Իսրայելի կողմից Իրանի վրա հարձակման 65 ժամվա ընթացքում զոհվել է 224 մարդ, շուրջ 1,500-ը վիրավորվել է իսրայելական հարձակումների հետևանքով։ Այս մասին հայտնել է Իրանի առողջապահության նախարարությունը։

Իրանի ԱԳՆ-ից հայտնել են, որ Իսրայելը հարվածներ է հասցրել Իրանի արտգործնախարարության շենքին, ինչի հետևանքով կան տուժածներ, այդ թվում՝ դիվանագետներ։

Ավելի ուշ Իսրայելի պաշտպանության բանակը հայտարարել է, որ հարվածներ են հասցվել Իրանում գտնվող ԻՀՊԿ «Ղուդս» ուժերին պատկանող հրամանատարական կենտրոններին։

Առավոտյան Իրանը հրթիռային հարձակումների նոր ալիք է սկսել Իսրայելի ուղղությամբ, ամբողջ երկրում հնչել են օդային տագնապի ազդանշաններ։ Իսրայելի կենտրոնական հատվածներում իրանական չորս բալիստիկ հրթիռների հարվածներից զոհվել է 3 մարդ, 74 մարդ հոսպիտալացվել է։ Այս մասին հաղորդում է The Times of Israel-ը։

Թել Ավիվի մոտակայքում գտնվող Պետահ Տիկվա քաղաքի իշխանությունների փոխանցմամբ, իրանական հրթիռները հարվածել են 20-հարկանի բնակելի շենքի՝ վնասելով 4-րդ և 5-րդ հարկերը։ Ըստ արտակարգ ծառայությունների հաղորդագրության՝ շենքում, ամենայն հավանականությամբ, ոչ ոք չկա, սակայն փրկարարներն, այնուամենայնիվ, շարունակում են որոնումները։

Իսրայելի պաշտպանության բանակը հայտարարել է, որ ավարտել է Իրանի տարածքին ավիահարվածների լայնածավալ ալիքը, որի նպատակն է եղել զենքի արտադրության հզորությունների ոչնչացումը։ Այդ մասին հայտնել է The Times of Israel-ը։

«Հարվածները թիրախավորել են Իսլամական հեղափոխության պահապանների կորպուսին, Պահապանների կորպուսի «Ղոդս» ուժերին և Իրանի զինված ուժերին պատկանող ենթակառուցվածքները։

«Թիրախային հարվածներ են հասցվել Իրանի տարածքում զենքի արտադրության բազմաթիվ օբյեկտների», – նշված է Իսրայելի պաշտպանության բանակի հաղորդագրության մեջ։

Երևան-Աշտարակ մայրուղու վրա՝ քասախցիների բողոքի ակցիայի ժամանակ, երբ «24Նյուզ»-ի լրագրողը փորձում էր կարմիր բերետավորից ճշտել, թե ինչու է բռնի ուժով մարդկանց բերման ենթարկում, նա, բացի գոռգոռալը, արմունկով հարվածեց։

Ոստիկանության բարձրաստիճան սպան՝ ի պատասխան լրագրողի բողոքի, հայտնեց, որ ծառայողական քննություն կանցկացվի։

Իրանի Իսլամական հեղափոխության պահապանների կորպուսը (ԻՀՊԿ, զինված ուժերի էլիտար ստորաբաժանումներ) ստիպել է Իսրայելի ՀՕՊ միջոցներին հարձակվել միմյանց վրա Իսրայելի տարածքում հրթիռային հարվածների նոր ալիքի ժամանակ՝ օգտագործելով «նոր մեթոդներ», - ասվում է ԻՀՊԿ-ի հայտարարության մեջ։

«Այս գործողության ընթացքում, հետախուզության և սարքավորումների ոլորտներում նոր մեթոդների և հնարավորությունների կիրառման շնորհիվ... թշնամու բազմաշերտ պաշտպանության հրամանատարական և վերահսկողական համակարգերը... ձախողվեցին... և սկսեցին հարձակվել միմյանց վրա», - հայտարարության տեքստը մեջբերել է IRNA լրատվական գործակալությունը։

Միացյալ Նահանգները պատասխանատվություն է կրում Իսրայելի կողմից Իրանի դեմ ագրեսիայի համար։ Այս մասին հայտարարել է Իսլամական Հանրապետության նախագահ Մասուդ Փեզեշքիանը։

«Ամերիկան, միջազգային իրավունքի բոլոր նորմերին հակառակ, թույլ է տալիս Իսրայելին ագրեսիա իրականացնել և հարձակվել մեր երկրի վրա»,- խորհրդարանում ունեցած իր ելույթում ասել է նախագահը։

«Միացյալ Նահանգները, անկասկած, անմիջական դեր է խաղում Իսրայելի ռազմական գործողություններում»,- նշել է Փեզեշքիանը՝ հավելելով, որ Իրանի տարածքի վրա շարունակվող հարձակումները Թել Ավիվի միակողմանի գործողությունները չեն, այլ Վաշինգթոնի հետ հաշվարկված համակարգման արդյունք։

Փեզեշքիանը հիշեցրել է, որ ԱՄՆ նախագահի հատուկ բանագնաց Սթիվ Ուիթքոֆն Իրանի արտգործնախարար Աբբաս Արաղչիին ասել էր, որ «Իսրայելը չի ​​կարող ոչինչ անել՝ առանց Վաշինգթոնի թույլտվության»։

Կոտայքի մարզի Քասախ գյուղի բնակիչներն այսօր՝ հունիսի 16–ին հերթական անբամ բողոքի ակցիա են իրականացնում, նրանք փորձում են փակել Երեւան–Աշտարակ մայրուղին, պահանջում են, որպեսզի 59 երթուղու ավտոբուսները նախկինի պես բարձրանան մինչեւ գյուղի կենտրոն, քանի որ այժմ մարդիկ ստիպված են մի քանի կիլոմետրոտքով բարձրանալ մայրուղուց մինչեւ գյուղի կենտրոնականհատված։ Իսկ նոր տրանսպորտը, որը բավականին փոքր է եւ քիչ ուղեւորներ է կարողանում տեղափոխել, բացի այն, որ տեղ չի լինում նստելու, ստիպված են ավելի թանկ վճարել։

Ոստիկանական ուժերը պատ են կազմել եւ թույլ չեն տալիս բնակիչներին իրականացնել իրենց ակցիան եւ փակել մայրուղին։

Հիշեցնենք, որ բողոքի ակցիաները սկիզբ են առել ապրելի 5-ից։ Պռոշյան և Քասախ համայնքների բնակիչները մինչ վերջերս օգտվում էին թիվ 25 և 59 երթուղին սպասարկող ավտոբուսներից՝  Երևան հասնելու համար վճարելով 150 դրամ։ Հիմա Երևանի քաղաքապետարանը որոշել է, որ ավտոբուսները չեն հասնելու այդ համայնքներ։

Նոր երթուղին սպասարկելու է «Մուլտիտրանսպորտ» ընկերությունը, ուղեվարձը լինելու է 250 և 200 դրամ։ Բացի այս, ինչպես ավելի վաղ ներկայացրել էին բնակիչները, նոր երթուղին սպասարկելու է ընդամենը 7 կմ՝ իրենց համայնքներից հասնելով մինչև Աջափնյակ վարչական շրջանում գտնվող հայտնի  Ֆիզիկայի ինստիտուտ,  վերջին ավտոբուսը  նախատեսված է ժամը 19։30-ին։ Նախկին երթուղու վերջին կանգառը եղել է Հաղթանակի զբոսայգու մոտ։

Երկուշաբթի գիշերը Իրանի հրթիռային հարձակման հետևանքով երեք մարդ զոհվել է, 67-ը՝ վիրավորվել, հաղորդում է Jerusalem Post-ը՝ հղում անելով United Hatzalah բժշկական ծառայությանը։

Թերթը գրում է, որ Պետախ Տիկվա քաղաքի իշխանությունները հայտնել են, որ հրթիռը հարվածել է տանը. Թել Ավիվի ոստիկանությունը նույնպես հայտնել է հրթիռային հարվածների մասին (խոցված կամ ուղիղ հարվածներ՝ դեռևս պարզ չէ)։

Reuters-ը հաղորդում է, որ բրիտանական Ambrey մոնիթորինգային ընկերությունը հաստատում է Հայֆայի նավահանգստի մոտ գտնվող էլեկտրակայանում հրդեհի մասին ավելի վաղ ստացված հաղորդագրությունները։

Իսրայելցի պաշտոնյաները դեռևս ոչինչ չեն հայտարարել Հայֆայում տեղի ունեցած ավերածությունների մասին։

Փրկարարները շարունակում են որոնել Բաթ Յամում Իրանի հարվածից ավերված շենքի փլատակների տակ գտնվող մարդկանց: Իսրայելական բանակը հայտնում է, որ իր տասնյակ կործանիչներ Թեհրանում գիշերը և Իրանի հետ մարտերի երրորդ օրը հարձակվել են առնվազն 80 թիրախի վրա:

«Վերածնվող առյուծ» գործողության մեկնարկից ի վեր Իսրայելի վրա Իրանի կողմից հասցված պատասխան հարվածների զոհերի թիվը հասել է 16-ի, հաղորդում է The Jerusalem Post-ը:

Թերթի տվյալներով՝ Բաթ Յամ քաղաքում, որն ամենաշատն է տուժել քաղաքացիական թիրախների վրա հարվածներից, փլատակներից դուրս է բերվել ևս երկու մարմին: Քաղաքում ընդհանուր առմամբ զոհվել է ինը մարդ:

Իսրայելի ռազմաօդային ուժերը զանգվածային հրթիռային հարված են հասցրել Իրանի Զանջան քաղաքում գտնվող Իսլամական հեղափոխության պահապանների կորպուսի (ԻՀՊԿ) բազաներին: Այս մասին հաղորդում է SHOT Telegram ալիքը:

Տեղական լրատվամիջոցների տվյալներով՝ պայթյուններ և ծուխ տեսանելի էին դեպքի վայրից մի քանի կիլոմետր հեռավորության վրա:

Չնայած Իսրայելի օդային տարածքի փակ լինելուն՝ վերջին օրերին ԱՄՆ-ից օդային կամուրջ է ստեղծվել՝ ժամանակակից ծանր սպառազինություններ մատակարարելու համար։ Այս մասին, news.am-ի փոխանցմամբ, ըստ իսրայելական KАН հեռուստաալիքի լրագրող Իթայ Բլյումենթալի հաղորդման, գրում է MIG News-ը։

Մատակարարվում են ինչպես ծանր, այնպես էլ հակաբունկերային ռումբեր։

Սպառազինությունները մատակարարվում են Եվրոպայում և ԱՄՆ-ում տեղակայված ամերիկյան բազաներից։

KАН-ի ռեպորտաժում նշվում է, որ սպառազինություններ են մատակարարվել նաև վերջին մեկ օրվա ընթացքում՝ Իրանի ուղղությամբ հարվածների ակտիվացման ֆոնին։