Ճապոնիայում ցունամիի վտանգի պատճառով կարող է տարհանվել ավելի քան 2 մլն մարդ
Ճապոնիայում ավելի քան 2 մլն մարդ տարհանման հրահանգ է ստացել Կամչատկայում տեղի ունեցած երկրաշարժից հետո հայտարարված ցունամիի վտանգի պատճառով։ Այս մասին հայտնել է երկրի համազգային գործերի նախարարության հրշեջ վարչությունը։
Տարհանման հրահանգը համապատասխանում է հինգ հնարավորից չորրորդ վտանգի մակարդակին, այս մակարդակը նշանակում է տարհանման անհրաժեշտություն ապաստարաններում, քանի դեռ դա հնարավոր է։ Դրանից հետո եկող հինգերորդ մակարդակը կյանքեր փրկելու անհապաղ անհրաժեշտություն է նշանակում։
Հրահանգը տրվել է 117 քաղաքներում, այն առնչվում է ավելի քան 2 մլն մարդու։
Օդերևութաբանական վարչության տվյալներով՝ ցունամին արդեն հասել է Ճապոնիայի ափերին՝ 22 պրեֆեկտուրաներում։ Ճապոնիայում ընդհանուր 47 պրեֆեկտուրա կա։ Ցունամիի առավելագույն բարձրությունը գրանցվել է Իվատե պրեֆեկտուրայում՝ 1.3 մետր։
Կամչատկայում տեղի ունեցած երկրաշարժից հետո Ճապոնիայում նախ ցունամիի հետ կապված նախազգուշացում էր տարածվել, ապա վտանգի մասին հայտարարություն՝ Խաղաղ օվկիանոսի գրեթե ամբողջ արևելյան ափի երկայնքով։
Latest from Live24
- ՖԻԴԵ-ի դասակարգման աղյուսակում Հայաստանն ունի 4 ներկայացուցիչ
- Փլուզվել է Երևանի դաշնամուրի գործարանի արտաքին պատը. կա տուժած
- Արագածի տարածաշրջանում ձյուն է. իրավիճակը ՀՀ ավտոճանապարհներին և Լարսում
- Ուիթքոֆը երեքշաբթի կհանդիպի Պուտինի հետ Մոսկվայում. Լրատվամիջոց
- Արթիկի տարածաշրջանում ձնախառն անձրև է, Սպիտակի ոլորաններում, Արագածի տարածաշրջանի ճանապարհներին՝ տեղ-տեղ մերկասառույց
- Ոստիկանության 4 ծառայող ազատվել է համակարգից․ ՆԳՆ
- Մադուրոն ԱՄՆ-ին հայտնել է, որ պատրաստ է հրաժարական տալ մեկուկես տարի անց
- Կասեցվել է «Արզնի կաթնամթերք»-ի երեք արտադրատեսակի արտադրությունը
Լրահոս
Ֆոտո
