Իրանի նախկին արտգործնախարար Մոհամմադ Ջավադ Զարիֆը, որը նորընտիր նախագահ Մասուդ Փեզեշքիանի հրամանագրով անցյալ տարվա օգոստոսի սկզբին նշանակվել էր հանրապետության ռազմավարական հարցերով փոխնախագահի պաշտոնում, հրաժարական է տվել, հաղորդում է IRNA գործակալությունը՝ վկայակոչելով կառավարությանը մոտ կանգնած մի շարք աղբյուրներ։
Զարիֆը երկրորդ անգամ է հրաժարական տալիս ներկայիս կառավարության կազմում իր պաշտոնավարման ընթացքում. նա առաջին անգամ հայտարարել էր իր մտադրության մասին անցյալ տարվա օգոստոսի 11-ին՝ նշանակումից ընդամենը տասն օր անց, սակայն նախագահն այն ժամանակ չէր բավարարել նրա խնդրանքը։
Ներկայում Զարիֆի հնարավոր հեռանալու պատճառ կարող են լինել տարաձայնությունները՝ կապված երկրի կառավարության նոր կաբինետի կազմի հետ։
«Կառավարությանը մոտ կանգնած մի շարք աղբյուրներ հաստատել են, որ ռազմավարական հարցերով փոխնախագահ Մոհամմադ Ջավադ Զարիֆը հրաժարականի դիմում է ներկայացրել Մասուդ Փեզեշքիանին», – ասվում է գործակալության հաղորդագրության մեջ։
Զարիֆի հրաժարականի մասին լուրը տարածվել է այն բանից հետո, երբ Իրանի խորհրդարանի անդամները կիրակի ճնշող մեծամասնությամբ քվեարկել են էկոնոմիկայի նախարար Աբդոլնասեր Հեմմատիի իմփիչմենթի օգտին:
Նախարարին իմպիչմենտ հայտարարելու խորհրդարանի որոշման պատճառը Հեմմատիի՝ տնտեսական խնդիրները լուծելու անկարողությունն է, որոնցից հիմնականը «գնաճն ու ֆինանսական անկայունությունն» էին։
Latest from Live24
- Վստահեք տիեզերքի հուշումներին. Կենդանակերպի նշաններ, որոնք մայիսի երկրորդ կեսից կկարողանան լուծել ֆինանսական ու նյութական խնդիրները
- 133 կարդինալ ները ժամանել են Վատիկան՝ նոր պապին ընտրելու
- Ինչպես է Սերժ Սարգսյանը մերժել Ֆրանսիայի նախագահին․ ՀՀ 3-րդ նախագահի գրասենյակ (տեսանյութ)
- ԱՄՆ-ն յուրաքանչյուր ապօրինի ներգաղթյալի 1,000 դոլար կվճարի՝ երկիրը լքելու համար
- «Պատիվ ունեմ»-ը սկսելու է Նիկոլի իմպիչմենտը, իսկ Քոչարյանի պատգամավորները նրա փոխարեն մեզ են մերժում
- Կապանի քաղաքապետարանը հրաժարվել է մշակույթի տուն տրամադրել «Վերջին Սպարապետը» ցուցադրելու համար
- Ուկրաինայի հինգ շրջանում օդային տագնապ է հայտարարվել
- Իրանը սպառնում է հարվածներ հասցնել այն երկրներին, որտեղից կարող են հարձակումներ գործել իր վրա
Լրահոս
Ֆոտո
