ՌԴ-ի դեմ նոր պատժամիջոցների սահմանումը կախված է ռուս-ուկրաինական հակամարտության կարգավորումից. Թրամփ
ԱՄՆ նախագահ Դոնալդ Թրամփը հայտարարել է, որ Ռուսաստանի դեմ նոր պատժամիջոցներ սահմանելու որոշում կընդունի՝ կախված այն բանից, թե ինչպես կգործի Մոսկվան ռուս-ուկրաինական հակամարտության կարգավորման հարցում։ Այս մասին նա ասել է NBC News-ին տված հարցազրուցում։
«Դա կախված է այն բանից, թե արդյոք Ռուսաստանը կշարժվի դեպի խաղաղություն, թե ոչ։ Մենք ցանկանում ենք հաշտության համաձայնագրի կնքում։ Մենք ցանկանում ենք, որ Ռուսաստանը և Ուկրաինան համաձայնության գան։ Կարծում ենք, որ բավական մոտ ենք», – ասել է Թրամփը՝ պատասխանելով այն հարցին՝ արդյոք կաջակցի ԱՄՆ Սենատում ներկայացված պատժամիջոցների օրինագծին։
ԱՄՆ նախագահը նշել է, որ ձգտում է այդ համաձայնագիրը կնքել ինչպես մարդկային կորուստներին վերջ դնելու նպատակով, այնպես էլ հսկայական ծախսերի պատճառով։
«Եվրոպան Ուկրաինայի վրա ծախսում է մեր ծախսած գումարի միայն մեկ երրորդը», – նշել է նա։
Թրամփը հավելել է, որ ռուս-ուկրաինական հակամարտության կարգավորման հարցն ավելի կարևոր է Եվրոպայի, քան Միացյալ Նահանգների համար։ Նա նշել է նաև, որ Եվրոպայի առաջնորդներն իրեն բազմիցս խնդրել են զանգահարել Ռուսաստանի նախագահ Վլադիմիր Պուտինին, քանի որ նա «չի պատասխանել իրենց զանգերին»։
Latest from Live24
- Պուտինի և Թրամփի հանդիպումը պահանջված է. Պեսկով
- Դոլարի ու եվրոյի փոխարժեքները աճել են. փոխարժեքները մայիսի 5-ին
- Մահացել է Ռադիկ Մարտիրոսյանը
- Ի՞նչ ասեմ, շարունակեք ձեր «լուրջ» գործունեությունն ԱԺ-ում. Նարեկ Մալյան
- Արաղչին Իսլամաբադ իր այցի նպատակն է անվանել Պակիստանի և Հնդկաստանի միջև լարվածության թուլացումը
- «Վարչապետի թեկնածուի հարցն անհրաժեշտություն է և նրա անձի շուրջ կոնսուլտացիաները պետք է տեղի ունենան՝ մի կողմ թողնելով ընդդիամադիր քաղաքական ուժերի ամբիցիաները»
- «Արզնի կաթնամթերք»-ի 20 տոկոսանոց թթվասերի արտադրությունը կասեցվել է
- ՍԱՏՄ նախկին ղեկավարը ձերբակալվել է
Լրահոս
Ֆոտո
