Մեծ Բրիտանիայի թագավոր Չառլզ Երրորդին հինգշաբթի կարճ ժամանակով տեղափոխել են հիվանդանոց, հայտնել են Բուքինգհեմյան պալատից, փոխանցում է interfax-ը։

Հաղորդվում է, որ հոսպիտալացումը պայմանավորված է քաղցկեղի բուժման «ժամանակավոր կողմնակի ազդեցություններով»:

«Նորին մեծությունը այժմ վերադարձել է Քլարենս Հաուս», - հավելել է պալատը։

Նրա մասնակցությամբ հինգշաբթի և ուրբաթ նախատեսված միջոցառումները չեղարկվել են բժիշկների խորհրդով։

76-ամյա Չառլզ Երրորդը այս տարի շարունակում է քաղցկեղի բուժումը և ունի հանրային աշխատանքների զբաղված գրաֆիկ:

2024 թվականի փետրվարին Մեծ Բրիտանիայի թագավորի մոտ քաղցկեղ է ախտորոշվել, որից հետո նա սկսել է բուժումը և դադարեցրել պետական ​​պարտականությունները, որին վերադարձել է ապրիլին։

Ադրբեջանի նախագահ Իլհամ Ալիևը կրկին հայ ժողովրդի նկատմամբ ատելություն է տարածել։ Երեկ նա իր նոջ՝ Մեհրիբան Ալիևայի հետ Ակնայի շրջանում Սարիջալու անունով գյուղի առաջին փուլի բացմանը բնակիչների հետ հանդիպման ժամանակ հայտարարել է.

«Ե՛վ Աղդամ քաղաքը, և՛ շրջանի բոլոր գյուղերը հիմնովին ավերվել են ատելի թշնամու կողմից, որևէ ամբողջական շինություն չի մնացել։ Սա ևս մեկ անգամ ցույց է տալիս թշնամու էությունը, նրա բացարձակ անհիմն թշնամանքը մեր նկատմամբ։ Օկուպացիայի ժամանակ քաղաքն ամբողջությամբ ավերվել է, հողին հավասարվել, իսկ Աղդամը կոչում են «Կովկասի Հիրոսիմա»։

Բայց տարբերությունն այն է, որ Հիրոսիման ավերվել է ատոմային ռմբակոծության հետևանքով, իսկ Աղդամը 30 տարի գողերի, հայ թալանչիների ձեռքով քար առ քար քանդվել է ու տարբեր տեղերում վաճառվել։ Ես մեկ անգամ չէ, որ ասել եմ այդ մասին՝ հայկական ֆաշիզմը ֆաշիզմի ամենաբարձր կետն է։

Մենք վերակառուցում ենք և կշարունակենք վերակառուցել Աղդամը»,- հայտարարել է Ալիևը։

Նա ասել է, թե Արցախյան 44-օրյա պատերազմի ժամանակ «հայկական ուժերը փաստացի գտնվում էին շրջափակման մեջ, և Ադրբեջանը, իբր, հումանիզմ է դրսևորել և թշնամուն հնարավորություն տվել ինքնակամ լքել այդ հողերը»։

Արմեն Հովասափյանը գրում է. «Այն, ինչ վերջին օրերին տեղի է ունենում Գյումրիում, «Բարդուղիմեոսյան գիշերից» բացի այլ բնորոշում դժվար է գտնել։ 1572 թվականի օգոստոսի 24-ին Ֆրանսիայում մեկ գիշերվա ընթացքում հուգենոտների զանգվածային կոտորած տեղի ունեցավ, իսկ Գյումրիում իշխանությունն այսօր ցուցադրում է նույն դաժան վարքագիծը ընդդիմության նկատմամբ՝ անցնելով բացահայտ քաղաքական հետապնդումների։

Ընտրությունների նախաշեմին այս իրադարձությունները ցույց են տալիս, որ ՔՊ-ն կանգնած է լուրջ ճգնաժամի առաջ և փորձում է ամեն գնով պահել վերահսկողությունը՝ վախի և ճնշումների միջոցով։

Ռեպրեսիաներին զուգահեռ ՔՊ-ի քարոզչությունն ակնհայտորեն ձախողվում է։ Դրա վառ օրինակն էր երեկ Հանրային հեռուստաընկերության կազմակերպած բանավեճը, որի ընթացքում իշխող ուժի թեկնածուի պրիմիտիվ և անհիմն ձևակերպումները ոչ միայն փաստական հիմք չունեին, այլև բացահայտեցին նրա անհաղորդ լինելը Գյումրիի խնդիրներին։ Սարիկյանը ոչ միայն չկարողացավ հստակ դիրքորոշում հայտնել քաղաքի հիմնախնդիրների վերաբերյալ, այլև իր ելույթում հնչեցրեց հակաարցախյան հայտարարություններ։ ՔՊ-ի թեկնածուի թուլությունը, փաստարկների բացակայությունը և Արցախի հարցում հնչեցված վտանգավոր ձևակերպումները վկայեցին, որ իշխանությունն անկարող է հիմնավորված քննարկումների, և առաջնորդվում է բացառապես քարոզչական հնարքներով։

Պետք է փաստենք, որ պետական մեդիան ևս ընդգրկվել է այս քարոզչական պատերազմի մեջ։ Բանավեճի ընթացքում ակնհայտ էր հաղորդավարի կողմնակալությունը, որը փորձում էր մեղմել ՔՊ-ի թեկնածուի ձախողումը և հակակշռել ընդդիմադիր թեկնածուների ուժեղ դիրքորոշումները։ Սա ևս մեկ անգամ ապացուցում է, որ իշխանությունը չի սահմանափակվում միայն ուժային մեթոդներով, այլև օգտագործում է մեդիան ընդդիմությանը վարկաբեկելու և սեփական օրակարգն առաջ տանելու համար։

Այս իրադարձությունները վկայում են, որ Գյումրիում իրավիճակը վերածվել է իշխանության համար լինել-չլինելու հարցի։ Նիկոլ Փաշինյանն ու իր թիմը հասկանում են, որ Գյումրիում պարտությունը կարող է դառնալ նրանց քաղաքական անկման սկիզբը, և դրա համար էլ դիմում են ուժային և քարոզչական լծակներին։ Սակայն պատմությունը ցույց է տալիս, որ նման ռեպրեսիաները հաճախ ունենում են հակառակ էֆեկտ. իշխանության այս քաղաքական բռնաճնշումները միայն մեծացնում են ընդդիմադիր թեկնածուների շանսերը և խորացնում հանրային դժգոհությունը։

Գյումրիի ընտրությունները դառնում են վճռորոշ՝ իշխանության ապագայի համար։ Այսօր ակնհայտ է, որ ճնշումների ներքո անցկացվող ընտրությունները չեն կարող լինել ազատ և արդար։ Այդ իսկ պատճառով գյումրեցին պարտավոր է մասնակցել այս վճռորոշ գործընթացին և իր ձայնով արտահայտել հստակ դիրքորոշում։ Մի բան պետք է հստակ հասկանալ՝ որքան էլ իշխանությունը հայտարարում է ընտրություններին ակտիվ մասնակցության կարևորության մասին, իրականում նրանք շահագրգռված են հնարավորինս ցածր մասնակցությամբ, քանի որ դա նրանց տալիս է վերարտադրվելու ավելի մեծ հնարավորություններ։ Հետևաբար, պետք է նրանց զրկել այդ շանսից՝ գնալով ընտրատեղամաս և կատարելով որոշում, որը կփոխի Գյումրիի ապագան։

Հ.գ. Ու, քանի որ սկսեցինք «Բարդուղիմեոսյան գիշերից», հիշեցնենք, որ այդ գիշեր հալածվողների առաջնորդը մի քանի տարի անց դարձավ Ֆրանսիայի թագավորը (ի դեպ՝ Բուրբոններն ամենաերկարակյաց դինաստիան էին):
..
Ճակատագրի հեգնա՞նք, թե՞ օրինաչափություն»:

Եվրամիությունը պատրաստում է Ռուսաստանի դեմ պատժամիջոցների 17-րդ փաթեթը։ Այս մասին հայտնում է ТАСС-ը՝ հղում անելով EU Observer պորտալի տվյալներին։

Փաթեթի մշակումը ներկայումս գտնվում է վաղ փուլում։

«ԵՄ արտաքին ծառայությունը և Եվրահանձնաժողովը աշխատում են դրա վրա, և առաջարկները, հավանաբար, կհայտարարվեն ամառվա սկզբին», - պորտալին հայտնել է դիվանագիտական ​​աղբյուրը:

Նշվում է, որ փաթեթի ընդունման վրա կազդի Ռուսաստանի և Ուկրաինայի միջև բանակցությունների ընթացքը, ինչը հավանականություն է թողնում, որ այն չի ընդունվի։

Թեհրանը պատասխանել է Իրանի միջուկային ծրագրի վերաբերյալ ԱՄՆ նախագահ Դոնալդ Թրամփի նամակին: Այս մասին հայտնել Է Իրանի ԱԳ նախարար Աբբաս Արաղչին:

«Իրանի պաշտոնական պատասխանը պարոն Թրամփի նամակին ուղարկվել է երեկ Օմանի միջոցով», - ասել է նախարարը:

Արաղչիի խոսքով՝ պատասխանում ամբողջությամբ շարադրված է Իրանի կարծիքը ԱՄՆ նախագահի նամակում առկա իրավիճակի և թեզերի վերաբերյալ:

«Հրապարակ» թերթը գրում է. «Հունվարի 30-ին ԲՏԱ նախարարը գրառում էր արել, որ «Մխիթար Հայրապետյանն ընդունել է հնդկական Micron Instruments ընկերության տնօրեն եւ սեփականատեր Վիկրամ Սանգալի եւ GTB հոլդինգի նախագահ եւ սեփականատեր Գրիգոր Տեր-Ղազարյանի գլխավորած պատվիրակությանը:

Քննարկվել են ներդրումային հնարավորությունները՝ Հայաստանում նոր արդյունաբերական արտադրություն հիմնելու նպատակով»։ Մեզ հաջողվեց պարզել, որ խոսքը Հայաստանում զենքի արտադրության մասին է․ Micron ընկերությունը, պարզվում է, մեծ տրամաչափի հրետանիներ է արտադրում ՆԱՏՕ-ի անդամ պետությունների համար։ Այս գործարանն էլ աշխատելու է ԱՄՆ հովանավորության ներքո:

Երեկ Գրիգոր Տեր-Ղազարյանի հետ հանդիպել է նաեւ ԱՄՆ դեսպանը, որի մասին հաղորդագրություն էլ կար․ «Դեսպանն այցելեց Արարատի «Ջի Թի Բի Սթիլ» գործարան, որը հայ-ամերիկյան համատեղ ներդրումներով ստեղծված մետաղաձուլարան է․․․ Այս գործարանը կիրառում է առաջադեմ տեխնոլոգիաներ ու նորարարական գործընթացներ՝ ներկայացնելով Միացյալ Նահանգների առաջատար դերը նորարարության ու տեխնոլոգիաների ոլորտում»։

Մեր աղբյուրներն ասում են, որ Գրիգոր Տեր-Ղազարյանը երեկ եղել է նաեւ պաշտպանության նախարարությունում` նրա մեքենաների աչք ծակող ավտոշարասյունը տեսնողներ են եղել ՊՆ-ում։

Ստացվում է՝ Փաշինյանը ոչ միայն Կասկադի շինարարությունն է վստահել Տեր-Ղազարյանի ընկերությանը, այլեւ՝ ՆԱՏՕ-ի ստանդարտներին համապատասխանող զենքի արտադրությունը։ Պարզ չէ՝ նման ծրագրերով իշխանությունն ինչի է ուզում հասնել՝ հերթական անգամ սրել հարաբերությունները Ռուսաստանի հե՞տ, թե՞ սեփական օլիգարխների միջոցով փող աշխատել: Մեզ ասացին՝ զենքը պատրաստվում են վաճառել նաեւ եվրոպական տարբեր երկրների»:

Առավել մանրամասն թերթի այսօրվա համարում

Մեծ Բրիտանիայի թագավոր Չարլզ III-ը հետաձգել է ուրբաթ օրը նախատեսված միջոցառումը՝ քաղցկեղի բուժման հետևանքով առաջացած կողմնակի ազդեցություններից հետո:

Բուքինգհեմյան պալատից հայտնել են, որ 76-ամյա թագավորը կարճ ժամանակով գտնվել է հիվանդանոցում հսկողության տակ՝ քաղցկեղի շարունակական բուժման ժամանակավոր հետևանքների պատճառով: Նա այժմ գտնվում է Լոնդոնի իր նստավայրում՝ Քլարենս Հաուսում, աշխատում է փաստաթղթերի վրա և հեռախոսազանգեր անում իր գրասենյակից:

Չարլզը ուրբաթ բավականին ընդարձակ ծրագիր ուներ, ներառյալ չորս հանրային միջոցառումներ Բիրմինգհեմում և այցելություն Բիրմինգհեմի թագավորական բալետային ընկերություն: Նախատեսվում էր նաև երեք հանդիպում օտարերկրյա դեսպանների հետ, ասել է պալատի խոսնակը։

«Նա շատ հուսով է, որ դրանք [միջոցառումները] կարող են տեղի ունենալ ապագայում մեկ այլ ժամանակ», - ավելացրել է խոսնակը՝ նշելով, որ թագավորը խորապես ներողություն է խնդրել բոլորից, որոնք ներգրավված են եղել Բիրմինգհեմ ուղևորության կազմակերպման մեջ։

Պալատի աղբյուրը նշել է, որ տեղի ունեցածը «փոքր բախում էր մի ճանապարհի վրա, որը գնում է ճիշտ ուղղությամբ»։

Բուքինգհեմյան պալատն առաջին անգամ հայտարարել էր թագավորի քաղցկեղի ախտորոշման մասին 2024 թվականի փետրվարին: Դրանից հետո առաջին ամիսներին չարլզը ձեռնպահ է մնացել հանրային միջոցառումներին մասնակցելուց, բայց հետո հիմնականում վերադարձել է իր նախկին գրաֆիկին:

Բուքինգհեմյան պալատը երբեք չի բացահայտել, թե ինչ տեսակի քաղցկեղ է ունեցել միապետը: Մանրամասներ բուժման կողմնակի ազդեցությունների մասին նույնպես չեն հաղորդվում։

Այս շաբաթ թագավորն ու թագուհի Կամիլան հայտարարեցին Հռոմի պապ Ֆրանցիսկոսի հիվանդության պատճառով Վատիկան իրենց պետական ​​այցը հետաձգելու մասին։ Սակայն ապրիլին նախատեսված այցը Իտալիա, ծրագրում որոշակի փոփոխություններով առայժմ պետք է կայանա։

Starlink արբանյակային ինտերնետը այլևս հասանելի է Հայաստանում։ Ֆեյսբուքյան էջում նման գրառում է արել ՀՀ վարչապետ Նիկոլ Փաշինյանը՝ կիրառելով «ինչպես խոստացել էի» հեշթեգը։

«Starlink–ի բաժանորդները կարող են իրենց աշխատանքը կազմակերպել Հայաստանի Հանրապետության ողջ տարածքում, բնության գրկում, սարերում, դաշտերում, անտառներում՝ մնալով անմիջական կապի մեջ աշխարհի և բնության հետ»,- գրել է նա։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մարտի 28-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևան քաղաքի՝

10:00-16:00 Նորք Մարաշ՝ Նորք 19/5, 19/7 շենքեր և 122-152, 151-173 առանձնատներ, Նորք 1-ին նրբանցք 1-27, 2-18 առանձնատներ, «Վաղարշ և Որդիներ Կոնցեռն» ՍՊԸ և հարակից ոչ բնակիչ-բաժանորդներ, ՆորՆորք 6-րդ զանգ.՝ Լյուքսեմբուրգի փողոց մասնակի, Լյուքսեմբուրգի 1-ին և 2-րդ նրբանցքներ մասնակի, Գայի պողոտա մասնակի, թիվ 114 մսուր-մանկապարտեզ և հարակից ոչ բնակիչ-բաժանորդներ,

11:00-17:00 Սիլիկյան թաղ. 6, 7, 9, 11, 12, 13 փողոցներ մասնակի, Ծ.Իսակովի պող․ 52/1, 52/2, 52/3, 52/4 շենքեր և հարակից տարածքներ, Հալաբյան փ. 22Ա, 22Բ, 24, 26, 34 շենքեր, Ալիխանյան Եղբայրներ նրբ․ 5, 8 շենքեր, Սարկավագի փ. 36/4, 131/1, 131/2 շենքեր, Սարկավագի 3-րդ նրբ. 8/2 շենք, Աճառյան փ. 43/16 շենք, Կոմիտասի պող. 7-19 շենքեր, Վաղարշյան փ. 19-21 շենքեր, Ա.Խաչատրյան փ. 9-13 շենքեր, Գյուլբենկյան փ. 43 շենք, Էմինի փ. 121-148 առանձնատներ, Վերին Շենգավիթ 2 փողոց 1, 3, 5, 7/1, 7/2 շենքեր, Գարեգին Նժդեհի փ․ 23/6 շենք և հարակից ոչ բնակիչ- բաժանորդներ, Վարդաշեն 12 փողոց 1-58 առանձնատներ և հարակից ոչ բնակիչ- բաժանորդներ, Նորք Մարաշ՝ Նորք 7-րդ փողոց 132-169 առանձնատներ, Նորք 9, 11, 13 փողոցների առանձնատներ, Դավիթ Բեկի փողոցի առանձնատներ, «Ընտանեկան», «Հյուրանոցների խումբ Մ-27», «ՊԱՄԳ» ՍՊԸ-ներ, «Յուքոմ», «Վիվա Արմենիա» ՓԲԸ-ներ և հարակից ոչ բնակիչ-բաժանորդներ, «Վելոֆիրմա» ՍՊԸ, Գր․ Լուսավորիչ փ․ 4/2 շենքի և հարակից ոչ բնակիչ-բաժանորդներ,

Արագածոտնի մարզ՝

10:00-11:00 Արևուտ գյուղ,

11:00-13:00 Աշտարակ քաղաք՝ Մուղնի թաղամաս,

11:00-17:00 Արևուտ, Արագածոտն, Նոր Ամանոս և Նոր Եդեսիա գյուղեր,

12:00-15:00 Թալին քաղաք մասնակի,

Արարատի մարզ՝

10։00-11։30 Կանաչուտ գյուղ մասնակի և հարակից ոչ բնակիչ-բաժանորդներ,

10։00-12։00 Դաշտավան, Դարբնիկ, Զորակ, Նիզամի գյուղեր և հարակից ոչ բնակիչ-բաժանորդներ,

 Վայոց Ձորի մարզ՝

10։30-13։30 Բարձրունի, Մարտիրոս, Սերս գյուղեր և հարակից ոչ բնակիչ- բաժանորդներ,

Կոտայքի մարզ՝

10։00-14:00 Բջնի համայնք, «Վիվա Արմենիա», «Թիմ Տելեկոմ», «Յուքոմ» ընկերությունների բջջային օպերատորների կայաններ և հարակից ոչ բնակիչ-բաժանորդներ, 

11:00-13։00 Զովունի գյուղ մասնակի և հարակից ոչ բնակիչ-բաժանորդներ, թիվ 4, 8, 9, 10, 11, 20, 21, 22, 23, 24, 25, 26, 27, 38 փողոցներ, ԱԱԾ զորամաս և ԱԻՆ,

11:00-17:00 Աբովյան քաղաք՝ 4-րդ միկրոշրջան մասնակի, Ձորաղբյուր գյուղ մասնակի, Քասախ գյուղ մասնակի և հարակից ոչ բնակիչ-բաժանորդներ, Զովունի համայնք՝ 34, 35, 36, 37 փողոցների բաժանորդներ, Պարույր Սևակի, Արաբկիր, Ն․ Ավետիսյան, Սեդրակ Ջալալյան, Ա․ Հարությունյան, Կարեն Դեմիրճյան, Շիրազի, Խաչանովի, Վահան Տերյան փողոցներ, Գարեգին Նժդեհի փ. 1, 3, 5, 9, 9/1 շենքեր, Վազգեն Սարգսյան փ. 5, 7, 9 շենքեր, Վազգեն Սարգսյան փողոց 1-ին փակուղի, Նոր Արտամետ գյուղ մասնակի և հարակից ոչ բնակիչ-բաժանորդներ, Նոր Գեղի համայնքի ոչ բնակիչ-բաժանորդներ մասնակի, «Գլոբուս» ՍՊԸ, Պոմպայական-3, «Սառնարան-1», «Անկարան», «Տիգարբո» ՍՊԸ-ներ, սեփականատեր «Ա. Մարտիրոսյան», «Օզեմ» ՍՊԸ, սեփականատերեր՝ «Գ․ Կարապետյան», «Հ. Խաչատըյան», «Հ. Ավագյան», «ԷԱ ԷՆԴ» ՍՊԸ, «Կլումբիչնայա պոլյանա» ՍՊԸ, սեփականատերեր՝ «Տ. Դադայան», «Մ. Ղասաբյան», «Մ․ Միքայելյան», «Տ․ Բրսոյան», «Հ․ Ղարաբաղցյան», «Հ․ Գրիգորյան», «Ն․ Աբրահամյան», «Բեյ Էնդ Ջի գրուպ» ՍՊԸ, «Ռոյալ Գլաս Գրուպ», «Հեք Նիքլ», «Ագրո բերք» ՍՊԸ-ներ, Նոր Հաճն համայնք մասնակի հարակից ոչ բնակիչ-բաժանորդներ,

13։00-14։00 Բալահովիտ գյուղ մասնակի,

Գեղարքունիքի մարզ՝

10։30-16։20 Կարճաղբյուր գյուղ, «Սևանի իշխան» ՓԲԸ, Կարճաղբյուր զինմաս և հարակից ոչ բնակիչ-բաժանորդներ, «Յուքոմ», «Վիվա Արմենիա» և «Տելեկոմ Արմենիա» ընկերությունների բջջային օպերատորների կայաններ,

11։00-14։00 Անտառամեջ, Ձորավանք, Դպրաբակ, Այգուտ, Կալավան, Բարեպատ գյուղեր,

11։00-16:00 Երանոս բնակավայր մասնակի,

11։00-16:30 Ձորագյուղ, Մադինա, Լեռնակերտ բնակավայրերն ամբողջությամբ, Ներքին Գետաշեն բնակավայր մասնակի,

12։00-12:30 Զոլաքար բնակավայրն ամբողջությամբ,

Տավուշի մարզ՝

09։30-11։00 Նոյեմբերյանի տարածաշրջան` Հաղթանակ, Զորական գյուղեր և հարակից ոչ բնակիչ-բաժանորդներ:

Լոռու մարզ՝

10:30-12:30 Սպիտակ քաղաք՝ Մյասնիկյան, Թորոսյան, Շիրակի, Ս.Ավետիսյան փողոցներ, Այգեստան 1-ին նրբանցք և թիվ 1 դպրոց:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

«Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

Միացյալ Նահանգները կասեցրել է Առևտրի համաշխարհային կազմակերպությունում վճարումները, հայտնում է Reuters-ը՝ վկայակոչելով առևտրի ոլորտի աղբյուրները։ ԱՄՆ նախագահ Դոնալդ Թրամփի վարչակազմը նահանջում է համաշխարհային ինստիտուտներից, որոնք, ըստ նրա, հակասում են նրա «Առաջին հերթին Ամերիկա» տնտեսական քաղաքականությանը, հայտնում են լրատվամիջոցները։

Այն նախատեսում է դուրս գալ որոշ կազմակերպություններից, օրինակ՝ Առողջապահության համաշխարհային կազմակերպությունից, և կրճատել է ներդրումները մյուսներին՝ դաշնային ծախսերի լայն վերանայման շրջանակում:

Առևտրի համաշխարհային կազմակերպությունն արդեն տուժել է, քանի որ 2019 թվականին՝ Թրամփի առաջին ժամկետում ԱՄՆ-ն արգելափակել է նոր դատավորների նշանակումը երկրի բարձրագույն վերաքննիչ դատարանում, որի հետևանքով առանցքային վեճերի նրա կարգավորման համակարգը միայն մասամբ էր գործում:

Վաշինգտոնը  ԱՀԿ-ի վերաքննիչ մարմնին մեղադրել է առևտրային վեճերը քննարկելիս իր դատական ​​լիազորությունները գերազանցելու մեջ:

Ժնևում գործող Առևտրային կազմակերպության տարեկան բյուջեն 2024 թվականին կազմել է 205 միլիոն շվեյցարական ֆրանկ (232,06 միլիոն ԱՄՆ դոլար):

Ըստ ԱՀԿ-ի հրապարակայնորեն հասանելի փաստաթղթերի՝ Միացյալ Նահանգները պետք է վճարի այդ գումարի մոտ 11%-ը՝ հիմնվելով համաշխարհային առևտրի իր բաժնեմասին համաչափ գանձումների համակարգի վրա:

ԱՀԿ-ի բյուջեի հարցով նիստում մարտի 4-ին ԱՄՆ ներևկայացուցիչը նշել է, որ իր վճարումները 2024 և 2025 թվականների բյուջեներին կասեցվել են՝ մինչև միջազգային կազմակերպություններին կատարած ներդրումների վերանայումը, և որ նա կտեղեկացնի՝ ըստ ԱՀԿ-ին արդյունքի մասին չճշտված ամսաթվի:

Գործակալության աղբյուրներից մեկը հաստատել է իրենց տեղեկությունը և հայտնել, որ ԱՀԿ-ն «պլան Բ» է մշակում ֆինանսավորման երկարատև դադարի դեպքում՝ չմանրամասնելով։

ԱՀԿ-ի խոսնակ Իսմայիլա Դիենգը հայտնել է, որ ԱՄՆ-ի ներդրումները ճանապարհին են, սակայն «կասեցվել են միջազգային գործակալություններին բոլոր վճարումների կասեցման պատճառով»:

«Որպես կանոն, ժամկետանց պարտքերը կարող են ազդել ԱՀԿ քարտուղարության օպերատիվ ներուժի վրա:

Սակայն Քարտուղարությունը շարունակում է խելամտորեն կառավարել իր ռեսուրսները և ունի ծրագրեր, որոնք նրան հնարավորություն կտան գործել ցանկացած չմարված պարտքի պատճառով առաջացած ֆինանսական սահմանափակումների շրջանակում»,-ընդգծել է նա: