Ուկրաինայի նախագահ Վոլոդիմիր Զելենսկու քաղաքականությունը հսկայական լվացքի մեքենա է Արևմուտքի փողերի լվացման համար, որոնք գալիս են ֆինանսական և ռազմական օգնության տեսքով: Այս մասին հայտարարել է Սլովակիայից եվրապատգամավոր Լյուբոշ Բլագան РИА Новости-ի հետ զրույցում։

Խորհրդարանականի խոսքով՝ այդ համակարգը կառուցված է անմիջապես կոռուպցիայի վրա։

«Ուկրաինայում դրա դեմ պայքարի մասին խոսակցությունները չստացված կատակ են», - հավելել է նա։ 

ԱՄՆ նախագահ Դոնալդ Թրամփը հրաման է տվել «զբաղվել Ուկրաինայի ղեկավար Զելենսկիով» անմիջապես Օվալաձև աշխատասենյակում տեղի ունեցած սկանդալից հետո։ Այս մասին ՌԻԱ Նովոստիին հայտարարել է Ռադայի նախկին պատգամավոր, «Այլ Ուկրաինա» շարժման մասնակից Սպիրիդոն Կիլինկարովը։

«Նրանք խնդրել են նյութեր, որոնք տարիներ շարունակ հավաքվել են, բայց դրանք չեն օգտագործվել գործում, քանի որ Ջո Բայդենի վարչակազմը հետաքրքրված չէր կոռուպցիայի գործը առաջ մղելով, քանի որ ոչ միայն մասնակցել է, այլև ղեկավարել և համակարգել է այն», - ասել է նա։

Նախկին պատգամավորը նշել է, որ Զելենսկին, նման արձագանքի հետ բախվելով, հետ է շպրտվում, բայց դա դժվար թե օգնի. Ուկրաինայի կառավարությունը վերաձևավորելու որոշումն արդեն կայացվել է Միացյալ Նահանգներում։

Մենք բազմիցս Պուտինի և Էրդողանի ուշադրությանն ենք ներկայացրել Զանգեզուրի հարցում Իրանի դիրքորոշումը: Հայտարարել է Իրանի խորհրդարանի ազգային անվտանգության հանձնաժողովի անդամ Ալիռեզա Բորուջերդին, գրում է Дневник иранского журналиста Telegram-յան ալիքը։

«ԱՄՆ միջամտությունը պարզապես վատ բան չէ, դա աղետ է։ Նույնիսկ Հայաստանը դեմ է միջանցքի ստեղծմանը։ Հաշվի առնելով տեղի ունեցածը, Իրանն անհրաժեշտ է համարում ակտիվ քայլեր ձեռնարկել Բաքվի, Ռուսաստանի, Թուրքիայի և Հայաստանի նկատմամբ:

Զանգեզուրը մեր կարմիր գիծն է և ազգային անվտանգության հարցը։ Մենք կօգտագործենք բոլոր հնարավոր գործիքները մեր շահերը պաշտպանելու համար», - հայտնել է աղբյուը։ 

Կենսաթոշակների վճարման գործընթացը մեկնարկում է յուրաքանչյուր ամսվա 2-ից: Հետևաբար սպասվում է, որ 2025 թվականի օգոստոս ամսվա կենսաթոշակի վճարման գործընթացը կմեկնարկի այդ  օրը։

Հիշեցնենք, որ 2023 թ․ հուլիսի 1-ից միջին ամսական և նվազագույն կենսաթոշակների, ինչպես նաև ծերության, հաշմանդամության և կերակրողին կորցնելու դեպքում նպաստների չափերը բարձրացել են:

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 385.50 դրամ:

Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 447 դրամ: 

Ռուսական ռուբլու առքի առավելագույն արժեքն է 4.63 դրամ, վաճառքի նվազագույն արժեքը՝ 4.75 դրամ:

Ապօրինի թմրամիջոցների կիրառումը կամ ԱՄՆ օրենքների խախտումը զբոսաշրջային կամ ուսանողական վիզայով ԱՄՆ-ում գտնվող անձանց կողմից կարող է պատճառ հանդիսանալ, որ նրանք զրկվեն հետագայում ԱՄՆ վիզա ստանալու հնարավորությունից։ Այս մասին հայտնում են Հայաստանում ԱՄՆ դեսպանատնից։ 

«ԱՄՆ վիզան ոչ թե անձին վերապահված իրավունք է, այլ անձին տրվող արտոնություն։ Վիզայի տրամադրումից հետո վիզայի հետ կապված ստուգումները չեն դադարում․ եթե դուք թույլ եք տալիս օրենքի խախտում, վիզան կարող է հետ կանչվել»,- տեղեկացնում են դեսպանատնից։

Հարավից արևադարձային տաք օդի ալիքի ներթափանցմամբ պայմանավորված՝ հուլիսի 30-31-ը, օգոստոսի 1-3-ին Արարատյան դաշտում, Վայոց ձորի նախալեռներում, Սյունիքի հովիտներում և Երևանում սպասվում է բարձր ջերմային ֆոն․ ցերեկը ժամը 16։00-17-00-ն ընկած ժամանակահատվածում՝ +38․․․+40 աստիճան տաքություն։ Նշված հատվածներում, ինչպես նաև Արագածոտնի և Կոտայքի նախալեռներում առաջիկա 5 օրերին սպասվում է նաև բարձր կարգի հրդեհավտանգ իրավիճակ։

Երևան քաղաքում  օգոստոսի 3-ին սպասվում է առանց տեղումների եղանակ։ Հուլիսի 30-31-ը, օգոստոսի 1-2-ին երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ քամու ուժգնացում 16-19 մ/վ արագությամբ։

Հանրապետության տարածքում հուլիսի 30-31-ը, օգոստոսի 1-3-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։

Քամին՝ արևմտյան 2-5 մ/վ, ամպրոպի ժամանակ սպասվում է քամու ուժգնացում՝ 17-20 մ/վ արագությամբ։ 

Օդի ջերմաստիճանը հուլիսի  30-ի ցերեկը աստիճանաբար կբարձրանա ևս 1-2 աստիճանով։

Ռուսաստանի ափերին տեղի ունեցած 8,8 մագնիտուդով հզոր երկրաշարժից հետո ՌԴ Կամչատկայի թերակղզուն և Ճապոնիայի Հոկայդո կղզուն ցունամի է հարվածել:

Կամչատկայում արձանագրվել են 3-4 մ բարձրությամբ ալիքներ: Այս մասին հաղորդում է ՏԱՍՍ գործակալությունը։ Մի քանի մարդ դիմել է բուժօգնության։

Կամչատկայի Պետրոպավլովսկ քաղաքում փլուզվել է մանկապարտեզի շենք, զոհեր չկան։

Իսկ Kyodo գործակալությունը հաղորդում է, որ Ճապոնիայի հյուսիսային և արևելյան հատվածներում ցունամիի ալիքների բարձրությունը հասել է մինչև 50 սմ-ի։ Ցունամիի նախազգուշացումը խաթարել է երկաթուղային և օդային հաղորդակցությունը։

Ֆուկուսիմայի վնասված ատոմակայանից դադարեցվել է վերամշակված ռադիոակտիվ ջրի բացթողումը Խաղաղ օվկիանոս։Ճապոնիայի օդերևութաբանական գործակալությունը նախազգուշացրել է, որ ցունամիի ալիքների բարձրությունը կարող է հասնել մինչև 3 մետրի։Նախազգուշացոմներ են տարածվել նաև ԱՄՆ Կալիֆոռնիայի, Ալյասկայի, Հավայիի, Կանադայի Բրիտանական Կոլումբիայի նահանգի, Չինաստանի Շանհայի և Ճեծյանի նահանգների համար։

The Associated Press գործակալության հաղորդմամբ՝ Հավայիում ցածրադիր վայրերի բնակիչներին տարհանման կոչ է արվել։ Սա համարվում է 2011 թվականից ի վեր ամենահզոր երկրաշարժը մոլորակի վրա։

Դատարանը հրապարակեց Փաշինյանի ավտոշարասյան կողմից Սոնա Մնացականյանին վրաերթի ենթարկելու գործով վերդիկտը։

Ամբաստանյալ Արամ Նավասարդյանը մեղավոր ճանաչվեց, նրա նկատմամբ խափանման միջոցը՝ երկրից բացակայելու արգելքը մնաց անփոփոխ։ Գործի քննությունը ձգվել է շուրջ 3 տարի, ամբաստանյալի աթոռին է մեքենայի վարորդը՝ Արամ Նավասարդյանը։

Նրա նկատմամբ խափանման միջոցը չհեռանալու մասին ստորագրությունն է, նա քրեական գործի սկզբից մինչև այսօր երբևէ կալանավորված չի եղել։ Հիշեցնենք, որ Սոնա Մնացականյանը 31 շաբաթվա հղիություն ուներ, վրաերթից հետո նա հիվանդանոց էր տեղափոխվել մահացած վիճակում։

«Ժողովուրդ» օրաթերթը գրում է. ««Դուք Հայաստանի Հանրապետությանը դրել եք մեղադրյալի աթոռին, ասում եք՝ Արբիտրաժով փողեր ա, որ տալիս եք, արդեն բաժանում եք», – իր վերջին մամուլի ասուլիսի ժամանակ հենց այսպես արձագանքեց Նիկոլ Փաշինյանը, երբ «Ժողովուրդ օրաթերթի թղթակիցը հարցրեց, թե արդյոք չի շատանա Կառավարության բեռը, երբ ՀԷՑ-ը դիմի Արբիտրաժ, եւ արդյոք Կառավարությունն ի վիճակի կլինի այդ միլիոնները վճարելու։

Փաշինյանը շարունակեց. «Իսկ ո՞վ ա ասել, որ Հայաստանը Արբիտրաժում պարտվելու է։ ՀՀ-ն էս վերջին շրջանում Արբիտրաժում մի քանի գործերով հաղթել ա։ Այսինքն, որ ասում եք՝ «Արբիտրաժ» վե՞րջ: Էլի խուճապը տարածվեց, փախեփախը սկսվեց»,- հավելել էր նա։

Որպեսզի խոսեինք փաստերով, հարցում ուղարկեցինք ՀՀ Կառավարություն՝ տեղեկանալու, թե Հայաստանի Հանրապետությունը արբիտրաժային դատարանում, Հայաստանի դեմ ներկայացված հայցերի շրջանակում, որ դեպքերում է հաղթանակ տարել։ Այս պահին արբիտրաժային դատարանում քանի հայց կա ընդդեմ Հայաստանի, եւ որքան պարտավորություն ունի Հայաստանը այդ հայցերի շրջանակում, որքան են կազմում հայցապահանջները (խնդրել էինք ներկայացնել դոլարով)։

Հարցման պատասխանից հասկանում ենք, որ արբիտրաժային դատարանում ՀՀ-ի դեմ հայցապահանջի չափը կազմում է 1,5 մլրդ ԱՄՆ դոլար։ 

Իսկ Հայաստանը հաղթել է 2 դեպքում. առաջինը՝ «Էդմոնդ Խուդյանը եւ «Արին Կապիտալ Ինվեսթմենթս» ընկերությունն ընդդեմ Հայաստանի Հանրապետության» դատի շրջանակում: Ըստ այդմ, վերջիններիս վրա դրվել է համապարտ պարտավորություն՝ Հայաստանի Հանրապետությանը վճարել 337,466.34 ԱՄՆ դոլար՝ ներդրումային վեճերի կարգավորման միջազգային կենտրոնին վճարված կանխավճարի չափով, ու 400,000 ԱՄՆ դոլար՝ որպես արբիտրաժային գործի շրջանակում Հայաստանի Հանրապետության կատարած իրավաբանական ծախսերի փոխհատուցում:

Արբիտրաժային 2-րդ հաղթանակը «Ջ. Բորկովսկին եւ Ռասիա ՖԶէ-ն ընդդեմ Հայաստանի Հանրապետության» գործն է, որով ամբողջությամբ մերժվել են հայցվորների պահանջները եւ պարտավորեցրել վերջիններիս Հայաստանի Հանրապետությանը փոխհատուցել ընդհանուր 2,783,250.09 ԱՄՆ դոլար, ինչը հետագայում հարուցված չեղարկման վարույթի արդյունքում հայցվորների կողմից կատարվել է:

ՀՀ Կառավարությունից «Ժողովուրդ» օրաթերթին պաշտոնապես տեղեկացրին, թե Հայաստանի Հանրապետության դեմ դեռ մնում են «Walnort Finance Limited-ն ընդդեմ Հայաստանի Հանրապետության», «Amulsar Investor Ventures LLC-ն ընդդեմ Հայաստանի Հանրապետության», «Sanitek S.a.r.l., Sari Haddad եւ Elias Doumet-ն ընդդեմ Հայաստանի Հանրապետության», «էյր Արաբիան» ընդդեմ Հայաստանի Հանրապետության» գործերը։

Ստացվում է, որ Նիկոլ Փաշինյանի համար կապ չունի՝ մեկ գործ ավելի կամ պակաս. արտաքին եւ ներքին պարտքը կայծակնային արագությամբ աճում է, Հայաստանի դեմ հայցերն ավելանում ու ավելանում են: Կարեւորը՝ ինքն իր աթոռին է, «փախեփախ» չի անում, մնացածը կվճարի հպարտ հարկատուն»։