Հաղորդվում է, որ Ռեհովոտում Վայցմանի գիտական ինստիտուտին պատկանող շենքը վնասվել է Իրանի կողմից իրականացված վերջին հրթիռակոծության հետևանքով։

The New York Times-ը, հղում անելով թերթին տրամադրված լուսանկարներին, հայտնում է, որ հրդեհ է բռնկվել «առնվազն մեկ շենքում, որտեղ տեղակայված են լաբորատորիաներ»։

Ըստ լրատվամիջոցների, մտավախություն կա, որ մարդիկ կարող են ներսում արգելափակված լինել։

Փրկարարները Բաթ Յամում իրանական բալիստիկ հրթիռի հարվածին ենթարկված շենքի փլատակների տակից երկու մարմին են դուրս բերել, հայտնում է Times of Israel-ը։

Մոտ 20 մարդ համարվում է անհետ կորած։

Հաղորդվում է ավելի քան 200 տուժածի մասին։

Իսլամական հեղափոխության պահապանների կորպուսի (ԻՀՊԿ) օդատիեզերական ստորաբաժանումը շաբաթ օրը «Ճշմարիտ խոստում III» գործողության վերջին ալիքի ընթացքում առաջադեմ տարբեր հրթիռային համակարգեր է տեղակայել, գրում է Mehr-ը։

Լրատվամիջոցները, վկայակոչելով աղբյուրներին, հայտնում են, որ իսրայելական Հայֆա և Թել Ավիվ քաղաքների վրա վերջին հարվածների ընթացքում արձակվել են Emad, Ghadr և Kheibar Shekan հրթիռներ։

Emad բալիստիկ հրթիռը, որը Ghadr-ի արդիականացված տարբերակն է, առանձնանում է բարելավված նշանառությամբ և ճշգրտությամբ, փորձարկվել և սպառազինության մեջ է ընդունվել 2015 թվականի վերջին։ Այն հագեցած է նոր կառուցվածքի մանևրող մարտագլխիկով, որի հիմքում կայունացուցիչներ կան, ինչը թույլ է տալիս նրան շարժվել դեպի թիրախը մթնոլորտ մտնելուց հետո։ Ըստ իրանցի զինվորական պաշտոնյաների, Emad-ն Իրանի բարձր ճշգրտության առաջին հրթիռն է։ Հեղուկ վառելիքով աշխատող Emad հրթիռի երկարությունը 15,5 մետր է, քաշը՝ 1750 կգ, հեռահարությունը՝ 1700 կմ, իսկ հավանական շրջանային շեղումը (CEP)՝ 50 մետր։

2005 թվականին ներկայացված Ghadr հրթիռը Shahab-3 միջին հեռահարության բալիստիկ հրթիռի կատարելագործված տարբերակն է, որն Իրանի սպառազինության մեջ է 2003 թվականից։ Այն երկաստիճան հրթիռ է, որի առաջին աստիճանն աշխատում է հեղուկ, իսկ երկրորդը՝ պինդ վառելիքով։ Թողարկվում է երեք տարբերակով՝ Ghadr-S (1350 կմ հեռահարություն), Ghadr-H (1650 կմ հեռահարություն) և Ghadr-F (1950 կմ հեռահարություն)։ 15,86-ից մինչև 16,58 մետր երկարությամբ և 1,25 մետր տրամագծով Ghadr-ը կշռում է 15-ից 17,5 տոննա։ Մարտագլխիկի քաշը 1000-ից կրճատվել է մինչև 650 կգ, ինչը թույլ է տվել հրթիռի հեռահարությունը 1200-ից հասցնել գրեթե 2000 կիլոմետրի։

Kheibar Shekan հրթիռը միջին հեռահարության բալիստիկ հրթիռ է, որը նախատեսված է ռազմավարական հարվածներ հասցնելու համար և նախորդ մարտերում արդյունավետություն է ցուցաբերել։

Հաղորդվում է, որ Kheibar Shekan-1 և Kheibar Shekan-2 երկու տարբերակներն էլ ունակ են հաղթահարել Իսրայելի ՀՕՊ առաջադեմ համակարգերը, ներառյալ՝ «Նետ-3»-ը և «Դավթի պարսատիկը»։

Իսրայելի թիկունքի հրամանատարությունը շաբաթ օրը հայտարարել է, որ ամբողջ երկիրը ներկայումս գործում է արտակարգ դրության ռեժիմով, հայտնում է The Jerusalem Post-ը։

Արտակարգ դրության ռեժիմն ուժի մեջ է մտել ուրբաթ վաղ առավոտյան՝ տեղական ժամանակով ժամը 03:00-ին։ Այն ուժի մեջ կլինի առնվազն մինչև կիրակի, ժամը 20:00-ն, և կարող է երկարաձգվել՝ կախված սպառնալիքի մակարդակից։

Փակվել են բոլոր կրթական հաստատությունները, այդ թվում՝ մանկապարտեզները, ցերեկային խնամքի կենտրոնները, դպրոցները, հատուկ կրթական ծրագրերը, ամառային ճամբարները, երիտասարդական կազմակերպությունները և բարձրագույն ուսումնական հաստատությունները։

Ոչ մի պաշտոնական կամ ոչ պաշտոնական ուսումնական միջոցառում չի անցկացվի, ինչպես նաև չեղարկվել են երեխաների և դեռահասների համար նախատեսված մարզական մրցումները։

ԱՄՆ Սոլթ Լեյք Սիթիի կենտրոնում ԱՄՆ վարչակազմի ներգաղթային քաղաքականության դեմ ուղղված «Առանց թագավորների» երթի ժամանակ հրաձգություն է տեղի ունեցել, որի հետևանքով առնվազն մեկ մարդ ծանր վիրավորվել է, հայտնում է CNN-ը։

Սոլթ Լեյք Սիթիի ոստիկանությունը հայտնել է, որ տուժածը հիվանդանոց է տեղափոխվել կյանքին վտանգ սպառնացող վնասվածքներով։

Ոստիկաններն ակտիվորեն հետաքննում են միջադեպը և հայտարարել են, որ ձերբակալել են կասկածյալին։

Երեկոյան երթը, որին մասնակցել է մոտ 10 000 մարդ, նախապես պլանավորված էր և արտոնված էր ոստիկանության կողմից։ Սակայն ավելի ուշ ոստիկանները ցուցարարներին կոչ են արել «հեռանալ անվտանգ և կազմակերպված»։

Ոստիկանությունը նաև խնդրել է ցուցարարներին ներբեռնել հրաձգության տեսանյութերն ու լուսանկարները։

Վարդան Ոսկանյանը գրում է․

Քանի որ շատերին է հետաքրքրում, թե որքա՞ն ժամանակ և ի՞նչ ինտենսիվությամբ Իրանը կարող է շարունակել հրթիռային հարվածներ հասցնել Իսրայելին, ապա կարծում եմ՝ հետաքրքիր կլինի լսել քիչ առաջ իսրայելական ռուսալեզու ալիքներից մեկով հենց իսրայելցի փորձագետի գնահատականը՝ «Իրանն ունի ավելի շատ հրթիռներ, քան մենք կարող էինք դիմակայել դրանց երկարատև ժամանակի ընթացքում։

Այսինքն, նրանք ունեն բավարար քանակի հրթիռներ, որպեսզի շարունակեն հարվածել մեզ օրական 80, 100, 120 հրթիռների մակարդակում և պահել Իսրայելը այսպիսի հյուծման պատերազմի մեջ»»։

Իսրայելի թիկունքի հրամանատարությունը շաբաթ օրը հայտարարել է, որ ամբողջ երկիրը ներկայումս գործում է արտակարգ դրության ռեժիմով, հայտնում է The Jerusalem Post-ը։

Արտակարգ դրության ռեժիմն ուժի մեջ է մտել ուրբաթ վաղ առավոտյան՝ տեղական ժամանակով ժամը 03:00-ին։ Այն ուժի մեջ կլինի առնվազն մինչև կիրակի, ժամը 20:00-ն, և կարող է երկարաձգվել՝ կախված սպառնալիքի մակարդակից։

Փակվել են բոլոր կրթական հաստատությունները, այդ թվում՝ մանկապարտեզները, ցերեկային խնամքի կենտրոնները, դպրոցները, հատուկ կրթական ծրագրերը, ամառային ճամբարները, երիտասարդական կազմակերպությունները և բարձրագույն ուսումնական հաստատությունները։

Ոչ մի պաշտոնական կամ ոչ պաշտոնական ուսումնական միջոցառում չի անցկացվի, ինչպես նաև չեղարկվել են երեխաների և դեռահասների համար նախատեսված մարզական մրցումները։

Երեկ գիշեր իրանական հարվածներից Իսարյելում մարդիկ են զոհվել։ Իսրայելահայերի միության նախագահ Արտյոմ Չերնամորյանը տեղկացնում է, որ նույնիսկ ամբողջ ընտանիքի անդամներն են զոհվել։

Այս մասին նա գրել է իր ֆեյսբուքյան էջում:

«Դաժան էր գիշերը, կան բազմաթիվ մարդկային զոհեր ու վիրավորներ, այդ թվում երեխաներ ու ամբողջական ընտանիքներ։ Վերջնական թվեր դեռ չկան»։

Եմենի հութիները հայտարարել են Իսրայելի ուղղությամբ գերձայնային բալիստիկ հրթիռներ արձակելու մասին, հաղորդում է Al Masirah-ն։

Ըստ հութիների հայտարարության, հարվածները հասցվել են իրանցի զինվորականների հետ համակարգմամբ՝ օգտագործելով «Պաղեստին-2» մի շարք գերձայնային բալիստիկ հրթիռներ։

Շարժման հայտարարության համաձայն, թիրախները եղել են Թել Ավիվում գտնվող «զգայուն» օբյեկտները։

Չնայած այս հայտարարություններին, զինվորական պաշտոնյաները Times of Israel-ին հայտնել են, որ ՑԱԽԱԼ-ը տեղյակ չէ վերջին 24 ժամվա ընթացքում Եմենից բալիստիկ հրթիռների որևէ արձակման մասին։