Իսրայելի վարչապետ Բենյամին Նեթանյահուն մտադիր է Ռուսաստանի նախագահ Վլադիմիր Պուտինի հետ քննարկել Իրանին հարվածները: Այս մասին, վկայակոչելով վարչապետի գրասենյակը, հայտնում է Bloomberg-ը։

Վարչապետ Նիկոլ Փաշինյանը Պրահայում ընթացող «GLOBSEC 2025» ֆորումի շրջանակում մասնակցել է «Օգտագործելով պահը՝ հարևանների հետ երկարատև գործընկերություն կերտելու համար» պանելային քննարկմանը: Վերջինիս մասնակցել են նաև Սերբիայի նախագահ Ալեքսանդր Վուչիչը, Ավստրիայի նախկին կանցլեր Ալեքսանդր Շալենբերգը և Սլովակիայի արտաքին և եվրոպական գործերի նախկին նախարար Միրոսլավ Լայչակը:

Վարչապետը, պատասխանելով քննարկման մոդերատորի` ԵՄ-ին անդամակցության մասին հարցին, հիշեցրել է, որ ՀՀ-ում ընդունվել է օրենք` Եվրամիությանն անդամակցելու գործընթացի մեկնարկի մասին։ Երկրի ղեկավարը նշել է, որ այժմ ՀՀ-ն սերտ համագործակցություն ունի Եվրամիության հետ: «Բայց մյուս կողմից, մենք խնդիր չունենք խզելու մեր հարաբերությունները Ռուսաստանի հետ, քանի որ վարում ենք բալանսավորված և բալանսավորման արտաքին քաղաքականություն, և դա մեր ռազմավարությունն է»,- ասել է վարչապետը։

Միաժամանակ, Նիկոլ Փաշինյանը շեշտել է, որ ժողովրդավարության զարգացումը ՀՀ Կառավարության համար ռազմավարական նշանակություն ունի և այդ հարցում կարևորել ԵՄ հետևողական ու շարունակական աջակցությունը:

Վարչապետը նշել է, որ ՀՀ-ի նպատակն է տարածաշրջանային երկրների հետ միասին կայուն և երկարատև խաղաղություն հաստատել մեր տարածաշրջանում։

«Եվ գիտեք, որ այս տարի կարողացանք Ադրբեջանի հետ դրական արդյունքներով ավարտել մեր երկրների միջև խաղաղության համաձայնագրի շուրջ բանակցությունները։ Այսինքն՝ այդ նախագիծը համաձայնեցվել է երկկողմանիորեն, և հիմա ժամանակն է ստորագրել խաղաղության համաձայնագիրը: Այժմ մենք խորհրդակցությունների գործընթացում ենք Ադրբեջանի հետ՝ այդ կետին հասնելու և խաղաղության համաձայնագիր ստորագրելու համար»,- ասել է Նիկոլ Փաշինյանը։

Իրանի, Իրաքի և Իսրայելի օդային տարածքում սահմանված սահմանափակումների պատճառով, հունիսի 13-ի առավոտյան Բաքվում վայրէջք է կատարել ավելի քան 10 ինքնաթիռ։ Դրանց թվում են Մոսկվայից, Մինսկից, Կազանից և այլ երկրներից Դուբայ չվերթերը։
Բաքվում վայրէջք կատարած ինքնաթիռներում հայեր կան։ Այս մասին հայտնում է «Սպուտիկ Արմենիա»-ն՝ նշելով, որ ՌԴ հայերի միությունը դիմել է ՀՀ և ՌԴ ԱԳՆ նախարարներին։
Արա Աբրահամյանը խնդրել է անել ամեն ինչ` ապահովելու այն հայերի անվտանգությունը, որոնք հայտնվել են Բաքվում` հարկադիր վայրէջքների պատճառով։

Իրանի մայրաքաղաքի տասնյակ բնակիչներ հավաքվել են Թեհրանի Էնգելաբ հրապարակում` դատապարտելով գիշերվա ընթացքում Իրանի տարածքի վրա Իսրայելի հարձակումները, հաղորդում է ՌԻԱ Նովոստիի թղթակիցը։

Թեհրանում կայացած հանրահավաքի մասնակիցները, Իրանի դրոշներով քայլերթ իրականացնելով, վանկարկում էին հակաամերիկյան և հակաիսրայելական կարգախոսներ։

Բացի այդ, տեղական մամուլը հաղորդում է, որ երկրով մեկ սկսվում են ինքնաբուխ բողոքի ցույցեր՝ պահանջելով Իսրայելի դեմ պատասխան հարվածներ։

Ցուցարարների գլխավոր պահանջը իշխանություններից այն է, որ վերջապես միավորվեն և «հզոր հարվածներ» հասցնեն Իսրայելին՝ ի պատասխան բնակելի թաղամասերի և միջուկային օբյեկտների վրա հարձակումների։ Մարդիկ չեն հասկանում, թե ինչու են իշխանությունները դանդաղում։ Իսրայելի առաջին հրթիռային հարվածներից անցել է մոտ 10 ժամ, և ի պատասխան՝ Իսրայելի տարածքում իրականացվել է միայն մեկ թույլ հարձակում՝ «Շահեդ» տիպի ԱԹՍ-ներով, որոնք չեն հասել իրենց թիրախներին, դրանք բոլորը խոցվել են Իսրայելի ու նրա դաշնակիցների կողմից։

«Հրապարակ»-ը գրում է․ «Մեր տեղեկություններով, այսօր առավոտյան Հակակոռուպցիոն կոմիտեն ձերբակալել է ՀՀ նախկին վարչապետ Հովիկ Աբրահամյանին։ Մեր տեղեկություններով, այս պահին նրա տանը խուզարկություն է ընթանում։

Մենք արդեն կես ժամ է փորձում ենք հաստատում ստանալ Հակակոռուպցիոն կոմիտեից և դատախազությունից, բայց այս գերատեսչությունների խոսնակները ձգձգում են պատասխանը, հայտարարելով, որ հաղորդագրություն կտարածեն։ Աբրահամյանի փաստաբանները եւս չեն պատասխանում հեռախոսազանգերին։

ՀԳ․ Հակակոռուպցիոն կոմիտեից հաստատեցին մեր տեղեկությունը, կապ հաստատեցին մեզ հետ և ասացին, որ Աբրահամյանը ձերբակալվել է փողերի լվացման, պաշտոնեական լիազորությունները չարաշահելու և ձեռնակատիրության ապօրինի մասնակցության մեղադրանքներով»։

Թուրքիայի իշխող «Արդարություն և զարգացում» կուսակցության խոսնակ Օմեր Չելիքը դատապարտել է Իսրայելի հարձակումը Իրանի տարածքի վրա՝ այն անվանելով «բարբարոսական և անօրինական»։ Նա ընդգծել է, որ Իսրայելը որևէ արդարացում չունի նման գործողությունների համար և միջազգային հանրությանը կոչ է արել միասնական արձագանք մշակել ի պատասխան այս ագրեսիայի։

Չելիքը հիշեցրել է նախագահ Էրդողանի նախազգուշացումներն Իսրայելի քաղաքականության հետևանքների վերաբերյալ և նշել, որ հարձակումը կարող է լինել Գազայում ցեղասպանության մեղադրանքներից ուշադրությունը շեղելու փորձ։

Թուրքիայի ԱԳՆ-ն հարձակումը որակել է որպես սադրանք։

Թեհրանի և Իրանի այլ քաղաքների փողոցները լի են մարդկանցով, որոնք պահանջում են անհապաղ կոշտ ռազմական պատասխան Իսրայելին

Միևնույն ժամանակ, Իսրայելի ՊՆ-ն հայտարարել է, որ Իրանը «չի կարող» որևէ կերպ արձագանքել, քանի որ երկրի «ռազմաօդային ուժերի ղեկավարության մեծ մասը սպանվել է ստորգետնյա շտաբում կայացած հանդիպման ժամանակ»։

Տեսանյութ

Իրանի կոշտ գծի կողմնակիցները, որոնք շատ համարձակ էին խոսում և չգիտեին՝ ինչ էր պատահելու, հիմա մեռած են, գրել է Թրամփը

Իսրայելի ավիահարվածների հետևանքով սպանվել են Իրանի ԶՈՒ ԳՇ հրամանատար Ալի Բաղերին և Իսլամական հեղափոխության պահապանների կորպուսի հրամանատար Մոհամադ Սալամին:

Նրանք սպառնում էին, որ նոր հարձակման դեպքում Իսրայելը ծանր գին է վճարելու:

Թրամփի առաջին հայտարարությունը ԱՄՆ դաշնակցի կողմից Իրանին հարվածելուց հետո

- Իրանը պետք է գործարք կնքի, քանի դեռ ամեն ինչ չեն ջնջել։

- Որոշ իրանցի արմատականներ համարձակորեն խոսեցին, բայց չգիտեին, թե ինչ է սպասվում, և հիմա նրանք այլևս չկան։

- Ես նրանց զգուշացրեցի, որ հետևանքները շատ ավելի վատ կլինեն, քան նրանք պատկերացնում են։ Զգուշացրել էի, որ Միացյալ Նահանգները արտադրում է աշխարհի լավագույն և մահացու ռազմական տեխնիկան։ Եվ Իսրայելն ունի դրա զգալի մասը, և ավելին կստանա։ Եվ, ամենակարևորը, նրանք գիտեն, թե ինչպես օգտագործել այն։

«Պարզապես արեք դա, քանի դեռ չափազանց ուշ չէ: Հաջորդիվ պլանավորված հարձակումները լինելու են ավելի դաժան», - նշել է ԱՄՆ նախագահը:

Իսրայելը կրկին հարվածել է Նաթանզի միջուկային օբյեկտին, հաղորդում է իրանական հեռուստատեսությունը

Իսրայելական լրատվամիջոցները հայտնել են, որ Թավրիզի օդանավակայանը, ենթադրաբար, ավերվել է: Հարված է հասցվել նաև Իրանի Շիրազ քաղաքին:

Bloomberg-ի տվյալներով՝ միայն ամենահզոր ոչ միջուկային զենքերն են ունակ ոչնչացնելու Իրանի ստորգետնյա հարստացման օբյեկտները:

Տեսանյութ