Մեծ Բրիտանիայի պաշտպանության նախարարության ռազմական հետախուզությունն իր զեկույցում նշում է, որ Ուկրաինայի օկուպացված հատվածներում ռուս զինվորականների առաջնահերթությունը մնում է պաշտպանական գծերի պատրաստումը, և ոչ միայն Խերսոնի շրջանում:
Դնեպրի աջ ափից նահանջից հետո ռուս զինվորականները շարունակում են առաջնահերթություն տալ Ուկրաինայի օկուպացված տարածքների մեծ մասի պաշտպանության նախապատրաստմանը, նշում են զեկույցի հեղինակները։
Ռուս զինվորականները նոր խրամատային համակարգեր են սարքավորել Ղրիմի հետ սահմանի մոտ, ինչպես նաև Դոնեցկի և Լուգանսկի մարզերի միջև ընկած Սեվերնի Դոնեց գետի երկայնքով: Այս վայրերից մի քանիսը գտնվում են ներկայիս ճակատային գծից մինչև 60 կիլոմետր հեռավորության վրա, ինչը վկայում է այն մասին, որ ռուս զինվորականները պատրաստվում են ուկրաինական հետագա ճեղքումներին, ասվում է զեկույցում:
Միաժամանակ բրիտանական հետախուզությունը չի բացառում, որ Ռուսաստանը կփորձի Խերսոնից դուրս բերված ուժերի մի մասին տեղափոխել Դոնեցկի մարզի Բախմուտ քաղաքի մոտ իր հարձակողական գործողություններն ընդլայնելու համար։
0Comments