Արտահերթ ընտրություններ միանշանակ պետք է տեղի ունենան։ Բայց Ամենայն Հայոց Կաթողիկոսի արտահերթ ընտրություններ։ Այս մասին այսօր՝ հուլիսի 3–ին Facebook-ի իր էջում գրել է Նիկոլ Փաշինյանը։
Նշենք, որ այս պահին կալանավորված են ու ԱԱԾ մեկուսարանում պահվում են Տավուշի թեմի նախկին առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը։
Գրեթե ամենօրյա ռեժիմով Փաշինյանը սպառնալից գրառումներ է անում և պնդում, որ Ամենայն հայոց կաթողիկոսը պետք է հեռանա Վեհարանից։
Ադրբեջանը մեր հավանական ռազմական հակառակորդն է։ Այս մասին սոցիալական ցանցերում գրել է ռուս ռազմական փորձագետ Իգոր Ստրելկովը։
«Ադրբեջանական սփյուռքի հետ կապված իրավիճակի, ռուս-ադրբեջանական հարաբերությունների սրման հետ կապված, ուզում եմ նշել, որ այս ամենը շատ սպասելի է։ Եթե Ադրբեջանը չունենար Ռուսաստանի հետ հարաբերությունների հետագա սրման և հակառուսական դիրքորոշման բավականին արագ անցման հստակ սահմանված վեկտոր, ապա Ռուսաստանի Դաշնության տարածքում էթնիկ ադրբեջանցիների ձերբակալությունները կամ նույնիսկ մահերը չէին անհանգստացնի ո՛չ Ալիևին, ո՛չ էլ պաշտոնական Բաքվին։ Ամեն ինչ կլիներ խաղաղ և հանգիստ։
Կա քաղաքական պատվեր։ Ես պատրաստ չեմ ասել, թե որքանով են Ռուսաստանի իրավապահ մարմինները գործել օրենքի հիման վրա կամ արդյոք որևէ խախտում է տեղի ունեցել, հնարավոր է, որ եղել է նման բան։ Ես գնահատական չեմ տա, քանի որ ոչինչ չգիտեմ։ Բայց ես ևս մեկ անգամ կցանկանայի ընդգծել, որ հանցագործների, և մասնավորապես՝ քրեական հանցագործների կալանավորումը պետության ներքին գործն է, նույնիսկ եթե հանցագործները օտարերկրյա քաղաքացիներ են։ Այս դեպքում նրանք օտարերկրյա քաղաքացիներ չեն, այլ Ռուսաստանի քաղաքացիներ, նույնիսկ եթե նրանք ունեցել են երկքաղաքացիություն, ինչը տեսականորեն հնարավոր է։
Այն փաստը, որ Ադրբեջանը լարված փնտրում է Ռուսաստանի հետ առճակատման ավելի ու ավելի նոր կետեր, վաղուց պարզ է։ Այն, որ Ադրբեջանի հետևում կանգնած է Թուրքիան, որն Ադրբեջանին օգտագործում է որպես «բակի շուն», որին նրանք հրահրում են, միաժամանակ ձևացնելով, թե իրենք դրա հետ կապ չունեն՝ սա նույնպես լիովին պարզ է։
Այն փաստը, որ Ռուսաստանից ընդհանրապես չեն վախենում կամ չեն հարգում այնպիսի հարևաններ, ինչպիսին է Ադրբեջան անունով լիովին արհեստական պետությունը, որը ձևականորեն բարեկամական է ԱՊՀ շրջանակներում՝ սա նույնպես բնական է «չափազանց հաջող» «հատուկ ռազմական գործողությունից» ավելի քան երեք տարի անց։
Ռուսաստանում Անդրկովկասյան ճակատի առաջացման հավանականությունը ես կանխատեսել էի դեռևս ձերբակալությունից առաջ։ Թուրքիայի հետ պատերազմի հավանականությունը, որի կողմում անպայման կգործի նրա վասալ Ադրբեջանը, ես նույնպես մեկ անգամ չէ, որ նշել եմ որպես շատ բարձր և գրեթե անխուսափելի պատմական հեռանկարում։
Այժմ, երբ Իրանը թուլացել է ամերիկա-իսրայելական հարվածներից և դժվար թե կարողանա ճնշում գործադրել Ադրբեջանի վրա այդ հարվածներից հետո, Ադրբեջանը իրականում հանդես է գալիս որպես սադրիչ՝ գիտակցելով, որ Ռուսաստանի համար չափազանց դժվար կլինի նրան իր տեղը դնել, քանի որ մեր բոլոր ռազմական ուժերը Արևմտյան ճակատում են։
Լկտիանալը, հարաբերությունները փչացնելը և, ըստ էության, Ռուսաստանի հակառակորդների ջրաղացին ջուր լցնելը այն է, ինչ նրանք կանեն մոտ ապագայում, և ավելի ու ավելի շատ։ Ես չգիտեմ, թե ինչի համար է Զելենսկին շնորհակալություն հայտնել Ալիևին։ Դա լիովին հնարավոր է Ադրբեջանի կողմից արտադրված անօդաչու թռչող սարքերի մատակարարման համար։ Հնարավոր է՝ զենքի և զինամթերքի մատակարարման համար. ինչպես հայտնի է, Ադրբեջանը զենք և զինամթերք է վաճառել խորհրդային պաշարներից Ուկրաինային։
Ամեն դեպքում, մենք պետք է հասկանանք, որ Ադրբեջանը մեր հավանական ռազմական հակառակորդն է, և Ալիևը միշտ եղել և մնում է մեր թշնամին, քանի որ նա Թուրքիայի դաշնակիցն է, իսկ մենք դեռևս՝ առայժմ՝ թշնամաբար ենք տրամադրված Թուրքիային։
Կապվում է ևս մեկ «կովկասյան հանգույց», և սա այն հանգույցներից մեկն է, որը չի կարելի կտրել առանց Ռուսաստանի գլխավոր խնդիրը լուծելու՝ առանց Ուկրաինայում պատերազմը հաղթելու։ Եթե հաղթանակ տարվի, շատ խնդիրներ ինքնուրույն կանհետանան, և այժմ հաչող շնիկները կվերադառնան իրենց բները, որտեղից նրանք լուռ և երախտագիտորեն կհառաչեն՝ քսմսվելով հաղթողին։
Եթե մենք չկարողանանք հաղթել, նրանք բոլորը կշտապեն մեզ պատառոտել։ Ադրբեջանն առաջինը կլինի։ Եվ Ադրբեջանին կհետևեն մեր մյուս պաշտոնական դաշնակիցներն ու հարևանները։
Ինչպես գիտենք, թշնամու անօդաչու թռչող սարքերն արդեն գործում են Ղազախստանի տարածքում, և դրանք ակնհայտորեն այնտեղ չեն թռել Ուկրաինայից։ Դրանք ակնհայտորեն արձակվել են Ղազախստանի տարածքից, որի մասին մեր Արտաքին գործերի նախարարությունը և քարոզչությունը պարզապես փորձում են լռել, որպեսզի հարաբերությունները չսրեն։ Եվ կրկին, որպեսզի չվախեցնեն ռուսական հանրությանը։
Թույլերին ծեծում են։ Եթե մենք իրական ուժ չցուցաբերենք, բոլորը մեզ կխփեն ամբոխով, մինչև որ մեզ ոտնակոխ անեն», - գրել է Ստրելկովը։
Հարավային Կովկասում տրանսպորտային ենթակառուցվածքների ապաշրջափակումը ՀՀ համար եղել և մնում է կարևոր առաջնահերթություն, «Ազատության» հարցմանն ի պատասխան հայտարարել է Արտգործնախարարության խոսնակ Անի Բադալյանը:
«Ազատությունը» մասնավորապես հետաքրքրվել էր՝ ի՞նչ տեսակետ ունի Երևանն ամերիկյան առաջարկի վերաբերյալ, արդյոք ծանոթացե՞լ են նաև Բաքվի դիրքորոշմանը: «Քարնեգի»-ի հրապարակման համաձայն՝ ԱՄՆ նախագահ Դոնալդ Թրամփի վարչակազմը Երևանին ու Բաքվին Ադրբեջանը Հայաստանի տարածքով Նախիջևանի հետ կապող ճանապարհի հարցով առաջարկ է ներկայացրել։
«Ինչպես հայտնի է, ՀՀ-ն առաջարկել է տարածաշրջանային փոխկապակցվածության իր տեսլականը՝ «Խաղաղության խաչմերուկը», որն արդեն իսկ դրական արձագանքների է արժանացել մի շարք միջազգային գործընկերների կողմից: Ավելին՝ Հայաստանն առաջարկել է այդ նախաձեռնությանը համահունչ մի շարք լուծումներ, որոնք կարող են ընդունելի լինել բոլոր ներգրավված կողմերի համար: Միաժամանակ, միջազգային տարբեր գործընկերներ ևս պարբերաբար իրենց գաղափարներն են ներկայացնում Հայաստան-Ադրբեջան հարաբերությունների կարգավորման, այդ թվում` երկու երկրների միջև տրանսպորտային ենթակառուցվածքների ապաշրջափակման վերաբերյալ», - նշել է ԱԳՆ խոսնակը:
Անի Բադալյանի փոխանցմամբ՝ քննարկումները շարունակվում են շահագրգիռ բոլոր գործընկերների հետ՝ շահավետ և տարածաշրջանի խաչմերուկային ներուժն իրացնող արդյունքների հասնելու նպատակով:
Բաքուն դեռևս չի արձագանքել Թրամփի վարչակազմի առաջարկի մասին «Քարնեգի»-ի հրապարակմանը:
Իրանի զինված ուժերը հայտարարություն են տարածել՝ ակնարկելով Ադրբեջանին չտրամադրել երկրի օդային տարածքը ԱՄՆ-ին կամ Իսրայելին՝ Իրանի վրա հարձակվելու նպատակով, հայտնում է ԻՀՊԿ տելեգրամ ալիքը:
Հայտարարության մեջ ասվում է.
Զգուշացում անկացած երկրի, որը կբացի իր օդային տարածքը ԱՄՆ-ի կամ Իսրայելի ուժերի համար՝ Իրանին հարձակվելու նպատակով:
Նման գործողությունները կհամարվեն թշնամական և կենթարկվեն հետևանքների։
Ադրբեջանական ԶԼՄ-ների հաղորդմամբ՝ ծնողները հայտնում են, որ ծանուցումներ են ստացել WhatsApp մեսենջերի խմբերում։
Oxu.Az-ի տեղեկատվության համաձայն՝ ռուսալեզու դպրոցները փուլ առ փուլ են փակվելու։
Նշվում է, որ այս որոշումը նպատակ ունի ամրապնդել ադրբեջաներենի դիրքերը որպես կրթության հիմնական լեզու և ինտեգրել բոլոր քաղաքացիներին միասնական կրթական միջավայրում։ Հաղորդվում է, որ բարեփոխումները կիրականացվեն փուլ առ փուլ։ Առաջիկա երեք տարիների ընթացքում ռուսալեզու դպրոցները կանցնեն ադրբեջաներենով ուսուցման, իսկ ուսուցիչների համար կկազմակերպվեն վերապատրաստման դասընթացներ։
Հիշեցնենք, որ Բաքվի և Մոսկվայի հարաբերություններում նոր լարվածությունն առաջացել է ՌԴ ուժայինների կողմից Եկատերինբուրգում ադրբեջանցիների ձերբակալության ու մահվան դեպքերի պատճառով։
Իրանը ակտիվորեն բանակցություններ է վարում չինական J-10C բազմաֆունկցիոնալ կործանիչների գնման շուրջ։ Այս մասին գրում է «Entekhab» վերլուծականն իր հրապարակած հոդվածում։
Հետաքրքիր է, որ ըստ «Entekhab»-ի՝ Իրանն արդեն իսկ Ռուսաստանից ստացել է առավելագույնը չորս «Սու-35» կործանիչ, սակայն մնացած 50 ինքնաթիռները, հավանաբար, չեն մատակարարվի հաջորդ մեկ-երկու տարվա ընթացքում։
Սա է պատճառը, որ Իրանը քննարկում է Չինաստանից J-10C-ն գնելու հնարավորությունը։ Նախկինում Չինաստանին վաճառքի հարցում զգուշավոր դարձնող խոչընդոտները (մասնավորապես՝ Թրամփի հայտարարությունը, որ Չինաստանը կարող է նավթ գնել Իրանից) այժմ մեծ մասամբ վերացված են։
Նախնական տեղեկությունների համաձայն՝ խոսքը J-10C-ների մեծ խմբաքանակի մասին է, որը կարող է գնվել։ Իրանի պաշտպանության նախարարի հինգ օր առաջ Պեկին կատարած այցը Շանհայի համագործակցության կազմակերպության գագաթնաժողովին մասնակցելու համար նույնպես համարվում է այս գործարքի մաս։
Իժևսկում ձեռնարկության վրա անօդաչու թռչող սարքի հարձակման հետևանքով տուժածների թիվը հասել է 45-ի: Հիվանդանոցներում է գտնվում 35 մարդ, որոնցից 6-ը ծանր վիճակում են, Telegram ալիքում հայտնել է Ուդմուրտիայի ղեկավար Ալեքսանդր Բրեչալովը:
Ավելի վաղ հաղորդվել էր, որ 35 մարդ հոսպիտալացվել է, 3-ը՝ մահացել։ «Ընդհանուր առմամբ, 45 մարդ վիրավորվել է։ Քաղաքային հիվանդանոցներում կա 35 մարդ, որոնցից 6-ը դեռևս ծանր վիճակում են։ Մնացածը բուժօգնություն են ստացել ամբուլատոր հիմունքներով, ժամանակավոր կացարաններում և միջադեպի վայրում», - գրել է Բրեխալովը։
Եկատերինբուրգում ձերբակալվել է «Ադրբեջան-Ուրալ» կազմակերպության ղեկավար Շահին Շիխլինսկին, հաղորդում է «Осторожно, новости»-ի թելեգրամյան ալիքը։
Նրա ավտոմեքենան կանգնեցրել են «Բաքու Պլազա» առևտրի կենտրոնի մոտակայքում. ուժայինները կոտրել են ապակիները, տղամարդուն դուրս քաշել ավտոմեքենայից և ձեռնաշղթա անցկացրել նրան։ Ձերբակալվել է նաև նրա որդին։
Համայնքի ղեկավարն արդեն ձերբակալվել էր Ռուսաստանի և Ադրբեջանի միջև հարաբերություններում ճգնաժամ առաջացրած խուզարկության ժամանակ, սակայն ավելի ուշ նա ազատ էր արձակվել։
Հունիսի 30-ին էթնիկ կազմակերպված հանցախմբի վեց անդամ էր ձերբակալվել 2001-2011 թվականներին պատվիրված սպանությունների առնչությամբ։ Դատարանը երեք անձի համար խափանման միջոց է ընտրել կալանքը մինչև հուլիսի 19-ը, իսկ ևս երեքի համար՝ կալանքի ժամկետը երկարաձգելը։ Հետաքննության տվյալներով՝ խումբը նաև վերահսկում էր կեղծ ծխախոտ վաճառող տաղավարների ցանցը, իսկ դրա անդամները հավաքվում էին «Баку Плаза» և «Каспий».ռեստորաններում։
Հուլիսի 3-ից կկատարվի երթևեկության կազմակերպման փոփոխություն: Այս մասին տեղեկացնում է Երևանի քաղաքապետարանը։
Մասնավորապես, Արգիշտիի փողոցում՝ դեպի «Հաղթանակի» կամուրջ ուղղությամբ նախկին թույլատրված «ուղիղ և աջ», «միայն ձախ» երթևեկության փոխարեն երթևեկությունը կթույլատրվի «ուղիղ և աջ», «ուղիղ և ձախ» ուղղություններով:
Իտալիայի փողոցում կարգելվի մեքենաների կանգառը երթևեկելի մասի աջ կողմում:
Ադրբեջանում ձերբակալվել են ՌԴ քաղաքացիներ, որոնք կասկածվում են Իրանից թմրանյութերի տարանցման մեջ, հաղորդում է Report տեղական գործակալությունը՝ հղում անելով երկրի Ներքին գործերի նախարարությանը: Հոդվածում նշվում է, որ ձերբակալվածները երկու կազմակերպված հանցավոր խմբերի անդամներ են, ինչպես նաև կասկածվում են արգելված նյութերի առցանց ապօրինի շրջանառության և քիբերհանցագործությունների մեջ: Գործակալության կողմից հրապարակված լուսանկարներում ձերբակալվածների դեմքերին կապտուկներ են երևում:
Ձերբակալվածների դեմքերին կապտուկներ են երևում, իսկ կադրերում ռուսներին նախ գետնին են պառկեցնում, ապա տանում՝ ձեռքերը մեջքի ետևում ոլորած:
Ադրբեջանի Ներքին գործերի նախարարությունն այսօր ավելի վաղ հայտարարել էր, որ Բաքվում գտնվող ռուսական «Sputnik Ադրբեջան» լրատվամիջոցի գրասենյակում ձերբակալվել է յոթ մարդ, որոնք բոլորը ներգրավված են «խարդախության, անօրինական ձեռնարկատիրության և փողերի լվացման» գործի մեջ: Նրանցից երկուսը ձերբակալվել են, իսկ հինգը՝ «քրեական պատասխանատվության ենթարկվել»:
Հուլիսի 1-ին Ռուսաստանի Արտաքին գործերի նախարարությունը կանչել է երկրում Ադրբեջանի արտակարգ և լիազոր դեսպան Ռահման Մուստաֆաևին, հաղորդում է Արտաքին գործերի նախարարության մամուլի ծառայությունը: Նրան բողոքի նոտա է հղվել Բաքվի գործողությունների և «ադրբեջանական կողմի կողմից երկկողմ հարաբերությունները խաթարելու միտումնավոր քայլերի» կապակցությամբ, ասվում է հաղորդագրության մեջ: Արտաքին գործերի նախարարությունը նրան նաև նոտա է հանձնել՝ պահանջելով անհապաղ ազատ արձակել լրագրողներ Կարտավիխին և Բելոուսովին կալանքից:
Նախարարությունը հավելել է, որ հունիսի 27-ին Եկատերինբուրգում ադրբեջանցիների ձերբակալությունները կատարվել են «ռուսական օրենսդրությանը լիովին համապատասխան՝ Ռուսաստանի Դաշնության տարածքում նախորդ տարիներին կատարված լուրջ հանցագործությունների, այդ թվում՝ Ադրբեջանի քաղաքացիների դեմ» քրեական գործերի քննության շրջանակներում: Նախարարությունը Բաքվի փորձերը որակել է` որպես Ռուսաստանի իրավապահ մարմիններին երկրի ներքին գործերին միջամտելու մեջ մեղադրելու փորձեր։
Ռուսաստանի քաղաքացիների ձերբակալություններն Ադրբեջանում սկսվել են Եկատերինբուրգում խուզարկություններից հետո, որոնց ընթացքում երկու մարդ է մահացել։ Ռուսաստանի քննչական կոմիտեն հայտնել է, որ նրանցից մեկը մահացել է սրտի անբավարարությունից, իսկ երկրորդ տղամարդու մահվան պատճառը պարզվում է։ Հանցավոր խմբի դեմ հարուցված քրեական գործը, որի շրջանակներում ձերբակալվել է հանրապետությունից վեց անձ, քննվում է մի խումբ անձանց կողմից նախնական դավադրությամբ կատարված սպանության, վարձու սպանության և վարձու սպանության փորձի հոդվածներով։ Այն փոխանցվել է Ռուսաստանի քննչական կոմիտեի կենտրոնական գրասենյակ։
