Երթևեկության կազմակերպման փոփոխություն կիրականացվի Մաշտոցի պողոտա-Խորենացի փողոց խաչմերուկում և Մաշտոցի պողոտա–Ամիրյան փողոց խաչմերուկում: Այս մասին հայտնում են Երևանի քաղաքապետարանից:

«Հարգելի՛ քաղաքացիներ,

մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. մայիսի 1-ից կկատարվեն երթևեկության կազմակերպման փոփոխություններ:

Մասնավորապես՝ Մաշտոցի պողոտա–Պուշկին փողոց խաչմերուկից եկող ուղղությամբ նախկին թույլատրված «ուղիղ և ձախ» երթևեկության փոխարեն երթևեկությունը կթույլատրվի «միայն ուղիղ» ուղղությունով: Փոփոխությունն իրականցվելու է Մաշտոցի պողոտա-Խորենացի փողոց և Մաշտոցի պողոտա-Ամիրյան փողոց խաչմերուկներում»,-ասված է հայտարարության մեջ:

Վատիկանի Սիքստինյան կապելլան փակվել է այցելուների համար՝ նախապատրաստվելու կոնկլավին, որի շրջանակում բարձրաստիճան հոգևորականները կընտրեն նոր Հռոմի պապ, երկուշաբթի հաղորդել է Associated Press-ը:

Կոնկլավը, որն ավանդաբար անցկացվում է Սիքստինյան կապելլայում, ամենայն հավանականությամբ կսկսվի մայիսի 5-10-ը։ Մինչ այդ, անհրաժեշտ է մատուռը պատրաստել կարդինալների համար, որոնք կընտրեն նոր պոնտիֆիկոսին։ Մասնավորապես, պետք է տեղադրվի ծխնելույզ, որտեղից ծուխ դուրս կգա՝ ցույց տալու համար քվեարկության ընթացքը. եթե ծուխը լինի սև, կնշանակի՝ Պապը դեռ ընտրված չէ, իսկ սպիտակը կավետի նոր Պապի ընտրությունը:

Հայտնի չէ, թե երբ Սիքստինյան կապելլան կրկին կբացի իր դռները զբոսաշրջիկների առաջ, քանի որ կոնկլավը կտևի այնքան ժամանակ, որքան կպահանջվի պոնտիֆիկոս ընտրելու համար:

Հռոմի պապ Ֆրանցիսկոսը մահացել է ապրիլի 21-ի առավոտյան 88 տարեկանում։ Նրա հուղարկավորությունը տեղի է ունեցել շաբաթ ։ Պոնտիֆիկոսի հիշատակը հարգելու էր եկել մոտ 400,000 մարդ։

Բաքվում մեկնարկել է Ադրբեջանի և Իրանի նախագահներ Իլհամ Ալիևի և Մասուդ Փեզեշքիանի հանդիպումը, որի շրջանակում Իրանի նախագահն ասել է, որ Ղարաբաղն Ադրբեջանի «անքակտելի» մասն է:

Հիշեցնենք, որ Փեզեշքիանն այսօր ժամանել է Ադրբեջան: Մեկնելուց առաջ նա ընդգծել է, որ Ադրբեջանի և Իրանի միջև կապերի զարգացումը մեծ նշանակություն ունի։ 

«Մենք երկու կողմից էլ հարազատներ ենք։ Փոխայցելությունները նպաստում են կապերի ամրապնդմանը։ Այդ պատճառով մենք պետք է ճանապարհներ բացենք փոխադարձ ուղևորությունները հեշտացնելու համար։ Մենք կարող ենք օգնել միմյանց և երկու երկրների ժողովուրդների համար ստեղծել հանգիստ և բարեկեցիկ կյանք»,-ասել է Պեզեշքիանը։

ՀՀ սննդամթերքի անվտանգության տեսչական մարմնի Կոտայքի մարզային կենտրոնի տեսուչները ստուգում են իրականացրել Արմինե Մարտիրոսյան ԱՁ-ին պատկանող հավի ձվի արտադրամասում (Կոտայքի մարզ, գ. Կամարիս):

Ստուգման ընթացքում հայտնաբերվել են հետևյալ խախտումները․

• շինության հատակի, պատերի մակերևույթները պատված չեն եղել անջրանցիկ, լվացվող, ախտահանվող նյութերով,
• առաստաղներն ապահով չեն եղել, չեն կանխարգելել կեղտի կուտակումը, բորբոսի առաջացումը, մասնիկների թափվելու հնարավորությունը,
• չի սահմանվել և չի իրականացվել սննդամթերքի արտադրության գործընթացում օգտագործվող արտադրական շինությունների, տեխնոլոգիական սարքավորումների և գույքի մաքրման, լվացման, ախտահանման, միջատազերծման և կրծողների ոչնչացման գործընթացների պարբերականություն,
• սանհանգույցի դուռը բացվել է դեպի արտադրական շինություն:

ՍԱՏՄ ղեկավարի որոշմամբ՝ հավի ձվի արտադրամասի գործունեությունը կասեցվել է մինչև հայտնաբերված խախտումները վերացնելը։

Չգիտեմ՝ արդյո՞ք, Բաքվի բարբարարոսական վարչախումբը հասկացե՞լ է Իրանի նախագահ Մասուդ Փեզեշքյանի՝ արհեստածին Ադրբեջանի պետական «AzTV» հեռուստաընկերությանը երեկ տված բացառիկ հարցազրույցի նրբերանգները, սակայն դրանիցից մի քանիսը շատ ուշագրավ էին։ Այս մասին գրել է իրանագետ Վարդան Ոսկանյանը:

«Իրանի նախագահը, մասնավորապես, նշել է, որ Իրանում յուրային են համարում Ադրբեջանի ժողովրդին և երկու երկրների միջև սահմանը այդքան էլ կարևորություն չունի։ 

Բավականին տարողունակ  այս դիվանագիտական ձևակերպումները պետք է, որ անհանգստացնեն Բաքվի բարբարոսական վարչախմբին, քանի որ դժվար թե Բաքվի բռնապետի համար ականջահաճո լինի այն, որ Իրանի նախագահը յուրային է համարում նույն այդ բռնապետի ղեկավարած երկրի ժողովրդին, որն արհեստածին Ադրբեջանի պարագայում դիտարկվում է՝ որպես միայն Իլհամ Ալիևի, փաստացիորեն, հպատակ բնակչություն։ 

Երբ Բաքվի բարբարոսական վարչախմբի քարոզչամեքենան փրփուրը բերանին խոսում էր այն մասին, որ Իրանում նախագահ է ընտրվել ոչ թե ագրպատականյան ծագմամբ իրանցի, այլ հենց «ադրբեջանցի», նվաստս խոսել է Բաքվի բռնապետի համար հնարավոր այն ռիսկի մասին, որ արհեստածին Ադրբեջանում հասարակ մարդիկ հենց Մասուդ Փեզեշքյանին կարող են մտովի պատկերացնել ոչ միայն Իրանի, այլ նաև իրենց նախագահ, հատկապես, եթե «սահմանն այդքան էլ կարևորություն չունի»»,- գրել է նա:

Իրանում 3-րդ օրն է՝ չի հաջողվում մարեL հարավում գտնվող Բանդար Աբբաս քաղաքի Շահիդ Ռաջաի նավահանգստում հզոր պայթյունից առաջացած խոշոր հրդեհը, հայտնում է Mehr գործակալությունը: 

Իսլամական հեղափոխության պահապանների կորպուսի «Իլյուշին» ինքնաթիռը յուրաքանչյուր թռիչքի ընթացքում մոտ 40 տոննա ջուր և հրդեհաշիջող նյութեր է նետում կրակի վրա:

Հիշեցնենք, որ պայթյունի և հրդեհի հետևանքով զոհերի թիվը հասել է 28-ի, հայտնել է Իրանի Կարմիր մահիկի ընկերության ղեկավար Փիր Հոսեյն Կոլիվանդը։ Մինչդեռ տուժածների թիվը 1,139 է:

«Միջադեպը տեղի է ունեցել Շահիդ Ռաջաի նավահանգստի տարածքում պահվող մի քանի բեռնարկղերի պայթյունի հետևանքով: Ներկայումս մենք տարհանում և վիրավորներին տեղափոխում ենք բժշկական կենտրոններ», - BBC-ի փոխանցմամբ՝ պետական ​​հեռուստատեսությանը հայտնել է ճգնաժամային կառավարման տեղական պաշտոնյան:

Իրանի Առողջապահության նախարարությունը Հորմոզգան նահանգում արտակարգ դրություն է հայտարարել՝ մարդկանց խնդրելով մնալ տանը, փակ պահել պատուհանները և կրել դիմակներ։

Պաշտոնապես երկրի իշխանությունները չեն ասում, թե կոնկրետ ինչ է եղել պայթած բեռնարկղերում։ Սակայն New York Times-ի՝ Իրանի Իսլամական հեղափոխության պահապանների կորպուսի հետ կապ ունեցող աղբյուրը հայտնել է, որ նավահանգստում նատրիումի պերքլորատով բեռնարկղեր են պայթել: Այս նյութն օգտագործվում է պինդ հրթիռային վառելիք արտադրելու համար։

Երթևեկության կազմակերպման փոփոխություն կիրականացվի Մաշտոցի պողոտա-Խորենացի փողոց խաչմերուկում և Մաշտոցի պողոտա–Ամիրյան փողոց խաչմերուկում: Այս մասին հայտնում են Երևանի քաղաքապետարանից:

«Հարգելի՛ քաղաքացիներ,

մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. մայիսի 1-ից կկատարվեն երթևեկության կազմակերպման փոփոխություններ:

Մասնավորապես՝ Մաշտոցի պողոտա–Պուշկին փողոց խաչմերուկից եկող ուղղությամբ նախկին թույլատրված «ուղիղ և ձախ» երթևեկության փոխարեն երթևեկությունը կթույլատրվի «միայն ուղիղ» ուղղությունով: Փոփոխությունն իրականցվելու է Մաշտոցի պողոտա-Խորենացի փողոց և Մաշտոցի պողոտա-Ամիրյան փողոց խաչմերուկներում»,-ասված է հայտարարության մեջ:

Ջեսիկա Սիմփսոնը իր Ինստագրամում հրապարակել է սեքսուալ լուսանկարներ, սակայն երկրպագուները տպավորված չեն եղել նրա սադրիչ վարքագծով։

44-ամյա երգչուհին գայթակղիչ կեցվածք է ընդունել մահճակալին՝ կարմիր լույսի ներքո լուսանկարներում ցուցադրելով մուգ ներքնազգեստ և նեղ մինի զգեստ։ Նա միացրել է իր «Sunday Morning» երգը։

Մոտ երեք ամիս առաջ երգչուհին հայտարարել էր ամուսնու՝ Էրիկ Ջոնսոնից ամուսնալուծության մասին։

Նրա որոշ երկրպագուներ հիասթափված էին լուսանկարից։

«Ինչո՞ւ են մարդիկ միշտ սա անում, երբ ամուսնալուծվում են։ Նրանք պարզապես աներևակայելի ծարավ են թվում», - գրել է մեկը։ Մեկ ուրիշը նշել է, որ նա «վերածվում է մեկ այլ Բրիթնի [Սփիրսի]», «Ջես, դու չպետք է դա անես»։ 

Երգչուհու վերջին նախագիծը՝ մարտի 21-ին թողարկված մինի ալբոմը, Էրիկից բաժանման արդյունքն է։

Ռուսաստանի հետ ուղղակի բանակցությունները վերսկսելու Ուկրաինայի պատրաստակամության մասին ազդանշանը պետք է ստացվի Կիևից։ Այս մասին լրագրողներին ասել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով ՏԱՍՍ-ի հարցին։

«Կիևից։ Համենայն դեպս, Կիևը պետք է ինչ-որ գործողություններ ձեռնարկի այդ առնչությամբ։ Իսկ նրանց մոտ իրավաբանական արգելք է գործում դրա համար։ Բայց առայժմ մենք ոչ մի գործողություն չենք տեսնում», – պատասխանել է նա այն հարցին, թե Ռուսաստանն ումի՞ց է ազդանշանի սպասում այդ հարցի վերաբերյալ՝ Վաշինգտոնից, թե՞ անմիջապես Կիևից: