Շվեյցարիան, Շոտլանդիան, Ավստրիան, Իսպանիան ու Բելգիան նվաճեցին աշխարհի առաջնության եզրափակիչ մրցաշարի ուղեգրեր։ 

B խմբում Շվեյցարիան 1:1 հաշվով ոչ ոքի խաղաց Կոսովոյի հետ եւ 14 միավորով գրավեց առաջին տեղը։ Կոսովոն 11 միավորով երկրորդն է եւ ուղեգրի համար պայքարը կշարունակի փլեյ-օֆֆում։ 

C խմբում Շոտլանդիան 4:2 հաշվով պարտության մատնեց դանիացիներին եւ 13 միավորով առաջինն է։ Դանիան հետ մնաց 2 միավոր եւ դուրս եկավ որակավորման փլեյ-օֆֆ։ 

E խմբում եվրոպայի չեմպիոն Իսպանիան 2:2 հաշվով խաղաց Թուրքիայի հետ եւ 16 միավորով գրավեց առաջին տեղը։ Թուրքիան 13 միավորով երկրորդն է եւ կխաղա փլեյ-օֆֆում։ 

H խմբում Ավստրիայի հավաքականը 1:1 հաշվով խաղաց բոսնիացիների հետ եւ 19 միավորով գրավեց առաջին տեղը։ Բոսնիա եւ Հերցեգովինան 17 միավորով երկրորդն է եւ պայքարը կշարունակի փլեյ-օֆֆում։

J խմբում Բելգիան 7:0 հաշվով պարտության մատնեց Լիխտենշտեյնին եւ խմբի հաղթողն է։ Փլեյ-օֆֆում պայքարը շարունակելու իրավունք ստացավ Ուելսը, որը 7:1 հաշվով հաղթեց Հյուսիսային Մակեդոնիային։