«Ժամանակակից ընտանիք» սերիալի աստղը իսկական սենսացիա է առաջացրել՝ Instagram-ում հրապարակելով իր արձակուրդից մի սեքսուալ տեսանյութ՝ Բիկինիի միջազգային օրվա պատվին։ Կադրում 52-ամյա դերասանուհին պառկած է ջրի մոտ՝ միայն սթրինգով, առանց լողազգեստի վերնամասի, և ուրախ ձեռքով է անում տեսախցիկին։ 

Տեսանյութի տակ, որը համադրված է Քելվին Հարիսի «Summer» երգի հետ, նա կատակով գրել է. 

«Շնորհավոր բիկինիի միջազգային օրը՝ Իբիցայից»։

Երկրպագուները անմիջապես արձագանքել են դերասանուհու՝ «Գրիզելդա» սերիալի աստղի համարձակ տեսանյութին՝ նրան ողողելով մեկնաբանություններով և մեմերով։

«Ի՜նչ համեղ «բուլկիներ»», - կատակել է X-ի (նախկին Twitter) բաժանորդներից մեկը։

«Աշխարհի հացթուխները ոտքի կանգնեցին և ողջունեցին այս «բուլկիները»», - գրել է մեկ ուրիշը։

«Ես երազում եմ նմանվել Սոֆիա Վերգարային նրա տարիքում»,-հավելել է երրորդը։

Առնվազն 10 միլիարդ դոլար կապիտալիզացիայով ընկերություններից նախորդ շաբաթ ամենամեծ աճը գրանցել է Symbotic Inc.–ը։ Արդյունաբերական ավտոմատացման և արհեստական բանականության հիման վրա պահեստների ավտոմատացման համակարգեր մշակող ամերիկյան ընկերության բաժնետոմսերը մեկ շաբաթում աճել են 28.93%–ով՝ հասնելով 47.91 դոլարի։ Հաջորդը NIKE, Inc.–ն է։ Սպորտային հագուստի և կոշիկի համաշխարհային առաջատարի բաժնետոմսերը մեկ շաբաթում բարձրացել են 22.15%–ով՝ կազմելով 76.39 դոլար։ Եռյակը եզրափակում է First Solar, Inc.–ը՝ 18.89% աճով։ Արեւային էներգիայի ոլորտում գործող ամերիկյան ընկերության բաժնետոմսերի գինը հասել է 185.03 դոլարի։ 

Անցած շաբաթ ամենամեծ կորուստը գրանցած՝ խոշոր կապիտալիզացիայով ընկերությունների եռյակը բացում է Centene Corporation–ը։ Առողջապահական ապահովագրություն և պետական ծրագրերի կառավարում իրականացնող ամերիկյան ընկերության բաժնետոմսերը նվազել են 37.82%–ով՝ հասնելով 33.31 դոլարի։ Հաջորդը Molina Healthcare, Inc.–ն է։ Նմանատիպ ծառայություններ մատուցող առողջապահական ընկերության բաժնետոմսերը մեկ շաբաթում նվազել են 17.69%–ով՝ կազմելով 239.58 դոլար։ Եռյակը եզրափակում է Tempus AI, Inc.–ը՝ 10.78% անկումով։ Արհեստական բանականության միջոցով բժշկական տվյալների վերլուծությամբ զբաղվող ընկերության բաժնետոմսերը հասել են 60.97 դոլարի։ 

Ամերիկյան ֆոնդային շուկան նախորդ շաբաթ փակվել է ռեկորդային բարձր ցուցանիշներով։ S&P 500-ը և Nasdaq-ը հասել են պատմական նոր գագաթնակետերի, Dow Jones-ն էլ մոտ էր ռեկորդային մակարդակին։ Շաբաթվա կտրվածքով S&P 500-ը աճել է 1.7%-ով, Nasdaq-ը՝ 1.6%-ով, Dow Jones-ը՝ 2.3%-ով։ Այս աճին նպաստել է զբաղվածության վերաբերյալ նոր զեկույցը։ ԱՄՆ–ում հունիսին ավելացել է 147,000 աշխատատեղ՝ գերազանցելով սպասելիքները։ 

Ոսկու գինը շարունակում է աճել՝ պայմանավորված ԱՄՆ դոլարի շարունակական թուլացմամբ և անվտանգ ներդրումների նկատմամբ աճող պահանջարկով։ Անցած շաբաթ ոսկու գինն աճել է մոտ 1.9%-ով՝ հասնելով շուրջ $3,336 մեկ ունցիայի դիմաց։ Սա տեղի է ունեցավ այն բանից հետո, երբ ԱՄՆ նախագահ Դոնալդ Թրամփը ստորագրել է հարկերի նվազեցման վերաբերյալ օրենքի նախագիծը, ինչը մտահոգություններ է առաջացրել երկրի ֆինանսական կայունության վերաբերյալ։ Ներդրողները նաև զգուշավորություն են դրսեւորում՝ սպասելով, թե ինչ տեղի կունենա հուլիսի 9-ին, երբ լրանում է Թրամփի սահմանած արտոնյալ ժամանակահատվածի վերջնաժամկետը եւ ուժի մեջ են մտնում ներմուծման նոր՝ բարձր մաքսատուրքերը։  

Հուլիսի 2-ին ավարտված շաբաթվա ընթացքում $31.6 միլիարդ է ներդրվել ԱՄՆ-ի բաժնետոմսերի ֆոնդերում, ինչն ամենամեծ շաբաթական ներհոսքն է 2024-ի նոյեմբերից վեր։ Դրա մեծ մասն ուղղվել է խոշոր ընկերությունների բաժնետոմսերին, ինչը պայմանավորված է արհեստական բանականության ոլորտում գործող հսկաների՝ Micron–ի, Nvidia–ի և AMD-ի աճով և այդ ոլորտի հանդեպ եղած լավատեսությամբ։ Պարտատոմսերի ֆոնդերն ունեցել են $6.66 միլիարդի ներհոսք, որի «առյուծի բաժինը» կարճաժամկետ եւ միջնաժամկետ բարձր վարկանիշ ունեցող կորպորատիվ պարտատոմսերի ֆոնդերինն է։ Իսկ պետական պարտատոմսերի ֆոնդերից դուրս է բերվել են $2.11 միլիարդ։ Դրամական ֆոնդերը ներգրավել են $57.98 միլիարդ՝ ամենաբարձր ցուցանիշը վերջին չորս շաբաթվա ընթացքում։ Սա նույնպես ներդրողների զգուշավորության ցուցիչ է։ 

Тesla-ի բաժնետոմսերը գրեթե 7% անկում են գրանցել երկուշաբթի օրվա նախաբորսայական աճուրդի ժամանակ։ Պատճառը ընկերության գլխավոր տնօրեն Իլոն Մասկի հայտարարությունն է քաղաքական նոր՝ America Party անունով կուսակցություն ստեղծելու մասին։ Սա մտահոգություն է առաջացրել ներդրողների շրջանում, որ քաղաքականությունը կշեղի Մասկի ուշադրությունը ընկերության կառավարման հարցերից։ Ներդրողներին նաեւ մտահոգում է, որ ընկերությունը կարող է տուժել Թրամփի եւ Մասկի միջեւ լարվածությունից։ ԱՄՆ նախագահն արդեն սպառնացել է դադարեցնել Tesla-ի պետական պայմանագրերը։ 

Անցած շաբաթ չիպերի նախագծման ծրագրային ապահովման Synopsys և Cadence ընկերությունների բաժնետոմսերը աճել են այն բանից հետո, երբ ԱՄՆ-ն հանել է Չինաստանում այս ընկերությունների արտադրանքի վաճառքի սահմանափակումները։ Մայիսին ներդրված սահմանափակումները էական վնաս էին հասցրել ընկերություններին, քանի որ Չինաստանը նրանց համար շատ կարևոր շուկա է։ Սահմանափակումների հանվելուց հետո Synopsys-ի բաժնետոմսերն աճել են 5.5%-ով, Cadence-ինը՝ 6.1%-ով։ 

Հուլիսի 3-ին Nvidia–ի շուկայական արժեքը կարճ ժամանակով հասել է $3.92 տրիլիոնի, ինչն այն դիրքավորում է որպես հավանական ամենաթանկարժեք ընկերությունը պատմության մեջ։ Սա գրեթե գերազանցում է Apple-ի ռեկորդը՝ $3.915 տրիլիոն, որը սահմանվել էր 2024 թվականի դեկտեմբերին։ Nvidia-ի արժեքի կտրուկ աճը պայմանավորված է արհեստական բանականության  չիպերի նկատմամբ մեծ պահանջարկով։ Դրանք օգտագործվում են հսկայական ԱԲ համակարգեր կառուցելու համար, որոնք ստեղծում են Microsoft-ի, Amazon-ի, Meta-ի, Alphabet-ի և Tesla-ի նման ընկերությունները։ Օրվա ընթացքում Nvidia-ի բաժնետոմսերն աճել են մինչև 2.4%, սակայն օրվա վերջում մի փոքր նվազել են՝ այդպես էլ չանցնելով Apple-ի ռեկորդը։ Վերջին չորս տարվա ընթացքում Nvidia-ի շուկայական արժեքը աճել է գրեթե ութ անգամ՝ 2021-ի $500 միլիարդից մինչև գրեթե $4 տրիլիոն այսօր։ Այժմ ընկերությունը արժե ավելի շատ, քան Միացյալ Թագավորության բոլոր ցուցակված ընկերությունները միասին։ 

ԱՄՆ-ում հրապարակվել են հունիս ամսվա զբաղվածության տվյալները, որոնք առաջին հայացքից, դրական են թվում․ ստեղծվել է սպասվածից ավելի՝ 147,000 նոր աշխատատեղ, իսկ գործազրկության մակարդակը նվազել է՝ 4.2%-ից հասնելով 4.1%-ի։ Սակայն խորքային վերլուծությունը ցույց է տալիս, որ աշխատաշուկան սկսում է կորցնել իր կայունությունը։ Աշխատատեղերի գրեթե կեսը ստեղծվել է պետական հատվածում, մինչդեռ մասնավոր հատվածում աշխատատեղերի աճը ամենացածրն է եղել վերջին ութ ամսում։ Բիզնեսները կրճատել են աշխատաժամերը և դանդաղեցրել նոր աշխատողների ընդունումը։ Տնտեսագետները զգուշացնում են, որ այս թուլացումը կապված է նախագահ Թրամփի առևտրային սահմանափակումների, մաքսատուրքերի, պետական ծախսերի կրճատման և արտաքսումների քաղաքականության հետ, ինչը ստիպում է գործատուներին խուսափել նոր աշխատողների ընդունումից։ 

Մայիսին ԱՄՆ առևտրային հաշվեկշռի դեֆիցիտը աճել է 18.7%-ով՝ հասնելով $71.5 միլիարդի, քանի որ արտահանումը զգալիորեն նվազել է, իսկ ներմուծումը մնացել է գրեթե անփոփոխ։ Արտահանումը նվազել է 4%-ով՝ հասնելով $279 միլիարդի։ Ներմուծումը նվազել է ընդամենը 0.1%-ով՝ կազմելով $350.5 միլիարդ։

Հանրապետության տարածքում հուլիսի 8-ին, 11-ին և 12-ին սպասվում է առանց տեղումների եղանակ։ Հուլիսի 9-ի և 10-ի կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։

Քամին հարավարևմտյան է՝ 2-5 մ/վ, ամպրոպի ժամանակ սպասվում է քամու ուժգնացում 18-20 մ/վ արագությամբ։ Հուլիսի 8-12-ի երեկոյան ժամերին Արմավիրում, Կոտայքի և Արագածոտնի նախալեռներում, Երևանում սպասվում է քամու ուժգնացում՝ 18-20 մ/վ արագությամբ։ Օդի ջերմաստիճանը հուլիսի 8-12-ն աստիճանաբար կբարձրանա 6-9 աստիճանով։

Երևանում հուլիսի -ին, 11-ին և 12-ին սպասվում է առանց տեղումների եղանակ։ Հուլիսի 9-ի և 10-ի երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ։ Ամպրոպի ժամանակ և երեկոյան ժամերին սպասվում է քամու ուժգնացում՝ 18-20 մ/վ արագությամբ։

Անասո՛ւն, վիզդ կպոկե՛մ, արա՛:

Կադրերում ՀՀ Ազգային ժողովն է, որտեղ ծեծկռտուքի մասնակիցներ են իշխանական ու ընդդիմադիր պատգամավորներն ու ՊՊԾ աշխատակիցները։ 

Մանրամասները՝ տեսանյութում

Իրանը մի քանի հազար հրթիռ և անօդաչու թռչող սարք է տեղակայել պաշտպանված վայրերում, որոնք պատրաստ են օգտագործվել ցանկացած ագրեսիայի դեպքում, հայտարարել է Իսլամական հեղափոխության առաջնորդ այաթոլլահ Սեյեդ Ալի Խամենեիի ավագ ռազմական խորհրդական, գեներալ-մայոր Յահյա Ռահիմ-Սաֆավին։

Press TV-ի փոխանցմամբ՝ Ռահիմ-Սաֆավին ընդգծել է, որ երկրի զինված ուժերը լիովին պատրաստ են ցանկացած սցենարի՝ Իսրայելի հնարավոր նոր հարձակման մասին հաղորդագրությունների ֆոնին, չնայած նախկինում հայտարարված հրադադարին՝ 12-օրյա ռազմական էսկալացիայից հետո։

«Մենք արտադրել ենք մի քանի հազար հրթիռ և անօդաչու թռչող սարք և դրանց տեղակայման վայրերը անվտանգ կերպով պաշտպանված են», - ասել է նա։ «Խաղաղ միջուկային էներգիան և հրթիռների արտադրությունը մեր ազգային գիտության, հետախուզության և գիտելիքների արդյունքն են և դրանք չեն կարող ոչնչացվել»։ 

Նրա խոսքով՝ այնպիսի հիմնական ռազմական կառույցները, ինչպիսիք են Ռազմածովային ուժերը և Իսլամական հեղափոխության պահապանների կորպուսի (ԻՀՊԿ) «Ղոդս» ուժերը, լիովին չեն ներգրավվել Իսրայելի վերջին ագրեսիան հետ մղելու գործում։ Բանակը նաև չի օգտագործել իր ողջ ներուժը։ 

«Նեթանյահուն չի հասել իր նպատակներին. Իսլամական Հանրապետությունը չի տապալվել կամ չի մասնատվել։ Մենք կորուստներ ենք ունեցել, բայց նաև լուրջ վնաս ենք հասցրել նրանց», - ընդգծել է Ռահիմ-Սաֆավին։

Խորհրդականի խոսքով՝ Իսրայելը թաքցնում է իր վրա կատարված հարձակումների լրջությունը՝ լրատվամիջոցների խիստ գրաքննության միջոցով։ Ռահիմ-Սաֆավին ընդգծել է, որ Իսրայելի պատմության մեջ «նման բան երբեք տեղի չի ունեցել». օկուպացված տարածքների վրա արձակվել են հարյուրավոր հրթիռներ՝ տասնյակ մարտագլխիկներով։

Ռահիմ-Սաֆավին հավելել է, որ չնայած Գազայում 21 ամիս տևած պատերազմին, որը նպատակ ուներ ոչնչացնել պաղեստինյան դիմադրությունը, Համասի շարժումը շարունակում է գործել, մինչդեռ իսրայելական բանակը «հյուծված է»։

«Պատմության մեջ ոչ մի օկուպացիոն ուժ չի կարողացել հավերժ պահել գրավված տարածքները», - ընդգծել է նա։

Ականջներիդ օ՛ղ արեք, ՀՀ-ում ոչ մեկ չի կարա հեղաշրջում անի, ձեր խոսակցությունները խայտառակություն են.

Տեսանյութ 

ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվում է մի շարք ընկերությունների գործունեությունը փաստացի ղեկավարած անձանց կողմից կեղծ հիմքեր ստեղծելու արդյունքում խարդախությամբ առանձնապես խոշոր չափերով հափշտակություն կատարելու, առանձնապես խոշոր չափերով փողերի լվացման, ինչպես նաև առանձնապես խոշոր չափերով հարկեր վճարելուց խուսափելու դեպքերի առթիվ նախաձեռնված քրեական վարույթը։

Քրեական վարույթի նախաքննության ընթացքում 11 անձի նկատմամբ կայացվել են հանրային քրեական հետապնդում հարուցելու մասին որոշումներ, որոնցից 5-ի նկատմամբ որպես խափանման միջոց է ընտրվել կալանքը, 1-ի նկատմամբ կիրառվել է բացակայելու արգելք, 1-ի նկատմամբ որոշում է կայացվել ձերբակալելու մասին՝ դատարան ներկայացնելու նպատակով, 4 անձի նկատմամբ հայտարարվել է հետախուզում։

Քրեական վարույթի շրջանակներում կազմավորված քննչական խումբը քննությանը հետաքրքրություն ներկայացնող ընդհանուր թվով 51 հասցեներում  իրականացնում է միաժամանակյա խուզարկություններ։

Երթևեկության կազմակերպման փոփոխություններ՝ հասարակական տրանսպորտի ավելի անարգել երթևեկությունն ու տրանսպորտային հոսքերի անընդհատությունն ապահովելու նպատակով։

Բեյրութի փողոցից դեպի Գր․ Լուսավորիչ և Արգիշտի փողոցների ուղղությամբ.

Բոլոր տիպի տրանսպորտային միջոցներին թույլատրվում է խաչմերուկը հատել 1-ին գոտուց միայն աջ դեպի Գր․ Լուսավորիչ փողոց ուղղությամբ, իսկ 3-րդ գոտուց միայն ուղիղ դեպի Արգիշտի փողոց ուղղությամբ։ 2-րդ Երթևեկելի գոտին հատկացված է հասարակական տրանսպորտին։

Իտալիայի փողոցից դեպի Խորենացի և Վ․ Սարգսյան փողոցների խաչմերուկ ուղղությամբ. 

Բոլոր տիպի տրանսպորտային միջոցներին թույլատրվում է խաչմերուկը հատել 1-ին գոտուց աջ և ուղիղ, 2-րդ գոտուց ուղիղ, իսկ 3-րդ գոտուց, որը հատկացված է հասարակական տրանսպորտին՝ միայն ձախ ուղղությամբ։

Արգելվել է կանգառը Իտալիայի փողոցի աջակողմյան հատվածում։

Թուրքիայի արտաքին գործերի նախարար Հաքան Ֆիդանը հայտարարել է, որ Անկարան սպասում է Կիևի պատասխանին՝ Ուկրաինայի և Ռուսաստանի միջև բանակցությունների հնարավոր երրորդ փուլ անցկացնելու համար։ Այս մասին հաղորդում է ՌԻԱ Նովոստին։

«Ռուսական կողմը հայտարարել է երրորդ փուլի իր պատրաստակամության մասին։ Հիմա մենք սպասում ենք ուկրաինական կողմի պատասխանին», - բացատրել է նախարարը։

Քննիչները ժամանել են մեր բնակարան, խուզարկություն են իրականացնում, այս ամեն ինչին սպասում էինք, դեռ մի քիչ էլ ուշացան: Այս մասին լրագրողների հետ զրույցում ասաց ՀԷՑ-ի տնօրենների խորհրդի նախագահ Նարեկ Կարապետյանը: 

«Ամենայն հավականությամբ կձերբակալեն, բայց դեռ չգիտեմ՝ ինչի համար»,- ասաց Կարապետյանը:

Նրա ձեռքին գիրք կար, երբ լրագրողները հետաքրքրվեցին՝ ի՞նչ գիրք է, նա ասաց՝ վերցրել է, որ կարդա այնտեղ և որ արդեն պատրաստվել է ձերբակալվելուն: 

«Գիտեի, պարզ է, իրենց բոլոր քայլերը պարզ են ու ընդունելի են, թող անեն այդ քայլերը, տեսնեն՝ իրենց հաջողությո՞ւն է բերելու, թե՝ չէ»,- ասաց նա:

Նա նշեց, որ հավաքի հետ է կապված իրեն ձերբակալելու որոշումը: «Մի բան պետք է լինի,  իրենք մի բան պետք է գտնեին, գտել են»,- ասաց նա: