Ռուսաստանի և նրա նախկին մտերիմ դաշնակից Ադրբեջանի միջև հարաբերությունները կտրուկ վատթարացել են, քանի որ Ադրբեջանը դեմ է Ռուսաստանի գերիշխանությանը Կովկասյան տարածաշրջանում և ձգտում է ավելի սերտ կապերի Թուրքիայի և Իսրայելի հետ։ Դրա մասին գրում է ամերիկյան The Washington Post պարբերականը։ 

Ռուսաստանի և Ադրբեջանի՝ նավթով հարուստ նախկին խորհրդային հանրապետության միջև հարաբերությունները կտրուկ վատթարացել են միմյանց քաղաքացիների մի շարք ձերբակալություններից հետո, որոնք կարող են խոշոր փոփոխություններ նախանշել այն տարածաշրջանում, որը Մոսկվան մի ժամանակ իր հետնաբակն էր համարում։ 

Երկու երկրները վաղուց վայելում են սերտ գործընկերություն Կասպից ծովի ափին գտնվող քաղաքականապես զգայուն Հարավային Կովկասի տարածաշրջանում, սակայն մինչ Ռուսաստանը շեղվել է Ուկրաինայի պատերազմով, Ադրբեջանն ավելի համարձակ է դարձել Մոսկվայի գերիշխանությանը մարտահրավեր նետելու հարցում։ Նա միաժամանակ ձգտում է ավելի սերտ դաշինքների Թուրքիայի և Իսրայելի հետ։ 

Հարաբերությունները սկսել են վատթարանալ դեկտեմբերին՝ ադրբեջանական ինքնաթիռի կործանումից հետո։ «Ադրբեջանական ավիաուղիներ» ավիաընկերության ինքնաթիռը, որի մեջ 67 մարդ կար, Բաքվից մեկնում էր Գրոզնի։ Ղազախստանում ուղղությունը փոխելուց հետո ինքնաթիռը կործանվեց, որի հետևանքով զոհվեց 38 մարդ։ 

Չնայած Ռուսաստանի սկզբնական հերքումներին, տեղեկություններ են հայտնվել, որ ինքնաթիռը խփվել է ռուսական «երկիր-օդ» դասի հրթիռով։

Ադրբեջանի նախագահ Իլհամ Ալիևը պահանջել է, որ Ռուսաստանը ճանաչի իր պատասխանատվությունը և փոխհատուցում վճարի պետությանը և զոհվածների ընտանիքներին։ Ռուսաստանի առաջնորդ Վլադիմիր Պուտինը ներողություն է խնդրել Ռուսաստանի օդային տարածքում տեղի ունեցած «ողբերգական միջադեպի» համար, սակայն ո՛չ նա, ո՛չ էլ իր կառավարությունը պատասխանատվություն չեն կրել ինքնաթիռի խոցման համար, ինչն էլ ավելի է զայրացրել Բաքվին։ 

Աղետից մի քանի ամիս առաջ հարաբերությունները, կարծես, լավ էին. Պուտինը գրկախառնություններ էր փոխանակում Ալիևի հետ Ադրբեջան կատարած պետական ​​այցի ժամանակ, ապա նստում էր ոչ պաշտոնական ընթրիքի։

Այս տարի Ալիևն անտեսեց Պուտինին՝ բաց թողնելով մայիսին Ռուսաստանի Հաղթանակի օրվա զորահանդեսը, որը սովորաբար նախկին խորհրդային հանրապետությունների առաջնորդներին է բերում Մոսկվա՝ Երկրորդ համաշխարհային պատերազմի ավարտը նշելու համար։ Նույն ամսվա վերջին Ուկրաինայի արտգործնախարար Անդրեյ Սիբիգան այցելեց Ադրբեջան՝ ազդարարելով Բաքվի և Կիևի միջև ավելի սերտ կապերի մասին։ 

Մոսկվայի ազդեցությունը թուլանում է այն տարածաշրջանում, որտեղ Ռուսաստանը մի ժամանակ անվիճելի գերիշխող դիրք էր զբաղեցնում։

«Ակնհայտ է, որ [Հայաստանի նկատմամբ] հաղթանակից առաջ և առանց [Թուրքիայի նախագահ Ռեջեփ Թայիփ] Էրդողանին թիկունքում պահելու, Ալիևը չէր համարձակվի նման բան անել։ Սակայն դա, կարծես, էական ապտակ է «ռուսական աշխարհին», - կարծում է ռուսաստանցի քաղաքագետ Վլադիմիր Պաստուխովը։ 

Նա հավելել է, որ Ուկրաինայում պատերազմը Ռուսաստանին ստիպել է «իր արևելյան և հարավային թիկունքները ենթարկել ցավոտ ապտակների, որոնք ապագայում ավելի հաճախակի կդառնան», գրում է The Washington Post-ը։

Իրանի նախագահ Մասուդ Փեզշքիանը ամերիկացի հաղորդավար Թաքեր Կարլսոնի հետ հարցազրույցում ընդգծել է, որ Իրանը երբեք պատերազմ չի սկսել և միջուկային զենք ձեռք բերելու ծրագրեր չունի։

«Մենք չենք սկսել պատերազմը և չենք ուզում, որ այն շարունակվի։ Պաշտոնը ստանձնելու օրվանից իմ կարգախոսն է եղել ստեղծել ներքին միասնություն և խաղաղություն հաստատել մեր հարևանների և աշխարհի հետ»,-նշել է նա։

Անդրադառնալով Իսրայելի վարչապետի կողմից Իրանի դեմ քարոզչությանը՝ Փեզեշքիանն ասել է. «1992 թվականից ի վեր Նեթանյահուն փորձել է ձևացնել, որ Իրանը ձգտում է միջուկային զենք ստեղծել, և ԱՄՆ-ի նախագահները նույնպես երկրորդել են այս մտածելակերպը։ Մինչդեռ Իսլամական Հանրապետությունը ոչ միայն չի ձգտել այդ զենքին, այլև դրանց կառուցումն արգելված է համարում Գերագույն առաջնորդի կողմից հրապարակված ֆեթվայով։ Այս դիրքորոշումը միշտ ստուգվել է նաև Ատոմային էներգիայի միջազգային գործակալության կողմից»։

 Կարլսոնի հետ հարցազրույցի մեկ այլ հատվածում Փեզեշքիանը քննադատել է Միացյալ Նահանգների վարքագիծը միջուկային բանակցությունների գործընթացում՝ ասելով. «Մենք բանակցությունների սեղանի շուրջ էինք և խոսում էինք խաղաղության մասին։ Մեզ նույնիսկ ասացին, որ Իսրայելը չի ​​հարձակվի առանց համակարգման։ Սակայն վեցերորդ հանդիպման նախօրեին տեղի ունեցած հարձակմամբ, ԱՄՆ-ն գործնականում ռումբ նետեց բանակցությունների սեղանի վրա և ոչնչացրեց դիվանագիտությունը»։

Իրանի նախագահը շեշտել է, որ իր երկիրը միշտ պատրաստ է վերադառնալ բանակցությունների սեղանի շուրջ և համագործակցել միջուկային գործունեության փաստերի ստուգման համար։

Սովի զգացում 

Պարզունակ է հնչում, բայց սովի զգացումը կարող է խոսել այն մասին, որ դուք հղի եք: Իհարկե չի կարելի մեծ ախորժակը բացատրել հղիությամբ (գուցե դա ներշնչանք է, կամ ձեր օրգանիզմը որոշակի նյութերի կարիք ունի), բայց եթե մեր ցուցակի մյուս նախանշանների հետ միասին սովի զգացում էլ ունեք, ապա ստուգեք ձեր դաշտանի օրերը:

Պտուկների պիգմենտացիա 

Եթե պտուկի շուրջ պիգմենտավորված մաշկի գույնը սկսում է մգանալ, ապա դա կարող է խոսել հղիության մասին: Թեև այս նախանշանները հանդիպում են հորմոնալ այլ փոփոխությունների դեպքում կամ էլ կարող են մնալ նախորդ հղիությունից հետո:

Արտադրություն կամ ցավեր պտղի կցման ժամանակ 

Օվուլյացիայից գրեթե ութ օր հետո ձեզ մոտ կարող է լինել արյունային արտադրություն հեշտոցից, այն կարող է լինել վարդագույն կամ շագանակագույն և ուղեկցվել աննշան դեպի ներքև ձգող ցավերով: Դա բացատրվում է արգանդի պատին պտղի կցումով: Նման արտադրություն կարող եք նկատել նաև նախադաշտանային օրերին:

Հաճախացած միզարձակում 

Հենց պտուղը կպնում է արգանդին և սկսում է հատուկ հորմոր արտադրել, դուք կարող եք նկատել, որ ավելի հաճախ եք ցանկանում միզել:

Հոգնածություն

Դուք ձեզ հոգնա՞ծ եք զգում: Ավելի ճիշտ՝ սպառվա՞ծ: Պրոգեստերոնի մեծ քանակությունը կարող է ստիպել կնոջն իրեն սարսափելի հոգնած զգալ, թեև առանձնապես գործ չի արել: Նման հոգնածությունը հետապնդում է կանանց հատկապես հղիության նախնական շրջանում:

Կրծքի զգայունություն և ցավ

Երբ կինը հղի է, կուրծքը զգայուն է դառնում դիպումներին, ինչպես դաշտանի նախօրեին: Երբ օրգանիզմը հարմարվի հորմոնային նոր ֆոնին, ցավոտ զգացողությունները կմարեն:

Համային զգացողությունների փոփոխություն

Գուցե սկսեք այլ կերպ ընկալել ուտելիքի համը: Որոշ կանայք, օրինակ, սկսում են մեծ հակում ունենալ որոշակի ուտելիքների հանդեպ կամ սկսում են պարզապես զզվել որոշ ուտելիքներից:

Առավոտյան սրտխառնոց

Եթե ձեր բախտը բերի, առավոտյան սրտխառնոցը ձեզ կանհանգստացնի բեղմնավորումից մի քանի շաբաթ հետո: Իսկ եթե շատ բերի, ապա ընդհանրապես չեք զգա սրտխառնոց: Հղիության հետ կապված սրտխառնոցը կարող է առաջանալ ոչ միայն առավոտյան, այլև օրվա ցանկացած ժամի:

Դաշտանի ուշացում

Եթե դուք կայուն ցիկլ ունեք, և դաշտանը դեռ չի սկսել, ապա պետք է հղիության թեստ անել, քանի որ դաշտանի ուշացումը մեծամասամբ խոսում է հղիության մասին:

Եվ վերջապես...

Հղիության դրական թեստ

Եթե դաշտանի ուշացման առաջին օրը կամ հետագա օրերին թեստ եք արել, և այն երկու գծիկ է ցույց տվել, ապա գրեթե 100%-ոց վստահությամբ կարող ենք ասել, որ ձեր ընտանիքում ավելացում է սպասվում: Շնորհավորում ենք :)

Թեև iPhone 16-ը թողարկվել է վերջերս, համացանցում արդեն ի հայտ են գալիս iPhone 17-ի մասին մանրամասներ։ Հատկապես ուշադրություն է դարձվում այն հանգամանքի վրա, որ iPhone 17 Air-ը չափազանց բարակ կլինի։ Ըստ վերլուծաբան Ռոս Յանգի՝ այն կունենա արմատապես բարակ դիզայն, տեսախցիկի նորացված համակարգ և ուլտրա-պրեմիում գինը, տեղեկացնում է 9to5Mac-ը։

Այնուամենայնիվ, 2025 թվականը խոստանում է կարևոր տարի լինել iPhone 17-ի այլ մոդելների համար ևս։ Ռոս Յանգը նշել է, որ թե՛ Pro, թե՛ բազային մոդելները զգալիորեն կբարելավվեն։ Մասնավորապես, բազային մակարդակի iPhone 17-ը և iPhone 17 Air-ը կունենան LTPO էկրան՝ 120 Հց թարմացման արագությամբ: Իր հերթին iPhone 17 Pro-ն և Pro Max-ը կստանան երկար սպասված Face ID ենթաէկրանի մոդուլը։

Յանգի խոսքով՝ Apple-ը նախատեսում է էկրանի տակ տեղափոխել iPhone-ի TrueDepth տեսախցիկը և Face ID-ի տարբեր սենսորներ, ինչը հնարավորություն կտա ազատվել էկրանի՝ հաբի տեսքով ներկայիս կտրվածքից և այն կփոխարինվի շրջանաձև փոքր անցքով։ Սա կարող է նաև հանգեցնել նոր 17 Pro մոդելներում Dynamic Island գործառույթի վերամշակման կամ փոփոխության:

iPhone 16 Pro-ն ներկայացվել է 2024-ի սեպտեմբերի 9-ին Apple Watch Series 10-ի և AirPods 4-ի հետ միասին:

Իրանը պատրաստ է վերսկսել բանակցությունները Միացյալ Նահանգների հետ, սակայն կա վստահության խնդիր։ Այս մասին հայտարարել է Իրանի նախագահ Մասուդ Փեզեշքիանը ամերիկացի լրագրող Թաքեր Կառլսոնին տված հարցազրույցում, որը հրապարակվել է նրա YouTube-յան ալիքում։

«Ես հավատացած եմ, որ մենք հեշտությամբ կարող ենք լուծել ԱՄՆ-ի հետ մեր տարաձայնությունները և հակասությունները երկխոսության և բանակցությունների միջոցով», – ասել է Փեզեշքիանը։

Նա հավելել է, որ միջազգային օրենքը հիմք կհանդիսանար համաձայնագրի համար, որով կհարգվեին իրանցի ժողովրդի իրավունքները, սակայն, ըստ Փեզեշքիանի, Իսրայելի վարչապետ Բենիամին Նեթանյահուն ոչնչացրեց դիվանագիտական ջանքերը։

«Մենք խնդիր չենք տեսնում բանակցությունների վերսկսման մեջ: Բայց մինչ այդ պետք է հիշեցնեմ, որ ոչ միայն իմ երկրի, այլև ամբողջ տարածաշրջանի դեմ սիոնիստական վարչակարգի՝ Իսրայելի վայրագությունների պատճառով մենք այժմ կանգնած ենք ճգնաժամի առաջ, մարդիկ կանգնած են ճգնաժամի առջև, որը պետք է հաղթահարեն….», – ասել է Իրանի նախագահը՝ հիշեցնելով, որ իսրայելական հարվածներից բազմաթիվ անմեղ մարդիկ են զոհվել։

Նա նշել է, որ բանակցությունների վերսկսման համար կա մեկ պայման՝ վստահությունը։

«Ինչպե՞ս ենք մենք կրկին վստահելու Միացյալ Նահանգներին։ Մենք կվերադառնանք բանակցություններին, բայց հետո ինչպե՞ս կարող ենք վստահ լինել, որ բանակցությունների ընթացքում Իսրայելի ռեժիմին թույլ չեն տա կրկին հարձակվել մեզ վրա», – նշել է Իրանի նախագահը։

Հարցազրույցի ընթացքում Փեզեշքիանը կրկնել է, որ Իրանը երբեք չի ձգտել միջուկային զենք ունենալ և բանակցում էր ԱՄՆ-ի հետ, երբ Իսրայելը հունիսի 13-ին սկսեց հարվածել իր միջուկային օբյեկտներին, որից հետո նրան միացավ նաև ԱՄՆ-ն։ Իրանի նախագահը նշել է, որ ԱՄՆ-ի հարվածներից հետո միջուկային օբյեկտները և այնտեղ գտնվող սարքավորումների մեծ մասը լրջորեն վնասվել են, հետևաբար, իրենք չեն կարող գնահատել այդ վնասը։

ՆԱՏՕ-ում ուժեղանում են «տարաձայնությունները», և «նավի վրա թեթև խռովություն է հասունանում»: Այս մասին Ռիո դե Ժանեյրոյում կայացած BRICS գագաթնաժողովում հայտարարել է ՌԴ արտգործնախարար Սերգեյ Լավրովը։

«Այնտեղ անհամաձայնությունները խորանում են, նավի վրա թեթև խռովություն է հասունանում, քանի որ ավելի ու ավելի շատ երկրներ ցանկանում են առաջնորդվել ոչ թե նավապետի կողմից պարտադրված որոշ գաղափարախոսական ուղեցույցներով, այլ իրենց ազգային շահերով», - ասել է Ռուսաստանի արտգործնախարարը, որի խոսքերը մեջբերում են ռուսական լրատվամիջոցները։

Լավրովը նաև նշել է, որ BRICS-ի ընդլայնման հետ կապված չկա «միավորման՝ որպես միասնական ճակատ գործելու կարողության» խաթարման վտանգ: «Ես չեմ տեսնում մեր գործունեությունը մշուշոտելու որևէ սպառնալիք»,-ասել է նա։

Լավրովի խոսքով՝ միության ներուժը նոր է սկսում դրսևորվել։

Ճիշտ երգացանկը կարող է փոխել տրամադրությունը, բարձրացնել բավարարվածությունը եւ, նույնիսկ, ազդել ձեր սեռական հարաբերությունների տեւողության վրա, ասում են ZipHealth վիրտուալ առողջության կենտրոնի հետազոտության հեղինակները: «Մեր բացահայտումները ցույց են տալիս, թե ինչպես է մեր փյլելիսթը ձեւավորում մեր փորձառությունները ննջասենյակում»: 

Հետազոտողները հարցում են անցկացրել ԱՄՆ-ում բնակվող ավելի քան 1000 մարդու շրջանում եւ վերլուծել են ավելի քան 11000 չարթերի առաջատարներին՝ որոշելու ննջասենյակում երաժշտական միտումները:

Երաժշտության ներքո սեքսով զբաղվողների ապշեցուցիչ՝ 68%-ն ասում է, որ հաճելի հնչյուններն օգնում են նվազեցնել նախասեքսային անհանգստությունը, իսկ 63%-ն ասում է, որ երաժշտությունը զգալիորեն երկարացնում է սեքսը:

Հիփ-հոփի սիրահարները ննջասենյակում ամենադիմացկունն են․ նրանց մոտ սեռական հարաբերության միջին տեւողությունը 31,5 րոպե է։ Իսկ հաճույք փնտրողները, ովքեր հակված են ոչ եթերային բառերի, նախընտրում են Նիկի Մինաժին:

«Նիկի Մինաժի «Super Freaky Girl»-ը սեքսի մասին փլեյլիսթերի ամենահայտնի երգն է»,-նշել են բժիշկները։

«The Weeknd-ը գերակշռում էր անպաշտպան սեքսի մասին փլեյլիսթերում», - ավելացրել են վերլուծաբանները: 

«Հաջորդ անգամ, երբ դուք անձնական երգացանկ կկազմեք, հիշեք, որ կատարյալ երգը կարող է հանգեցնել ավելի կատարյալ եւ տպավորիչ փորձի,- հորդորում են ZipHelath-ի մասնագետները:

Ահա սեքս-փլեյլիսթներում ներկայացված 10 լավագույն արտիստների ցանկը

The Weeknd

Քանյե Ուեսթ

Deftones

Դրեյք

Լանա Դել Ռեյ

Քենդրիք Լամար

Tyler the Creator

Ռիհաննա

Թեյլոր Սվիֆթ

Doja Cat

NEWS.am STYLE

Իրաքում մահացած թուրք զինծառայողների թիվը հասել է 12-ի, հաղորդում են թուրքական լրատվամիջոցները։

Նախօրեին հայտնի դարձավ, որ Հյուսիսային Իրաքում 5 թուրք զինվորական է մահացել։

Թուրքիայի պաշտպանության նախարարությունը պարզաբանել է, որ 19 թուրք զինծառայողներ Հյուսիսային Իրաքի քարանձավում ուսումնասիրությունների ժամանակ մեթան գազի ազդեցության են ենթարկվել։