Ակտիվ աշխատանքներ են ընթանում․ Արփինե Սարգսյանը՝ Մերձավանի սպանության մասին
Այս պահին ակտիվ աշխատանքներ են ընթանում։ Փարաքարի Մշակույթի պալատի մոտ լրագրողներին այս մասին ասաց ՀՀ ներքին գործերի նախարար Արփինե Սարգսյանը, որը մասնակցում էր Փարաքարի սպանված համայնքապետ Վալոդյա Գրիգորյանի հոգեհանգստի արարողությանը։
«Այս պահի դրությամբ ակտիվ աշխատանքներ են ընթանում, այլ բան չունեմ ասելու։ Լրացուցիչ կտեղեկացնեմ»,- ասաց նախարարը՝ շեշտելով, որ սգո սրահը հարցազրույցի վայր չէ։
Նա շեշտեց՝ երբ իրավապահ մարմիններն ունենան արժանահավատ տեղեկատվություն, անպայման կհայտնեն։
Նշենք, որ Փարաքարի համայնքապետի հոգեհանգստի արարողությանը նախարար Արփինե Սարգսյանի հետ մասնակցում էր նաև ՀՀ ոստիկանապետ Արամ Ղազարյանը, որը երեկ առավոտյան նաև Վոլոդիա Գրիգորյանի ծնողների տուն է այցելել։
Հիշեցնենք` սեպտեմբերի 23-ի ուշ երեկոյան Մերձավանում` Փարաքար համայնքի ղեկավար Վալոդյա Գրիգորյանի նորակառույց առանձնատան հետնամասում, դիմակավորված, ձեռնոցներով անձը մոտեցել է կանգնած 3 անձանց, կրակահերթ արձակել և հեռացել: Միջադեպի հետևանքով սպանվել են Վալոդյա Գրիգորյանը և ՀՀ ոստիկանության քրեական հետախուզության գլխավոր վարչության օպերլիազոր Կարեն Աբրահամյանը, որը դեպքի պահին ծառայության մեջ չի եղել։ Դեպքի վայրում վիրավորում է ստացել ևս մեկ քաղաքացի` Արծրուն Գալստյանը։ Նրա կյանքին վտանգ չի սպառնում։
Վալոդյա Գրիգորյանը 42 տարեկան էր, ունի չորս երեխա։ Գրիգորյանը Փարաքար համայնքի ղեկավար էր ընտրվել 2025թ. մարտի 30-ին կայացած ավագանու արտահերթ ընտրությունների արդյունքներով: Գլխավորում էր «Միասնություն» կուսակցությունների դաշինքի ցուցակը, որի մեջ էր նաև «Ապրելու երկիր» կուսակցությունը։
Latest from Live24
- Երկրորդ փուլը սկսվում է հենց հիմա. Թրամփը` Գազայի կարգավորման մասին
- Հայտնի է Իռլանդիա-Հայաստան խաղի մեկնարկային կազմերը
- Բելգիայում համընդհանուր գործադուլ է հայտարարվել
- Ռուսաստանը Պերուում իշխանափոխությունը դիտարկում է որպես երկրի ներքին հարց. ՌԴ ԱԳՆ հայտարարությունը
- Թուրքիայում հարձակման ենթարկված լրագրողը մահացել է
- ՀՀ-ն ու Նիդեռլանդները ռազմավարական գործընկերության խորացմանն ուղղված աշխատանքներն են քննարկում
- Նախագահ Թրամփին կոչ ենք անում ապահովել Բաքվում պահող հայերի անհապաղ ազատ արձակումը. Ամերիկայի հայկական ասամբլեա
- ՄԱԿ-ի ՊՀԾ-ն պարենամթերք կտրամադրի Գազայի 1,6 միլիոն բնակչի
Լրահոս
Ֆոտո
