Տաջիկստանի արտաքին գործերի նախարարության պաշտոնական ներկայացուցիչ Շոխին Սամադին հայտնել է, որ երկրի մոտ 1000 քաղաքացի մնացել է Մոսկվայի օդանավակայաններում, այդ թվում՝ Ռուսաստանի բուհերում ուսանելու եկածները։
«Մոսկվայի օդանավակայաններում մնացած Տաջիկստանի քաղաքացիների հետ կապված իրավիճակը շարունակում է բարդ մնալ», - ՏԱՍՍ-ին ասել է Սամադին:
Ըստ նրա, ապրիլի 27-ի օրվա վերջի դրությամբ «Վնուկովո» օդանավակայանի քաղաքացիների ժամանակավոր պահման գոտում էր գտնվում Տաջիկստանի 954 քաղաքացի։ Սամադին հայտնել է, որ «Վնուկովո»-ում Տաջիկստանի 322 քաղաքացու թույլատրվել է մուտք գործել Ռուսաստանի տարածք։ «Վտարվածների թիվը կազմել է 27 մարդ»,- ասել է ԱԳՆ խոսնակը։
Սամադիի հաղորդմամբ, նմանատիպ իրավիճակ է նկատվում նաև Մոսկվայի մյուս՝ «Ժուկովսկի», «Դոմոդեդովո» և «Շերեմետևո» օդանավակայաններում, որտեղ տասնյակ տաջիկներ գտնվում են պահման գոտիներում։ Նա հավելել է, որ ստեղծված իրավիճակի կապակցությամբ Մոսկվայում Տաջիկստանի դիվանագիտական ներկայացուցչության հյուպատոսական ծառայությունում 24-ժամյա օպերատիվ շտաբ է գործում։
0Comments