Երուսաղեմում ԱՄՆ դեսպանությունը և Թել Ավիվում ԱՄՆ հյուպատոսությունը փակ կմնան մինչև աշխատանքային շաբաթվա ավարտը։ Այս մասին X հարթակում հայտարարել է ԱՄՆ պետքարտուղարության հյուպատոսական գործերի վարչությունը։

«Հաշվի առնելով անվտանգային իրավիճակը և Իսրայելի թիկունքի հրամանատարության ուղեցույցին համապատասխան՝ Երուսաղեմում ԱՄՆ դեսպանությունը փակ կլինի վաղվանից (չորեքշաբթի, հունիսի 18) մինչև ուրբաթ (հունիսի 20-ը)», – նշված է հաղորդագրության մեջ։

Գերատեսչությունը հավելում է, որ փակումը վերաբերում է նաև Թել Ավիվի հյուպատոսական գրասենյակին։

Այս շաբաթ Իսրայել ուղևորություններ պլանավորող ամերիկացիների համար «չճանապարհորդել» նախազգուշացման ֆոնին նախարարությունը հայտարարել է, որ «այս պահին ԱՄՆ մասնավոր քաղաքացիներին մեկնելու հարցում օգնություն ցուցաբերելու մասին հայտարարություն չունեն»:

«Մենք կտեղեկացնենք ԱՄՆ քաղաքացիներին մեկնման տարբերակների վերաբերյալ լրացուցիչ տեղեկատվություն լինելու դեպքում»,- նշվել է հայտարարության մեջ։

Այս պահին Իրանի տարածքից նոր արձակում է իրականացվել։

Իրանի ԶՈՒ-ն հայտնել է, որ հրթիռը նոր տեսակի է։

Մասիսի քաղաքապետ, իմպիչմենտի գործընթացով վարչապետի թեկնածու Դավիթ Համբարձումյանը հայտարարություն է տարածել, որում ասվում է.

«Սամվել Կարապետյանը սոսկ բարերար չէ: Նա մեր նորագույն պատմության բարերարության խորհրդանիշն է: Նրա անձի դեմ սանձազերծված բացահայտ քաղաքական հետապնդումները դատապարտելի են:

Իմ զորակցությունն եմ հայտնում Կարապետյան ընտանիքին: Վստահ եմ, որ այս փորձությունները ժամանակավոր են: Միասին հաղթահարելու ենք այս սև օրերը ևս և միասին տոնելու ենք չարի դեմ արդեն տեսանելի հաղթանակը»։

Էրդողանը Փաշինյանին կընդունի Ստամբուլում։

Նիկոլ Փաշինյանի առաջին աշխատանքային այցը Թուրքիա սպասվում է հունիսի 20-ին, հայտնել է Թուրքիայի նախագահի վարչակազմը։

Թավրիզի շրջակայքում տեղի ունեցած հարձակումների հետևանքով հարյուրավոր զինվորներ և խաղաղ բնակիչներ են սպանվել և վիրավորվել։ Այդ հարձակումներից շատերն իրականացվել են անօդաչու թռչող սարքերի և քվադրոկոպտերների միջոցով, որոնք, ըստ սահմանամերձ գյուղերի բնակիչների, Իրան են թափանցել Ղարաբաղից։ Դրա մասին գրել է իրանցի քաղաքագետ Ահմադ Քազեմին։

«Իրանական ռադարային կենտրոնների, դրանց թվում՝ Արդաբիլի, Ջերմիի, Խորասլուի, Ջոլֆայի և այդ սահմանային տարածքների որոշ սահմանային կետերի, դրանց թվում՝ Բիլեսավարի, վրա հարձակումների հիմնական պատճառը իսրայելական անօդաչու թռչող սարքերի և քվադրոկոպտերների երկիր ներմուծման համար բարենպաստ պայմաններ ստեղծելն է, որոնք արտադրվում են Բաքու-Թել Ավիվի համատեղ անօդաչու թռչող սարքերի արտադրության գործարանում:

AZAD Systems անունով հայտնի օբյեկտը տեղակայված է Ադրբեջանի մայրաքաղաքի ծայրամասում: Այն շահագործման է հանձնվել 2011 թվականին և ներկայում երեք տեսակի հարձակողական անօդաչու թռչող սարքեր է արտադրում: Այդ անօդաչու թռչող սարքերը ամենամեծ դերն են խաղացել Թավրիզում, Արդաբիլում և Ուրմիայում պաշտպանական համակարգերի ոչնչացման գործում: Թշնամու անօդաչու թռչող սարքեր կամ քվադրոկոպտերներ և պայթուցիկ նյութեր տեղափոխող տրանսպորտային միջոցների հայտնաբերումների մեծ մասը տեղի է ունեցել Թավրիզում և երկրի հյուսիս-արևմուտքում, որտեղ ամենամեծ դերն է խաղացել Բաքվի էթնիկ լրտեսական ցանցը», - նշել է նա:

Իրական ժամանակի ցանցային տվյալները ցույց են տալիս, որ Իրանն այժմ գրեթե ամբողջությամբ անջատված է համացանցից ամբողջ երկրում։ Դրա մասին հաղորդում է NetBlocks-ը։

«Դա հաջորդեց մի շարք նախկին մասնակի անջատումներին և տեղի ունեցավ Իսրայելի հետ ռազմական լարվածության սրման ֆոնին՝ մի քանի օր տևած փոխադարձ հրթիռային հարվածներից հետո», -ասված է զեկույցում։

«Տաշիր» ընկերությունների խումբը չի պատրաստվում չեղարկել Ռուսաստանում և Հայաստանում նախկինում հայտարարված նախաձեռնությունները:

««Տաշիրը» շարունակում է աշխատել նախկին ռեժիմով։ Համանուն հիմնադրամի բիզնեսի և գործունեության համար ռիսկեր չկան։ Խմբի բոլոր գործող և իրականացված նախագծերը գործում են առանց փոփոխությունների»,– հաղորդում է խմբի Telegram- ալիքը։

Գործարար Սամվել Ալեքսանյանի կինը՝ Շողերինա Մկրտչյանը հավանել է Սամվել Կարապետյանի զավակների ինստագրամյան հրապարակումը, որում նրանք իրենց մտերիմներին և աջակիցներին կոչ են անում հավաքվել Ավան և Նոր Նորք վարչական շրջանների ընդհանուր իրավասության առաջին ատյանի դատարանի շենքի մոտ՝ ցույց տալու, որ Կարապետյանը «մենակ չէ»:

Նյուզը հիշեցնում է, որ Կարապետյանների և Ալեքսանյանների ընտանիքը քավոր-սանիկական հարաբերություններ ունեն և շատ մտերիմ են:

Երեք քննիչով էին եկել. ճնշման մեթոդ էր. դատախազը չկարողացավ հիմնավորել մեղադրանքը.

Ռուբեն Հակոբյան

Մանրամասները՝ տեսանյութում

Անլուրջ մեղադրանք է. դատարանը խորհրդակցականում է. որոշման ժամի մասին տեղեկություն չկա.

փաստաբաններ

Մանրամասները՝ տեսանյութում