Զենքի մատակարարումներն ԱՄՆ-ից Ուկրաինային կշարունակվեն ՆԱՏՕ-ի երկրների միջոցով. Ռյուտե
Ամերիկյան զենքի մատակարարումներն Ուկրաինային կշարունակվեն, դրանց համար կվճարեն ՆԱՏՕ-ի եվրոպական գործընկերները: Այդ մասին հայտարարել է ՆԱՏՕ-ի գլխավոր քարտուղար Մարկ Ռյուտեն Fox News հեռուստաընկերությանը տված հարցազրույցում:
«Լավ լուրն այն է, որ նախագահ Թրամփն իմ միջոցով ՆԱՏՕ-ի եվրոպացի գործընկերների հետ համաձայնության է եկել, որ Եվրոպայում ՆԱՏՕ-ի գործընկերները վճարեն ամերիկյան զենքի մատակարարման համար: Դա լավ նորություն է ամերիկյան միջին դասի, ինչպես նաև Ուկրաինայի համար, որովհետև դա նշանակում է, որ ԱՄՆ-ից Ուկրաինա մահացու զենքի հոսքը կշարունակվի», – ասել է Ռյուտեն:
Խոսելով նաև ՆԱՏՕ-ին Ուկրաինայի անդամակցության մասին՝ Ռյուտեն նշել է, որ Ուկրաինայի համար գոյություն ունի դաշինքին անդամակցելու անշրջելի ուղի, սակայն այս պահին այդ հարցը օրակարգում դրված չէ:
«Իրավիճակն այսպիսին է. ԱՄՆ-ն և որոշ այլ երկրներ հայտարարել են, որ իրենք դեմ են ՆԱՏՕ-ին Ուկրաինայի անդամակցությանը: ՆԱՏՕ-ի պաշտոնական դիրքորոշումը, որն ընդունվել է 2024 թվականի գագաթնաժողովում, այն է, որ Ուկրաինայի համար գոյություն ունի ՆԱՏՕ տանող անշրջելի ուղի, բայց մենք այստեղ չենք քննարկում ՆԱՏՕ-ին անդամակցությունը, մենք քննարկում ենք 5-րդ հոդվածի նման անվտանգության երաշխիքներ Ուկրաինայի համար», – ասել է Ռյուտեն՝ 5-րդ հոդված ասելով նկատի ունենալով այն, որ մեկ երկրի վրա հարձակումը նշանակում է հարձակում Դաշինքի մյուս երկրների վրա:
Latest from Live24
- Ուկրաինական հողում ամերիկյան զпրքեր չեն լինի․ Սպիտակ տուն
- Պուտինը Թրամփին ասել է, որ առաջիկա շաբաթներին ինքը կհանդիպի Զելենսկու հետ. Սպիտակ տուն
- Ընթանում են «Արծիվ գործընկեր» հայ-ամերիկյան զորավարժությունները
- Ճապոնիան ու Թուրքիան քննարկել են պաշտպանական համագործակցության հարցերը
- Իրանի մտահոգությունները հայ-իրանական սահմանի մոտ 3-րդ ուժերի ներկայության մասին պահպանվում են
- Նալբանդյան փողոցում 50–ն անց 5 կին ծեծել են միմյանց, հայհոյել
- Իրանի նախագահը պատմել է Նիկոլ Փաշինյանի հետ իր զրույցի բովանդակության մասին
- Թրամփի վարչակազմը չեղյալ է հայտարարել ավելի քան 6000 ուսանողական վիզա
Լրահոս
Ֆոտո
