Հոնկոնգում գիշերը հազարավոր մարդիկ տարհանվել են իրենց տներից, որպեսզի մասնագետները կարողանան վնասազերծել շինհրապարակում հայտնաբերված Երկրորդ համաշխարհային պատերազմի մնացորդ հանդիսացող ամերիկյան արտադրության խոշոր ռումբը, հաղորդում է Associated Press-ը։

Ոստիկանությունը հայտնել է, որ ռումբը 1,5 մետր երկարություն ուներ և կշռում էր մոտ 450 կիլոգրամ։ Այն հայտնաբերվել էր շինարարների կողմից Քուորի Բեյում՝ Հոնկոնգ կղզու արևմտյան կողմի մարդաշատ բնակելի և բիզնես թաղամասում։

«Մենք հաստատեցինք, որ այդ առարկան Երկրորդ համաշխարհային պատերազմի ժամանակների ռումբ է», - լրագրողներին ասել է ոստիկանության ներկայացուցիչ Էնդի Չան Թին-Չուն։

Նա պատմել է, որ «դրա վնասազերծման հետ կապված բացառիկ բարձր ռիսկերի» պատճառով մոտավորապես 1900 տնային տնտեսություններ, որոնցում բնակվում է 6000 մարդ, «ստիպված են եղել շտապ տարհանվել»։