սրայելը պատրաստվում է Իրանի վրա հնարավոր նոր հարվածների, եթե Թեհրանը քայլեր ձեռնարկի իր միջուկային ծրագիրը վերակենդանացնելու համար։ Այս մասին հայտնում է Axios պարբերականը:

Պարբերականի աղբյուրները հայտնում են, որ Երուսաղեմը կարծում է, որ նախագահ Թրամփը կարող է հաստատել նման գործողությունը։

Իրանական միջուկային դոսյեն, ինչպես սպասվում է, կդառնա Թրամփի և Իսրայելի վարչապետ Բենիամին Նեթանյահուի միջև Սպիտակ տանը երկուշաբթի երեկոյան ընթրիքի հիմնական թեման։

Իսրայելցի պաշտոնյաները նշում են, որ Նեթանյահուն հույս ունի համաձայնության գալ Թրամփի հետ ԱՄՆ-Իրան ապագա բանակցությունների և այն հնարավոր պայմանների վերաբերյալ, որոնց դեպքում Իսրայելը կարդարացվի նոր հարվածներ հասցնելու համար։

Նեթանյահուի խորհրդական Ռոն Դերմերը փակ ճեպազրույցների ժամանակ ասել է, որ Վաշինգտոն կատարած իր վերջին այցը իր մոտ տպավորություն է թողել, որ Թրամփի վարչակազմը որոշակի պայմաններում պատրաստ է աջակցել Իրանի վրա նոր հարվածներին։

Հնարավոր սցենարներից են Իրանի փորձերը դուսր բերել իր բարձր հարստացված ուրանը Ֆորդոյի, Նաթանզի և Սպահանի օբյեկտներից, ինչպես նաև իր միջուկային ծրագիրը վերսկսելու ցանկացած քայլ։

Հայաստանը հայտնվել է ռուսական մակարոնեղենի առաջին 10 ներմուծողների ցանկում, հաղորդում է «Ագրոէքսպորտ»-ը։

2025 թվականի հունվարից ապրիլ ամիսներին Ռուսաստանում արտադրվել է ավելի քան 500 հազար տոննա մակարոնեղեն, ինչը մոտ 3%-ով ավելի է նախորդ տարվա նույն ժամանակահատվածի համեմատ։ Ռուսաստանը բավարարում է իր ներքին շուկայի կարիքները և ակտիվորեն զարգացնում է արտահանումը. արտասահմանյան առաքումները ֆիզիկական առումով աճել են 16%-ով, իսկ արժեքային առումով՝ մեկ երրորդով։

Նախնական գնահատականներով՝ մինչև 2030 թվականը Ռուսաստանից մակարոնեղենի մատակարարումների ծավալը կարող է գերազանցել 200 հազար տոննան։

Քաղաքագետ Գարիկ Քեռյանի ֆեյսբուքյան գրառումը. «Վերջին ամիսները նշանավորվեցին միջազգային հարաբերություններում եղած իրողությունների արմատական փոփոխություններով:

Մենք ականատեսը եղանք Իսրայելի և ԱՄՆ-ի կողմից Իրանի միջուկային կարողություններին հասցված հզոր հարվածին և կարճատև պատերազմին: Այնուհետև հերթական տեղապտույտը գրանցվեց Ուկրաինայում պատերազմի դադարեցման ամերիկյան ջանքերում:

Իրանի արտգործնախարարը պաշտոնական այցով եղավ Մոսկվայում, բայց ինչ արդյունքներով, մնաց չլուսաբանված: Էրդողանը նորից փայլեց իր դիվանագիտությամբ և մնաց իր բարձունքին: Նա շարունակում է մնալ ամենապահանջված պետական առաջնորդը բոլոր բևեռների համար:

Ստեփանակերտում նա իր դաշնակից Ալիևի հետ գումարեց իսլամա-թյուրքական տնտեսական համագործակցության կառույցի գագաթնաժողովը, որտեղ նորից հնչեցին Հայաստանի դեմ վերջնագրային բնույթի պահանջներ: Այս իրադարձությունները մեզ համար նշանավորվում են մի քանի նոր իրողություններով: Առաջինն Իրանի նախագահ Փեզեշքիանի մասնակցությունն էր Ստեփանակերտի ֆորումին և ողջագուրումը Ալիևի հետ: Դա այդքան էլ տարօրինակ չէր լինի, եթե Ադրբեջանը Իսրայելի ռազմավարական խորացված ռազմա-տնտեսական գործընկերը չլիներ:

Փաստորեն ստացվեց, որ տարածաշրջանում Իսլամական Հանրապետության թիվ մեկ թշնամի Իսրայելի հետ սերտ համագործակցող Ադրբեջանը Իրանի հետ նույնպես եղբայրության մեջ է: Ոմանք սա համարում են պարսկական հեռատեսության, ճկունության և թաքուն ծալքեր ունեցող դիվանագիտության դրսևորում, կամ խորամանկություն: Ամեն դեպքում ներկա իրավիճակը ՌԴ-Իրան-Ադրբեջան եռանկյունում մնում է չբացահայտված և ստվերային:

Երկրորդ անսպասելի իրողությունը ՌԴ-Ադրբեջան հարաբերությունների սրումն էր, այն դեպքում, որ 2016թ-ից հետո դրանք զարգացել են դրական միտումներով: Նորմալ բարոյական տրամաբանությունը ենթադրում էր, որ Ղարաբաղի կլանման 2020-23թթ. իրադարձություններում Մոսկվայի և Թեհրանի իներտ վերաբերմունքը պետք է որ Բաքվում երկարատև երախտագիտության և ջերմության մթնոլորտ ապահովեին Պուտինի հանդեպ:

Այն, որ թուրքական դաշինքը երբեք էլ չի կարող Ռուսաստանի բարեկամը և դաշնակիցը լինել բոլորս էլ շատ լավ գիտենք: Պատմությունն է ապացուցել հազար անգամ, չարժե նորից կրկնել հանրահայտ փաստերը: Կարևորը կանխատեսել ներկա զարգացումները: Կարծում եմ, որ ամենայն հավանականությամբ ռուսական հետախուզական հատուկ ծառայությունները բացահայտել են Զելենսկու վարչակարգին ցուցաբերված թուրք-ադրբեջանական աջակցության նոր փաստեր: Միայն դա կարող էր այդպիսի բացասական հակազդեցություն առաջ բերել: Ինչ որ չորս-հինգ տարի առաջ ռուսաստանաբնակ ադրբեջանցիների հանցագործությունների բացահայտումը հիմնարար բացատրություն չի և միջպետական հարաբերությունների սրման պատճառ չի կարող լինել:

Բաքու-Մոսկվա լարվածության շարունակման դեպքում Ադրբեջանը հակառուսական երկրորդ ճակատի բացման թիվ մեկ թեկնածուն է դառնում Արևմուտքի համար: Հատկապես, որ Վրաստանը չարդարացրեց իր հետ կապված նման հույսերը: Արևմուտքն ինչպե՞ս պետք է հավասարակշռի հայ-ադրբեջանական և հայ-թուրքական հարաբերությունները և՛ Երևանի, և՛ Բաքվի վրա իր ազդեցությունը ուժեղացնելու և Հարավային Կովկասից ռուսներին դուրս մղելու համար: աԻնտրիգային հարցադրումը մեզ համար սա է մնում: Գուցե և իր մոդերատորությամբ արագացնի խաղաղության պայմանագրի կնքումը և Թուրքիայի հետ ապահովի սահմանի բացումը Զանգեզուրի միջանցքի դիմաց:

Այս սցենարի դեպքում, իսկապես, կարող է ռուսական ազդեցության հետ կապված երեսնամյա պայքարը ավարտվել: Ի դեպ մոսկովյան կենտրոններում նոր են խորությամբ ըմբռնում ղարաբաղյան «աղյուսի» կոնցեպտը: Այդ մեկ աղյուսը փլուզեց ողջ տարածաշրջանի կայունության ճարտարապետությունը, պարզվեց, որ այդ մեկ աղյուսի վրա էր հիմնված շինությունը: Դե ինչ արած, հետո պատմաբանները կգրեն կրեմլյան դիվանագիտության ճակատագրական սխալի մասին: Իսկ հայաստանյան փորձանքագիտական ռահվիրաների ուշադրությունը հրավիրում եմ Ադրբեջանի արևմտյան դրեյֆի վրա, գնահատեք և «լուսաբանեք»»: 

Գարիկ Քեռյան

Բաքվի դատարանը մերժել է հուլիսի 1-ին ձերբակալված «Սպուտնիկ Ադրբեջան»-ի խմբագրական խորհրդի ղեկավար Իգոր Կարտավիխի և գլխավոր խմբագիր Եվգենի Բելոուսովի փաստաբանների բողոքները՝ նրանց խափանման միջոցները փոխելու վերաբերյալ: Այս մասին ՌԻԱ Նովոստիին հայտնել են «Սպուտնիկ»-ի խմբագրական խորհրդից։

«Այսօր Բաքվի դատարանը քննարկել է մեր գործընկերներ Իգոր Կարտավիխի և Եվգենի Բելոուսովի փաստաբանների բողոքները՝ նրանց խափանման միջոցները փոխելու վերաբերյալ։ Ցավոք, փաստաբանների բողոքները մերժվել են։ Եվ առաջին ատյանի դատարանի որոշումը՝ կալանքի տեսքով խափանման միջոց ընտրելու մասին, մնացել է ուժի մեջ։ Մեր ընկերները մնում են կալանքի տակ», - ասվում է հաղորդագրության մեջ։

«Գործարքի վերաբերյալ ուղիղ և ոչ ուղիղ շփումները պահպանվում են»,- ասել է Լևիտը ճեպազրույցի ժամանակ:

Նա ընդգծել է, որ ԱՄՆ-ն շարունակում է գործարքի հույս ունենալ։

Հիշեցնենք` հունիսի 13-ին Իսրայելը լայնածավալ գործողություն սկսեց Իրանի դեմ՝ Թեհրանին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալի կետի: Օդային ռմբակոծությունների և դիվերսիոն խմբերի թիրախներ դարձան միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:

Իրանը, որը հերքում է իր միջուկային ծրագրի ռազմական բաղադրիչը, պատասխանում էր հրթիռային համազարկերով և հարվածային անօդաչու թռչող սարքերի արձակմամբ:

Հունիսի 22-ի լույս գիշերը ԱՄՆ հարվածեց Նաթանզում, Ֆորդոյում և Սպահանում գտնվող երեք միջուկային օբյեկտներին։ Գրոհը, ըստ Վաշինգտոնի, նախատեսված էր Իրանի միջուկային ծրագիրը ոչնչացնելու կամ լրջորեն թուլացնելու համար։

ԱՄՆ նախագահ Դոնալդ Թրամփը հայտարարեց՝ Թեհրանը պետք է համաձայնի ավարտել այս պատերազմը, հակառակ դեպքում կբախվի շատ ավելի լուրջ հետևանքների։

Ռուսաստանի և նրա նախկին մտերիմ դաշնակից Ադրբեջանի միջև հարաբերությունները կտրուկ վատթարացել են, քանի որ Ադրբեջանը դեմ է Ռուսաստանի գերիշխանությանը Կովկասյան տարածաշրջանում և ձգտում է ավելի սերտ կապերի Թուրքիայի և Իսրայելի հետ։ Դրա մասին գրում է ամերիկյան The Washington Post պարբերականը։ 

Ռուսաստանի և Ադրբեջանի՝ նավթով հարուստ նախկին խորհրդային հանրապետության միջև հարաբերությունները կտրուկ վատթարացել են միմյանց քաղաքացիների մի շարք ձերբակալություններից հետո, որոնք կարող են խոշոր փոփոխություններ նախանշել այն տարածաշրջանում, որը Մոսկվան մի ժամանակ իր հետնաբակն էր համարում։ 

Երկու երկրները վաղուց վայելում են սերտ գործընկերություն Կասպից ծովի ափին գտնվող քաղաքականապես զգայուն Հարավային Կովկասի տարածաշրջանում, սակայն մինչ Ռուսաստանը շեղվել է Ուկրաինայի պատերազմով, Ադրբեջանն ավելի համարձակ է դարձել Մոսկվայի գերիշխանությանը մարտահրավեր նետելու հարցում։ Նա միաժամանակ ձգտում է ավելի սերտ դաշինքների Թուրքիայի և Իսրայելի հետ։ 

Հարաբերությունները սկսել են վատթարանալ դեկտեմբերին՝ ադրբեջանական ինքնաթիռի կործանումից հետո։ «Ադրբեջանական ավիաուղիներ» ավիաընկերության ինքնաթիռը, որի մեջ 67 մարդ կար, Բաքվից մեկնում էր Գրոզնի։ Ղազախստանում ուղղությունը փոխելուց հետո ինքնաթիռը կործանվեց, որի հետևանքով զոհվեց 38 մարդ։ 

Չնայած Ռուսաստանի սկզբնական հերքումներին, տեղեկություններ են հայտնվել, որ ինքնաթիռը խփվել է ռուսական «երկիր-օդ» դասի հրթիռով։

Ադրբեջանի նախագահ Իլհամ Ալիևը պահանջել է, որ Ռուսաստանը ճանաչի իր պատասխանատվությունը և փոխհատուցում վճարի պետությանը և զոհվածների ընտանիքներին։ Ռուսաստանի առաջնորդ Վլադիմիր Պուտինը ներողություն է խնդրել Ռուսաստանի օդային տարածքում տեղի ունեցած «ողբերգական միջադեպի» համար, սակայն ո՛չ նա, ո՛չ էլ իր կառավարությունը պատասխանատվություն չեն կրել ինքնաթիռի խոցման համար, ինչն էլ ավելի է զայրացրել Բաքվին։ 

Աղետից մի քանի ամիս առաջ հարաբերությունները, կարծես, լավ էին. Պուտինը գրկախառնություններ էր փոխանակում Ալիևի հետ Ադրբեջան կատարած պետական ​​այցի ժամանակ, ապա նստում էր ոչ պաշտոնական ընթրիքի։

Այս տարի Ալիևն անտեսեց Պուտինին՝ բաց թողնելով մայիսին Ռուսաստանի Հաղթանակի օրվա զորահանդեսը, որը սովորաբար նախկին խորհրդային հանրապետությունների առաջնորդներին է բերում Մոսկվա՝ Երկրորդ համաշխարհային պատերազմի ավարտը նշելու համար։ Նույն ամսվա վերջին Ուկրաինայի արտգործնախարար Անդրեյ Սիբիգան այցելեց Ադրբեջան՝ ազդարարելով Բաքվի և Կիևի միջև ավելի սերտ կապերի մասին։ 

Մոսկվայի ազդեցությունը թուլանում է այն տարածաշրջանում, որտեղ Ռուսաստանը մի ժամանակ անվիճելի գերիշխող դիրք էր զբաղեցնում։

«Ակնհայտ է, որ [Հայաստանի նկատմամբ] հաղթանակից առաջ և առանց [Թուրքիայի նախագահ Ռեջեփ Թայիփ] Էրդողանին թիկունքում պահելու, Ալիևը չէր համարձակվի նման բան անել։ Սակայն դա, կարծես, էական ապտակ է «ռուսական աշխարհին», - կարծում է ռուսաստանցի քաղաքագետ Վլադիմիր Պաստուխովը։ 

Նա հավելել է, որ Ուկրաինայում պատերազմը Ռուսաստանին ստիպել է «իր արևելյան և հարավային թիկունքները ենթարկել ցավոտ ապտակների, որոնք ապագայում ավելի հաճախակի կդառնան», գրում է The Washington Post-ը։

Իրանի նախագահ Մասուդ Փեզշքիանը ամերիկացի հաղորդավար Թաքեր Կարլսոնի հետ հարցազրույցում ընդգծել է, որ Իրանը երբեք պատերազմ չի սկսել և միջուկային զենք ձեռք բերելու ծրագրեր չունի։

«Մենք չենք սկսել պատերազմը և չենք ուզում, որ այն շարունակվի։ Պաշտոնը ստանձնելու օրվանից իմ կարգախոսն է եղել ստեղծել ներքին միասնություն և խաղաղություն հաստատել մեր հարևանների և աշխարհի հետ»,-նշել է նա։

Անդրադառնալով Իսրայելի վարչապետի կողմից Իրանի դեմ քարոզչությանը՝ Փեզեշքիանն ասել է. «1992 թվականից ի վեր Նեթանյահուն փորձել է ձևացնել, որ Իրանը ձգտում է միջուկային զենք ստեղծել, և ԱՄՆ-ի նախագահները նույնպես երկրորդել են այս մտածելակերպը։ Մինչդեռ Իսլամական Հանրապետությունը ոչ միայն չի ձգտել այդ զենքին, այլև դրանց կառուցումն արգելված է համարում Գերագույն առաջնորդի կողմից հրապարակված ֆեթվայով։ Այս դիրքորոշումը միշտ ստուգվել է նաև Ատոմային էներգիայի միջազգային գործակալության կողմից»։

 Կարլսոնի հետ հարցազրույցի մեկ այլ հատվածում Փեզեշքիանը քննադատել է Միացյալ Նահանգների վարքագիծը միջուկային բանակցությունների գործընթացում՝ ասելով. «Մենք բանակցությունների սեղանի շուրջ էինք և խոսում էինք խաղաղության մասին։ Մեզ նույնիսկ ասացին, որ Իսրայելը չի ​​հարձակվի առանց համակարգման։ Սակայն վեցերորդ հանդիպման նախօրեին տեղի ունեցած հարձակմամբ, ԱՄՆ-ն գործնականում ռումբ նետեց բանակցությունների սեղանի վրա և ոչնչացրեց դիվանագիտությունը»։

Իրանի նախագահը շեշտել է, որ իր երկիրը միշտ պատրաստ է վերադառնալ բանակցությունների սեղանի շուրջ և համագործակցել միջուկային գործունեության փաստերի ստուգման համար։

Սովի զգացում 

Պարզունակ է հնչում, բայց սովի զգացումը կարող է խոսել այն մասին, որ դուք հղի եք: Իհարկե չի կարելի մեծ ախորժակը բացատրել հղիությամբ (գուցե դա ներշնչանք է, կամ ձեր օրգանիզմը որոշակի նյութերի կարիք ունի), բայց եթե մեր ցուցակի մյուս նախանշանների հետ միասին սովի զգացում էլ ունեք, ապա ստուգեք ձեր դաշտանի օրերը:

Պտուկների պիգմենտացիա 

Եթե պտուկի շուրջ պիգմենտավորված մաշկի գույնը սկսում է մգանալ, ապա դա կարող է խոսել հղիության մասին: Թեև այս նախանշանները հանդիպում են հորմոնալ այլ փոփոխությունների դեպքում կամ էլ կարող են մնալ նախորդ հղիությունից հետո:

Արտադրություն կամ ցավեր պտղի կցման ժամանակ 

Օվուլյացիայից գրեթե ութ օր հետո ձեզ մոտ կարող է լինել արյունային արտադրություն հեշտոցից, այն կարող է լինել վարդագույն կամ շագանակագույն և ուղեկցվել աննշան դեպի ներքև ձգող ցավերով: Դա բացատրվում է արգանդի պատին պտղի կցումով: Նման արտադրություն կարող եք նկատել նաև նախադաշտանային օրերին:

Հաճախացած միզարձակում 

Հենց պտուղը կպնում է արգանդին և սկսում է հատուկ հորմոր արտադրել, դուք կարող եք նկատել, որ ավելի հաճախ եք ցանկանում միզել:

Հոգնածություն

Դուք ձեզ հոգնա՞ծ եք զգում: Ավելի ճիշտ՝ սպառվա՞ծ: Պրոգեստերոնի մեծ քանակությունը կարող է ստիպել կնոջն իրեն սարսափելի հոգնած զգալ, թեև առանձնապես գործ չի արել: Նման հոգնածությունը հետապնդում է կանանց հատկապես հղիության նախնական շրջանում:

Կրծքի զգայունություն և ցավ

Երբ կինը հղի է, կուրծքը զգայուն է դառնում դիպումներին, ինչպես դաշտանի նախօրեին: Երբ օրգանիզմը հարմարվի հորմոնային նոր ֆոնին, ցավոտ զգացողությունները կմարեն:

Համային զգացողությունների փոփոխություն

Գուցե սկսեք այլ կերպ ընկալել ուտելիքի համը: Որոշ կանայք, օրինակ, սկսում են մեծ հակում ունենալ որոշակի ուտելիքների հանդեպ կամ սկսում են պարզապես զզվել որոշ ուտելիքներից:

Առավոտյան սրտխառնոց

Եթե ձեր բախտը բերի, առավոտյան սրտխառնոցը ձեզ կանհանգստացնի բեղմնավորումից մի քանի շաբաթ հետո: Իսկ եթե շատ բերի, ապա ընդհանրապես չեք զգա սրտխառնոց: Հղիության հետ կապված սրտխառնոցը կարող է առաջանալ ոչ միայն առավոտյան, այլև օրվա ցանկացած ժամի:

Դաշտանի ուշացում

Եթե դուք կայուն ցիկլ ունեք, և դաշտանը դեռ չի սկսել, ապա պետք է հղիության թեստ անել, քանի որ դաշտանի ուշացումը մեծամասամբ խոսում է հղիության մասին:

Եվ վերջապես...

Հղիության դրական թեստ

Եթե դաշտանի ուշացման առաջին օրը կամ հետագա օրերին թեստ եք արել, և այն երկու գծիկ է ցույց տվել, ապա գրեթե 100%-ոց վստահությամբ կարող ենք ասել, որ ձեր ընտանիքում ավելացում է սպասվում: Շնորհավորում ենք :)

Թեև iPhone 16-ը թողարկվել է վերջերս, համացանցում արդեն ի հայտ են գալիս iPhone 17-ի մասին մանրամասներ։ Հատկապես ուշադրություն է դարձվում այն հանգամանքի վրա, որ iPhone 17 Air-ը չափազանց բարակ կլինի։ Ըստ վերլուծաբան Ռոս Յանգի՝ այն կունենա արմատապես բարակ դիզայն, տեսախցիկի նորացված համակարգ և ուլտրա-պրեմիում գինը, տեղեկացնում է 9to5Mac-ը։

Այնուամենայնիվ, 2025 թվականը խոստանում է կարևոր տարի լինել iPhone 17-ի այլ մոդելների համար ևս։ Ռոս Յանգը նշել է, որ թե՛ Pro, թե՛ բազային մոդելները զգալիորեն կբարելավվեն։ Մասնավորապես, բազային մակարդակի iPhone 17-ը և iPhone 17 Air-ը կունենան LTPO էկրան՝ 120 Հց թարմացման արագությամբ: Իր հերթին iPhone 17 Pro-ն և Pro Max-ը կստանան երկար սպասված Face ID ենթաէկրանի մոդուլը։

Յանգի խոսքով՝ Apple-ը նախատեսում է էկրանի տակ տեղափոխել iPhone-ի TrueDepth տեսախցիկը և Face ID-ի տարբեր սենսորներ, ինչը հնարավորություն կտա ազատվել էկրանի՝ հաբի տեսքով ներկայիս կտրվածքից և այն կփոխարինվի շրջանաձև փոքր անցքով։ Սա կարող է նաև հանգեցնել նոր 17 Pro մոդելներում Dynamic Island գործառույթի վերամշակման կամ փոփոխության:

iPhone 16 Pro-ն ներկայացվել է 2024-ի սեպտեմբերի 9-ին Apple Watch Series 10-ի և AirPods 4-ի հետ միասին: