«Ուկրաինան պետք է պատրաստ լինի ընդունելու դժվար որոշումներ». Ռուբիո
ԱՄՆ պետքարտուղար Մարկո Ռուբիոն հայտարարել է, թե Ուկրաինայի հակամարտությունն «ուժային լուծում չունի»։ Այս մասին Ռուբիոն ասել է Սաուդյան Արաբիայում Ուկրաինայի հետ անցկացվելիք հանդիպումներին ընդառաջ։
Ուկրաինայի պատվիրակությունը՝ նախագահի աշխատակազմի ղեկավար Անդրիյ Երմակի գլխավորությամբ, Ջեդդա քաղաքում կհանդիպի Ռուբիոյին և Սպիտակ տան այլ բարձրաստիճան պաշտոնյաների։
Մինչ այդ, Զելենսկին հայտարարել է, որ Ուկրաինան բանակցությունների ընթացքում հանդես կգա «ամբողջովին կառուցողական» դիրքորոշմամբ և հույս հայտնել, որ դրանք կբերեն գործնական արդյունքների՝ ուղղված իր երկրում ռուսական պատերազմի դադարեցմանը։
Ռուբիոն լրագրողների հետ ճեպազրույցում հայտնել է. «Ամենակարևորն այն է, որ այստեղից պետք է հեռանանք հստակ համոզմամբ, որ Ուկրաինան պատրաստ է դժվար որոշումներ ընդունել, ինչպես որ Ռուսաստանը պետք է դժվար որոշումներ ընդունի՝ այս հակամարտությունը դադարեցնելու կամ առնվազն որևէ ձևով կասեցնելու համար։
Կարծում եմ՝ երկու կողմերն էլ պետք է հասկանան, որ այս իրավիճակը չունի ռազմական լուծում։
Ռուսները չեն կարող գրավել ամբողջ Ուկրաինան, և ակնհայտ է, որ Ուկրաինայի համար չափազանց դժվար կլինի ողջամիտ ժամկետներում ստիպել ռուսներին ամբողջությամբ վերադառնալ 2014-ի սահմաններին»։
Latest from Live24
- Վրաստանի նախագահը պատրաստ է ներում շնորհել բանտում գտնվող ընդդիմադիրներին, եթե նրանք մասնակցեն ՏԻՄ ընտրություններին
- Մեծ Բրիտանիայում կորոնավիրուսի նոր տեսակ է տարածվում
- Թուրքիան ակնկալում է, որ Բաքվի և Երևանի միջև հնարավոր խաղաղության համաձայնագիրը կբավարարի Ադրբեջանի օրինական պահանջները. Էրդողան
- Հնդկաստանը սպառնում է մաքսատուրքերով՝ որպես պատասխան ԱՄՆ-ի ավտոմոբիլային սակագների բարձրացմանը
- Հայաստանը բողոքի նոտա է հանձնել ՌԴ դեսպանին
- Սրբուհի Գալյանը ելույթ է ունեցել «ՀԸԳՀ. հեռանկարի և գործողությունների միջև կապի ամրապնդում» խորագրով աշխատաժողովին
- Միքայել և Բագրատ սրբազանները հացադուլ են հայտարարել
- Զելենսկին Թրամփի հետ քննարկել է ռազմաճակատում իրավիճակը և համատեղ պաշտպանական ծրագրերը
Լրահոս
Ֆոտո
