Իլոն Մասկը բազմիցս քննադատել է նախաձեռնությունը՝ նշելով, որ առաջարկվող միջոցառումները կհանգեցնեն բյուջեի դեֆիցիտի մինչև 2.5 տրիլիոն դոլարի աճի և ամերիկացիների վրա չափազանց մեծ պարտքային բեռ կդնեն։

Վերլուծաբանների գնահատականներով`եթե դեմոկրատների և հանրապետականների միջև պետական պարտքի առավելագույն շեմի բարձրացման վերաբերյալ բանակցությունները ձախողվեն, ԱՄՆ–ն կարող է հայտնվել դեֆոլտի եզրին արդեն օգոստոսին։

Վարչապետ Նիկոլ Փաշինյանը շնորհավորական ուղերձ է հղել Կանադայի վարչապետ Մարկ Քարնիին՝ Կանադայի օրվա առիթով: Շնորհավորական ուղերձում ասված է․

«Մեծարգո պարոն վարչապետ,

Հայաստանի Հանրապետության կառավարության և անձամբ իմ անունից ջերմորեն շնորհավորում եմ Ձեզ Կանադայի օրվա կապակցությամբ։

Հայաստանն առանձնահատուկ նշանակություն է տալիս Կանադայի հետ երկկողմ հարաբերությունների վերընթաց զարգացմանը և երկկողմ հետաքրքրություն ներկայացնող բոլոր ոլորտներում համագործակցության հետագա ընդլայնմանը և խորացմանը։

Առանձնակի գնահատանքի է արժանի Կանադայի շարունակական աջակցու­թյունը Հայաստանի ինքնիշխանությանն ու տարածքային ամբողջականությանը, ինչ­պես նաև Հայաստանի Հանրապետության կառավարության ժողովրդավարական բարե­փո­խում­ների օրակարգին։

Օգտվելով առիթից՝ վերահաստատում եմ իմ պատրաստակամությունն աշխատելու Ձեզ հետ՝ մեր երկու երկրների միջև համագործակցության ողջ ներուժը կյանքի կոչելու ուղղությամբ։ 

Եվս մեկ անգամ շնորհավորելով ազգային տոնի կապակցությամբ՝ մաղթում եմ Ձեզ անսպառ եռանդ ու քաջառողջություն, իսկ Կանադայի բարեկամ ժողովրդին՝ բարօ­րու­թյուն, խաղաղություն և երջանկություն»։

Շվեյցարացի խորհրդարանականներ Էրիխ Ֆոնտոբելը և Լուկաս Ռեյմանը Միացյալ Նահանգների Կոնգրեսի անդամներին և աշխատակազմին կտեղեկացնեն Լեռնային Ղարաբաղից բռնի տեղահանված հայերի՝ իրենց հայրենիք արժանապատիվ և անվտանգ վերադարձն ապահովելու ուղղությամբ ձեռնարկվող շարունակական ջանքերի մասին։

«Արմենպրես»-ի հաղորդմամբ՝ այս մասին հայտնում է Ամերիկայի հայ դատի գրասենյակը (ANCA)՝ մանրամասնելով, որ շվեյցարացի պատգամավորների ճեպազրույցն ԱՄՆ Կոնգրեսում կկայանա հուլիսի 8-ին։

Ճեպազրույցին կմասնակցեն նաև Հայաստանի Հանրապետության նախկին արտգործնախարար և Լեռնային Ղարաբաղի ժողովրդի հիմնարար իրավունքների պաշտպանության հանձնախմբի նախագահ Վարդան Օսկանյանը և «Քրիստոնեական համերաշխության» միջազգային կազմակերպության նախագահ Ջոն Էյբները։

Նշվում է, որ տեղի ունենալիք ճեպազրույցի ժամանակ բանախոսները կանդրադառնան «Շվեյցարական խաղաղության նախաձեռնություն Լեռնային Ղարաբաղի համար» նախաձեռնության աշխատանքներին, որը նպատակ ունի ապահովել Լեռնային Ղարաբաղի բնիկ հայ բնակչության անվտանգ և արժանապատիվ վերադարձը հայրենիք:

Շվեյցարիայի մայրաքաղաք Բեռնում 2025 թվականի մայիսի 26-ին իր աշխատանքներն է մեկնարկել «Շվեյցարական խաղաղ նախաձեռնություն հանուն Լեռնային Ղարաբաղի» միջկուսակցական հանձնախումբը, որը բխում է երկրի խորհրդարանի երկու պալատներր ընդունած բանաձևից, ինչը երկրի կառավարությանը մանդատ է տալիս ստեղծել խաղաղության ֆորում՝ Ադրբեջանի և Լեռնային Ղարաբաղի բնակչության ներկայացուցիչների միջև միջազգայնորեն միջնորդավորված երկխոսությունը խթանելու համար։

Դոնալդ Թրամփը ներկայացրել է «Հաղթանակ 45-47» անվանումով օծանելիքի սահմանափակ շարք։ Այս մասին տեղեկանում ենք Թրամփի գրառումից։

«Դրանք կոչվում են «Հաղթանակ 45-47», քանի որ դրանք բոլորը նվիրված են հաղթանակին, ուժին և հաջողությանը՝ տղամարդկանց և կանանց համար։ Գնեք ձեզ համար և մի մոռացեք մեկը նվիրել նաև ձեր սիրելիներին։ Վայելեք, զվարճացեք և շարունակեք հաղթել»,-գրել է Թրամփը

Իրանի արտաքին գործերի նախարար Աբբաս Արաղչին CBS News-ին ասել է, որ Իրանի և ԱՄՆ-ի միջև միջուկային բանակցությունները չեն վերսկսվի, քանի դեռ ԱՄՆ-ն չի դադարեցրել ռազմական սպառնալիքներ հնչեցնելը։ 

«Բանակցությունները վերսկսելու որոշում կայացնելու համար մենք նախ պետք է վստահ լինենք, որ Վաշինգտոնը այլևս չի օգտագործի բանակցությունները ռազմական ագրեսիայի համար», - ասել է նա։

Իրանի արտաքին գործերի նախարարի խոսքով՝ «դիվանագիտության դռները երբեք չեն փակվի»։

Նա նաև ընդգծել է, որ ուրանի հարստացումը առաջադեմ, գիտության վրա հիմնված արդյունաբերություն է։

«Եթե այս արդյունաբերությունը վնասվի կամ ոչնչացվի, մենք կկարողանանք արագ վերականգնել վնասը և հաղթահարել խոչընդոտները՝ այս ոլորտում կրկին առաջընթաց գրանցելու համար։ Ուրանի հարստացման տեխնոլոգիան և գիտելիքները չեն կարող ոչնչացվել ռմբակոծությամբ։ Մեր երկրի խաղաղ միջուկային ծրագիրը դարձել է ազգային հպարտության և արժանապատվության աղբյուր», - ասել է Աբբաս Արաղչին։

Նա նաև ընդգծել է, որ Իրանը գոյատևել է պարտադրված պատերազմի 12 օրվա ընթացքում, ուստի իրանական ժողովուրդը չի հրաժարվի ուրանի հարստացումից։

«Պատերազմի ընթացքում մենք ցույց տվեցինք մեր ուժն ու կամքը՝ պաշտպանվելու համար, և մենք կշարունակենք դա անել ցանկացած ագրեսիայի դեպքում», - հավելել է Իրանի արտգործնախարարը։

Հուլիսի 1-ին, 3-5-ի գիշերը և կեսօրից հետո, հուլիսի 2-ի կեսօրից հետո առանձին շրջաններում սպասվում են կարճատև անձրև և ամպրոպ, հնարավոր է նաև կարկուտ։

Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։

Օդի ջերմաստիճանը հունիսի 30-ին կնվազի 2-4 աստիճանով, հուլիսի 1-ին նույնքան կբարձրանա։

Երևանում՝ հուլիսի հուլիսի 2-ի և 5-ի երեկոյան, հուլիսի 3-ի գիշերը և երեկոյան, հուլիսի 4-ի գիշերը քաղաքի առանձին հատվածներում հնարավոր են կարճատև անձրև և ամպրոպ։ Սպասվում է քամու ուժգնացում ամպրոպի ժամանակ՝ 17- 20 մ/վ, երեկոյան ժամերին՝ 15-18 մ/վ։ Հուլիսի 1-ին, 4-ի ցերեկը սպասվում է առանց տեղումների եղանակ։

Աստղագետների միջազգային խումբը հայտնաբերել է GJ 12 b անունով էկզոմոլորակ, որը չափսերով, ջերմաստիճանով և խտությամբ նման է Երկրին։ Աշխարհը գտնվում է մեր մոլորակից ընդամենը 40 լուսային տարի հեռավորության վրա և կարող է լինել Արեգակնային համակարգից դուրս կյանքի որոնման հիմնական վայր։ Հետազոտությունը հրապարակվել է arXiv նախնական տպագրության պորտալում։ 

Մոլորակը պտտվում է ոչ ակտիվ կարմիր թզուկի (M դաս) շուրջ, ինչը այն հարմար է դարձնում դիտարկումների համար. ի տարբերություն այս տիպի շատ այլ աստղերի, GJ 12-ի ակտիվությունը չի խանգարում վերլուծությանը։

ՆԱՍԱ-ի TESS արբանյակից և MAROON-X սպեկտրոգրաֆից ստացված տվյալները ցույց են տվել, որ GJ 12 b-ն ունի Երկրի շառավղի 0.96 շառավիղ, 27°C ջերմաստիճան (հարմարավետ հեղուկ ջրի համար։

Իրանի խորհրդարանի նախկին փոխխոսնակ Ալի Մոթահարին քննադատել է Ռուսաստանին։

Այս մասին հայտնել է «Ազատ Իրան» տելեգրամյան ալիքը։

X սոցիալական ցանցի իր էջում Մոթահարին դժգոհություն է հայտնել այն փաստից, որ Ռուսաստանը Իրանին չի վաճառում S-400 զենիթահրթիռային համակարգեր։ 

«Ռուսաստանը S-400 համակարգեր է մատակարարել Թուրքիային և Սաուդյան Արաբիային, բայց հրաժարվում է դրանք փոխանցել Իրանին, մի երկրի, որը նրան օգնում է Ուկրաինայի հետ պատերազմում՝ անօդաչու թռչող սարքերով։ Պատճառը վախն է, որ այդ համակարգերը կարող են օգտագործվել Իսրայելի դեմ։

Ահա թե ինչ տեսք ունի Ռուսաստանի նախագահ Վլադիմիր Պուտինի կողմից այդքան բարձրաձայն հայտարարվող «ռազմավարական համագործակցությունը», - նշել է Մոթահարին։

Sputnik-ի խմբագրությունը տեղեկացնում է, որ նրանց առաջադրել են անհեթեթ մեղադրանքներ, իբր թե նրանք «ԱԴԾ գործակալներ» են։

Ադրբեջանում Կարտավիխի և Բելոուսովի աշխատանքի համար պաշտոնական արգելքներ չեն եղել. հնարավոր տարաձայնությունների կարգավորման թեմայով այդ ընթացքում երկու երկրների ԱԳՆ աշխատանքային խմբերի միջև ընթացել է երկխոսություն:

Ռուս լրագրողների անօրինական ձերբակալության կապակցությամբ Ադրբեջանի դեսպանը կանչվել է Ռուսաստանի ԱԳՆ:

Ավելի վաղ Ադրբեջանի ԱԳՆ-ն հայտարարել էր «Ռոսիա սեգոդնյա»-ի (Sputnik) ներկայացուցչության փակման մասին: Ռուսաստանյան ընկերությանը թույլատրվել է հավատարմագրում ստանալ միայն մեկ թղթակցի համար։ Դրանից հետո Sputnik-ի մասնաճյուղի աշխատանքի հետ կապված խնդրի իրավական լուծման շուրջ տարվել են բանակցություններ։

ԱԳ նախարար Արարատ Միրզոյանն այսօր Երևանում եվրոպական դիվանագիտության ղեկավար Կայա Կալասի հետ հանդիպումից հետո հայտնեց, որ Երևանն ու Բրյուսելը տվել են պաշտպանության և անվտանգության ոլորտում խորհրդակցությունների մեկնարկը: Միրզոյանն այն անվանեց «վճռական քայլ» երկկողմ համագործակցությունը ժամանակակից մարտահրավերներին հարմարեցնելու ուղղությամբ։

Հարությունովի խոսքով՝ դժվար է ասել, թե կոնկրետ ինչ ոլորտներ կընդգրկի այդ համագործակցությունը և ինչ նախագծեր կիրականացվեն։ Աջակցության ինչ-որ ծրագրեր նախկինում իրականացվել են, ինչպես, օրինակ, զինվորական վրաններ գնելու համար 10 մլն եվրոյի հատկացումը։ Այսպիսով, համագործակցությունն ընդգրկում էր հիմնականում հումանիտար ասպեկտները:

Նման սահմանափակման պատճառները մի քանիսն են. Եվրամիությունը լուրջ ռազմատեխնիկական մատակարարումների համար չունի անհրաժեշտ ռեսուրսներ։ Առկա միջոցները հիմնականում ուղղվում են ԵՄ անդամ երկրների ազգային բանակների ամրապնդմանն ու հզորացմանը և Ուկրաինային օգնելուն։ Բայց տեսականորեն, իհարկե, ապագայում համագործակցությունը կարող է որակապես փոխվել։ Օրինակ, հնարավոր են ռազմական պատրաստության ծրագրեր։ Բացի այդ, հայկական կողմն ավելի շատ շեշտը դնում է ԵՄ առանձին երկրների, օրինակ՝ Ֆրանսիայի հետ երկկողմ համագործակցության վրա։

«Կարծում եմ, որ պաշտպանական համագործակցության երկկողմ ձևաչափը կպահպանվի, իսկ Հայաստան-ԵՄ ձևաչափով փոխգործակցությունը կկրի ավելի շատ դեկլարատիվ, սահմանափակ բնույթ», - հավելեց Հարությունովը:

Երկկողմ խորհրդակցությունները պարունակում են նաև քաղաքական բաղադրիչ. Ադրբեջանի կողմից հնարավոր ագրեսիայի ֆոնին Հայաստանը կարող է փորձել ստանալ Բրյուսելի քաղաքական աջակցությունը։ Սակայն այստեղ էլ, մեր զրուցակցի խոսքով, դժվար թե ԵՄ-ն կարողանա Հայաստանին ինչ-որ լուրջ բան առաջարկել բացի այն, ինչ արդեն կա, այն է՝ սահմանին դիտորդական առաքելության ներկայությունը։

Իրական հնարավորությունների բացակայությունից բացի, Հայաստանի համար Ադրբեջանի հետ հակամարտություն ներքաշվելու ցանկություն նույնպես Եվրամիությունն առանձնապես չունի։ Անկարայի աճող դերը հաշվի առնելով` Բրյուսելը չի ցանկանա խնդիրներ ունենալ Ադրբեջանի ռազմաքաղաքական դաշնակից Թուրքիայի հետ։

«Հայաստանն իհարկե կցանկանար պաշտպանական ոլորտում ԵՄ-ի հետ հարաբերություններն օգտագործել որպես Ադրբեջանի վրա ազդելու լծակ, բայց այստեղ առանձնահատուկ տարբերակներ չկան... ԵՄ-ում, ինչպես գիտենք, կան երկրներ, որոնք բավական մոտ են Ադրբեջանին։ Դժվար չէ կռահել, որ դրանք ամեն կերպ կխանգարեն Հայաստանի հետ հարաբերությունների զարգացմանը», - կարծում է քաղաքագետը։

Նրա խոսքով` Եվրամիությունը ռազմական առումով դեռևս ինքնաբավ միավոր չէ։ Ռազմական ոլորտում ակտիվ խաղացող դառնալու համար ԵՄ-ն պետք է անցնի որոշակի էվոլյուցիա, ստեղծի միասնական ռազմատեխնիկական և ռազմարդյունաբերական հենք։ Այս ամենը դեռևս քննարկումների մակարդակում է, և դեռևս հայտնի չէ, թե երբ պետք է սպասել այդ կառույցի՝ որպես ռազմական և ռազմաքաղաքական միասնական տարրի ձևավորմանը։