Իրանը պատրաստ է շարունակել բանակցությունները իր միջուկային ծրագրի շուրջ, սակայն Միացյալ Նահանգները պետք է անկեղծ հետաքրքրություն ցուցաբերի ճգնաժամի խաղաղ կարգավորման հարցում։

Այս մասին Իրանի արտաքին գործերի նախարար Աբբաս Արաղչին գրել է բրիտանական Financial Times թերթում հրապարակված հոդվածում։

«Իրանը շարունակում է հետաքրքրված լինել դիվանագիտությամբ, սակայն մենք ծանրակշիռ պատճառներ ունենք կասկածելու հետագա երկխոսությունը շարունակելու հարցում։ Եթե կա այս հարցը բարեկամական ճանապարհով լուծելու ցանկություն, ապա Միացյալ Նահանգները պետք է անկեղծ պատրաստակամություն ցուցաբերի արդար համաձայնագրի համար։ Վաշինգտոնը պետք է նաև իմանա, որ վերջին շաբաթների իր գործողությունները փոխել են իրավիճակը», – ասել է նա։

Արաղչին ասել է, որ «մեկ անգամ խաբվելուց հետո Իրանը այժմ կրկնակի զգույշ է»։ «Մեր հանձնառությունը պատասխանատու գործողությունների՝ լայնածավալ տարածաշրջանային պատերազմից խուսափելու համար չպետք է շփոթել թուլության հետ։ Մենք հետ կմղենք մեր ժողովրդի վրա ցանկացած ապագա հարձակում։ Եվ եթե այդ օրը երբևէ գա, մենք կցուցադրենք մեր իրական կարողությունները՝ Իրանի ուժի վերաբերյալ ցանկացած պատրանք ցրելու համար», – ընդգծել է նախարարը։

Նա նշել է, որ ԱՄՆ նախագահ Դոնալդ Թրամփի «Ամերիկան ​​առաջին հերթին» արտաքին քաղաքականություն վարելու խոստումը փաստորեն վերածվել է «Իսրայելն առաջին հերթին» գծի։ «Խաղաղության ճանապարհը պահանջում է, որ ԱՄՆ-ն ճանաչի, որ հարգալից երկխոսությունը, այլ ոչ թե անխոհեմ հարկադրանքը, խնդրի լուծման միակ կայուն ճանապարհն է: Ընտրությունը Ամերիկայինն է: Արդյո՞ք ԱՄՆ-ն վերջապես կընտրի դիվանագիտությունը: Կամ կմնա ներքաշված ուրիշի պատերազմի մեջ», – եզրափակել է Արաղչին:

Նիկոլ Փաշինյանի հուլիսի 8-ի որոշմամբ Արայիկ Նորոյանը նշանակվել է Ղազախստանում Հայաստանի ռազմական կցորդ:

Որոշման մեջ նշված է. «Արայիկ Նորոյանին 2025 թվականի օգոստոսի 1-ից նշանակել Ղազախստանի Հանրապետությունում Հայաստանի Հանրապետության ռազմական կցորդ՝ 3 տարի ժամկետով (նստավայրը` քաղ. Աստանա)»:

Որոշումը հրապարակվել է ՀՀ էլեկտրոնային կառավարման կայքում:

Քննչական կոմիտեի նախագահ Արթուր Պողոսյանը հուլիսի 8-ին հրաման է ստորագրել, որում ասվում է․ 

«Արդարադատության երկրորդ դասի խորհրդական Դավիթ Հրաչիկի Մանուչարյանին նշանակել ՀՀ ՔԿ տնտեսական հանցագործությունների և մաքսանենգությունների քննության գլխավոր վարչության չորրորդ վարչության պետ՝ ազատելով նրան նույն վարչության հատկապես կարևոր գործերով ավագ քննիչի պաշտոնից։

Դավիթ Մանուչարյանին հանել Հայաստանի Հանրապետության քննչական կոմիտեում ինքնավար պաշտոն զբաղեցնող անձանց ծառայողական առաջխաղացման ցուցակից»։

Հանրապետության նախագահ Վահագն Խաչատուրյանը հուլիսի 8-ին ստորագրել է «Հանրային ծառայությունները կարգավորող մարմնի մասին» օրենքում լրացում կատարելու մասին, «էներգետիկայի մասին» օրենքում լրացումներ և փոփոխություն կատարելու մասին, «Սնանկության մասին» օրենքում լրացում կատարելու մասին, «Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների և անհատ ձեռնարկատերերի պետական հաշվառման մասին» օրենքում լրացումներ և փոփոխություն կատարելու մասին օրենքների փաթեթը:

Այս մասին տեղեկացնում է ՀՀ նախագահի կայքը: 

ԱՄՆ-ն ակնկալում է մինչև տարեվերջ նոր մաքսատուրքերից ստանալ ավելի քան 300 միլիարդ դոլարի եկամուտ: Այս մասին հայտարարել է ԱՄՆ ֆինանսների նախարար Սքոթ Բեսենթը Սպիտակ տանը ԱՄՆ նախագահ Դոնալդ Թրամփի կաբինետի նիստում։

«Այսպիսով, մենք կարող ենք ակնկալել, որ տարեվերջին այն կկազմի ավելի քան 300 միլիարդ դոլար», - ասել է ԱՄՆ ֆինանսների նախարարը՝ մեկնաբանելով նոր մաքսատուրքերից ստացված եկամուտների չափը։

Ավելի վաղ ԱՄՆ նախագահ Դոնալդ Թրամփը հայտարարել է, որ այլևս չի պլանավորում հետաձգել մաքսատուրքերը, որոնք ներկայումս նախատեսված են ուժի մեջ մտնել օգոստոսի 1-ից։

«Երեկ երկրներին ուղարկված նամակների և այսօր, վաղը և դրանից հետո կարճ ժամանակահատվածում ուղարկվելիք նամակների համաձայն, մաքսատուրքերը կսկսեն վճարվել 2025 թվականի օգոստոսի 1-ից», - գրել է ամերիկացի առաջնորդը Truth Social-ում։ «Այդ ժամանակացույցը չի փոխվել և չի փոխվի։ Այլ կերպ ասած, ամբողջ գումարը պետք է վճարվի 2025 թվականի օգոստոսի 1-ին։ Հետաձգումներ չեն լինի»-հավելել է նա։

ԱՄՆ-ն ակնկալում է մինչև տարեվերջ նոր մաքսատուրքերից ստանալ ավելի քան 300 միլիարդ դոլարի եկամուտ: Այս մասին հայտարարել է ԱՄՆ ֆինանսների նախարար Սքոթ Բեսենթը Սպիտակ տանը ԱՄՆ նախագահ Դոնալդ Թրամփի կաբինետի նիստում։

«Այսպիսով, մենք կարող ենք ակնկալել, որ տարեվերջին այն կկազմի ավելի քան 300 միլիարդ դոլար», - ասել է ԱՄՆ ֆինանսների նախարարը՝ մեկնաբանելով նոր մաքսատուրքերից ստացված եկամուտների չափը։

Ավելի վաղ ԱՄՆ նախագահ Դոնալդ Թրամփը հայտարարել է, որ այլևս չի պլանավորում հետաձգել մաքսատուրքերը, որոնք ներկայումս նախատեսված են ուժի մեջ մտնել օգոստոսի 1-ից։

«Երեկ երկրներին ուղարկված նամակների և այսօր, վաղը և դրանից հետո կարճ ժամանակահատվածում ուղարկվելիք նամակների համաձայն, մաքսատուրքերը կսկսեն վճարվել 2025 թվականի օգոստոսի 1-ից», - գրել է ամերիկացի առաջնորդը Truth Social-ում։ «Այդ ժամանակացույցը չի փոխվել և չի փոխվի։ Այլ կերպ ասած, ամբողջ գումարը պետք է վճարվի 2025 թվականի օգոստոսի 1-ին։ Հետաձգումներ չեն լինի»-հավելել է նա։

ԱԺ «Հայաստան» խմբակցության քարտուղար Արծվիկ Մինասյանին մեղադրանք է առաջադրվել պաշտոնեական դիրքի չարաշահման հատկանիշներով: Նրա նկատմամբ որպես խափանման միջոց կիրառվել է բացակայելու արգելքը։ Այս մասին լրագրողներին ասաց ինքը՝ Արծվիկ Մինասյանը: 

Նա նաև նշեց որ հրաժարվել է ցուցմունք տալ։

«ԱԺ–ում ասել եմ, որ սա իրավական տեսակետից զուրկ քաղաքական հետապնդման դասական օրինակ է։ Մինչև միջազգային դատարաններ գնալու ենք, և այս մարդիկ՝ դատախազի գլխավորությամբ, ներողություն են խնդրելու։ Մեղադրանքը չեմ ընդունել և հայտարարել եմ, որ սա քաղաքական հետապնդում է»,–նշեց Մինասյանը։

ԱԺ նախագահ Ալեն Սիմոնյանը հայտարարել է․

«Ի սկզբանե ասեմ, որ դատապարտում եմ յուրաքանչյուր բռնության դրսևորում՝ թե՛ ԱԺ-ում, թե՛ դրանից դուրս։ Բայց եկեք հասկանանք՝ ինչ է կատարվում և որն է պատճառը։ Ե՞րբ են մարդիկ, առավել ևս քաղաքական գործիչները, գործի դնում բազուկները ՝ երբ ասելիքն ավարտվում է։ Իսկ մեր ընդդիմադիրների ասելիքը վաղուց ավարտվել է, մեծ հաշվով՝ չի էլ եղել։ «Թուրք, դավաճան» շուտասելուկը քաղաքական օրակարգ չդարձավ, Լաոն չարթնացավ, Սրբազան պայքարը, պարզվեց, հասարակ արնախում դեգեներատ էր։

Դրա համար ի հայտ եկան 004 շրջաբերականը, որը կարճ ասած՝ Հայաստանի չգոյության մասին է։ Մի անբարոյական բարձրաստիճան դաշնակ հռչակեց, որ հոկտեմբերի 27-ը և նոյեմբերի 9-ը պոռթկում էր, և նման բաներ էլի են լինելու։ Եվ, իհարկե, գործի դրվեց հավատը։ Դե, երկրի ներսում սպանություններ, սահմանադրական կարգի տապալում և սեփական երկրում քաոս ստեղծելու համար պետք են ֆանատիկներ։ Որոշ եկեղեցականներ ընկան ազդեցության հոսանքի տակ, որոշները՝ կոնկրետ այլ երկրի ինչ-որ մի քարտուղարուհու վարորդի հետ մի բաժակ սուրճ խմելուց հետո հասկացան, որ պետք է գործեն։ Որոշներն էլ, պրիմիտիվ իշխանության քաղցի հուշերի հետևից գնալով, եկան այս կետին։

Քոչարյանը, Սերժը, դաշնակները լավ հասկանում են, որ իրենց քայլ չի մնացել անելու և պատրաստ են յուրաքանչյուր արկածախնդրության, ցանկալի է՝ ոչ սեփական ձեռքերով և դեմքով։ Կլինի դա սարկավագ, փոքրիկի փառչակ օգնական, թե որևէ մեկը, ում մենք գործից դուրս ենք շպրտել կամ էլ գործ է խնդրել, չենք տվել։

Իսկ մեծագույն հարվածը եղավ, երբ իրենց ու կարճ խելք ունեցող իրենց տերերի պատկերացմամբ, հանկարծ ժամանակից շուտ պայթեց «օլիգարխ-բարերար» օպերացիան։ Անականկալ ձևով՝ մեր ձևովը մնաց մեր պետության ձվերի տակ։

Թավիշն ավարտված է, պողպատե մանդատը գործում է ու ավելի ու ավելի ծանր հարվածներով իջնելու է մեր երկրի դեմ աշխատող, մեր ժողովրդին վիրավորող, չհարգող, մեր ժողովրդին սպանողների, թալանողների և մեր անկախությունը վաճառել պատրաստվողների գլխին։

Իսկ այն բոլոր ականջները, որոնք երևում են այսօրվա հիմնական դերակատարների ետևում, հայ ժողովուրդը պոկելու է»,- գրել է նա։

Իսրայելի ռազմաօդային ուժերը հարված են հասցրել Լիբանանի հյուսիսում գտնվող Տրիպոլի քաղաքի մի շրջանի։

Ինչպես հաղորդում է  «ՏԱՍՍ»-ը, այս մասին հայտնում է Իսրայելի բանակի մամուլի ծառայությունը։

Հարվածի թիրախը եղել է ​​պաղեստինյան ՀԱՄԱՍ շարժման շարքերից «հիմնական ահաբեկիչ»-ը։ Այս պահին այլ մանրամասներ չեն հաղորդում։

Ուկրաինայի արտգործնախարար Անդրեյ Սիբիհան հայտնել է, որ հրաման է ստորագրել արտաքին գերատեսչության կառուցվածքը բարեփոխելու վերաբերյալ: Գերատեսչության նոր կառուցվածքը կհամապատասխանեցվի պատերազմի իրողություններին և դիվանագիտական գործելակերպին: Այս մասին Սիբիհան գրել է իր Facebook-յան էջում։

Ուկրաինայի արտաքին գործերի նախարարի խոսքով՝ կստեղծվեն նոր ստորաբաժանումներ, այդ թվում՝ ոչ բարեկամ երկրների, պատժամիջոցների և ՆԱՏՕ-ին անդամակցության հարցերով:

Ըստ Անդրեյ Սիբիհայի՝ ոչ բարեկամ երկրների շարքին Ռուսաստանից բացի կդասվեն, օրինակ՝ Հյուսիսային Կորեան և Բելառուսը:

Բացի այդ, կվերացվի զինաթափման հարցերով ստորաբաժանումը:

«Անցյալում են մնացել այն ժամանակները, երբ Արտաքին գործերի նախարարությունն ուներ ստորաբաժանում, որի անվան մեջ կար «զինաթափում» բառը։ Դա վաղուց էր, բայց նման ստորաբաժանում մի ժամանակ գոյություն ուներ։ Ուկրաինան այլևս երբեք չի զինաթափվի։ Հետևաբար, ժամանակակից կառուցվածքում մենք կունենանք Ուկրաինայի միջազգային անվտանգության և պաշտպանության վարչություն», – գրել է Ուկրաինայի ԱԳ նախարարը։