Ստամբուլում 3,5 մագնիտուդով երկրաշարժ է տեղի ունեցել. այս մասին հայտնում է Թուրքիայի աղետների և արտակարգ իրավիճակների կառավարման վարչությունը։

Ցնցումները գրանցվել են Բյույուքչեքմեջեի շրջանում։ Երկրաշարժի էպիկենտրոնը գտնվել է 9 կիլոմետր խորության վրա։

Զոհերի կամ ավերածությունների մասին տեղեկություններ չկան։

SHAMSHYAN.com-ի տեղեկություններով՝ ապրիլի 17-ին արտակարգ դեպք է տեղի ունեցել Երևանում։ ՀՀ ներքին գործերի նախարարության ոստիկանության քրեական ոստիկանության գլխավոր վարչության Երևան քաղաքի վարչությունում օպերատիվ տեղեկություններ են ստացվել, որ նույն օրը՝ ժամը 19։00-ի սահմաններում, Մոնթե Մելքոնյան փողոցի 52 շենքի հարակից հատվածում մի խումբ անձինք լեզվակռիվ են տվել միմյանց հետ, ինչը վերածվել է վիճաբանության, որը դրսևորվել է իրավական և բարոյական նորմերի նկատմամբ բացահատ արհամարական վերաբերմունքով, ապա հայհոյանքներով և անպարկեշտ արտահայտություններով համակեցության կանոնների ցուցադրաբար անտեսմամբ ծեծի են ենթարկել միմյանց, որի ժամանակ հնչել է 2 կրակոց:

Ինչպես հայտնում է ֆոտոլրագրող Գագիկ Շամշյանը, ստացված տեղեկություններն իրացնելիս՝ օպերատիվ խումբը մեկնել է դեպքի վայր, որտեղ պարզվել է, որ Երևանի բնակիչ 46-ամյա Ռուբեն Հ․-ն Մոնթե Մելքոնյան փողոցի 50/1 հասցեում գործող «Ինովա» համատիրության տեսագրությունները ջնջել են նշված հասցեի անվտանգության աշխատակիցներ, Երևանի բնակիչներ 41-ամյա Էրիկ Ղ․-ի և 33-ամյա Էդգար Մ․-ի հետ նշված հասցեից տեղափոխվել են ոստիկանության Երևան քաղաքի քրեական վարչություն։

Գ․ Շամշյանի տեղեկություններով՝ դեպքի վայրում հայտնաբերվել է արնանման հետքեր և ոստիկանների կողմից ձեռնարկվում են միջոցառումներ՝ դեպքի հանգամանքները, հանցագործություն կատարած անձանց հայտնաբերելու և նախաքննությանը ներկայացնելու ուղղությամբ:

Դեպքի փաստով ոստիկանությունում կազմվել են փաստաթղթեր, որոնք փոխանցվել են ՀՀ քննչական կոմիտեի Երևան քաղաքի քննչական վարչության Մալաթիայի քննչական բաժին։

Գիշերվա ընթացքում ՌԴ հերթապահ հակաօդային պաշտպանության համակարգերը ռուսական շրջանների վրա որսացել և ոչնչացրել են ուկրաինական ավիացիոն տիպի 115 անօդաչու թռչող սարք։ Այս մասին հայտնում է ՌԴ ՊՆ Telegram ալիքը։

Գերատեսչության տվյալներով՝ Ուկրաինայի զինված ուժերը օդից հարձակվել են Ռուսաստանի վրա ապրիլի 27-ին՝ Մոսկվայի ժամանակով՝ 20:50-ից մինչև ապրիլի 28-ի՝ ժամը 04:35-ը:

Անօդաչու թռչող սարքերի մեծ մասը ոչնչացվել է Բրյանսկի շրջանում՝ 102: Եվս 9 անօդաչու թռչող սարք է վնասազերծվել Ղրիմի տարածքում, ևս 2-ը ոչնչացվել է Ղրիմի տարածքում, ևս 2-ը՝ Բելգորի շրջանում: 

Իրանի խորհրդարանի անդամ Մոհամմադ Սերաջը, հղում անելով «ապացույցներին», պնդում է, որ Իսրայելը ներգրավված է Բանդար Աբբասի պայթյունի կազմակերպման հարցում:

Նրա խոսքով՝ «սա պատահականություն չէր, հստակ ապացույցները հաստատում են Իսրայելի ներգրավվածությունը»։ «Պայթուցիկ նյութերը տեղադրվել են տարաների մեջ կամ դրանց ծագման երկրում, կամ տեղափոխման ընթացքում։ Մենք չենք բացառում ներքին աղբյուրների ներգրավվածությունը տարաների մեջ պայթուցիկ նյութեր տեղադրելու գործում։ Պայթյունը տեղի է ունեցել չորս տարբեր վայրերում»,- հավելել է պատգամավորը։

Պայթյունի հետևանքով զոհերի թիվը հասել է 40-ի, վիրավորվել է 1241 մարդ։

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 386.14 դրամ, վաճառքի նվազագույն արժեքը՝ 391.97 դրամ:

Եվրոյի առքի առավելագույն արժեքն է 434.02 դրամ, վաճառքի նվազագույն արժեքը՝ 448 դրամ: 

Ռուսական ռուբլու առքի առավելագույն արժեքն է 4.56 դրամ, վաճառքի նվազագույն արժեքը՝ 4.87 դրամ:

Երևան քաղաքում`
Մայիսի 1-ին սպասվում է առանց տեղումների եղանակ։ Ապրիլի 28-30-ին, մայիսի 2-ին սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում 15-18 մ/վ արագությամբ:

Հանրապետության տարածքում`

Ապրիլի 28-30-ին, մայիսի 1-2-ին առանձին շրջաններում սպասվում է կարճատև անձրև և ամպրոպ։

Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։

Օդի ջերմաստիճանն ապրիլի 28-29-ին աստիճանաբար կնվազի 3-6 աստիճանով, ապրիլի 30-ին, մայիսի 1-2-ին աստիճանաբար նույնքան կբարձրանա։

Եղանակը մարզերում

Կանադայի Վանկուվեր քաղաքում մեքենայով մարդկանց բազմության մեջ մեքենայի մխրճվելու հետևանքով զոհերի թիվը հասել է 11-ի։ Իրավապահները միջադեպը չեն որակում որպես ահաբեկչություն։ Այս մասին հաղորդում է Reuters գործակալությունը։

Ապրիլի 27-ին տեղի ունեցած մամուլի ասուլիսի ժամանակ ոստիկանապետի պաշտոնակատար Սթիվ Ռաին հայտնել է, որ տասնյակ մարդիկ վիրավորվել են, նրանցից մի քանիսի վիճակը ծանր է։ Զոհերի թիվն, ըստ նրա, առաջիկա օրերին և շաբաթներին կարող է աճել։

Կանադան բազմաթիվ ցավակցական հաղորդագրություններ է ստացել աշխարհի տարբեր երկրների և կառույցների ղեկավարներից, որոնց թվում են Ֆիլիպինների նախագահ Բոնգբոնգ Մարկոսը, Մեծ Բրիտանիայի թագավոր Չարլզ 3-րդը, Ֆրանսիայի նախագահ Էմանուել Մակրոնը, Եվրահանձնաժողովի նախագահ Ուրսուլա ֆոն դեր Լայենը, ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը և այլք։

Հայաստանի արտաքին գործերի նախարարությունը նույնպես իր ցավակցությունն է հայտնել զոհերի հարազատներին, իսկ վիրավորներին մաղթել շուտափույթ ապաքինում։

Ողբերգությունը տեղի է ունեցել Կանադայում մարտի 28-ին նախատեսված դաշնային ընտրություններից երկու օր առաջ։

Հայաստան-Ադրբեջան հարաբերությունների կարգավորմանը և այսպես կոչված՝ «Զանգեզուրի միջանցքի» թեմային վերաբերող հատվածը ներկայացրել է իրանագետ Արտյոմ Տոնոյանը։ 

Անդրադառնալով այսպես կոչված «Զանգեզուրի միջանցքի» խնդրին, Իրանի նախագահը կրկին շեշտել է՝ պետք է հարգել միմյանց տարածքային ամբողջականությունը և աչք չունենալ միմյանց տարածքների վրա։

Հավելել է՝ Ադրբեջանի և Հայաստանի միջև սահմանային և տարածքային խնդիրները կարող են վերանալ միայն այն ժամանակ, երբ երկու երկրների քաղաքական և առևտրային հարաբերությունները կարգավորվեն՝ հաշվի առնելով երկու կողմերի իրավունքները։

«Այս խնդրի լուծմանն օժանդակելու համար մենք այժմ աշխատում ենք պատրաստել Իրանի ճանապարհը, որպեսզի Ադրբեջանի մեր սիրելի եղբայրներն ու քույրերը կարողանան Իրանի տարածքով հասնել Նախիջևան։ Այդ ուղղությամբ ճանապարհաշինական և երկաթուղային աշխատանքները ընթանում են արագ տեմպերով»,-ասել է Մասուդ Փեզեշքիանը։

Հիշեցնենք` Ադրբեջանի նախագահ Իլհամ Ալիևը հայտարարել էր, որ Բաքուն Հայաստանի նկատմամբ տարածքային պահանջներ չունի, սակայն Հայաստանը պետք է կատարի իր պարտավորությունները՝ Նախիջևանից Ադրբեջան անարգել երթևեկություն տրամադրելով:

Փաշինյանն էլ հայտարարել է, որ Հայաստանը դեմ չէ Նախիջևանի և Ադրբեջանի արևմտյան հատվածի միջև անարգել երկաթուղային հաղորդակցությանը, բայց Հայաստանի իրավասության շրջանակներում:

ԱՄՆ նախագահ Դոնալդ Թրամփն ասել է, որ իր կարծիքով՝ Ուկրաինայի նախագահ Վոլոդիմիր Զելենսկին պատրաստ է Ղրիմը տեսնել Ռուսաստանի կազմում՝ որպես խաղաղության համաձայնագրի մի մաս՝ չնայած Կիևը նախկինում մերժել է նման առաջարկը։ Այս մասին հաղորդում է BBC-ն։

Երբ Թրամփն հարցրել են՝ արդյոք Ուկրաինայի նախագահը պատրաստ է հրաժարվել թերակղզուց, որը 2014 թվականից գտնվում է Ռուսաստանի տիրապետության տակ, Թրամփը պատասխանել է. «Կարծում եմ՝ այո»։

Միևնույն ժամանակ ԱՄՆ նախագահն իր ռուս պաշտոնակից Վլադիմիր Պուտինին կոչ է արել «դադարեցնել կրակել, նստել և համաձայնագիր ստորագրել»։ Ըստ Թրամփի՝ դրան կարելի է հասնել երկու շաբաթվա ընթացքում։

ԱՄՆ նախագահն այս մեկնաբանություններն արել է Վատիկանից՝ Հռոմի Ֆրանցիսկոս պապի հուղարկավորությունից վերադառնալիս, որտեղ կարճ հանդիպում էր անցկացրել Վոլոդիմիր Զելենսկիի հետ։

Թրամփի խոսքով՝ հանդիպումը «լավ է անցել», և Ղրիմը քննարկվել է «շատ կարճ»։

Ըստ ԱՄՆ նախագահի՝ Զելենսկին «ավելի հանգիստ էր». ամենայն հավանականությամբ, նա նկատի է ունեցել փետրվարին Սպիտակ տանն իրենց միջև տեղի ունեցած թեժ վիճաբանությունը։

Օրերս Թրամփը հայտարարել է, որ ՌԴ-ի և Ուկրաինայի միջև համաձայնագրի հիմնական կետերը համաձայնեցվել են։ Ապրիլի 25-ին Reuters գործակալությունը, վկայակոչելով Կիևին ներկայացված ամերիկյան առաջարկի տեքստը, հայտնել էր, որ այն ներառում է ԱՄՆ-ի կողմից Ղրիմի դե յուրե ճանաչումը որպես ՌԴ-ի մաս, ինչպես նաև Մոսկվայի վերահսկողության տակ անցած ուկրաինական տարածքների դե ֆակտո ճանաչում. սրանց մեջ են մտնում Լուգանսկը, Զապորոժիեի, Դոնեցկի և Խերսոնի՝ ՌԴ-ի կողմից վերահսկվող հատվածները։ Բացի այդ, Ուկրաինա է վերադարձվում Խարկովի մարզը, իսկ Զապորոժիեի ատոմակայանը վերադառնում է Ուկրաինայի վերահսկողության տակ, սակայն այն կառավարում է ԱՄՆ-ն, իսկ էլեկտրականությունը բաշխվում է ինչպես Ուկրաինային, այնպես էլ ՌԴ-ին։ ԱՄՆ-ի պլանով բացառվում է նաև Ուկրաինայի անդամակցությունը ՆԱՏՕ-ին։

Reuters-ը հայտնել է, որ Եվրոպան և Ուկրաինան հակաառաջարկներ են ներկայացրել։