանգության ծառայությունը պլանավորում է հավաքագրել պատերազմից հետո ՌԴ-ից հեռացած անձանց, որպեսզի նրանք դիվերսիաներ իրականացնեն Ադրբեջանի և ադրբեջանցիների օբյեկտների դեմ՝ իբր Ռուսաստանի անունից։

Զախարովան ընդգծել է, որ Կիևի նպատակն է սա ներկայացնել որպես «ռուսական ագրեսիա» և նման կեղծիքներ տարածել ադրբեջանական, թուրքական և եվրոպական լրատվամիջոցներում։

Հայ բժիշկը Կամչատկայում հզոր երկրաշարժի ժամանակ խուճապի չի մատնվել և բարեհաջող ընդունել է երեխայի ծնունդը. այս մասին գրում է Shot թելեգրամյան ալիքը:

Ծնարանում են եղել մանկաբարձ-գինեկոլոգ Մհեր Ադամյանը, 14-ամյա ծննդկանը, նրա մայրը և անեսթեզիոլոգը: Բժիշկները գործել են վստահ. նրանք հանգստացրել են վախեցած հղիին, երբ սենյակը սկսել է ցնցվել, և օգնել են նրան հաղթահարել կծկումների շրջանը, որը տեղի է ունեցել երկրաշարժի ամենաուժեղ պահերին։

Ծննդաբերությունը լավ է անցել. տեղական ժամանակով ժամը 12:20-ին ծնվել է 2,950 քաշով առողջ աղջիկ: Փոքրիկին անվանակոչել են Էվելինա:

Ընտանիքը պատրաստվում է դիմել տեղական իշխանություններին՝ բժիշկներին պետական մրցանակի առաջադրելու խնդրանքով։

Կանադայի Ալբերտայի նահանգի վարչապետ Դանիել Սմիթը և արդարադատության նախարար Միքի Էմերին ընտրական հանձնաժողովից պահանջել են վերացնել Կանադայից անջատման վերաբերյալ հանրաքվեի կազմակերպման խոչընդոտները:

Այս մասին հաղորդում է The Globe and Mail պարբերականը՝ վկայակոչելով քաղաքական գործիչների հայտարարությունները:Երկու պաշտոնյաները սոցցանցերում հայտարարել են, որ ալբերտացիները պետք է կարողանան ստորագրություններ հավաքել այդ հարցի շուրջ՝ «առանց անհարկի բյուրոկրատական քաշքշուքների»։

«Մենք կոչ ենք անում Ալբերտայի ընտրական հանձնաժողովին հետ վերցնել դատարան ուղղված իր դիմումը և ալբերտացիներին տրամադրել քաղաքացիական նախաձեռնություններին մասնակցելու ժողովրդավարական իրավունքը», – ասել է նահանգի արդարադատության նախարարը: 

Իր հերթին, Ալբերտայի վարչապետը հայտարարել է, որ «հավատում է Ալբերտայի ինքնիշխանությանը՝ որպես միասնական Կանադայի մաս», բայց նաև նշել է հանրաքվեին նախապատրաստվելու խոչընդոտները վերացնելու անհրաժեշտությունը:

Հանրաքվեն նախաձեռնել է «Ալբերտայի բարգավաճման նախագիծ» հասարակական կազմակերպությունը, որը հուլիսի սկզբին Ընտրական հանձնաժողով է ներկայացրել քվեարկություն անցկացնելու դիմում: Դիմումը ստանալուց հետո հանձնաժողովն այն ուղարկել է դատարան՝ Կանադայի Սահմանադրությանը համապատասխանությունը ստուգելու համար:

Եթե նախաձեռնությունը հաստատվի ընտրական հանձնաժողովի կողմից, ապա հանրաքվեի կողմնակիցները չորս ամսում պետք է հավաքեն 177 000 ստորագրություն, որից հետո Ալբերտայի նահանգի անջատման հարցը կդրվի քվեարկության։

ArmLur.am-ի տեղեկություններով` Ռոմանոս Պետրոսյանը պատրաստվում է ԱԺ նախկին պատգամավոր, Գյումրու քաղաքապետի նախկին թեկնածու և այժմ քաղաքային ավագանու անդամ Սարիկ Մինասյանի նշանակել «Ղարս» մասնաճյուղի նոր տնօրեն։

Ըստ լրատվամիջոցի աղբյուրների՝ Սարիկ Մինասյանն արդեն համաձայնել է ղեկավարել Գյումրու ՀԷՑ-ը:

ԶԼՄ–ն ավելի վաղ գրել էր, որ Ռոմանոս Պետրոսյանն ազատվում է ՀԷՑ-ի սեփականատեր Սամվել Կարապետյանի բոլոր կադրերից ու հիմնականում աշխատանքից հեռացնում է գլխամասերի ղեկավարներին:

Հիշեցնենք` ՀՀ Ազգային ժողովը հուլիսի 3–ին 65 կողմ, 27 դեմ, 0 ձեռնպահ ձայներով երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։

Ավելի վաղ՝ հունիսի 18–ին, ՀՀ վարչապետ Նիկոլ Փաշինյանը գործարար, ՀԷՑ–ի սեփականատեր Սամվել Կարապետյանի կալանավորումից ժամեր առաջ, հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի)։ Փաշինյանը նաև սպառնաց ազատել ՀԷՑ-ի՝ պետության հետ չհամագործակցող աշխատակիցներին։ Հունիսի 24-ին նա հայտարարեց, որ ՀԷՑ–ի պետականացման պլանը պատրաստ է։

Հուլիսի 18-ին հայտնի դարձավ, որ ՀԾԿՀ–ն պետական վերահսկողության ծառայության պետի պաշտոնից ազատված Ռոմանոս Պետրոսյանին նշանակել է «Հայաստանի էլեկտրական ցանցեր» ընկերության ժամանակավոր կառավարիչ։ Հանձնաժողովը նաև կառավարության ներկայացրած հաղորդման հիմքով վարույթ է հարուցել ՀԷՑ–ի նկատմամբ։

Հարավից արևադարձային տաք օդի ալիքի ներթափանցմամբ պայմանավորված՝ հուլիսի 29-31-ին, օգոստոսի 1-3-ին Արարատյան դաշտում, Վայոց ձորի նախալեռներում, Սյունիքի հովիտներում և Երևանում սպասվում է բարձր ջերմային ֆոն․ ցերեկը ժամը 16։0017-00- ն ընկած ժամանակահատվածում՝ +38․․․+40 աստիճան տաքություն։ Նշված հատվածներում, ինչպես նաև Արագածոտնի և Կոտայքի նախալեռներում առաջիկա 5 օրերին սպասվում է նաև բարձր կարգի հրդեհավտանգ իրավիճակ։ Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից:

​​​Երևանում հուլիսի 30-31-ին, օգոստոսի 1-2-ին երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ քամու ուժգնացում 16-19մ/վ արագությամբ։ Oգոստոսի 3-4-ին սպասվում է առանց տեղումների եղանակ։

​Մարզերում հուլիսի 30-ի ցերեկը, 31-ին, օգոստոսի 1-2-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Օգոստոսի 3-ին և 4-ին սպասվում է առանց տեղումների եղանակ։ Քամին՝ արևմտյան 2-5մ/վ, ամպրոպի ժամանակ սպասվում է քամու ուժգնացում՝ 17-20մ/վ արագությամբ։ Օդի ջերմաստիճանը էապես չի փոխվի։

Ուկրաինայի զինված ուժերի (ԶՈՒ) ցամաքային զորքերը հաստատել են հուլիսի 29-ին ռուսական զորքերի կողմից վարժական հրապարակի վրա հարձակման փաստը։ Այս մասին հաղորդվել է ԶՈՒ Telegram ալիքում։

Գիշերը «Իզնանկա» Telegram ալիքը հաղորդել էր, որ Ռուսաստանի զինված ուժերը «Իսկանդեր» օպերատիվ-մարտավարական հրթիռներով հարձակում են սկսել Չեռնիգովի մարզում գտնվող Ուկրաինայի զինված ուժերի վարժական հրապարակի վրա, որտեղ տեղակայված էին հարյուրավոր զինվորներ։ Հարվածի թիրախը Գոնչարովսկոե բնակավայրի մոտ գտնվող Ուկրաինայի զինված ուժերի ռազմավարական պահեստազորի ցամաքային զորքերի 169-րդ «Դեսնա» վարժական կենտրոնի վարժական ճամբարն էր։

Ուկրաինայի ցամաքային ուժերը հայտնել են, որ ձեռնարկված նախազգուշական միջոցառումներին չնայած՝ իրենց չի հաջողվել լիովին խուսափել իրենց անձնակազմի շրջանում զոհերից։ Երեք զինծառայող զոհվել է, 18-ը՝ վիրավորվել։

Երեկ` հուլիսի 29-ին, ողբերգական դեպք է տեղի ունեցել Կոտայքի մարզում։ Ժամը 13։20-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Կոտայքի մարզային վարչությունում և ՀՀ ՆԳՆ ոստիկանության համայնքային ոստիկանության գլխավոր վարչության Կոտայքի բաժնում օպերատիվ տեղեկություններ են ստացվել, որ Երևան-Սևան ավտոճանապարհի Ջրաբերի ավազահանքերի տարածքում տղամարդու դի կա։

Shamshyan.com-ի տեղեկություններով, տեղում պարզվել է, որ  ստացված օպերատիվ տեղեկությունը հավաստի է և ավազահանքի տարածքում ոստիկանները ու պարեկները հայտնաբերել են Կոտայքի մարզի բնակիչ 34-ամյա Նորայր Ն․-ի դին։

Դատաբժշկի նախնական եզրակացության համաձայն արտաքին զննությամբ դիակի վրա բռնության հետքեր չեն հայտնաբերվել։

Պարզվել է, որ մահացածը բեռնատարի թափքը ծածկելու ժամանակ անզգուշաբար դիպել է հոսանքի լարերին, ինչի հետևանքով հոսանքահարվել և տեղում մահացել է։

Դեպքի փաստով Աբովյանի քննչական բաժնում նախաձեռնվել է քրեական վարույթ։