Երեկ երեկոյան հայտնի դարձավ, որ հայ-ադրբեջանական համատեղ համաձայնության արդյունքում Ադրբեջանն ազատ է արձակում 32 հայ զինծառայողների, իսկ Հայաստանի Հանրապետությունն իր հերթին ազատ է արձակում 2 ադրբեջանցի զինծառայողների: Համատեղ հայտարարությունը համաձայնեցվել է կողմերի միջև ինքնուրո՞ւյն, թե՞, այնուամենայնիվ, ինչ-որ պետություն ներգրավված է եղել:
Թեմային «Հորիզոնի» տաղավարում անդրադարձել է Արտյոմ Երկանյանը:
«Այդ հայտարարության տարածումը վկայում է այն մասին, որ խաղաղ համաձայնագրի տեքստի մշակումը մոտենում է ավարտին և կարևոր է հասկանալ, թե այդ ավարտական փուլը որ երկրի միջնորդությամբ կամ նախաձեռնությամբ ու աջակցությամբ է տեղի ունենալու:
Մի քանի հանգամանք թույլ է տալիս նկատել, որ ամերիկացիներն այս գործընթացում շատ ավելի ակտիվ են, քան մյուս պոտենցյալ միջնորդները: Մասնավորապես հաշվի առնենք այն, որ այդ համատեղ հայտարարությունը տարածվեց անմիջապես այն բանից հետո, երբ ԱՄՆ պետքարտուղարի օգնական Ջեյմս Օ՛Բրայենը ժամանեց Բաքու և Իլհամ Ալիևի հետ բանակցություններ ունեցավ»,-ասել է Արտյոմ Երկանյանը:
ԱՄՆ-ը կրկին վերցրե՞լ է նախաձեռնությունն իր ձեռքը: Արդյո՞ք Բաքուն պատրաստ է մոսկովյան հարթակում բանակցությունները շարունակելուն:
Մանրամասները՝ ամբողջական հարցազրույցում:
0Comments