Մեծ Բրիտանիան ու ևս չորս երկիր պատժամիջոցներ են սահմանել Իսրայելի կառավարության ծայրահեղ աջակողմյան նախարարների նկատմամբ
Մեծ Բրիտանիան և չորս այլ երկրներ հայտարարել են, որ պատժամիջոցներ են սահմանում Իսրայելի կառավարության երկու ծայրահեղ աջակողմյան նախարարների՝ Իտամար Բեն-Գվիրի և Բեզալել Սմոտրիչի նկատմամբ։ Այդ մասին տեղեկացնում է BBC-ին։
Մեծ Բրիտանիայի հետ մեկտեղ՝ Կանադան, Ավստրալիան, Նոր Զելանդիան և Նորվեգիան պատժամիջոցներ են կիրառել Բեն-Գվիրի և Սմոտրիչի՝ Բենյամին Նեթանյահուի կոալիցիայի արմատական ազգայնական կուսակցությունների առաջնորդների նկատմամբ։
Բենիամին Նեթանյահուի կառավարության այդ երկու նախարարներին այժմ կարգելվի մուտք գործել նշված երկրներ, իսկ նրանց ակտիվները կսառեցվեն։
«Իտամար Բեն-Գվիրը և Բեզալել Սմոտրիչը իսրայելցիներին հրահրում են բռնի ծայրահեղական գործողությունների և պաղեստինցիների նկատմամբ մարդու իրավունքների լուրջ խախտումների: Նման գործողությունները անընդունելի են», – ասված է Մեծ Բրիտանիայի արտաքին գործերի նախարար Դեյվիդ Լեմմիի և մյուս չորս երկրների նրա գործընկերների համատեղ հայտարարության մեջ:
«Մենք կշարունակենք պնդել Գազայում անհապաղ հրադադարի, ՀԱՄԱՍ-ի կողմից պատանդների անհապաղ ազատ արձակման, որը տեղ չունի Գազայի ապագա իշխանության կառուցվածքում, օգնության հոսքի ավելացման և երկու պետությունների միջև հակամարտության լուծման ուղղությամբ ձեռնարկվող քայլերի համար», – ասել է Լեմմին։
Latest from Live24
- Նեթանյահուն դեմ Է Գազայի խաղաղ ծրագրի իրականացման հարցում Թուրքիայի մասնակցությանը․ Hürriyet
- Բեռնատարների համար հայ-վրացական սահմանի բոլոր անցակետերում ճանապարհը երկկողմանի փակ է. բողոքի ակցիան շարունակվում է
- Պուտինի և Թրամփի հանդիպումը կարող է հետաձգվել. CNN
- Ռուսաստանը ռմբակոծել է Խարկովի բնակելի շենքերը․ տուժել է 9 մարդ
- Մեծ Բրիտանիան պատրաստ է 135 միլիոն դոլար հատկացնել Ուկրաինայում զորքերի տեղակայման համար
- Փաշինյանին անվստահություն հայտնելու վերաբերյալ նախագծին ՔՊ-ն դեմ քվեարկեց և այն օրակարգ չընդգրկվեց
- «Հայաստան» խմբակցությունը աջակցում է իմպիչմենտի գործընթացին, տուն պիտի ուղարկենք կառավարությանը
- Նշվել են սուրճի հետ անհամատեղելի դեղամիջոցները
Լրահոս
Ֆոտո
