«Սովետական հին զենիթային գնդացիրներից հնարավոր է ստանալ գերժամանակից ՀՕՊ համակարգեր». Վահրամ Մարտիրոսյան

Գործարար Վահրամ Մարտիրոսյանի ֆեյսբուքյան գրառումը. «Նկարում չեխական արտադրության MR-2 VICTOR հակադրոնային գնդացիրն է։ Այս զինատեսակը համատարած և բավականին արդյունավետ կիրառվում է Ուկրաինայում։ Զինատեսակի հիմքը 1949 թվականին ստեղծված սովետական ЗПУ-2 զենիթային գնդացիրն է։ Չեխերը վերցրել են հին սովետական զենքը, վրան ավելացրել են նշանառության ժամանակակից համակարգ, հետո այն տեղադրել են պիկապի վրա, և արդյունքում ստացել են մոբիլ, էժան ու ժամանակից ՀՕՊ համակարգ։
Իմ էջում որ նայեք, կտեսնեք՝ լրիվ մեկին մեկ նույնը նկարագրել եմ դեռ 3 տարի առաջ։ Որ հին սովետական զենիթային գնդացիրներից հնարավոր է ստանալ գերժամանակից ՀՕՊ համակարգեր։

Մենք նման ենք ծույլիկ աշակերտի, ով իր տնային աշխատանքը չի անում, բայց բոլորից բարձր գոռում է, թե էս կյանքում սովորելով ու սեփական ուժերով ոչնչի չես հասնի, էս կյանքում առաջ կգնաս միայն խնամի-ծանոթ-բարեկամ սկզբունքներով։

Սա է մեր երկրում տիրող դոմինանտ արժեհամակարգը։ Մենք մեր տնային աշխատանքը չենք անում, ու ամբողջ միտքը ներդրել ենք Հյուսիսից կամ Արևմուտքից փրկություն մուրալու մեջ։

Առնվազն 2020-ից պետք է ունենայինք ռազմատեխնոլոգիական զարգացման ճանապարհային քարտեզ, որտեղ հստակ նշված կլինեին Կարճաժամկետ, Միջնաժամկետ և Երկարաժամկետ նպատակները։ Ըստ իմ առաջարկած պլանի.

- Կարճաժամկետ՝ մինչև 1 տարի. Վերը նշված օրինակով գործող զինատեսակների մոդեռնիզացիայի միջոցով թշնամու տեխնոլոգիական գերակայության նվազեցում։

- Միջնաժամկետ՝ մինչև 3 տարի. Տեխնոլոգիական պարիտետի ստեղծում։

- Երկարաժամկետ՝ մինչև 7 տարի. Թշնամու նկատմամբ տեխնոլոգիական գերակայության հաստատում։

Պատերազմից 3,5 տարի արդեն անցել է։ Պետք է արդեն միջնաժամկետ պլանը իրականացրաց լինեինք։ Բայց...»: